المساعد الشخصي الرقمي

مشاهدة النسخة كاملة : مش كل من بصت ليك معجبه بيك !!!



Aly motlak
04-23-2009, 11:05 PM
السلام عليكم

ازيكم يا فمساوين
ده اول موضوع ليا فى القسم
هو موضوع يعنى سمعت عنة كتير وشاغلنى شوية
وكنت عايز اعرف رايكم
من عنوان الموضوع انة متعلق بالنظرات المتبادلة بين الولد و البنت
يعنى هنقول لو ابتدى من عند الولد
اعجب بوحده
ابتدى يبصلها كتير و يهتم بيها
وحس إن كمان البنت معجبه بيه
وده من النظرات الكتيره من ناحيتها
وده يزود الموضوع فى دماغ الولد أكثر!!!
لغاية هنا مفيش مشكلة
كده الموضوع اصبح فى ايد البنت
هى اللي ممكن تطور الموضوع او لأ..
يعنى لو بعد كده النظرات دامت لشهر او اكثر
ده معناه ايه :thnk:

كده هى معجبه ولا فرحانة إن في واحد معجب بيها
طيب
لو هى مش معجبه بيه ممكن بكل سهولةتنهي الموضوع
بإنها متديلوش وش ولا تبصله.
لكن لو كملت و هو راح يتكلم معاها ويقول كل اللى عنده
لانه ملاحظ إستجابة منها ووضع إحتمال إنه لو راح ؟
1-ممكن توافق
2-ممكن يعني تقول طب نعرف بعض اكتر
3-ممكن تقول اى حجة تخلع بيها زى.....
1-احنا لسة بدرى اما نتخرج
2-انا مبفكرش فى الحجات دية
دة الى انا توقعتة
انتم اية توقعاتكم
ولو الرد بالرفض لازم تقوله من الاول ولا إيه!!!!!
طب كان اية لازمتها النظرات من الاول!!!!!
معلش طولت عليكم

بس عايز رأيكم وردودكم



شكرا

الدكتوره نغم
04-23-2009, 11:58 PM
اولا شكرا aly على الموضوع
ثانيا
هو ممكن البنت تكون اوعجبت بيه فى الاول بس بعد كده لاقت صفاته مش حلوة وتصرفاته مش كويسه مع الناس
اما لو كانت معجبه بيه على طول دى حاجه تانيه بس عايزه حسن تصرف

Clever4Ever
04-24-2009, 12:00 AM
موضوع جميل يا على


اولا موضوع النظرات بيكون ليه تأثير جامد بالنسبة للولد
يعنى ممكن الواحد يحب واحدة بعينه بس
من غير كلام
وده بجد :wub:
بس لازم يشوف حاجات تانية تزود الاعجاب عشان يوصل لحب
من مواقف
صفات كويسة
وغيره مما يزيدها فى نظره
ده اول هام
تانى هام
موضوع ان البنت تكون فرحانة ان فى واحد معجب بيها فده ممكن
اكيد اى حد يحب يكون محط اهتمام
بس بتختلف تبعا لوجهة نظرها فى الولد
ممكن تعجب بواحد بالنظرات ممكن برضوا
بس اكتر من كده معرفش
وعلى العموم لطالما كانت لغة العيون اقوى بكثير من الاف الكلامات
وبالنسبة لاخر هام
وهو انه يروح يقولها انه معجب فدى صعبة
يعنى ممكن يبدأ بحوار عادى
لكن مرة واحدة يروح يدلق اللى عنده دى صعبة شوية
لازم يكون فى تمهيدطويل شوية
عشان ميتكبس
وميدبس

وده راى المتواضع
وشكرااااااااا

RoOoLeTa
04-24-2009, 12:13 AM
أوصانا حبيبنا محمد صلي الله عليه و سلم بـ
غض البصر

without name
04-24-2009, 02:36 AM
بما اني بنت وعايشه مع البنات اقول انو مفيش بنت طبيعيه في الدنيا ما بتحبش حد يهتم بيها, ولكن لازم من نظري لازم البنت متديش امل للولد طالما انها عارفه انها مش هتوفي بيه واتفق تماما مع روليتا ان النظر عمال علي بطال محرم ولو الولد غرضه شريف يعرض عليها الموضوع اخر سنه لهم في الكليه حتى يتاكد من حقيقه مشاعره

manameno
04-24-2009, 12:09 PM
والله انتو ناس عسل ايه الكلام ده حسيت باحراج جامد من الموضوع ده
حكايه غض النظر دي يا رضوي معدتش موجوده اوييييييييييي
وحكايه اخر سنه في الليه دي صعبه اوي يعني تبقي قدامك 5 سنين وتيجي في الاخر وتقولها غريبه جدا

Aly motlak
04-24-2009, 02:33 PM
شكرا يادكاتره علي ردودكم و انتي عندك حق يادكتوره رضوي
و بالنسبه لموضوع ان الولد يستني لاخرسنه ده صعب هو ممكن يكلمها دلوقتي و هي توافق او ترفض و ده يرجعلها
طيب في حاجه كنت عايز اعرفها لما هو يرحلها ويكلمها و ترفض ده معناه ايه

dr.lemoo
04-24-2009, 06:02 PM
اولا السلام عليكم

طبعا مع الناس فى اللى قالته بس عندى ملحوظه صغننه
ساعات الانسان بيحب يفهم كل حاجه حسب مهو عايزاها يعنى طبعا متفقين ان مينفعش نفضل نقضيها نظرات لان كده حرام ومش صح نفترض ان دا بيحصل نبدا نبص للموضوع من ناحيه تانيه
هل الشخص دا ( وانا بتكلم سواء ولد اوبنت ) دا طبيعته يعنى بيبص عادى على كل الناس ودى طريقه حياته واسلوبه كده ولا الموضوع دا خاص ليا انا بس بس لما اجى اشوف الموضوع دا اشوفه من ناحيه انى انسان عادى بشوف الموضوع بعقل وبفكر لانى زى ماقولت ساعات الواحد بيخلى نفسه تقتنع بحاجات مش موجوده وبيوهم نفسه على الفاضى

موضوع بقى ان الشخص يروح يعترف بالشىءا للى حاسه دى مش سهله للدرجه
لازم يعرف هو عايز ايه وهيعمل ايه يعنى يعرف انه طالب ولسه معندوش اللى يأهله يدخل بيت البنت
بس فى نفس الوقت لو نيته سلميه ومخطط لحياته كويس يقدر بتكلم واكيد لازم يكون اد كلمته

ردا على سؤالك بقى لو هو راح يقولها والاجابه كانت رفض

مش عارفه اقولك ايه بس لا تعليق وبرده لازم يحكم كويس اوى اوى زى ماقولت قبل كده هل دا الطبيعى ولا كان خاص للانسان دا

واسفه انى طولت واتمنى يكون حد فهم حاجه:wiink:

Dr.Mimi
04-26-2009, 07:35 PM
طيب انا عايزة اقول وجهة نظري
ا
ولا :
هو فعلا غض البصر لازم بالذات في الزمن ده بس ساعات البصات دي بيكون الغرض منها رغبة الشخص ده انو يكتشف شخصيتك
ثانيا : البصات دي ممكن تستمر سنتين مش شهر ولا شهرين من غير حتى سلامو عليكو
ثالثا: مش بقول يروح يقولها كل حاجة من اولها بس عالاقل يحاول يعرفها يمكن لما يعرفو بعض يغيرو رايهم او يتمسكو ببعض اكتر ولما يتأكد ويحس انو قد المسئولية يعرفها
رابعا : الحب مسئولية بدال مش قد مسئولية الحب مش هعد ابص للي قدامي واعلقو بيا وانا بلعب وبتسلى حراااااام

خامسا وده الاهم: ارضاء ربنا قبل كل شئ لو هيكلمها يبقى فحدود الزمالة بس وميعرفهاس انو بيحبها غير فالاخر

dr.molar
04-26-2009, 11:36 PM
الله علي موضوعك والله نقطه محيراني موت ونفسي اتناقش فيها من زمان اولا يا دكتور علي النظرات دي نعتبرها اول رسائل الاعجاب بلاش الحب خاصه ان كانت نابعه من حقيقه مش خيال ومعايشه للموقف وخلاص وعلي فكرة بيبان جدا بيبان بيبان والله اذا جد او مسايره للحاله مش اكتر بس اللي ناويها صح مبيطولشي فيها اطلاقا لاني النظرات لو زادت عن الحد بتترك وراها عالم الرومانسيه وتتعرف علي عالم جديد اسمه المراهقه او نقص وفراغ عاطفي مش اكتر .......اما عن رد البنت اللي بيعترف ليها الولد ده شئ متغير يعتمد علي تفكير واسلوب البنت ومش هاربطها باخلاق بمعني اللي توافق محترمه واللي ترفض مش؟؟؟؟؟ لالالالالالالالا اطلاقا ده بيعتمد علي فكرها واسلوب حياتها وكله بامر الللللللللللله. شكرا للموضوع التحفه ده موت



اما : بالنسبه للدكتور احمد تقريبا؟؟؟؟؟؟؟؟ ارفع لك القبعه انك تكتب ردك تاني بعد حذفه دليل علي تمسكك بموقفك ورايك بس انا باعترض معااااااااااك جدا جدا جدا يعني ايه البنت تخسر ولد الكلام ناقص يا دكتور احمد المفروض بقي البنت تخسر الولد اللي يستاهل انها تكمل معاه وتثق فيه كشريك حياتها ومش معني انها موفقتشي يبقي خسرت .... اولا واخيرا كله بامر الله ومع احترامي الشديد ليك مش حاله او اتنين او تجربه هنخلينا نعمم الحاله ونخليها قااانون تحتذي بيه كل بنت..دكتور احمد انت قلبت الموازين مش متخيله يكون ده راي الولاد ليه ؟؟؟؟؟؟انت بتقول كلام ورجعت تنفيه . ازاي البنت تخسر لما ترفض ولد وازاي لها حق الاختيار اللي هو ابسط حقوقها...لازم الفكر ده يتراجع لانه فيه شئ من التسلط والغاء الحريه بالنسبه لاي بنت


ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي !!! ده رد صلاح جاهين علينا

Aly motlak
04-27-2009, 12:34 AM

السلام عليكم
ازيكم ياجماعه
وشكرا علي ردودكم

و يادكتوره ميمي
حضرتك قولتي ( بس ساعت البصات ديه بيكون الغرض منها رغبة الشخص ده انو يكتشف شخصيتك ) ازاي حد يقدر يحكم علي شخصيت حد منغير مايعرفه لمجرد انه بيبصلوا او حتي بيشوف تصرفاته في الكليه مع اصحابه منغير ما انا اتعامل معاه اي حكم هيكون مش مظبوط

ويادكتور احمد
موضوع ان البنت خسرانه انا قولتلك قبل كده لا البنت و لا الولد خسران الموضوع قسمه و نصيب

active_doctor
04-27-2009, 01:03 AM
احب اقول رايى بصراحة ف الموضوع المثير للجدل دة


يا شباب موضوع النظرات دة ميصحش خالص لانة ميرضيش ربنا
ما بنى على خطا فهو خطا(يعنى الموضوع بدا بتصرف يغضب ربنا يبقى ازاى ربنا يبارك فية)
اعجاب اية و نظرات اية !!! دة شغل مراهقة مش اكتر
و بعدين هو فية بنت عاقلة تبص ل واحد ف الكلية عشان شخصيتة !!!
ماهو طالب زية زيها و معندوش ادنى قدرة على تحمل المسؤلية و سورى يعنى لسة بياخد المصروف من والدة

و بالنسبة لموضوع الزمالة
اى زمالة دى اللى تخلى ولد يبص لبنت او العكس
المفروض اننا ف الكلية تعاملاتنا رسمية الى حد كبير و لازم يكون فية التزام بتعاليم ربنا و نتقى ربنا ف نفوسنا و قلوبنا لان
النظرة سهم مسموم من سهام ابليس
بمعنى
النظرة الاولى لك و الثانية عليك


