المساعد الشخصي الرقمي

مشاهدة النسخة كاملة : الضحية"لعبة لذيذة"



الصفحات : 1 2 3 4 5 6 7 8 9 10 11 12 13 [14] 15 16 17

Ahmed Mimo
03-18-2010, 01:14 AM
بما ان الدكتور خالد هو الضحية اساله سؤال

اليومين دول مبتقعدش كتير على الفيس ليه ولا انا اللى مسافر ؟؟؟

Clever4Ever
03-18-2010, 01:25 AM
اهلاً بحضرتك يا دكتور ضحية
اهلا بيكى يا اختى:(
يا ترى طولك كام متر ؟
1.85
بيضيق مموضوع انك طويل اوى كدة ؟
لا
ايه رائيك فى المقولة اللى بتقول الطول هيبه ؟
ماشى بس مش ديما يعنى
ساعات يبقى فى ناس طوال بصورة مستفزة:whistling:
هل بيسببلك الطول مشكلة فى السفر ؟(انا ممكن ارد على السؤال ده )
ساعات سقف البيجو يبقى داخل فى دماغى
او ركبى بتتحشر فى الكرسى اللى قدام
;);)

....................
يا ترى بنحب موبايل 6600 اكتر و لا n 95 ؟
N95 طبعا
وعلى فكرة مفيش مسافة بين الان وال95 :whistling:
ايه اكتر اغنية بتسمعها على موبيلك ؟
حبيبى وانت بعيد
ايه علاقتك بالهندفرى بتاعتك ؟ ( قال يعنى انا مش عارفة ) :whistling:
لبسنا دبل:p:p
.................
ايه اكتر اكله محببه ليك ؟؟
الفراخ
امتى اخر مرة نزلت مع اختك؟ :wiink:
نزولة نزولة يوم ما اشتريت ليها الموبايل الصيف اللى فات
لكن ساعات فى الجامعة بخدها فى ايدى بدل ما تروح لوحدها:blush::blush:
بتحب تسافر فى الاتوبيس و لا الميكروباص و لا البيجو ؟
الاختيار التانى
خصوصا لو 2010 الجديد وبيمشى ع 130

............
يا ترى ايه اللى مخليك عندك برد اليومين دول و عمال تكح لغاية ما حتعدينا :p؟
قضى ربنا
...
نكتفى بهذا القدر لحين ظهور اثاره الاوليه :blush:

ماشى يا ستى:p







يبقى اسأل براحتى
اتفضلى يا دكتورة
هو ممكن يا دكتور تسيب يسرا تسافر لوحدها فعلا ؟
لا طبعا ,,,, دى مسئولية ولو فى اى مشكلة او حاجة وهى نادرا ماتحدث,, ده ميخلكش تتخلى عن مسئوليتك
وكمان تبقى عيب اوووووووووووووووووى
اصل انا دماغى صعيدى فى المواضيع دى
خصوصا مع اختى دى
:confused::confused:
يعنى مثلا لو زعلانين من بعض ممكن تسيبها لوحدها كدة و تمشى ؟؟؟
لا يمكن,,ممكن مكلمهاش ,, لكن الواجب بيقول لازم افضل
مش الكبير برضو:whistling::whistling:
دة سؤال من الاسئلة اللى فى دماغى بس لسة كتير
على بكرة ان شاء الله انزلهم

منتظرهم




بما ان الدكتور خالد هو الضحية اساله سؤال

اليومين دول مبتقعدش كتير على الفيس ليه ولا انا اللى مسافر ؟؟؟
اصل طول الاسبوع سفريا ابوحميد
وكمان البرد تاعبنى شوية فمش مركز
ساعات بدخل بس اوف لاين




:blush::blush::blush::blush:

pureheart
03-18-2010, 01:49 AM
وعلى فكرة مفيش مسافة بين الان وال95 :whistling:

ايه علاقتك بالهندفرى بتاعتك ؟ ( قال يعنى انا مش عارفة ) :whistling:
لبسنا دبلhttp://www.phmcy.com/vb/images/green2/smilies/tonguee.gifhttp://www.phmcy.com/vb/images/green2/smilies/tonguee.gif
هههههه
معلش المسافة ديه اسبشيل عشانى
.....
محدش قال يعنى :whistling:




امتى اخر مرة نزلت مع اختك؟ :wiink:
نزولة نزولة يوم ما اشتريت ليها الموبايل الصيف اللى فات
لكن ساعات فى الجامعة بخدها فى ايدى بدل ما تروح لوحدهاhttp://www.phmcy.com/vb/images/green2/smilies/blush.gifhttp://www.phmcy.com/vb/images/green2/smilies/blush.gif
ايه الفضايح ديه





هو ممكن يا دكتور تسيب يسرا تسافر لوحدها فعلا ؟
لا طبعا ,,,, دى مسئولية ولو فى اى مشكلة او حاجة وهى نادرا ماتحدث,, ده ميخلكش تتخلى عن مسئوليتك
وكمان تبقى عيب اوووووووووووووووووى
اصل انا دماغى صعيدى فى المواضيع دى
خصوصا مع اختى دى
http://www.phmcy.com/vb/images/green2/smilies/dntknw.gifhttp://www.phmcy.com/vb/images/green2/smilies/dntknw.gif
يعنى مثلا لو زعلانين من بعض ممكن تسيبها لوحدها كدة و تمشى ؟؟؟
لا يمكن,,ممكن مكلمهاش ,, لكن الواجب بيقول لازم افضل
مش الكبير برضوhttp://www.phmcy.com/vb/images/green2/smilies/whistling.gifhttp://www.phmcy.com/vb/images/green2/smilies/whistling.gif
واجب
انت محسسنى انك بتتكلم على واحدة فى تانية ابتدائى
...............
بعدين يا جماعة يعنى هى سفريتان او سفريه واحدة
فى الاسبوع مع بعض و خلاص لحسان انتوا
شكلكوا فاكرين ان احنا كل سفرنا مع بعض
................
معلش يا دكتور عارفة انى حشره نفسى بس لازم اساعدك مش اخويا الكبير :D:wiink:

yasmina
03-18-2010, 01:59 PM
معلش ياخالد هههههههه هابي ضحية:whistling:

عجبتني اسئلتك يايسرا علفكرة:p:whistling:

dr.dora
03-18-2010, 02:18 PM
3-approve
مين انت بالضبط؟؟؟
ههههههههه
هي هبة خلاص قالت
بس انا عرفتها من اول مشاركة كتبتها
من الاسلوب :blush:
ميمونة كانت فاكراها رباب ههههه
..................
يا ترى طولك كام متر ؟
1.85
ما شاااااااااء اللــــــــه
ده احنا كدة اقذام ;)ده يسرا اطول مني :hey:
انا من زمان بقول مين يشترك معايا في حملة اتبرع بسم(سنتيمتر :whistling:
انا مش بقر خااااالص علي فكرة :p


بيضيق مموضوع انك طويل اوى كدة ؟
لا
:whistling::whistling::whistling:
:hit:

dr.dora
03-18-2010, 05:55 PM
2- dr.dora
شايفه قسم الحوار العام ناقصه ايه ؟؟؟
ناقصه كتير بصراحة
من حيث طريقة عرض المواضيع والافكار والمواضيع نفسها
ومشاركة الاعضاء
ومحتاج لاعضاء زيك بتدخل وتشارك وبتقول رأيها
ومحتاجين منكم تقولولنا رأيكم واللي مش عاجبكم واللي عاوزينه

منكرش انه من الاقسام الصعبة لكن بنحاول انه يكون احسن دايما
وربنا ييسر

pureheart
03-18-2010, 06:19 PM
اهلاً بضحيتنا
انا قولت اعدى و اديك كام سوال على الماشى كدة
...............
شايف ايه اكتر صفة بتميزك ؟
ايه اكتر عيب فيك ؟
ايه راى الناس فيك ؟
بتشجع الاهلى و لا الزمالك ؟
مين اكتر شخص بترغى معاه ؟
ايه اكتر حاجة بتنرفزك فى الجامعة؟
بتمشى ليه بطىء لما اكون ماشية معاك ؟:p:p
زهقت منى و لا لسه ؟ :whistling:

شكلك لسه
طب اكمل اسئلة
__________
ايه لونك المفضل ؟
ليك فى الكمبيوتر و لا لا ؟
ايه رايك فى الاجتماع الاسرة يوم الاتنين اللى فات ؟
شايف الادمن ديمقراطى و لا لا ؟
شايف مذكرة الامتحانات فكرة فاشلة و لا ناجحة ؟
ايه رايك فى الشغل فى القسم الدراسى مع دينا عرابى ؟
حتسافر معايا يوم السبت و لا لا ؟

كدة كفايه اوى :Evil:
باى باى

dr.dora
03-18-2010, 06:43 PM
بما ان يسرا سألت انا كمان هسأل (يعني هي السبب :p)

لو طلبوا منك تغير اسمك الحقيقي واسمك ع المنتدي (اجباري علي فكرة )
هتغيره لايه ؟

انتي سألتني سؤال عن قسم الحوار انا بوجهولك شايف ناقصة ايه ؟

ايه القنوات المفضلة ؟

هل في برنامج معين متابعه؟او بتحب تتفرج عليه ؟

ايه رأيك في استاد السويس ؟

طيب ايه رأيك في حي السويس ؟!

ركبت قطر قبل كده ؟

طيارة؟

لو اه فاكر اول مرة ركبتهم فيها وشعورك كان ايه؟

بتحب المغامرة؟

امتي غامرت وندمت ؟!

طالع رحلة في النيل لوحدك ومطلوب تاخد حد معاك هتاخد مين ؟

وليه؟

بتقعد فين في المدرج ؟

هل في ناس معينة مبتحبش تقعد قدامهم او وراهم ؟

قولي 5 حاجات نفسك تشوفهم او يتحققوا في السويس او المكان اللي انت ساكن فيه ؟

لوبقيت وزير تحب تكون وزير ايه ؟ وهتحقق ايه ؟

ايه رأيك في الجناين والخضرة ؟

لما بتبقي مضايق بتعمل ايه ؟

سؤال آخير: ايه رأيك في اسم دورا (بصراحة :thnk:

WhiTe ClouD
03-18-2010, 07:50 PM
وخالداه:whistling:
....