طبعا اتفق معاكم ان كل شئ قسمة و نصيب بس دة ف المواضيع الجد بمعنى لما الولد يتخرج و يشتغل و يكون نفسة و يكون قد مسؤلية انة يتقدم ل بنت لان غير كدة يبقى شغل عيال

و بعدين اية موضوع النظرات اللى شهور و سنين
الم يعلم بان الله يراة

مش هقول غير اتقوا ربنا
الحب مش هيجى غير لما رب القلوب يريد و ياما ناس غضوا بصرهم و اتقوا ربنا عرفو و حسو باروع معانى الحب لما جة وقتة مش بعد نظرات سنين و الم و فراق و شغل المراهقة دة
محدش يزعل منى انا احترمت جميع وجهات النظر و ياريت تتقبلو وجهة نظرى و نصيحة يا شباب خلى عندك مبدا
ليكن قلبك صدفة فى بحر لا تحمل بداخلها سوى لؤلؤة واحدة هى حب الله

RoOoLeTa
04-27-2009, 01:16 AM
تمام يا اروي

بس

معندوش ادنى قدرة على تحمل المسؤلية و سورى يعنى لسة بياخد المصروف من والدة

مش متفقه معاكي في النقطه دي

active_doctor
04-27-2009, 01:38 AM
لية يا روليتا مش متفقة معايا؟؟؟!!
هو فية طالب قد مسؤلية انة يفتح بيت مثلا؟؟!!
طبعا فى رجالة قد تحمل المسؤلية فى نواحى كتير بس الناحية المادية معتقدش
تقبلى رايى:o

RoOoLeTa
04-27-2009, 01:43 AM
الحياه مش ناحيه ماديه بس يا اروي مهو ممكن يشتغل و هو لسه بيدرس واظن احنا عارفين ناس بتشتغل و وهي في الدراسه و زمايلنا

انما في حاجات تانيه كتير

لو الحياه كلها فلوس يبقي مفيش اناهرده ولد يقدر يتحمل مسؤليه لان مفيش ولد هيقدر اول ميتخرج يفتح بيت في الظروف اللي احنا فيها دي ولا ايه؟؟

active_doctor
04-27-2009, 01:55 AM
اعتقد ان نقاشنا خرج برة الموضوع الاصلى
طبعا مش الحياة كلها فلوس و معرفش لية حوارنا قلب بشكل مادى
الفكرة اللى نفسى اوصلها بشكل كويس ان الشاب لما ربنا يكرمة و يتخرج ممكن يتقدملها رسمى و فى خلال فترة الخطوبة يكون نفسة يعنى المادية مش هى المشكلة و لا محور كلامى

هشام الشافعي
04-27-2009, 06:42 AM
The greatest trick the Devil ever pulled was convincing the world he didn't exist , you do what he wants ( thinking ) it's for your own good

H.spider
04-27-2009, 01:28 PM
:oبسم الله الرحمن الرحيم:o



:hey:السلام عليكم ورحمة الله وبركاته:hey:


***************************************
في الأول احب اشكر احمد نصار وعلي على الموضوع الجديد في فكرته
وحابب أعلق على بعض الردود اللي اتقالت على الرجالة


والبنات كمان
(علشان ماتقولوش اني انحيازي)


صحيح حكاية النظرات كترت اوييييي سواء من الولد او البنت وحب التعارف بس هي ده سنة الحياة
(وجعلناكم شعوبا وقبائل لتعارفوا)


انا افضل الصراحة من الأول من الولد طبعا قبل ما يكبر الموضوع في راسه على الفاضي
ده تبقى شجاعة وحسن تصرف


وانا في نظري مفيش راجل خسران ابدا
بدليل النسبة القديمة (راجل واحد : 7بنات)


اما بالنسبة للبنت لو خسرت ففيه حالتين
1) انها اتسرعت
2)ضاع من بين ايديها راجل لقطة


****************************************


اما بالنسبة للدكتورة اللي قالت: سوري لسة بياخد مصروفه من باباه ومايقدرش يشيل مسؤولية ابدا


انا عكس الكلام ده


حكاية المسؤولية لوشايفاها عيب فينا فهي غلطة الأب والأم
مبيشيلناش اي مسؤولية خالص
وانا واحد من الرجالة اتحدى اي بني آدم انه يشيلني مسؤولية وأخذله


بالنسبة ان الولد مشعارف يفتح بيت وهو طالب
الكلام ده مشصحيح خالص


لأني والله العظيم اقدر اعيشها في مستوى اعلى مستواها

طبعا وفي غيري كتير اوي


****************************************
ورجاء مني
أي اثنين متبادلين العواطف الجميلة
يقعدوا مع بعض ويفلَوا قصدي يدرسوا بعض كويس اويييييي


لأن في العجلة الندامة
وفي التأني السلامة


*****************************************


وفي الأول والآخر كل الكلام ده قسمة ونصيب
واللي كاتبه ربنا هيكون


****************************
والسلام ختام


*********************
أخوكم أحمد صبري


***********
*********
*******
*****
***
**
*

active_doctor
04-27-2009, 04:35 PM
انا بحترم وجهة نظرك جدا رغم التناقض
منين معترض و منين غلطة الام و الاب
و حضرتك اتكلمت عن نفسك و اللى زيك مش كتير
و على فكرة انا قصدت مسؤلية الارتباط
و معرفش لية الكل بيعلق على الجملة دى بس رغم انى عندى فكرة معينة تقريبا موصلتش لحد
انا مش قصدى تحيز و لا اضايق حد بس على الارجح معرفتش اوصل قصدى صح
و يا ريت محدش يزعل و انا بحترم جميع وجهات النظر

winter sonata
04-27-2009, 05:14 PM
أنا مكنتش هرد ع الموضوع ده بس مقدرش...

فيه فرق بين الصح و أرائنا في الصح ده
و كلما تباينت الآراء كلما زاد انحرافنا عن الصح
و من وجهة نظري أكتف دكتور جابت الصح و بس

RoOoLeTa
04-27-2009, 05:18 PM
فضيلة الشيخ عبد الرحمان السحيم...من فضلكم أريد تفسيرا لهذه الآية الكريمة

قال تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) .
قال البغوي في تفسير الآية : (لِتَعَارَفُوا) لِيَعْرِف بعضكم بعضا في قرب النسب وبُعْدِه ، لا لِيَتَفَاخَرُوا .
وقال ابن عطية في تفسيره : وقصد هذه الآية التسوية بين الناس ، ثم قال تعالى : (وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا) ، أي : لئلا تَفَاخَرُوا ، ويُريد بعضكم أن يَكون أكْرَم مِن بعض ، فإن الطريق إلى الكرم غير هذا (إِنَّ أَكْرَمَكُمْ عِنْدَ اللَّهِ أَتْقَاكُمْ) .

وقال ابن كثير : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا) ، أي : ليحصل التعارف بينهم ، كل يرجع إلى قبيلته . وقال مجاهد في قوله عز وجل (لِتَعَارَفُوا) : كما يُقال فلان ابن فلان من كذا وكذا ، أي : مِن قَبيلة كذا وكذا . اهـ .

وقال القرطبي : (وَجَعَلْنَاكُمْ شُعُوبًا وَقَبَائِلَ) الشعوب رؤوس القبائل مثل ربيعة ومضر والأوس والخزرج .

والله أعلم .

RoOoLeTa
04-27-2009, 05:21 PM
اتمني يا دكتور تقري تفسير الاية كويس

إذا كان التعارف عن طريق لغة العيون كما يقولون فلا لزوم له

لإنه بداية الطريق الخطأ
و ما بني علي خطأفهو خطأ


و هرجع اقول تاني

غض البصر

king tito
04-27-2009, 05:40 PM
ردى بقى

مش لازم خالص لما البنت تكون بتبص على الولد تكون معجبه بيه
مش لازم خالص
فيه بنت ممكن تكون قرفانه منك وبتبص عليك كنوع من الاستحقار
فيه مثلا بنت ممكن مثلا مش بتبص عليك
ممكن تكون فيه حاجه لفتت نظرها فيك
لبس مثلا
صوت عالى
اى حاجه من اللى بتكون مش عاديه واللى بتخلى الناس تبص عليك غصب عنهم ولاد او بنات
بس
فمش لازم يكون اعجاب يعنى
وبعدين انت ليه تاخد كل حاجه ان البنت معجبه بيك
فى الاخر يا جماعه احنا زمايل
وبجد الصداقه احسن من اى حاجه تانيه
بس
وتقبلوا مرورى

احمد محمد فتح الله
04-27-2009, 06:34 PM
نظرت له الفتاة فطار هياماً ثم نظرت له مرة آخرى فأحبها ثم نظرت له مرة ثالثة ( و كانت خلسة لكنه بذكائه أخد باله) فقرر أن هذه الفتاة هى شريكة حياته...........ما شاء الله!!!!!!!!

الشاب أعجب بالفتاة من نظراتها إليه.......يا لها من حياة رائعة بانتظاره......يا بابا اخترت ماما إزاى؟؟؟؟......كانت عليها نظرات يا ولاد إنما ايه؟؟؟؟؟ دوبتنى خالص!!!!!!!.........فعلاً هى دى الأسرة المسلمة اللى هتصلح الأرض و تعمرها!!!!!............

الموضوع مبنى على خطأ يا أخى الكريم........و ده انسان عقله قاصر اللى يعجب بواحدة من نظرات متبادلة و هى تبقى أكثر منه غباءاً لو فكرت فى إنسان يفكر بهذه الطريقة..........مثل هذه الأسرة( ده لو اتكونت أصلاً) هتكون مجرد كيان هش لا فائدة منه فى المجتمع بل على العكس التخلص منهم أفضل كالتخلص من الحشائش الضارة حتى تنمو النباتات الصالحة.

الأسرة يا أخى الفاضل هى لبنة المجتمع و عليها ينصلح المجتمع أو يفسد.......كيف يختار الشاب أو الشابة شريكة أو شريك حياتهما؟؟؟ هل على النظرات؟؟؟ هل على العيون الجميلة التى تشع إعجاباً كما يشعر الفتى أو تشعر الفتاة؟؟؟ .....هذه الأسرة هى شراكة للأبد بين شخصين هدفهم هو صنع مجتمع أفضل و أصلح و حتى يتحقق ذلك لابد أن يتم إختيار الشريك بأعلى درجة من الدقة.......اختر انسان يحفزك...يدفعك للأمام......يدفع عنك اليأس......يحرضك على الخير......يبعدك عن ظلم نفسك و غيرك..........بالله عليك كيف ستختار مثل هذا الشريك؟؟؟؟ بالنظرات الولهانة التى شجعتك على الإقبال أكثر و الحديث مع شريكة حياتك!!!!!!.......ربما كنت أقدّر موقفك لو اخبرتنى عن زميلة لك شدك إليها زيها المحتشم و تصرفاتها العقلانية و حفاظها على الصلوات و أسلوبها الراقى فى الكلام و تفكيرها العالى فى المستقبل....لربما ساعتها كان فى كلامك شئ من المنطق.....لكن أن يختار شريكته على أساس نظراته و نظراتها.........ما الذى وجده فى نظراته فدفعه للإعجاب بها؟؟؟؟؟ الكحل اللى فى عينها أم الرموش الصناعية أم المسكرة....امممممممم....متكونش العدسات؟؟؟؟؟!!!!!!!

ما بُنى على باطل فهو باطل و تقييمى الشخصى لهذا الشعور هو مجرد شعور من المراهقة......فتى و لم يتعامل مع فتيات و فجأة فى وسط طلابى و فى سن مراهقة حيث الأحاسيس تعلو به فترة و تهبط به فترة ، فيبحث عن اى شئ ليكون قصة حب فى حياته .........نصيحتى له أن يفيق من هذه الخيالات و ينضج و يفكر فى حياته......ماذا يريد؟ و أين تتجه حياته؟؟ و عندما يفكر بتلك الطريقة سيكتشف فعلاً مدى غبائه و طريقة تفكيره المضحكة التى تجعله يختار شريكة حياته عبر النظرات......يمكن بعد كده ممكن يختار شريكة حياته اللى بتنطق اسمه بطريقة معينة أو التى تخصه بالتلويح و تقول له باى باى لما تبقى مروحة!!!!!




احب اقول رايى بصراحة ف الموضوع المثير للجدل دة
هو لا مثير و لا حاجة يا اروى هو مش له أساس أصلاً للمناقشة لأنه مبنى على فكرة غلط

يا شباب موضوع النظرات دة ميصحش خالص لانة ميرضيش ربنا
ما بنى على خطا فهو خطا(يعنى الموضوع بدا بتصرف يغضب ربنا يبقى ازاى ربنا يبارك فية)
اعجاب اية و نظرات اية !!! دة شغل مراهقة مش اكتر
كلام مظبوط
و بعدين هو فية بنت عاقلة تبص ل واحد ف الكلية عشان شخصيتة !!!
ماهو طالب زية زيها و معندوش ادنى قدرة على تحمل المسؤلية و سورى يعنى لسة بياخد المصروف من والدة

معلش اسمحيلى نتكلم هنا شوية....أنا مش باتعامل مع الموضوع من حساسية انى طالب و الكلام ده بيمسنى...بس خلينا نرجع تانى لنقطة أساس الاختيار......طريقة التفكير و أسس الاختيار هى الحكم الرئيسى لرفض شخص كشريك لك أو قبوله......البيت مش مبنى على القدرة على الأساس المادى و القدرة على الإنفاق...مؤكد هى نقطة أساسية و ضرورية لكنها مش هى الحكم فى الاختيار ......كونه طالب أو كونها طالبة مش هو الأساس......صحيح الإنسان يزداد نضجاً مع زيادة عمره......لكن فى النهاية يكون فكر هذا الشخص مميزاً له منذ الصغر.....و أظن اكيد أى حد فينا شاف ناس فى الثلاثينات و طريقة تفكيرهم طفولية و كمان شاف ناس صغار السن لكن لكلامتهم وقع محبب و مؤثر فى النفس......الاختلاف ده طبعاً بيكون بسبب عوامل كثيرة....التربية...رغبته فى التغيير ...و نقاط كتيرة تانية مش مجال مناقشتها هنا.......خلينا بس نوصل لصيغة أنا واثق انك هتتفقى معايا فيها.......سلامة القلب و رجاحة العقل هم المعيار الأول للاختيار و تأتى بعدها معايير آخرى كالسن و القدرة على الإنفاق

و بالنسبة لموضوع الزمالة
اى زمالة دى اللى تخلى ولد يبص لبنت او العكس
المفروض اننا ف الكلية تعاملاتنا رسمية الى حد كبير و لازم يكون فية التزام بتعاليم ربنا و نتقى ربنا ف نفوسنا و قلوبنا لان
النظرة سهم مسموم من سهام ابليس
بمعنى
النظرة الاولى لك و الثانية عليك


طبعا اتفق معاكم ان كل شئ قسمة و نصيب بس دة ف المواضيع الجد بمعنى لما الولد يتخرج و يشتغل و يكون نفسة و يكون قد مسؤلية انة يتقدم ل بنت لان غير كدة يبقى شغل عيال

أنا أعرف ناس نجحوا فى المعادلة الصعبة و استطاعوا أن يشجعوا بعضهم فى خلال دراستهم عن طريق ارتباط رسمى معلن بينهما........النقطة الأساسية للنجاح هى رغبتهم فى ان ينجحوا و إيمانهم ببعضهم البعض و من قبلها إيمانهم بهدفهم فى الحياة النابع من إيمانهم بتعاليم ربهم......اللى عاوز أوصل له أن التخرج مش معناه النضج و أن عدم التخرج مش معناه عدم القدرة على اتخاذ قرارات صائبة

و بعدين اية موضوع النظرات اللى شهور و سنين
الم يعلم بان الله يراة


كلام مظبوط

مش هقول غير اتقوا ربنا
الحب مش هيجى غير لما رب القلوب يريد و ياما ناس غضوا بصرهم و اتقوا ربنا عرفو و حسو باروع معانى الحب لما جة وقتة مش بعد نظرات سنين و الم و فراق و شغل المراهقة دة

و الأساس أصلاً غلط........بقى دى هتكون شريكة حياة مخلصة تعينه على البر و التقوى؟؟؟؟ على أى أساس عرف كده؟؟؟ من نظراتها اللى خليته يقتنع بيها كشريكة حياة له و أم لأبناؤه؟؟؟؟؟؟؟؟

محدش يزعل منى انا احترمت جميع وجهات النظر و ياريت تتقبلو وجهة نظرى و نصيحة يا شباب خلى عندك مبدا
ليكن قلبك صدفة فى بحر لا تحمل بداخلها سوى لؤلؤة واحدة هى حب الله





:oبسم الله الرحمن الرحيم:o



:hey:السلام عليكم ورحمة الله وبركاته:hey:


***************************************
في الأول احب اشكر احمد نصار وعلي على الموضوع الجديد في فكرته
وحابب أعلق على بعض الردود اللي اتقالت على الرجالة


والبنات كمان
(علشان ماتقولوش اني انحيازي)


صحيح حكاية النظرات كترت اوييييي سواء من الولد او البنت وحب التعارف بس هي ده سنة الحياة
(وجعلناكم شعوبا وقبائل لتعارفوا)


احذر يا أخى من استخدام آيات القرآن من غير علم..........بقى الآية أصبحت مبرر لنظرات متبادلة؟؟ ؟.......خد بالك


انا افضل الصراحة من الأول من الولد طبعا قبل ما يكبر الموضوع في راسه على الفاضي
ده تبقى شجاعة وحسن تصرف

هو: أنا معجب بيك جداً و نفسى تكونى مراتى
هى: بجد؟؟ .....أنا مش مصدقة ودانى......ثم تنظر له بريبة و تقول.....إنما انت اخترتنى ليه؟؟
هو: من نظرات عنيك الرائعة
هى: تضحك بخجل.....هو انت خدت بالك؟؟؟؟ ده هتبقى أحلى عيلة هنكونها سوا
هو : أيوة و هاسمى ابنى الأول نظير....ده تفاؤلاً بالنظرات اللى بينا اللى جمعتنا و خليتنى اختارك
ثم يمضى الاثنين سوياً و الجمهور يشد شعره من الغيظ

وانا في نظري مفيش راجل خسران ابدا
بدليل النسبة القديمة (راجل واحد : 7بنات)


اما بالنسبة للبنت لو خسرت ففيه حالتين
1) انها اتسرعت
2)ضاع من بين ايديها راجل لقطة


ماشاء الله.........راجل لقطة.......يا زين ما اخترتى يا بنتى أوعى تضيعيه.....ده ذو عقل راجح و هيسعدك و يكون أسعد أسرة........مش شايفة نباهته ده أخد باله من نظراتك فادالك هو كمان نظراته فوقعتوا فى بعض؟؟.......اوعى تضيعيه يا بنتى ده راجل لقطة !!!!



****************************************


اما بالنسبة للدكتورة اللي قالت: سوري لسة بياخد مصروفه من باباه ومايقدرش يشيل مسؤولية ابدا


انا عكس الكلام ده


حكاية المسؤولية لوشايفاها عيب فينا فهي غلطة الأب والأم
مبيشيلناش اي مسؤولية خالص
وانا واحد من الرجالة اتحدى اي بني آدم انه يشيلني مسؤولية وأخذله


بالنسبة ان الولد مش عارف يفتح بيت وهو طالب
الكلام ده مش صحيح خالص


لأني والله العظيم اقدر اعيشها في مستوى اعلى مستواها

طبعا وفي غيري كتير اوي


و الله أنا مع أن الطالب يكون مش خاطب لا كمان متزوج و هو فى دراسته ......بس لو اختياره على اساس النظرات......خليه كده أحسن

****************************************
ورجاء مني
أي اثنين متبادلين العواطف الجميلة
يقعدوا مع بعض ويفلَوا قصدي يدرسوا بعض كويس اويييييي


لأن في العجلة الندامة
وفي التأني السلامة


لما تختار على أسس مظبوطة فى الأول تأتى بعدها الجلسات ( ده لو كان فى قبول و معرفة من الآباء طبعاً)....أنا فعلاً مستغرب ان الموضوع ده يتقال فيه الكلام ده كله..........هنبنى حياتنا على نظرة؟؟؟؟؟؟

*****************************************


وفي الأول والآخر كل الكلام ده قسمة ونصيب
واللي كاتبه ربنا هيكون

كلمة حق مش فى مكانها.......لما الانسان يبذل جهده و يتعب فى الاختيار ....بعدها يسيب الأمر لله إما يوفق و أما لا.........مش نختار شركاء حياتنا غلط ثم عندما نفشل ( و لابد أن نفشل) نقول أنها قسمة و نصيب

****************************
والسلام ختام


*********************
أخوكم أحمد صبري


***********
*********
*******
*****
***
**
*

ايمان
04-27-2009, 06:52 PM
نظرت له الفتاة فطار هياماً ثم نظرت له مرة آخرى فأحبها ثم نظرت له مرة ثالثة ( و كانت خلسة لكنه بذكائه أخد باله) فقرر أن هذه الفتاة هى شريكة حياته...........ما شاء الله!!!!!!!!

الشاب أعجب بالفتاة من نظراتها إليه.......يا لها من حياة رائعة بانتظاره......يا بابا اخترت ماما إزاى؟؟؟؟......كانت عليها نظرات يا ولاد إنما ايه؟؟؟؟؟ دوبتنى خالص!!!!!!!.........فعلاً هى دى الأسرة المسلمة اللى هتصلح الأرض و تعمرها!!!!!............

الموضوع مبنى على خطأ يا أخى الكريم........و ده انسان عقله قاصر اللى يعجب بواحدة من نظرات متبادلة و هى تبقى أكثر منه غباءاً لو فكرت فى إنسان يفكر بهذه الطريقة..........مثل هذه الأسرة( ده لو اتكونت أصلاً) هتكون مجرد كيان هش لا فائدة منه فى المجتمع بل على العكس التخلص منهم أفضل كالتخلص من الحشائش الضارة حتى تنمو النباتات الصالحة.

الأسرة يا أخى الفاضل هى لبنة المجتمع و عليها ينصلح المجتمع أو يفسد.......كيف يختار الشاب أو الشابة شريكة أو شريك حياتهما؟؟؟ هل على النظرات؟؟؟ هل على العيون الجميلة التى تشع إعجاباً كما يشعر الفتى أو تشعر الفتاة؟؟؟ .....هذه الأسرة هى شراكة للأبد بين شخصين هدفهم هو صنع مجتمع أفضل و أصلح و حتى يتحقق ذلك لابد أن يتم إختيار الشريك بأعلى درجة من الدقة.......اختر انسان يحفزك...يدفعك للأمام......يدفع عنك اليأس......يحرضك على الخير......يبعدك عن ظلم نفسك و غيرك..........بالله عليك كيف ستختار مثل هذا الشريك؟؟؟؟ بالنظرات الولهانة التى شجعتك على الإقبال أكثر و الحديث مع شريكة حياتك!!!!!!.......ربما كنت أقدّر موقفك لو اخبرتنى عن زميلة لك شدك إليها زيها المحتشم و تصرفاتها العقلانية و حفاظها على الصلوات و أسلوبها الراقى فى الكلام و تفكيرها العالى فى المستقبل....لربما ساعتها كان فى كلامك شئ من المنطق.....لكن أن يختار شريكته على أساس نظراته و نظراتها.........ما الذى وجده فى نظراته فدفعه للإعجاب بها؟؟؟؟؟ الكحل اللى فى عينها أم الرموش الصناعية أم المسكرة....امممممممم....متكونش العدسات؟؟؟؟؟!!!!!!!