بقالى زمن مشاركتش هنا والواحد بيخاف يهوب هنا لاحسن يتدبس

بس بحيى خالد على صراحته
يمكن معرفوش اوى بس من تعامل بسيط قريب
حسيته انسان صادق مع نفسه


كملوا بقى ولا كأنى جيت:whistling:

Clever4Ever
03-18-2010, 08:06 PM
اهلاً بضحيتنا
انا قولت اعدى و اديك كام سوال على الماشى كدة
قولى ياختى
...............
شايف ايه اكتر صفة بتميزك ؟
الاصرار
ايه اكتر عيب فيك ؟
التسرع
ايه راى الناس فيك ؟
اسأليهم
بتشجع الاهلى و لا الزمالك ؟
الاهلى
مين اكتر شخص بترغى معاه ؟
اخويا الكبير
ايه اكتر حاجة بتنرفزك فى الجامعة؟
الطريق الطوووووووووووويل +++ الصحرا الواسعة
بتمشى ليه بطىء لما اكون ماشية معاك ؟:p:p
مجبر اخاك لا بطل
زهقت منى و لا لسه ؟ :whistling:
قدرنا:whistling::whistling:

شكلك لسه
طب اكمل اسئلة
__________
ايه لونك المفضل ؟
لون خطك ده
ليك فى الكمبيوتر و لا لا ؟
شوية
ايه رايك فى الاجتماع الاسرة يوم الاتنين اللى فات ؟
كان عايز كراسى وحاجة ساقعة:wiink:
شايف الادمن ديمقراطى و لا لا ؟
كويس ,,
شايف مذكرة الامتحانات فكرة فاشلة و لا ناجحة ؟
كويسة
ايه رايك فى الشغل فى القسم الدراسى مع دينا عرابى ؟
مش بطال خالص
,,,,
بس هو حاليا لا جديد على الروتين بتاع الشغل
حتسافر معايا يوم السبت و لا لا ؟
شكلى كده لا,,, البرد مش ناوى يخلص:p:p
كدة كفايه اوى
احسن
باى باى
وانتى من اهله:blush:






لو طلبوا منك تغير اسمك الحقيقي واسمك ع المنتدي (اجباري علي فكرة )
هتغيره لايه ؟
الحقيقى يبقى احمد
والمنتدى يبقى khaled we bas
:whistling::whistling::whistling:
انتي سألتني سؤال عن قسم الحوار انا بوجهولك شايف ناقصة ايه ؟
اعتقد عايز اسلوب دعاية وتنظيم للمواضيع اللى فيه اكتر من كده
وكمان شوية مسابقات من ام نقط تقييم دى
الاعضاء بيحبو الكلام ده

ايه القنوات المفضلة ؟
MBC Series
الحياة
هل في برنامج معين متابعه؟او بتحب تتفرج عليه ؟
لا
مش فااضى
ايه رأيك في استاد السويس ؟
الجديد حلو دخلته ايام كاس الشباب
انما القديم
ربنا يخدوا ويريحنا منه
بيخلى شكل الكورنيش مش حلو
عايز شغل كتير
طيب ايه رأيك في حي السويس ؟!
زاحمة ومش بينفع فى المشى اوى
بس شغال

ركبت قطر قبل كده ؟
ابدا
طيارة؟
كتيرررررر
لو اه فاكر اول مرة ركبتهم فيها وشعورك كان ايه؟
كان عندى سنتين:blush:
ولما سفرت وانا واعى كان ليها احساس طبعا
تحس انك فى حاجة غريبة
ماهو الكلام ده ايام ما كنت ابن 8 سنين

بتحب المغامرة؟
اه

امتي غامرت وندمت ؟!
اخر الترم الاول السنة دى
طالع رحلة في النيل لوحدك ومطلوب تاخد حد معاك هتاخد مين ؟
اخويا الصغير
وليه؟
عشان يتفسح
بتقعد فين في المدرج ؟
حاليا البنش التانى
هل في ناس معينة مبتحبش تقعد قدامهم او وراهم ؟
اااااااااااااااه

قولي 5 حاجات نفسك تشوفهم او يتحققوا في السويس او المكان اللي انت ساكن
فيه ؟
يفتحوا فرع لبيتزا هات
يفتحوا ملاهى عدلة ,, مش حديقة مبارك
التاكسيات غالية هنا
لو ينفع ينقلولنا هرم هنا ولا حاجة عشان عايز اشوفهم:p
النظافة فى الشارع;);)
نفسى موقف البيجو يبقى على اول الطريق مش هنااااااااااك

لوبقيت وزير تحب تكون وزير ايه ؟ وهتحقق ايه ؟
الصناعة,, حخلى العربيات رخييييييييصة

ايه رأيك في الجناين والخضرة ؟
طبيعة جميلة ,, خصوصا بالليل مع نسمة هوا

لما بتبقي مضايق بتعمل ايه ؟
بتمشى او باكل:whistling:

سؤال آخير: ايه رأيك في اسم دورا (بصراحة

اسم شخصية كرتون
بس مش بطال كأسم مستعار
ينفع فى المنتدى
بعدين الواحد اتعود ع كل عضو بأسمه خلاص
نو تغييررررررررررر







:wiink::wiink::wiink::wiink::wiink:

Dr.mona
03-18-2010, 10:09 PM
امبارح لقيت آخر مشاركة فى اللعبة لclever4ever
استغربت لأنك تقريبا مبتشاركش كتير هنا
دخلت لقيتك ضحية
بس بصراحة ونعم الاختيار
شاطرة فعلا يا دودى ....تمويه جامد جدااااا:wiink:
اجاباتك حسيتها صريحة و بسيطة
أول ضحية أقعد أقرالها كل ردودها بالشكل ده

عجبانى جدا أسئلة يسرا
ههههههههه خافى على نفسك يا بنتى
مش هنعرف نلحقك عندك:D
هابى ضحية يا دكتور :o
ان شاء الله هسأل
بس لو سألت هسأل كتيييييييير:unsure:

Clever4Ever
03-18-2010, 10:50 PM
اجاباتك حسيتها صريحة و بسيطة
أول ضحية أقعد أقرالها كل ردودها بالشكل ده
متشكرين
عجبانى جدا أسئلة يسرا
ههههههههه خافى على نفسك يا بنتى
مش هنعرف نلحقك عندك:D
هابى ضحية يا دكتور :o
ان شاء الله هسأل
بس لو سألت هسأل كتيييييييير:unsure:
اتفضلى
بس قبل يوم الاتنين
:wiink::wiink:




:o:o:o:o:o

Heba Mahmoud
03-19-2010, 10:24 AM
هو مجرد سؤال عابرؤ لا اكتر لانى حسيت ان فى حاجه انا موش فاهماها :whistling:
هو موش مده الضحيه 3 ايام ويختار ضحيه جديده
ليه بتقولو يوم الاتنين الضحيه الجديده :thnk:
ايه اللى انا موش فاهماه:D

Clever4Ever
03-19-2010, 10:26 AM
هو مجرد سؤال عابرؤ لا اكتر لانى حسيت ان فى حاجه انا موش فاهماها :whistling:
هو موش مده الضحيه 3 ايام ويختار ضحيه جديده
ليه بتقولو يوم الاتنين الضحيه الجديده :thnk:
ايه اللى انا موش فاهماه:d




بصراحة انا واخد الفكرة دي من منتدى تاني
وهي لعبة لذيذة معتمدة على الصراحة والصدق
هناخد كل اسبوع ضحية "عضو من الاعضاء"
الاسبوع هيبتدي من الاثنين للاثنين
طول الاسبوع ده هنسأل الضحية دي اسئلة عنه وهو يجاوب بصراحة وفي نهاية الاسبوع الضحية هتختار الضحية اللي بعدها وهكذا

دى المشاركة الاولى فى الموضوع

dr.dora
03-19-2010, 11:20 AM
ااااااااااه
لا بس حصل تعديل وقالوا اسبوع كتير فبقت 3 ايام
بس طول ما في اسئلة متجاوبش عنها فبتختار بعد ما تخلص
وبس
:blush:

Clever4Ever
03-19-2010, 12:04 PM
طب كويس اوووووووووووى
يعنى كده انا افراج
اختار
اختار
اختار
.
.
.
.
.
.
.
.
The Princess
:Evil:

dr.dora
03-19-2010, 12:06 PM
ههههههههههه
انا متخيلاها لما تعرف انها ضحية
:whistling::whistling:
بس احب اشكرك علي صراحتك اللي لمستها من اجاباتك
واتمنالك التوفيق
:o

pureheart
03-19-2010, 03:01 PM
يلا فين جيلان

عايزين نسأل الضحية الجديدة :Evil:

The Princess
03-19-2010, 04:22 PM
دة النت كان بايظ خالص امبارح
و ما صدقت اتعدل سنة النهاردة و قلت احط الاسئلة
الاقيك حططنى ضحية
انا اول ما شوفت اسمك و الواد اللى بيصفر دة
قلبى اتقبض قبل ما افتح اللينك
حسيت بمصيبة كدة جاية عليا
حاضر
هاخلص و انزلك تانى و اسئلك :Evil:بسيطة يعنى
و انا اللى كنت باقول عليك طيب

Clever4Ever
03-19-2010, 04:28 PM
دة النت كان بايظ خالص امبارح
و ما صدقت اتعدل سنة النهاردة و قلت احط الاسئلة
الاقيك حططنى ضحية
انا اول ما شوفت اسمك و الواد اللى بيصفر دة
قلبى اتقبض قبل ما افتح اللينك
حسيت بمصيبة كدة جاية عليا
حاضر
هاخلص و انزلك تانى و اسئلك :Evil:بسيطة يعنى
و انا اللى كنت باقول عليك طيب


ويا ترى غيرتى رأيك ؟؟؟؟؟؟
ماهو لازم يبقى فى ضحية بعدى
:wiink::wiink::wiink:

The Princess
03-19-2010, 04:35 PM
ههههههههههه

انا متخيلاها لما تعرف انها ضحية
:whistling::whistling:
بس احب اشكرك علي صراحتك اللي لمستها من اجاباتك
واتمنالك التوفيق

:o

متخيلة ايه ياختى
دة انا مش متخيلة نفسى
انا عاملة حسابى على يوم الاتنين
جيت افتح الضحية مش راضية تفتح و النت معلقنى
فتحت التنبيهات لاقيته بعتلى لينك
قلت استر يا رب
تلاقيه بيقلقنى شوية
اتارينى ادبست و وقعت و لا حد سمى عليا :(

The Princess
03-19-2010, 04:40 PM
ويا ترى غيرتى رأيك ؟؟؟؟؟؟
ماهو لازم يبقى فى ضحية بعدى
http://www.phmcy.com/vb/images/green2/smilies/wiink.gifhttp://www.phmcy.com/vb/images/green2/smilies/wiink.gifhttp://www.phmcy.com/vb/images/green2/smilies/wiink.gif
</B></I>



:Evil::Evil::Evil::Evil:

Heba Mahmoud
03-19-2010, 04:42 PM
بقالك كتير بتتفرجى بس ياجيلان
جربى بقى :whistling:

Clever4Ever
03-19-2010, 04:45 PM
اسهل من شكة الدبوس بجد
...
مجرد قولى الصراحة وميهمكيش
ولو سؤال معجبكيش
طنشيه
بس
:wiink:
,,,,,,,,,,,,,,,,,,,,
وانا اساسا جيت هنا غلط
معرفش ايه اللى جبنى
واديها خلصت
:whistling:

The Princess
03-19-2010, 04:49 PM
يا دى الشماتة
ليه يا هبة كدة
انا عملتلك ايه بس

The Princess
03-19-2010, 04:52 PM
هى الناس فرحانة فيا اوى كدة ليه؟؟؟؟
على العموم انا فى انتظار الاسئلة
احساس عجيب اوى انى ابقى ضحية:hit:

active_doctor
03-19-2010, 07:09 PM
ذا برنسس الضحية
يا مرحبا يا مرحبا
بما ان محدش بيسال
قولت اتجرا لاول مرة و اسال و هبدا باسئلة خفيفة

عرفينا بنفسك

الاسم

العمــر

الدولة - المدينة

الحالة الاجتماعية

التخصص الدراسي

الهوايات / المواهب



و بعدين متى؟

متى تغضبى؟

متى تفرحى؟

متى تبكي؟

متى تزعلى؟

متى تتضايقى؟

متى تحزنى؟

متى تنسى؟

متى تخافى؟

متى تطمئنى؟

متى تنحرجى؟

متى تضعفى؟

متى تشعرى بالقوة؟


ننتقل الى شوية منوعات خفيفة ع الماشي(تقوليش بعزمك على الغداء فى بيتنا:D)

- ايه احساسك و انت الضحية ؟

نقطة ضعف فى شخصيتك انت عارفاها

ونقطة قوة فى شخصيتك

اكتر حاجه ندمتي عليها؟

هل انت مترددة فى الراى ولا ؟

ايه الاكلة المفضلة ليكي؟

كل واحد ساعات بيبقى عنده امنيات مجنونة او بيبقى متأكد انها استحالة تحصل ... يا ترى ايه هى امنيتك السرية ؟؟

لما بتبقى متضايق اول واحد بيجى على بالك تفضفض معاه مين ؟؟؟(غيري طبعا:blush:)

هل تصرفاتك تجاه أصدقاءك واحبابك تقنعك ؟

عندما تنظرى الى المراءه ماذا تقولين؟

هل تحبى القراءه؟واجمل كتاب قريتيه؟

موهبه تمتلكيها ؟ واخرى تتمنى امتلاكها؟؟

اغلى نصيحة قدمت لك ؟ وممن؟

شاعر تحب أن تسمعى له(شاعرك المفضل) ؟وبيت شعر تردديه دائماً؟

كفاية كدة عشان لازم اقوم حالا بس اكيد ليا عودة
الله معك:o

Clever4Ever
03-19-2010, 08:58 PM
شوية اسئلة لضحيتا :Evil::Evil:

نوع موبايلك ايه ؟؟؟؟؟

تبع انهى شبكة موبايلات ؟؟؟؟؟؟

ممكن تقولي مواصفات الكمبيوتر بتاعك ؟؟؟؟

ايه اكتر حاجة بتعمليها ع الجهاز ؟؟؟؟

_______________________

بتعرفى تطبخى ولا لا ؟؟؟؟؟؟؟؟؟

فكرتى تسوقى قبل كده ولا مش بتحبى ؟؟؟؟؟؟؟

بتحبى صيدلة ولا ؟؟؟؟؟؟؟؟؟؟؟؟؟؟؟؟؟؟

لو مكنتيش دخلتى صيدلة ,,, كنتى تحبى تدخلى ايه ؟؟؟؟؟

ايه رأيك فى اسمك ع المنتدى واسمك الحقيقى ؟؟؟؟؟

_________________________

شوية ونرجع تانى عقبال ما تردى على الكمية الاولى

:wiink::wiink::wiink:

The Princess
03-19-2010, 10:01 PM
اهلا باللى دبسنى التدبيسة الحلوة دى:Evil:
و يعنى مش كفاية نزلتنى ضحية لاء و بتسأل كمان و اسئلة صعبة
كل واحد له يوم:hit:






شوية اسئلة لضحيتا :Evil::Evil:



نوع موبايلك ايه ؟؟؟؟؟
nokia 3110 classic
و باحبه و مش عاوزة اغيره :wub:


تبع انهى شبكة موبايلات ؟؟؟؟؟؟
فوادفون
تقريبا يعنى انت بتسأل عن كدة
عاوزة اعترف لك بحاجة بما انك محرر فى القسم بتاع الحاجات دى
انا افشل واحدة تفهم فى الموبايلات و الكمبويترات ;) و العربيات كمان


ممكن تقولي مواصفات الكمبيوتر بتاعك ؟؟؟؟
كل معلوماتى عنه انه لاب توب:unsure:



ايه اكتر حاجة بتعمليها ع الجهاز ؟؟؟؟
بافتح فمسى و الميل


_______________________


بتعرفى تطبخى ولا لا ؟؟؟؟؟؟؟؟؟
اخرى باعمل رز :whistling:


فكرتى تسوقى قبل كده ولا مش بتحبى ؟؟؟؟؟؟؟

دى حدوتة طويلة
لما كنت فى تالتة ثانوى
كان بابا بيقول انى يوم ما يجى التنسيق انى دخلت صيدلة هيجبلى العربية اللى اختارها
و انا مكنتش متخيلة انى اسوق عربية دى ابدا لانى كنت باترعب من الفكرة
و متهيألى انى لو سوقت عربية هاعمل حادثة
فجه فى يوم راجعة من الدرس فبابا بيقول لازم تتعلمى السواقة عشان لما تدخلى الجامعة تبقى بتسوقى و تروحى بالعربية و كدة
قولتله مش هاسوق عربيات انسى
فحلف لانا نازلة سايقة
و فعلا نزلت اسوق
عجبنى الموضوع و استمتعت بيه اوى
مرة فى مرة بدات اسوق حلو و بقيت باحب السواقة و كدة
بس كان بابا بيبقى معايا على طول
لحد مرة جيت باطلع بالعربية من قدام البيت
ساعتها بابا مكانش راكب معايا كان واقف بره بيتفرج يعنى و متابع
المفروض انى هارجع بضهرى
اللى حصل انى لاقيت نفسى _سبحان الله يعنى:whistling:_ باطلع لقدام و خبط عربية الجيران و كنت هادوس بابا
فرملت و جسمى كل بيترعش و قعدت عيطت:(
و خفت اسوق تانى
بعدها بكام اسبوع بابا حاول يخلينى اسوق بالعافية و انى لازم اتحدى خوفى و ايه المشكلة يعنى لو عملت حادثة
المهم جيت اسوق
عربية بتعدى من جنبى
حسيت انى هاخبطها
اتوترت قمت لفة الدركسيون جامد كنت هادخل فى الرصيف اللى على الناحية التانية;)
وقفت العربية و من يومها حلفت منا سايقة عربيات تانى
و الى يومنا هذا بيحاولوا يقنعونى و ابدا



بتحبى صيدلة ولا ؟؟؟؟؟؟؟؟؟؟؟؟؟؟؟؟؟؟
لحد ما دخلتها كنت باكرها كره العمى :hey:
و مبحبهاش خاااااااااااااالص
بس بعد ما دخلتها حبتها الصراحة
باستثناء المادتين القابعين فى الدور الاول:whistling:


لو مكنتيش دخلتى صيدلة ,,, كنتى تحبى تدخلى ايه ؟؟؟؟؟
امنية حياتى كانت انى ادخل اقتصاد و علوم سياسية


ايه رأيك فى اسمك ع المنتدى واسمك الحقيقى ؟؟؟؟؟
اسم ذا برنسيس باحبه جدا:wub:
و مسمياه لنفسى من زمان
اسمى الحقيقى فى مشكلة هى نفسها ميزة ساعات;)
و هو انه اسم نادر شوية و مختلف
فاحيانا كان فى ناس بتنساه و بتتلغبط فيه لصعوبته فكان دة بيضايقنى
بس كنت باحسها ميزة لما كنت الاقى ان فى ناس تانية بتحفظه على طول عشان مختلف يعنى فبيبقى مميزة :blush:
بس كدة


_________________________


شوية ونرجع تانى عقبال ما تردى على الكمية الاولى


:wiink::wiink::wiink:



و لو انى مكنتش ناوية ارد
بس الصراحة اسئلتك عجبتنى و خلتنى ارد
منتظرة الكمية التانية:o

Clever4Ever
03-19-2010, 10:36 PM
و لو انى مكنتش ناوية ارد
بس الصراحة اسئلتك عجبتنى و خلتنى ارد



بالنسبة لجزء العربية ,, فاحب اقولك ان ده شى وارد جدا ومش المفروض تخافى او تتعقدى منه
..
انا ايام التعليم كنت عايز اعدى من فوق فى الشارع (اخده وسط العربية يعنى) وبدل ما اعدى رحط ماشى عليه بالعجلة وكسر الشكمان واتصلحت بمبلغ وقدره ,,, لكن ده معملش اى هزة او عدم ثقة
لازم نحاول تانى
والحمد لله بقيت بمشى عادى ولا كأن فيه اى حاجة
,,,,,,,
ثقى فى نفسك بس وتوكلى على ربنا وميهمكيش
:blush::blush::blush:
..........
اعتراف مقبول
وعاما معظم البنات كده وده اللى مخلى القسم مش نشيط اوى لان معظم الاعضاء بنات وكتير ملهمش اوى فى الكمبيوتر والموبايل غير الاستخدام بس:wiink::wiink:
,,,,,,,,,
قريبا نعود بباقى الاسئلة
:o:o

ايمان
03-20-2010, 12:28 AM
جى جى
وقعتى ف الفخ يا سكر
ربنا معااااااااااااااااااااااااااااااااكى
اما نشوف البشر دول هيعملوا فيكى ايه؟!!!!!!!!!!!
.....................
الا صحيح....
تحبى تتسألى
ولا كفايه مجهودات باقى الزمله عليكى؟؟؟
هههههههههههههه

The Princess
03-20-2010, 12:54 AM
جى جى

وقعتى ف الفخ يا سكر
ربنا معااااااااااااااااااااااااااااااااكى
اما نشوف البشر دول هيعملوا فيكى ايه؟!!!!!!!!!!!
.....................
الا صحيح....
تحبى تتسألى
ولا كفايه مجهودات باقى الزمله عليكى؟؟؟
هههههههههههههه


انتى تعرفينى؟؟؟:whistling:
دة فى كمية ناس دخلت اللعبة دى النهاردة و لا كنت اتخيل انهم يبصوا عليها طول ما انا هنا:unsure:
بس الحمد لله بيبصوا و يمشوا :D
عادى اتسأل و ماله
احنا مبنتهددتش يا حبى:hit:;)

The Princess
03-20-2010, 01:23 AM
يا مرحبا يا مرحبا
يا مرحب بالحبايب:o
بما ان محدش بيسال
قولت اتجرا لاول مرة و اسال و هبدا باسئلة خفيفة
براحتك انا حذرتك
الضحية الجاية انا اللى هاختارها:Evil:

عرفينا بنفسك

الاسم
جيلان عصام الدين محمد عبدالله خطاب
العمــر
18 سنة و نص
الدولة - المدينة
الاسماعيلية
الحالة الاجتماعية
هتكون ايه يعنى يا اختى:hey:
و لله الحمد single
التخصص الدراسي
طالبة فى معهد الدودة بأسكندرية:p
ايه السؤال العبقرى دة
اومال لو مكناش فى الهم سوا:blush:

الهوايات / المواهب
بالنسبة للهوايات
باحب القراءة
بس عندى هوايات عجيبة حاليا
باحب اقطع ورق
اكسر سليدات و تيست تيوبز و معمل العقاقير يشهد;)
بالنسبة للمواهب
كنت باعزف موسيقى و انا صغيرة
و كانوا بيقولوا انى موهوبة:blush:
بس و انا فى تانية اعدادى اخدت قرار بأنى ابطل العزف و قد كان
و غير كدة لم يتم اكتشاف اى مواهب اخرى




و بعدين متى؟

متى تغضبى؟
حين اشعر بعدم الاهتمام و ان من امامى لا يكترث بقولى و لا برأيى :(

متى تفرحى؟
حاجات كتيرة جدا بتفرحنى
حين اشعر بأهتمام من حولى
حين اشعر بأن من حولى سعيد بسببى
حين انهى عملا انجزه
حين اساعد غيرى
حين اتذكر ذكرى سعيدة
بجانب ان فى اماكن بافرح لما ابقى فيها:wub:
و اشخاص بافرح جدا لما اشوفهم او اسمع عنهم خبر حلو:D






متى تبكي؟
يااااه كتير
لو حد زعلنى او ضايقنى بأى كلمة
ممكن مش ابين قدامه بس مجرد ما ابقى لوحدى باقعد اعيط:(
و اللى بيضايقونى كتير بقى
بس دة عادى من صغرى كدة
الغريب اللى اكتشفته ان دمعتى قريبة اوى
حاليا ممكن اقرا جملة تعيطنى
اشوف مشهد في فيلم او فى الحقيقة الاقى دموعى بتنزل غصب عنى
اكتشفت انى حساسة اوى يا اروى:unsure:
مكنتش فاكرة كدة خالص:blush:




متى تزعلى؟
لما احس انى مش مهمة للى قدامى
لما باعمل حاجة غلط بازعل بعدها
لما بأزعل حد ما يستحقش منى انى ازعله
لما احس انى كان ممكن اؤدى بشكل افضل و لم افعل

متى تتضايقى؟
لما يبقى نفسى اساعد حد و مش عارفة
او لما اشوف حد عزيز عليا زعلان و مش قادرة افرحه:(


متى تحزنى؟
متهيألى الحزن هو نفسه الزعل:hey:
الاجابة بتاعت متى ازعل

متى تنسى؟
حين يصبح الالم و الجرح اقوى من الذكرى
اتنساها و لكن لا انساها

متى تخافى؟
انى اعيش فى خوف مستمر;)

متى تطمئنى؟
لما الاقى حد جنبى يقولى متخافيش انا معاكى

متى تنحرجى؟
لما احب حد جدااااااااا
و بعدين يحصل ان القدر و الظروف يفرقونا
او ان الحد دة يطلع انه بيستغل حبى له لمصلحته و منفعته الشخصية دون الاكتراث بمشاعرى



متى تضعفى؟
حين اشعر بالوحدة
متى تشعربالقوة؟
حين اشعر ان الله معى و ناصرى حتى لو كان العالم كله ضدى
و حين ارى نظرات الحب الصادقة فى عين من امامى

ننتقل الى شوية منوات خفيفة ع الماشي(تقوليش بعزمك على الغداء فى بيتنا)

- ايه احساسك و انت الضحية ؟
لعلمك حسيت انى مبسوطة و انا بجاوب:whistling:
انا بعد كدة هطالب بنزولى ضحية كل فترة:wiink:
نقطة ضعف فى شخصيتك انت عارفاها

مش بأثق فى نفسى للاسف

ونقطة قوة فى
شخصيتك
لما باعمل حاجة انا مقتنعة بيها باعملها بتفانى جدا
عندى اخلاص شديد للحاجة اللى احبها او انتمى ليها

اكتر حاجه ندمتي عليها؟
انى لمرة واحدة فى حياتى حكمت قلبى بدل من عقلى:(;)

هل انت مترددة فى الراى ولا
كتير


ايه الاكلة المفضلة ليكي؟
اى حاجة بتطلع من البحر:wub:
و الفراخ البانية:wub:

كل واحد ساعات بيبقى عنده امنيات مجنونة او بيبقى متأكد انها استحالة تحصل ... يا ترى ايه هى امنيتك السرية ؟؟
انى انام و اصحى الاقى الوهم بقدرة قادر بقى حقيقة واقعة:whistling::whistling::whistling::p:p
فاهمنى انتى:wiink:

لما بتبقى متضايق اول واحد بيجى على بالك تفضفض معاه مين ؟؟؟(غيري طبعا )
رباب و احيانا الادمن

هل تصرفاتك تجاه أصدقاءك واحبابك تقنعك ؟
مش فاهمة السؤال

عندما تنظرى الى المراءه ماذا
تقولين؟
" كبرتى يا جيجى:blush::blush:"

هل تحبى القراءه؟واجمل كتاب قريتيه؟
اه باحبها جدا
اجمل كتابين قريتهم كانوا ل " خالد محمد خالد"
الاول " بين يدى عمر " الكتاب دة كنت باخلصه ابدأه من اول و جديد كأنى بأقراه لاول مرة
و الكتاب التانى " معجزة الاسلام عمر بن عبد العزيز:wub:" دة قريته يجى مرتين تلاتة من جماله
بيعرف ياخدك معاه و يخليكى تقرى المواقف كأنك بتشوفيها قدام عنيكى