ما بُنى على باطل فهو باطل و تقييمى الشخصى لهذا الشعور هو مجرد شعور من المراهقة......فتى و لم يتعامل مع فتيات و فجأة فى وسط طلابى و فى سن مراهقة حيث الأحاسيس تعلو به فترة و تهبط به فترة ، فيبحث عن اى شئ ليكون قصة حب فى حياته .........نصيحتى له أن يفيق من هذه الخيالات و ينضج و يفكر فى حياته......ماذا يريد؟ و أين تتجه حياته؟؟ و عندما يفكر بتلك الطريقة سيكتشف فعلاً مدى غبائه و طريقة تفكيره المضحكة التى تجعله يختار شريكة حياته عبر النظرات......يمكن بعد كده ممكن يختار شريكة حياته اللى بتنطق اسمه بطريقة معينة أو التى تخصه بالتلويح و تقول له باى باى لما تبقى مروحة!!!!!




ما شاء الله
ما شاء الله
بجد بجد الرد الرائع الذى انحنى له احتراما وتقديرا
كلامك صحيح جدا يا دكتور
لكن للاسف هو ده اللى بيحصل اليومين دول
اقصد يعنى الاعتماد ع الشكل والمنظر والتفاهات دى
بس ارجع واقول اللى يفكر بالشكل ده ..انها علشان مش عارفه لابسه ايه !!وعامله ايه !!وحاطة ايه!! ....يبقى اصلا انسان تافه معندوش اساسيات الاختيار الصحيح
وطبعا الحب الناتج عن التفاهات دى مش بيعتبر حب اصلا..
**بس اللى ينرفز بردو تلاقى حد(سواء الولد او البنت) بيبالغ ف النظرات دى..واصلا بيحسسك قد ايه هو انسان مراهق وتافه يعنى تلاقيه بيقول :اصلها بتبصلى وانا اتشدتلها عشان هى بتبصلى(اقسم بالله قمة الغباء).
**بالاضافة اللى انى بحترم رأى احمد عبد المطلب جدا جدا جدا ...
واحب اقول: والله يا طلب لو الناس تحط فى دماغها كلامك ده...محدش هيفهم غلط..واعتقد ان القلوب هترتاح

## معلش طولت اوى...وللمرة المليون بشكرك يا دكتور (احمد فتح الله) على ردك الرائع والمقنع جدا جدا

تقبلوا تحياتــــــــــــــى:o

RoOoLeTa
04-28-2009, 12:51 AM
يقول ابن القيم في (الداء والدواء): النظرة سهم مسموم من سهام إبليس، ومن أطلق لحظاته دامت حسراته، وفي غض البصر عدة منافع منها:
1- أنه إمتثال لأمر الله الذي هو غاية سعادة العبد في معاشه ومعاده قل للمؤمنين يغضوا من أبصارهم.
2- أنه يمنع من وصول أثر السهم المسموم الذي لعل فيه هلاكه الى قلبه.
3- أنه يورث القلب أنساً بالله وجمعية عليه، فإن أطلاق البصر يفرق القلب ويشتته وبيعده عن الله.
4- أنه يقوي القلب ويفرحه كما أن إطلاق البصر يضعف القلب ويحزنه.
5- أنه يكسب القلب نوراً، ولهذا ذكر الله سبحانه آية النور عقيب الأمر بغض البصر، فقال تعالى: قل للمؤمنين يغضوا من أبصارهم.. ثم قال إثر ذلك الله نور السماوات والأرض.
6- أنه يورث فراسة صادقة يميز بها بين الحق والباطل، فالله تعالى يجزي العبد على عمله بما هو من جنس العمل، فإن غض بصره عن محارم الله عوضه الله بأن يطلق نور بصيرته ويفتح عليه باب العلم والإيمان والمعرفة والفراسة الصادقة.
7- أنه يورث القلب ثباتاً وشجاعة وقوة.
8- أنه يسد على الشيطان مدخله إلى القلب فإنه يدخل مع النظرة وينفذ معها إلى القلب أسرع من نفوذ الهواء في المكان الخالي.
9- أنه يفرغ القلب للفكرة في مصالحه والإشتغال بها.
10- أن بين العين والقلب منفذاً وطريقاً يوجب إنفصال أحدهما عن الآخر، وأن يصلح بصلاحه ويفسد بفساده فإذا فسد القلب فسد النظر وإذا فسد النظر فسد القلب، وكذلك في جانب الصلاح.

Aly motlak
04-28-2009, 02:42 PM
السلام عليكم
اولا بشكر كل من رد وخاصا
د.احمد محمد فتح اللة
ود.روليتا
على ردودهم الجميلة والمقنعة


واحب ارد على الاخ عبد المطلب هو قال
(فيه بنت ممكن تكون قرفانه منك وبتبص عليك كنوع من الاستحقار)
معلش الولد مش عبيط للدرجة دية انة ميقدرش يفرق بين نظرت احتقار ونظرت اعجاب



وموضوع المسئوولية احنا المفروض طلبة جامعيين
يعنى فى عدد كبير من المغتربين من برة الاسماعلية
وبيدرسوا هنا طبعا لو هم مش قد المسئولية مكنوش قدروا انهم يسيبوا بيت اهاليهم
واكيد مفيش ولد ابوة سافر مرة وسابة مكانة فى البيت ياخد بالة من اخواتة والدتة خاصة لوكان هو الكبير



وموضوع الماديات
بالنسبالى انا مش شايف انة فى مشكلة
بالنسبة لغيري مقدرش احكم
وياجماعة الموضوع كدة زاد عن الحد وانا مكنتش عايز كدة وياريت محدش يكون متضايق من الموضوع وردودى

king tito
04-28-2009, 02:56 PM
انت كده فتحت الباب ان مواضيع كتير اوى تتفتح
منها

ليه مثلا اما الولد يبص ع البنت يقولوا ده معجب بيها
ما هو ده بيحصل برضه

ليه مثلا دلوقتى اغلب احاديث الولاد بقت عن البنات
وليه اغلب احاديث البنات بقت ع الولاد
وليه وليه وليه

حاجات بجد مش لازم اساسا نتكلم فيها
عشان هتجرنا لحاجات كتيره اوى اوى اوى مش حلوة
وهتزعل ناس كتير


سلام

MidoXPoeM
04-28-2009, 09:11 PM
(وجعلناكم شعوبا وقبائل لتعارفوا) :thnk:
"يا أيها الناس إنا خلقناكم من ذكر و أنثي و جعلناكم شعوبا و قبائل لتعارفوا , إن أكرمكم عند الله أتقاكم"
يعني الغرض من انتسابنا للقبائل هو التعارف و ليس التباهي
ادرسوا سياق الآيات قبل الاستدلال بها
..
كذلك الاية
" ما جعل الله لرجل من قلبين في جوفه "
الناس بتستدل بيها على صاحب بالين كداب .. لو رجعنا للآية هنلاقيها
" ما جعل الله لرجلين من قلبين في جوفه , أفئن مت أفهم الخالدون # كل نفس ذائقة الموت ثم إلينا ترجعون "
..
ده كانت ملوحظة بسيطة حبيت أنبه ليها
بصراحة ما قرتش الموضوع كله و ليا عودة لو لقيت متسع من الوقت

Aly motlak
04-28-2009, 09:48 PM
السلام عليكم
احب اشكر الأدمن علي مشاركته و يارت يلاقي وقت ويرد تاني

RoOoLeTa
04-28-2009, 10:22 PM
أرجو الإلتزام بنطاق الحديث و عدم التطرق إلي حوارات خارجة عن نطاق الموضوع

و بالراحه يا شباب الموضوع نقاش واهم حاجه نطلع بالراي الصح

active_doctor
04-29-2009, 04:03 AM
.......سلامة القلب و رجاحة العقل هم المعيار الأول للاختيار و تأتى بعدها معايير آخرى كالسن و القدرة على الإنفاق
تمام يا دكتور احمد
كلامك مظبوط و ابلغ من اى رد ممكن اقولة
و ربنا يهدى

WhiTe ClouD
04-30-2009, 02:14 AM
السلام عليكم

الحقيقة انا متابعة الموضوع من أوله
نقاشكم جميل رغم تحفظى على بعض الحاجات .. ورأيى تقريبا اتقال وسط الآراء

عاوزة اضيف حاجة
والله وربى اعلم .. لا تتخيلون قدر الاحترام والمودة والحب فى الله الذى احمله تجاه الولد
الذى يدير نظره عما يراه من فتن داخل الكلية
وبداخل هذا المجتمع المختلط ووسط تعاملاتنا

ستجد من يركز بأنظاره معك وكأنه ينظر لعقلك
او ينظر للأرض حياء
هذا والله رجل .. يصون نفسه واخته وأمه .. وسيرزقه الله بمن تصونه
وسيكون له من الرزق والتوفيق ما يساعده على فتح بيت وتحمل مسئولية
رغم كل تحديات ومصاعب الحياة التى نعيشها هذه الايام

أو تجد من ينظر لهيئتك وملامح جسدك وكيف تبدين وتضحكين وهذا اقبحهم
(يجعلنى اشعر وكأن البنات كالحيوانات او السلع المعروضة للبيع والفرجة)

والعكس اقرب الى الصحيح
فالبنت التى تنظر وتعجب وتوجه النظرات المتتالية والابتسامات
لا تعيش الا وهم.. حقيقته فقدان حيائها وهو اعظم صفة يمكن ان تتحلى بها البنت المسلمة
والولد الذى يستأمنها على اسمه وبيته بعد ذلك سيندم كثيرا


الموضوع اكبر مما نتخيل ... والحال فعلا مؤسف فى الكلية
نتمنى من ربنا يتصلح الحال.. ونبتدى بنفسنا

sasso
04-30-2009, 04:11 PM
الموضوع حلوجدا بس فيه اختلاف اراء كتير اينعم اختلاف الراي لايفسد للود قضية.بس اخر الموضوع ده ايه المشكلة ان لو الاتنين فضلوا يبصوا علي بعض ذنوبهم هتزيد من غير مايحسوا.هو ممكن البنت فعلا تكون معجبة بزميل ليها من شخصيته تعامله مع اصحابه احترامه اخلاقه وحاجات غيركده فممكن من غير ما تحس تفضل تبص عليه وممكن يكون دي مجرد اوهام يعني هي تكون واقفة بتكلم اصحابها اوسرحانة وبتبص لبعيد فيعتقد انها بتبص عليه فالمفروض انه مش يوهم نفسه ولا هي توهم نفسها.فلو هو معجب بيها لشخصها مش لعنيها اونظراتها او او فممكن انه يحاول انه يكلمها يعرف شخصيتها اكتروتعرفه اكتر عشان يتاكدمن اذا كان الي فيه ده حقيقة ولا اوهام صنعها بايده.ويكون كل ده فحدود الاحترام ويكون بيحافظ عليها مش بيتسلي وان شاء الله لما يتاكد مش هيكون خسران لانه هيرتاح من ظنون وربنا يهدينا كلنا ويتوب علينا انا شايفة كده ومش عارفة اذا كنت صح ولا غلط.احييكم احمد وعلي علي الموضوع ويارب تكونوا استفادتوا من الي ردوا قبلي

Riven
04-30-2009, 06:05 PM
يا جماعة انا عايزة اقو ل راى المتواضع جدا بعد متبعت ردودكم
انا راى اى واحد معجب بواحدة وقصده خير وجاد فى كلامه(بعيدا عن النظام اللى للاسف منتشر دلوقتى بين شباب وبنات الجامعة )
انه يستخير ربنا الاول وربنا ان شاء الله يهديه للخير
فاذا وافقت يبقى انشاء الله ربنا كاتبله فيها خير
واذا رفضت يعرف ان الموضوع ده مفيهوش خير فميزعلش ويعرف ان ربنا هيعوضه
واخيرا من يتق الله يجعل له مخرجا
اسفة للاطالة وربنا يوفقنا جميعا لما يحبه ويرضاه:o

h.moussa
05-03-2009, 12:35 PM
الى صديق عمرى د/على أنا حبيت أصبر لما الموضوع يهدأ شويه وبعدين أضيف ردى.
احنا طبها سمعنا اراء كتير و جدال فى الموضوع ده كتير وبعضه ملوش فايده وبعدين لما على قالى على الموضوع متوقعتش ان هوه يعمل الضجه دى كلها بس بصراحه أنا بحييه على الموضوع ده المهم بص يا على
.................................................. .................................................. ......
وأنا طبعا مش مع البنت اللى تقول للولد انه لسه زميلها في الجامعه ومعاها في نفس السنه.
ده مش مبرر ان الولد ميعرفش يشيل المسؤوليه طبعا مفهوم خاطئ لأن مفيش ولد أبوه مش بيعتمد عليه فى البيت الا الشباب بتاعت بابى ومامى.
طبعا أنا مع د/أحمد صبري اللى بتقول مفيش ولد خسران ................والواحده اللى بتحبه وتخاف عليه لأن مفيش شاب بيغلب.
أما بالنسبه للبنت فأنا هعطي احتمالين :
1-ان هيه ترفض الولد لأن هيه عرفت ان هوه مش محترم وسمعته وحشه وبرده هيلاقى واحده تقبله.
2-ان البنت تضيع ولد من اديها محترم وشاب كويس وتسيبه. هوه برده هيلاقى اللى أحسن منها
......................
معلش طولت عليكم
وياريت محدش يزعل من ردى
د/ حسام موسى

RoOoLeTa
05-03-2009, 04:39 PM
مما لا شك فيه أن البصر من أعظم المنافذ إلى القلب، يقول الإمام القرطبي رحمه الله:


البصر هو الباب الأكبر إلى القلب، وأعمر طرق الحواس إليه، وبحسب ذلك كثر السقوط من جهته ووجب التحذير منه، وغضه واجب عن جميع المحرمات، وكلِّ ما يخشى الفتنة من أجله، ونقصد بغض البصر أن يغمض المسلم بصره عما حرم عليه ولا ينظر إلا لما هو مباح له النظر إليه ، وإن وقع نظر المسلم على مُحَّرمٍ من غير قصد فليصرف بصره سريعا ولا يتمادى في النظر.





القرآن يأمر بغض البصر:
لما كان النظر من أهم المنافذ إلى القلب، ولما كان إطلاقه بغير قيد ولا ضابط قد يوقع الهوى في قلب صاحبه، ويجعله يقع في شَرَك الفواحش والفتن، فقد أمر الله بغض البصر حتى يأمن العبد عواقب السوء:



(قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ).


ونلحظ هنا أن الله تعالى قد جعل الأمر بغض البصر مقدما على حفظ الفرج، لأن كل الحوادث مبدؤها من النظر كما قيل:



كل الحوادث مبدأها من النظر ومعظم النار من مستصغر الشرر

كم نظرة فتكت في قلب صاحبها فتك السهام بلا قوس ولا وتر

والعبد ما دام ذا عين يقلبها في أعين الغيد موقوف على الخطر

يسر مقلته ما ضر مهجته لا مرحبا بسرور عاد بالضرر



والنبي صلى الله عليه وسلم يأمرك بغض بصرك:


فقد ثبت عنه صلى الله عليه وسلم أنه قال:" اضمنوا لي ستا من أنفسكم أضمن لكم الجنة: اصدقوا إذا حدثتم، وأوفوا إذا عاهدتم، وأدوا إذا ائتمنتم، واحفظوا فروجكم، وغضوا أبصاركم، وكفوا أيديكم".


بل جعل النبي صلى الله عليه وسلم غض البصر أحد حقوق الطريق حين قال لأصحابه رضي الله عنهم:
" إياكم والجلوس في الطرقات، فقالوا: يا رسول الله مالنا من مجالسنا بُدٌّ نتحدث فيها. فقال: " فإذا أبيتم إلا المجلس فأعطوا الطريق حقه. قالوا: وما حق الطريق يا رسول الله؟ قال: غض البصر، وكف الأذى ، ورد السلام، والأمر بالمعروف، والنهي عن المنكر".



ـ وقد وجد النبي صلى الله عليه وسلم الفضل بن عباس رضي الله عنهما ينظر إلى امرأة جاءت تستفتيه صلى الله عليه وسلم فأخذ بذقن الفضل فعدل وجهه عن النظر إليها.



وقد علق ابن القيم رحمه الله على ذلك فقال:

وهذا منع وإنكار بالفعل، فلو كان النظر جائزا لأقره عليه.



نظر الفجأة:
قد يسير الإنسان في طريق أو يكون في مكان به آخرون فيقع بصره على ما حرم الله تعالى بغير قصد منه فهذا ما يسمى بنظر الفجأة، والواجب في هذه الحالة أن يصرف بصره، فعن جرير بن عبد الله رضي الله عنه قال: سألت رسول الله صلى الله عليه وسلم عن نظر الفجأة فأمرني أن أصرف بصري".
وهذا أنفع علاج وأسرعه أن يصرف العبد بصره ولا يستديم النظر فإن من استدام النظر أثم وتعدى، فإن رسول الله صلى الله عليه وسلم قال: يا عليُّ لا تتبع النظرة النظرة فإن لك الأولى وليست لك الآخرة".





والنساء مأمورات بغض الأبصار:


فإن الله عز وجل يقول:(وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ..)الآية.
والرسول صلى الله عليه وسلم يقول: "... وخير صفوف النساء المؤخر، وشرها المقدم، يا معشر النساء إذا سجد الرجال فاغضضن أبصاركن.."الحديث.





عناية السلف بغض البصر:

لقد عني السلف الصالح رضي الله عنهم بغض البصر عناية عظيمة فوجدنا منهم مواقف ومواعظ في هذا الباب تنبئ عن علو همتهم في هذا، ومن ذلك قول أنس رضي الله عنه: إذا مرت بك امرأة فغمض عينيك حتى تجاوزك".

وقال بعضهم: من حفظ بصره أورثه الله نورا في بصيرته.

وكان سفيان رحمه الله إذا خرج في يوم العيد قال: إن أول ما نبدأ به اليوم غض أبصارنا.

ولما قال رجل للحسن رحمه الله: إن نساء العجم يكشفن صدورهن ورؤوسهن قال: اصرف بصرك.

وقال ابن مسعود: الإثم حوَّاز القلوب (يحز في القلوب) وما من نظرة إلا وللشيطان فيها مطمع.

وكان الربيع بن خثيم يغض بصره فمر به نسوة فأطرق ( أي أمال رأسه إلى صدره) فظن النسوة أنه أعمى وتعوذن بالله من العمى.



من فوائد غض البصر
ذكر الإمام ابن القيم رحمه الله عدة فوائد ومنها:


1- تخليص القلب من ألم الحسرة، فإن من أطلق نظره دامت حسرته.
2- أنه يورث القلب نورا وإشراقا يظهر في العين وفي الوجه وفي الجوارح، كما أن إطلاق البصر يورثه ظلمة تظهر في وجهه وجوارحه.
3- أنه يورث صحة الفراسة، فإنها من النور وثمراته، قال شجاع الكرماني: من عمر ظاهره باتباع السنة، وباطنه بدوام المراقبة، وغض بصره عن المحارم، وكف نفسه عن الشهوات، وأكل من الحلال- لم تخطئ فراسته.
4- أنه يفتح له طرق العلم وأبوابه، ويسهل عليه أسبابه, وذلك بسبب نور القلب، فإنه إذا استنار ظهرت فيه حقائق المعلومات، ومن أرسل بصره تكدر عليه قلبه وأظلم.
5- أنه يورث قوة القلب وثباته وشجاعته، قال بعض الشيوخ: الناس يطلبون العز بأبواب الملوك، ولا يجدونه إلا في طاعة الله.
6- أنه يورث القلب سرورا وفرحة وانشراحا أعظم من اللذة والسرور الحاصل بالنظر، فلذة العفة أعظم من لذة الذنب.
7- أنه يسد عن العبد بابا من أبواب جهنم، فإن النظر باب الشهوة الحاملة على مواقعة الفاحشة، فمتى غض بصره سلم من الوقوع في الفاحشة، ومتى أطلقه كان هلاكه أقرب.
8- أنه يقوي العقل ويزيده ويثبته، فإن إطلاق البصر وإرساله لا يحصل إلا من خفة العقل وطيشه وعدم ملاحظته للعواقب كما قيل:
وأعقل الناس من لم يرتكب سببا حتى يفكر ما تجني عواقبه
9- أنه يخلص القلب من ذكر الشهوة ورقدة الغفلة، فإن إطلاق البصر يوجب استحكام الغفلة عن الله والدار والآخرة، ويوقع في سكرة العشق.
نسأل الله الكريم أن يوفقنا لطاعته ، والحمد لله رب العالمين.


فمالكم اخواني واخواتي تخوضون في أمر قد قال الله فيه قولاًَ كريماًَ؟

الدكتوره نغم
05-03-2009, 08:23 PM
شكرا روليتا على الكلام الجمييييييل ده
وربنا يهدينا للطريق المستقيم

frawla
05-03-2009, 09:48 PM
العينين نعمة ربنا ادهالنا واكيد هيحاسبنا عليها

هل يا ترى اللى بص واللى بصت دول فكروا فى كده ؟؟

فكروا انهم النعمة اللى ربنا ادهالهم دى واللى بتعد معجزة هم بكل بساطة بيستخدموها فى معصية الخالق وتحديه - والعياذ بالله -;)

ربنا اللى خلق الانسان عشان يعبده ويعمر الأرض

"وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ "

يعبد ربنا ويعمر الارض بأسرة صالحة قائمة على تقوى الله والأخلاق تعين بعضها على ذكر الله و إعلاء شأن الدين والأمة
مش أسرة قائمة ومبنية على النظرات والحرام.

حتى فى اختيار شريك الحياة كان رأي الدين واضح وصريح

عن أبى هريرة عن النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ "

يعنى حتى الدين ما قالش انها تنكح لجمال عيونها ونظراتها وتجاوبها مع الولد

وانما لدينها واللى بيندرج تحته من خلق رفيع وفكر متزن

وكذلك قال صلى الله عليه وسلم :

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

يعنى المهم فى العريس المتقدم او فى شريك الحياة دينه وخلقه و المترتب عليه فكره المتزن برده .

أصل لو كان معيارنا النظرات والعيون طب افرض بعد ما اتجوزوا شافت واحد عينيه احلى ولا هو شاف كده بقى خلاص يسيبوا بعض ويروحوا للتانيين :hit::hit:

وبعدين اللى أعرفه ان اللى يحب يعبر لحد عن حبه بفرض يعنى انه حصل تعامل بحكم ظروف الدراسة او حاجة بدون حكاية النظرات دى فى طريق واحد للتعبير ده

طريق شرعى جدا يدخل من الباب

انه يتقدم رسمى

لكن بعد ما يعترفوا بحبهم ايه اللى يحصل يعنى ؟؟؟

ولازم يبقى كل واحد عنده قدر من احترام للثقة المعطاة ليه من أهله

يعنى معظمنا مسافر ومش قاعد مع اهله فترة طويلة

هل اللى بيبص لبنت او بتبص لولد دول مفهمين اهلهم الكلام ده؟؟ ومحترمين أهلهم ؟؟؟ وما خانوش ثقتهم ؟؟؟

شئ مهم اوى يفكروا فيه

يا ريت كل واحد يتقى ربنا ويعرف ان اللى بيعمله ده ممكن يتعمل فى اخته او والدته ويغض بصره

وكل بنت برده تغض بصرها و تتمسك بحيائها دوماً و لا تفرط به ابداً عشان هو تاج على راسها تظل به لؤلؤة مصونة

و أكيد ربنا هيعوضه بزوجة صالحة ويعوضها بزوج صالح تيعينوا بعض على تقوى ربنا ويفوزوا معاً فى الدنيا بأسرة صالحة يحترمها الجميع وتحصد النجاحات

وفى الاخرة يفوزوا بالجنة بإذن الله

* ملحوظة أخيرة : برغم احترامى لكل وجهات النظر بس بجد انا شوفت كام رد حسسونى ان الدنيا لسة بخير وان الشباب والبنات عندهم قدر من الوعى بسم الله ما شاء الله
ربنا يحفظنا جميعا
ويهدينا :D

mahmoud biso
06-08-2009, 08:47 PM
بجد الموضوع انا لسة قاريه دلوقت
انا رايى انا البنت ممكن تحب والولد ممكن يحب فى الجامعة ولا ماهو الا اعجاب فقط لايرتقى الا الحب اعجاب بشئ معين وانا من نظرتى اللى ناس كتير بتقولى احتفظ بيها لنفسك ان كل بنت ليها يوم هتيجى وهتفرح وتجوز وبابا يفرح وماما تفرح مش لازم تدخل نفسها فى متاهات الحب والولد انت بتروح وتعدى فمتشغلش بالك بالكلام ده دلوقتى
لان الكلام ده فعلاوالله كله مشاكل يوم تعبانة نفسيا مش عارفة ازاكر ومخنوق ومضايج ومش هعرف حد بعد ده وحالا تاكتئاب والله
انا بقول الكلام ده عشان خاطر زمايلى حبايبى لان فعلا بشوف فى عنيهم زعل قد ايه وانا شوفت فى عنيا زعل قد ايه ومش ناوى اكرره

bila
06-10-2009, 10:47 AM
السلام عليكم

أنا لما سمعت الموضوع بصراحة استنكرته و مكنتش عاوز أرد لكن سمعت عنه كلام كتير وحبيت اعرف عموما اختصاراأنا متفق مع الدكتورة اللى استشهدت بايات من القرأن وكمان فسرت لينا الأية اللى ذكرت بشكل صحيح
أنا مع الرأى اللى بيقول ان ما ينفعش أسرة مسلمة تتبنى على أساس النظرات لأن كده الأساس غلط فأكيد المسيرة غلط
ثانيا دلوقتى لو هنتكلم صح عملية أختيار زوجة صالحة تصون الرجل و تحافظ على بيته أصبح شىء صعب جدا . مفيش أساس دينى قوى عند بعض الفتيات مابقاش فى صبر دلوقتى لو الواحد راح فرح بيقول جواه للأسف هينفصلو امتى من كتر اللى الواحد بيشوفه فى نماذج كتير متنوعة وده بيرجع لسبب ايه ان فى الأول الاختيار اتبنى على أسا مش صحيح سواء المال الجاه الشكل ونسينا المقياس الأصلى(((من جاءكم ترضون دينه فزوجوه))) ثم الأخلاق لو موجودين نتوقع باذن الله حياة مستقرة وسليمةوتدوم.
طبعا الكلم ده كبير ملوش صلة بالموضوع بس ده الصح وده الخلاصة طبعا مش مرحلتنا دلوقتى لكن هييجى
عموما ارجو ان نتقى الله كلنا ونحاول الصبر وبتمنى ان كل واحد كان ليه رأى معارض يا ريت يكون رأيه بجد مش كلام وبس وربنا يهدينا و نعقل كلنا......

king tito
06-17-2009, 01:59 PM
ربنا يهدى الجميع يارب

noor el-qloop
06-23-2009, 09:55 PM
بسم الله الرحمن الرحيم


انا ارى ان النظرات مبتعرفش اى شخص عن شخصية الحد التانى لكن انك تسال عنه عن طريق اللى حوليه هو احسن طريقة تتعرف بيها عليه وعلى تعاملاته مع الاخرين واخلاقه
لكنى ارى تبادل النظرات لا فائدة منه
تبادل النظرات لا يدل الا على الاعجاب بالمظهر
فمثلا (بالنسبة للبنت) اذا تقدم لخطبتها شخص يشهد له بالتدين و الاحترام والمكانة
فلن يفيد تبادل النظرات اى شئ مهما طاااااااااااااااااااالت فترته
كما انى ارى ان الزواج عن طريق الحب قبل الزواج فاشل فى اغلب الاحيان ان لم يكن فى كل الاحيان
اصل انا بشوف بعض البنات تخرج مع الشباب (قال ايه) عشان تتعرف عليه اكتر
طيب هو فى شاب يرضى يجوز واحدة خرج معها قبل كده
طب مهى ممكن تكون خرجت مع كذا واحد غيره عشان تتعرف عليه برضو
وارجو من البنات انهم يخلو نفسهم لؤلؤة غالية مش زهرة واللى مايشترى يتفرج لحد ما تدبل ولا ايه يا بنات

waleedwael
06-26-2009, 01:42 AM
بص نصيحة

يخرب بيت الحب و يخرب بيت سنينه

بجد اللي يفكر ياخد نصيحتي و يبعد عنه

ما دمت لسه قدامك كتير

الولد ده ممكن يحاول يقنع نفسه بالعكس إن هي بتبصله مثلا عشان بيبصلها
و إن هي مش معجبة بيه

بس كده عيش حياتك

dandoosha
07-09-2009, 08:02 PM
احب الاول اشكر الدكتور علي على الموضوع المهم ده
دلوقتي لما الولد بيعجب ببنت وتبعا عشان جمالها او اي حاجه تانيه شدته فيها يبدأ يشتغل في النظرات وتبعا ما بيسكوتش لازم يحكي لصحابه وصحابه يحكوا لولاد تانيه ويبدأوا الكل يبصلها لانها البنت اللي بحبها صاحبهم
وبالتالي بدل ما هو معجب بيها و خلاص لأ ده خلا سيرتها على كل لسان هما اه ممكن ما بيكونوش بيتكلموا عليها وحش بس على الاقل معظم الولاد بيجيبوا سيرتها وهما قاعدين
طب البنت دي زنبها ايه لده كله
انا شايفه اللي عايز يحب يحب بس يكتم في نفسه و ما يقولش لحد من صحابه عشان ما يضرش اللي بيحبه وعشان الموضوع ما يكبرش جواه فيبدأ يدخل في مرحله الأحلام و الأوهام و الطرف التاني ما يكونش حاسس بيه اصلا
و انا شايفه ان المفروض ان الولد لما يعجب بواحده يختصر الطريق ويروح يصارحها بمشاعره و هي ترفض او توافق بس مش توافق انها تصاحبه لأ انا قصدي انه يتقدملها و لو رفضته المفروض انه يحترم رغبتها و يفهم انه مهما عمل مش هيعرف يخليها تغير رأيها.
و تبعا لو الولد عمل كده اعتقد ان موضوع النظرات هيقل.
معتقدش ان نظرات الولد لبنت ان ده حاجه تؤكد انه بيحبها وهي لو عملت كده هتعيش في وهم كبير اوي
ساعات الانسان يكون بيبس حوليه عادي بس مثلا سرح في مشكله و نسي نفسه الناس ساعات بتفهمها غلط وهو هيحس بكده فيحاول ميكررش الموضوع ده تاني
و بالنسبه للدكتور اللي قال ان الجواز عن حب دائما بيفشل انا اعترض معاه في الموضوع ده لأن كل واحد بيبقى عرف شخصية التاني و راضي بيها.
وبعدين ليه الولد لما بنت تكون رفضه تماما حوار الصحوبيه يعد يقول عليها قفل و يشتم فيها و بعدين لما يجي يحب يتجوز يتجوز واحده ما صحبتش قبل كده .
معلش طولت بس حبيت اقول راي في حوار الحب ده

al kare
07-13-2009, 01:38 AM
السلام عليكم:

بالنسبه للناس الي بتقول غض البصر فأنا معاهم

علي الرغم من اني ولد بس مش عارف الحاجه ديه بضايقني اوي
وخصوصا ان في ناس بتزودها اوي وتحس ان عيناها هتعدي من الناحيه التانيه.................

وبصراحه وانا صغير مكنتش عارف ليه ان معظم الناس لما بتروح للجامعه بتلبس نظارات

انا كنت فاكر ان نظرهم بيضعف من كثرة المذاكره ولكن طلع نظرهم بيضعف من..................................:wiink:

وانا فعلا مع الناس الي بتقول انه لو الولد عاوز يكلم بنت
يرحلها مباشره( من غير لف ودوران وحركات كده ملهاش لزمه بتاعة العيال الصغيرين),

وبعدين يقلها الي هو عوزه وكتمه في نفسه علي طول زي مثلا:




انا اترددت اوي







قبل ما اقلك الكلام ده







بس فعلا انا مش هقدر استني







اكتر من كده لاني مش قادر






وفعلا انا قررت في الاخر





اصرحك





و





اقلك اني انا







انا






انا







انا





وبعدين تلاقي وشه راح لون وجيه لون







وبيترعش






جدا





جدا





ونبرت صوته اتغيرت






وصوته بقي منخفض




وبعدين يقلها بصراحه انا




*



*



*




*



*




انا كنت عاوز انبوبه من معاكي لأن الأنابيب الي معايا كلها اتكسرت ومش عارف اعمل ايه...............................



يعني اي حاجه عاوز يقلهلها لازم يكون شجاع وميكسفش ويقلها علي طول

والسلام ختام........................

dr_M_Gazzar
07-13-2009, 05:46 AM
الموضوع بجد يشد من أول عنوانه لغاية آخر مشاركة فيه
بما انى خلاص اتخرجت ومن جامعة فيها أضعاف أضعاف اعداد الطلاب اللى فى جامعة القناة
يعنى ياما شوفنا وسمعنا بعددكم مثلا حكاوى وقصص من دى
وأحب أقول ان 99 % فشل
لسبب بسيط جدا
ان الشباب خلاص بيفتكر انه أول لما يدخل جامعة انه خلاص بقى حر ويحب ويعمل اللى عاوزه
عشان كده فى معظم الأحيان البصات والاعجاب والكلام ده بيكون اندفاع نتيجة اعتقاده انه خلاص آن الأوان لكده
وان البنات دلوقتى مرعوبة من شبح اسمه العنوسة ويا ترى لو رفضت الشاب اللى معجب بيها ده هل ممكن ييجى غيره مستقبلا ولا لأ
فللأسف هى كمان بتفرح بالموضوع وتدخل فيه
ومع الوقت ونتيجة عدم المسئولية لازم الموضوع يفشل
أكيد كلكوا سمعتوا عن فشل الحب الأول
أهو معظمه بيبدأ من الموضوع ده
آسفة انى طولت عليكوا

Clever4Ever
07-14-2009, 03:56 AM
كل الكلام ده كويس
بس ليه تعقيب صغير
بالنسبة لموضوع ان الواحد يروح يقولها ده كلام كويس
طب لو هى وافق ايه اللى حيحصل
طبعا مش حيقضيها صحوبية عشان مينفعش وغلط
طب اليه اللى حيحصل
حيروح يكلم بابا وهو عنده 19 -20 سنة ويقولو انا عايز بنتك ومعايا 20 جنيه فى جيبى
طبعا مش حينفع
طب ايه اللى حيحصل بعد كده
!!!!!!!!!!!!!!!!!!!!!!!!!!!
تحياتى

abeer hassan
07-15-2009, 12:19 AM
انا رايى ان البنت لما بتلاقى شاب بيبصلها اكيد من جواها بتفرح
وبعدين بتبدأ هى تبص عشان تعرف اذا كان هو لسة بيبص عليها فى الاول
ودى حاجة طبيعية
وبعدين مش كل الولاد اللى بيبصوا على البنات بيكونوا بيحبوا يعنى
فى ولاد كتير بيتسلوا
عشان كدة لازم تكون البنت حذرة جدا

Nada Hassan
02-03-2010, 09:46 PM
فى الاول احب اشكرك على الموضوع وان شاء الله ما يبقاش الاخير

ثانيا : تعليقى و رائى الشخصى ف الموضوع ده

انه مجرد سوء تفاهم من طرف من الطرفين سواء البنت او الولد

او من الطرفين سوا

ممكن يكون الولد او البنت لفت نظرهم حاجة فى الطرف التانى مش اكتر من مجرد اهتمام

وده عادة بيحصل فى الاول عشان يببقى جو جديد متعودوش عليه

اما لو فى حاجة فعلا بجد اعجاب مثلا مش مجرد اهتمام

يبقى مش معنى كده ان البنت لازم توافق

هما فى الاول وفى الاخر زمايل و لازم يحافظو على احترامهم لبعض

و مايخسروش بعض كزمايل

بس الموضوع بسييييييييييييييييييييييييييط

معلش طولت فى الرد

A.Rashed
02-03-2010, 10:24 PM
انا هقول مجرد رأى شخصى مش اكتر انا شايف ان موضوع ان ولد يبص لبنت او يهتم بيها دى بتختلف من ولد لاخر يعنى فى ولاد بعيد عنكم داخلين الكلية عشان يثبتوا اكبر عدد ممكن من البنات و يضحكوا على عقلهم و شايفين الموضوع لعبة و فى ولاد تانية اخف شوية من النوع الاول بتيجى معاهم بالصدفة عجبهم كذا واحدة يقوموا يبصلهم كلهم واللى تيجى تيجى معاه و اللى تطنشه مش مشكله فى غيرها و فى نوع محترم تعجبه واحدة يبصلها غصب عنه او متعمد و يزود اهتمامه بيها عن غيرها و ده بيبان عليه لانه فى الطبيعة مش بيكلم بنات كتير و فى من نفس النوع ده بس تقيل شوية يتكلم كل فين وفين اما البنات بقى لازم ياخدوا بالهم جدا و يدرسوا اخلاق اللى قدامهم كويس عشان فى ناس كتير بيعيشوا فى احلام وردية و فى الاخر مشاعرهم تتجرح غصب عنهم لان الولاد ما عندهمش خبرة كافية انا عن نفسى موضوع الاعجاب ده هفضل محتفظ بيه لغاية ما احس ان انا اد المسئولية و ابقى اصارح البنت بعد كده بس المشكلة ساعات لما الواحد بيتاخر فى اظهار مشاعره البنت بتيئس منه و تشوف حد يهتم بيها بس انا برده عند رأيى

ايمان foi
02-03-2010, 10:30 PM
طبعا اولا واخيرا ربنا اوصانا رجال ونساء بغض البصر ولازم نحرص علي ده قدر الامكان
لان النظرة بتفتح ابواب لحاجات تانية وبالذات البنت بتخليها تفهم غلط في بعض الاوقات
ثانيا انا شايفة ان النظرات دي ما لهش لازمة يعني لو واحد معجب بواحدة يستني اما يبقي مستعد ويدخل البيت من بابه
ودي وجهة نظري الشخصية

OnAiR
02-03-2010, 10:40 PM
أنا هتكلم كلام غايه فى الصراحه
لازم نعترف بوجود ناس فى مختلف المراحل بمختلف الكليات
هدفهم الاول يكون فى شله
بنات وولاد... ممكن ميكونوش بيعملوا حاجه غلط
وهما واثقين من كدا .. وفى نفس الوقت الغلط نفسه اللى هما بيعملوه
إجتماعتهم دايما وقعدتهم مع بعض

فى ناس بتهتم ان يكون فى حواليه شله ولاد وبنات

لو ولاد بس مينفعش لازم بنات

وفى نفس الموضوع هو اقسم بالله مش بيرضاها على اخته
وانا اراهنه واناقش حد منهم لو يقدر يواجه

والمشكله ان البنات بقا ... فاكرين ده عادى .. وتقولك انا مش بعمل حاجه غلط وكل واحد عارف حدوده
حدود ايه وبتاع ايه
مين بيضحك على التانى ... اصل البنت مش عارفه مجرد وقفتها مع ولد ...
فى نظر ناس كتير يعنى ايه
حتى لو كان ايه ..


انا كنت صريح


تمسحوا كلامى
تسيبوه
هو ده بيحصل كتيييييييير

بس اللى يتكلم واللى يصلح

انا مش ملاك ... انا بشر بغلط زى طبيعه كل الناس
لحسن حد يفتكر انى واحد مثلا غير الناس

Nada Hassan
02-03-2010, 11:04 PM
انا بتفق معاكو كلكو فى كل كلمة

و بالنسبة لموضوع الشلة والبنات والولاد مع بعض طبعا غلط جداااااااا

ما فيهاش مشكلة يعنى لو ماكنش ليك اصحاب بنات او ليكى اصحاب ولاد

وبرده ما فيهاش مشكلة لو اتعاملنا مع بعض بحدود وفى نطاق الزمالة

بس هو طبعا الصح صح والغلط غلط

بس موضوع النظرات دى فعلا هى مشكلة كبيرة عشان بتتفهم غلط

وبعدين الواحد مش عارف نصيبه فين

وما فيهاش مشكلة لو الولد حس انو معجب بزميلته ده مش حرام

والعكس صحيح لان دى حاجة مش بايد الواحد

بس الغلط هو اللى ما يرضيش ربنا

فهو لو حس انو معجب بيها لازم يخاف عليها

ويستنى شوية لحد ما تسمح الظروف و يبقى الموضوع رسمى

ده لو حس انها معجبة بيه وانهم مناسبين لبعض

ايمان foi
02-03-2010, 11:11 PM
ياجماعة انا شايفة ان الموضوع مرتبط بالدين والتربية يعني اللي تربيته سليمة عمر ما حياة الجامعة تغيره وتخلي كل تفكير في الصحوبية والنظرات

ابن الهيثم
02-03-2010, 11:43 PM
ياجماعة انا شايفة ان الموضوع مرتبط بالدين والتربية يعني اللي تربيته سليمة عمر ما حياة الجامعة تغيره وتخلي كل تفكير في الصحوبية والنظرات

والله أصبت يادكتورة

Le Roi
02-03-2010, 11:52 PM
أولا شكرا علي على الموضوع
ثانيا أنا شايف إن الكلام ده -مع احترامي لكل الناس اللي معجبة ببعض- بدرجة كبيرة لعب عيال و مواضيع في اغلب الأحيان مش بتنجح الموضوع ممكن ناخده من كذا زاوية الأولى لو طرف و كان الولد مثلا معجب بالطرف الاخر و الطرف الاخر مش موافق هيفضل هو سعاته يبص لها طول الليل و النهار و غيره و غيره و ممكن هي طبعا مش تقول له رد و يفضل هو متعلق و يضيع وقته و دروسه على حاجة في الاخر سوري يعني هيطلع خسران كل حاجة
من زاوية تانية لو الطرف التاني موافق إيه اللي هيحصل ؟ هيحبها ؟ هتحبه ؟ طب وبعدين ؟؟؟؟ ابسط حاجة انه هيوعدها بحاجة طبعا مش في ايده ولا قادر يضمن ربعها حتى و مع الوقت تزيد وعوده , مع الوقت برده توقع المشاكل سواء لها أو ليه و من ثم قد تصل الموضوع إن سعاته ينسى كل وعوده و هي كذلك و يخرجوا بايه كلاهما ضيع وقته على حاجة مخرجش منها بفايدة .... أنا بتكلم من الناحية العملية ده طبعا غير الناحية الدينية
أنا شايف إن طول ما الواحد مش قادر يحافظ على نفسه يبقى هيحافظ على غيره إزاي ؟ طول ما هو لسة بياخد مصروف من والده ؟ يقدر يقولي لو حصل لا قدر الله بينه و بـين ولده مشكلة ما و قطع عنه مصروفه هيبقى شكله إيه ؟؟؟
أنا عن رأيي و ده عن تجارب و حكاوي ناس , إن الواحد زيه زي أي شخص له اولويات تختلف على حسب سنه و قدرته الاجتماعية
الاعجاب أو الحب إذا كنت عايز توصله لحاجة هيبقى لايه ؟؟؟؟ لجواز ؟؟؟ في رايي مش دي اولويات الواحد دلوقتي
ناهيك عن كثير ما بنسمع و كثير ما خرجت علينا الدراسات إن بنسبة كبيرة الزواج الناتج عن قصة حب قديمة بنسبة كبيرة بيفشل !!!!!! غير كده لازم الواحد يراعي إن حاجة زي كده مش عشان اتنين معجبين ببعض يبقى خلاص يتجوزوا , الجواز ده رباط قبل ما يكون بين شخصين هيكون بين عيلتين أو أسرتين لازم يكون في توافق بينهم اجتماعي و ثقافي
أنا شايف إن الواحد يركز في اللي هو فيه الأول و بعدين لما ربنا يكرمه و يخلص و يبقى قادر يتحمل مسئولية و اعباء اسرة يبقى يدور و يشوف , و ساعتها هيلاقي نصيبه اللي هو عايزه جي لحد عنده غير كده يبقى استعجال و لعب عيال ده رايي !
و تقبلوا تحياتي

OnAiR
02-04-2010, 08:53 AM
و بالنسبة لموضوع الشلة والبنات والولاد مع بعض طبعا غلط جداااااااا





أه لو نتشجع ونتكلم بصراحه .. وأنتى لو بنت .. لازم تقولى كدا
لكن انا ولد .. وعارف اللى بيتقال .. وعارف اللى بيحصل

ممكن تكون فهمت كلامى غلط ... اصل فى ناس
تلاقيهم قاعدين فى الكليه بالساعات وهما اصلا مش وراهم حاجه
أو يروحوا الكليه والمحاضرات شغاله ودول بره بيتسلوا مع بعض,...

أكيد فى كلام كتير ومشاهد كتير مش هحب أدخل فى تفاصيلها

أنا بس حبيبت اتكلم بصراحه مع تقديرى وأحترامى لكل حد قال رائيه

malak a.
02-04-2010, 11:55 AM
[quote=ايمان foi;236357]
ياجماعة انا شايفة ان الموضوع مرتبط بالدين والتربية يعني اللي تربيته سليمة عمر ما حياة الجامعة تغيره وتخلي كل تفكير في الصحوبية والنظرات

والله دى اكتر كلمة عجبتنى في الموضوع وانا مؤمنة ليها جدا
غير المناظر المستفذة اللي ممكن تشوفيها في الجامعة
في مناظر اكثر منها استفذاذا في اتوبيسات السفر وان صح التعبير مناظر تخجل لها العين
من وجهة نظري كل بنت او ولد خرج للكلية فهو يحمل معه ثقة كبيرة وضعها اهله فيه
مجرد بقي المناظر الغريبة اللى بنشوفها دى فهى خيانة واخلال بالثقة اللي وضعها أهلنا فينا(ما هم مش معقول هيمشوا ورا ولادهم يراقبوهم)هنا بقي بيتدخل عامل التربية
لأن اكيد مفيش ام واب عارفين ان بنتهم خارجة ومسافرة ومكلفاهم علشان تنزل تقف مع
شلة الولاد

Nada Hassan
02-04-2010, 12:02 PM
صح يا اية انت عندك حق انتى وايمان

انا متفقة معاكو جدا

Aly motlak
02-04-2010, 03:37 PM
أولا شكرا علي على الموضوع
ثانيا أنا شايف إن الكلام ده -مع احترامي لكل الناس اللي معجبة ببعض- بدرجة كبيرة لعب عيال و مواضيع في اغلب الأحيان مش بتنجح الموضوع ممكن ناخده من كذا زاوية الأولى لو طرف و كان الولد مثلا معجب بالطرف الاخر و الطرف الاخر مش موافق هيفضل هو سعاته يبص لها طول الليل و النهار و غيره و غيره و ممكن هي طبعا مش تقول له رد و يفضل هو متعلق و يضيع وقته و دروسه على حاجة في الاخر سوري يعني هيطلع خسران كل حاجة
من زاوية تانية لو الطرف التاني موافق إيه اللي هيحصل ؟ هيحبها ؟ هتحبه ؟ طب وبعدين ؟؟؟؟ ابسط حاجة انه هيوعدها بحاجة طبعا مش في ايده ولا قادر يضمن ربعها حتى و مع الوقت تزيد وعوده , مع الوقت برده توقع المشاكل سواء لها أو ليه و من ثم قد تصل الموضوع إن سعاته ينسى كل وعوده و هي كذلك و يخرجوا بايه كلاهما ضيع وقته على حاجة مخرجش منها بفايدة .... أنا بتكلم من الناحية العملية ده طبعا غير الناحية الدينية
أنا شايف إن طول ما الواحد مش قادر يحافظ على نفسه يبقى هيحافظ على غيره إزاي ؟ طول ما هو لسة بياخد مصروف من والده ؟ يقدر يقولي لو حصل لا قدر الله بينه و بـين ولده مشكلة ما و قطع عنه مصروفه هيبقى شكله إيه ؟؟؟
أنا عن رأيي و ده عن تجارب و حكاوي ناس , إن الواحد زيه زي أي شخص له اولويات تختلف على حسب سنه و قدرته الاجتماعية
الاعجاب أو الحب إذا كنت عايز توصله لحاجة هيبقى لايه ؟؟؟؟ لجواز ؟؟؟ في رايي مش دي اولويات الواحد دلوقتي
ناهيك عن كثير ما بنسمع و كثير ما خرجت علينا الدراسات إن بنسبة كبيرة الزواج الناتج عن قصة حب قديمة بنسبة كبيرة بيفشل !!!!!! غير كده لازم الواحد يراعي إن حاجة زي كده مش عشان اتنين معجبين ببعض يبقى خلاص يتجوزوا , الجواز ده رباط قبل ما يكون بين شخصين هيكون بين عيلتين أو أسرتين لازم يكون في توافق بينهم اجتماعي و ثقافي
أنا شايف إن الواحد يركز في اللي هو فيه الأول و بعدين لما ربنا يكرمه و يخلص و يبقى قادر يتحمل مسئولية و اعباء اسرة يبقى يدور و يشوف , و ساعتها هيلاقي نصيبه اللي هو عايزه جي لحد عنده غير كده يبقى استعجال و لعب عيال ده رايي !
و تقبلوا تحياتي


انا متفق معاكي جدا جدا يادكتورة

Aly motlak
02-04-2010, 03:44 PM
وبعدين اية الي فتح الموضوع دة تاني انا مصدقت انة اتنسي

dr.dora
02-04-2010, 04:07 PM
ياجماعة انا شايفة ان الموضوع مرتبط بالدين والتربية يعني اللي تربيته سليمة عمر ما حياة الجامعة تغيره وتخلي كل تفكير في الصحوبية والنظرات



طبعا صح جدااااااااا
فكرتيني بلقطة في مسلسل الشعراوي بنته كانت عاوزة تكمل تعليمها وتروح الجامعة
واخوها مش موافق وخايف عليها انها تتغير
تتغير طبعا للأسوة ساعتها بقي حسن يوسف اللي قايم بالدور قاله
هي مش لازم تتغير هي ممكن تغير
اكيد طبعا التربية بتفرق كتييييييير

ابن الهيثم
02-04-2010, 08:54 PM
السلام عليكم و رحمة الله وبركاته
يا جماعة الموضوع فعلاً حيوى للمناقشة، لكن الكلام فى موضوع زى ده يجب أن يبتعد عن العاطفية البحتة ،والعقلانية الطلقة ،ويجب أن نلزم الوزن فى مثل هذه الأمور الحرجة ، فلا إفراط ولا تفريط ،ذلك أن الإنسان مزيج من العقل والعاطفة، لكنه قبل أن يكون عاقلاً مفكراً ،كان كتلة ضئيلة من الغرائز والمشاعر ، فمثل هذه المشاكل لكى نضع له الحلول ، علينا أن نراعى الإختلاف فى نوع الشخصية ، لنعرف كيف يمكننا التحكم فى عواطفنا عن طريق عقولنا مع تحقيق الرضا التام للمشاعر .
( مستمر)

ابن الهيثم
02-04-2010, 09:35 PM
وعلاقة الكلام اللى فات بموضوع تبادل النظرات ، أن صاحب النظرة (الولد أوالبنت) هو نوع من الشخصيات ، له هدف من النظرة :unsure: فهى اما إعجاب او حب او احترام او إلة أدب ، بصراحة الكلام في الموضوع ده هيطول ، ويريت نستحمل بعض،
طب الولد لو لئى نفسه بيبص لواحده معجب بيها يعمل ايه ؟؟
1- عليه أن يعلم أن نظر الله إليه أسرع من نظره إليها ، أنها خطوه من خطوات الشيطان ( حتى لو بيحبها )
2-يفتكر ان ليه بنات ( خواته أو أرايبه)
3-يصبر ويفتكر أنه متربى ( ويعرف أنه لو بعد هيصبح هو المطلوب )
4-يترفّع عن النظر علشلن لما يروح يلائى نفسه باله مرتاح .
طب البنت تتصرف ازاى ؟؟؟
1-ماتحكيش لأى حد من صحابها ان فى حد مركز معاها
2- تطنشه لحد مايفقد الأمل
3-لو حاول يتعرضلها تطلب مساعدة حد كبير زى دكتور مثلاً أو أى ولد محترم بيفهم يلم الموضوع بطريقة دبلوماسية ولا تخضع بالقول فيطمع الذى في قلبه مرض ، (حتى لو بتحبه )
4-البنت لازم تكون محترمه فى كلامها وتعاملها ولبسها علشان تقفل الطريق ،
طب الولد لو لقى حد بيبص عليه ؟؟؟
1- يتقى الله ويلزم أخلاق محمد صلى الله عليه وسلم ، وعليه بعفة يوسف عليه السلام ، ويعلم أن هذا من الفتنة ؟؟
2- كل ما يمسك نفسه كل ما هيزيد احترامه فى قلوب الناس
طب البنت لو بصت على حد واتعلقت بيه ؟؟؟
1-العفة والحياء من أجمل صفات الأنثى ، غض البصر هو الحل
2-تفتكر انها بنت ، وتخاف على سمعتها وسمعة عليتها ( حتى لو بابى Large و مامى X-Large )
والله ده رأيى والله من وراء القصد وهو يهدى السبيل :o

king tito
02-04-2010, 10:03 PM
هههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههههه
هم يضحك
وهم يبكى
ووهم يناقشه مجموعه من العقلاء
بتناقشوا ايه يا دكاتره

نقفل الموضوع بكلمتين
لو بصيت للموضوع من ناحية الدين
فهى طبعا حرام
ولو بصيتلها من ناحية الحريه والناس الكول
وبيس يا مان والحركات دى
يبقى حلال اوى

وعليك انك تختار
يا دينك
يا الحياة

مع تغير الظروف يا بنى ادمين
والى من لايفهم معنى كلمة ظروف
ماليش دعوه بقى يحاول يفهمها
هو انا هقطع نفسى

Aly motlak
02-05-2010, 01:42 AM
وعلاقة الكلام اللى فات بموضوع تبادل النظرات ، أن صاحب النظرة (الولد أوالبنت) هو نوع من الشخصيات ، له هدف من النظرة :unsure: فهى اما إعجاب او حب او احترام او إلة أدب ، بصراحة الكلام في الموضوع ده هيطول ، ويريت نستحمل بعض،
طب الولد لو لئى نفسه بيبص لواحده معجب بيها يعمل ايه ؟؟
1- عليه أن يعلم أن نظر الله إليه أسرع من نظره إليها ، أنها خطوه من خطوات الشيطان ( حتى لو بيحبها )
2-يفتكر ان ليه بنات ( خواته أو أرايبه)
3-يصبر ويفتكر أنه متربى ( ويعرف أنه لو بعد هيصبح هو المطلوب )
4-يترفّع عن النظر علشلن لما يروح يلائى نفسه باله مرتاح .
طب البنت تتصرف ازاى ؟؟؟
1-ماتحكيش لأى حد من صحابها ان فى حد مركز معاها
2- تطنشه لحد مايفقد الأمل
3-لو حاول يتعرضلها تطلب مساعدة حد كبير زى دكتور مثلاً أو أى ولد محترم بيفهم يلم الموضوع بطريقة دبلوماسية ولا تخضع بالقول فيطمع الذى في قلبه مرض ، (حتى لو بتحبه )
4-البنت لازم تكون محترمه فى كلامها وتعاملها ولبسها علشان تقفل الطريق ،
طب الولد لو لقى حد بيبص عليه ؟؟؟
1- يتقى الله ويلزم أخلاق محمد صلى الله عليه وسلم ، وعليه بعفة يوسف عليه السلام ، ويعلم أن هذا من الفتنة ؟؟
2- كل ما يمسك نفسه كل ما هيزيد احترامه فى قلوب الناس
طب البنت لو بصت على حد واتعلقت بيه ؟؟؟
1-العفة والحياء من أجمل صفات الأنثى ، غض البصر هو الحل
2-تفتكر انها بنت ، وتخاف على سمعتها وسمعة عليتها ( حتى لو بابى large و مامى x-large )
والله ده رأيى والله من وراء القصد وهو يهدى السبيل :o

عندك حق فكل الي قلتة يادكتور وانا متفق معاك

Le Roi
02-06-2010, 03:09 PM
انا متفق معاكي جدا جدا يادكتورة

اشكرك بس أنا عندي اعتراض بسيط على التاء المربوطة اللي في الاخر

Aly motlak
02-06-2010, 05:46 PM
معلش يا دكتور مكنتش اعرف ان حضرتك ولد
ياريت تتقبل اعتذاري

ابن الهيثم
02-06-2010, 09:49 PM
معلش يا دكتور مكنتش اعرف ان حضرتك ولد


ياريت تتقبل اعتذاري

أنا كنت عارف ، وعلشان كدة عملتلكThanks:p

dr\rere
03-24-2010, 05:13 AM
السلام عليكم

بجد موضوع مهم جدااااااا وبصراحة مش لاقية حاجة تانية اقولها
كل الكلام اللى انتوا قلتوه مظبوط وصح جداا بارك الله فيكوا

بس اهم حاجة ان الواحد مش يتكلم وبس لازم كل واحد ينفذ كلامه
مش يقول كلام وخلاص:wiink:
انا بلاحظ دايما ان الشخص سواء ولد او بنت يبقى كلامه ما شاء الله كله حكم وينصح ده وده
طيب هو بيعمل ايه؟؟؟:thnk:
يا جماعة اهم حاجة ان الواحد يطبق كلامه على نفسه قبل ما ينصح بيه غيره

يعنى سواء ولد او بنت كلنا متفقين ان حرام ان الولد يبص للبنت والعكس
يبقى اهم حاجة نطبق ده عملى فى حياتنا ونتقى الله فى كل حاجة بنعملها
وربنا يهدينا جميعا ياااارب