موهبه تمتلكيها ؟ واخرى تتمنى امتلاكها؟؟
موهبة امتلاكها: يقال انى باعرف اشرح كويس و باعرف ابيض ورق حلو
دة لو اعتبرنا دى موهبة:thnk: لانى معرفليش موهبة محددة
موهبة اتمنى امتلاكها : القدرة على اقناع الناس


اغلى نصيحة قدمت لك ؟ وممن؟
" خلي عندك ثقة فى نفسك انك عملتى اللى عليكى و ثقة فى ربنا اكبر انه مش هايضيع مجهودك ابدا"
الجملة دى اتقالتلى كدة بالنص من مدرس البيولوجى و انا فى تانية ثانوى
و الجملة دى كنت فعلا باسمعها كل امتحان اول ما ابدأ ابص فى الاسئلة
و الحمد لله بسبب الجملة دى و اقتناعى بيها جبت 98.5 % فى تانية ثانوى:D

شاعر تحب أن تسمعى له(شاعرك المفضل) ؟وبيت شعر تردديه دائماً؟
معنديش شاعر معين احب اسمعه
بس عموما باحب شعر المدرسة الجديدة " شعر التفعيلة "
بس حد معين لاء
و معنديش بيت شعر معين بحب اردده

كفاية كدة عشان لازم اقوم حالا بس اكيد ليا عودة
الله معك
معانا كلنا يا رب:o

Blizared
03-20-2010, 01:50 AM
انا عاوز اسأل :confused::confused:

بس انا حالف علي نفسي ماسأل سؤال غرضه السؤال وخلاص ....كان زمان ايام العهد البائن

ولذلك نسأل ونقول..... يا دكتور:-

1) ايه تعريفك لكلمة الفضول؟؟ هو وحش ولا حلو؟؟ ولا هو اصلا كلمة الفضول دي الزيادة الوحشة لحاجة زي حب المعرفة مثلا؟؟

2) هل فيه موقف الفضول نفعك؟؟ نقول مثلا قربك من صديقة كان نفسك تتعرفي عليها؟؟....طب هل مرة ضرك؟؟ ازاي لو اه؟

3) ايه رأيك في انتشار التهييس...انتشاره كلفظة(انا بهيس)..وانتشاره كحالة(احنا مهييسين) وانتشاره كسلوك(انا بحب اهيس)؟؟

4)تفتكري ان دي حالة عارضة عادية يعني؟؟ ولا زاد عن حده وانتشر بشكل مرعب او يضايق؟؟

5)ايه رأيك في الاختبارات النفسية المنتشرة بشكل زايد في اي حتة منتدي مجلة جرنان حتي الفيس بوك بكويزاته طبعا؟

6)تفتكري ان ابتعدنا عن الجانب التقييمي اللي بجد بيتم استخدام الاختبارات النفسية لتحديد قدرة الشخص علي الوظيفة او غيرها...تفتكري الاختبارات دي مفيدة وبنستخدمها صح؟؟

7)حطيتي تصور يا دكتور لحالتك خلال اسبوع مثلا من سماعك لخبر لاقدر الله ان الجيش الاسرائيلي بدأ في هدم الاقصي؟؟ايه رأيك في الموقف ده حاليا؟؟

8)سؤال مهم اوي: ايه رأيك في حالة اختفاء واندثار المناهج اللي بناخدها من الدماغ بعد شهر علي الاكثر من الامتحانات؟؟ هو احنا مش المفروض في الكلية بناخد اللي هنشتغل بيه طول حياتنا ولا ايه رأيك؟؟؟؟؟ طبعا اعتبري الموضوع مجرد رأي عام اذا كانت الحالة دي مش موجودة عندك يا دكتور

9)سؤال اخير: توقيعك بقاله كتير علي حالته؟؟ الا تري انه يستدعي التغيير ؟ ماهو يا حضرتك بدأتي فعليا في التوجه الجديد المذكور(the different view)....او انك اطلتي في زمن العودة وطلب الانتظار؟ ولا ايه رأيك

شكرا جزيلا ....... اتمني ماكنش سببت اي ازعاج او تخطيت اي خط اسود ولا اخضر ولا اي لون لانه طبعا لم يقصد ذلك بتاتا

هابي ضحية يا دكتور

RoOoLeTa
03-20-2010, 05:36 PM
اصبري عليا يا جيجيهجيبك يعني هجيبك مش قلتلك هقررك:wiink:

The Princess
03-20-2010, 06:59 PM
هههههههههههه
السؤال اللى مش هيعجبنى هطنشه و اعمل نفسى مشفتوش:whistling:

The Princess
03-21-2010, 09:55 PM
انا عاوز اسأل

اسأل يا دكتور براحتك:o

بس انا حالف علي نفسي ماسأل سؤال غرضه السؤال وخلاص ....كان زمان ايام العهدالبائن

هو انا مش فاهمة ايه الغرض من الجملة دى بس مش مشكلة يعنى:thnk:





ولذلك نسأل ونقول..... يادكتور:-



1) ايه تعريفك لكلمة الفضول؟؟هو وحش ولا حلو؟؟ ولا هو اصلا كلمة الفضول دي الزيادة الوحشة لحاجة زي حب المعرفةمثلا؟؟

الناس بتطلق معنى الفضول على حب المعرفة

و لكن
دايما بتطلقه على محاولة معرفة ما لا يخصك
بمعنى انه حاجة وحشة
و لكن انا اعتقد ان كلمة فضول معناها انك لا تكتفى بما عندك من معلومات بل تحاول الوصول لكل المعلومات كى تظهر الحقيقة امامك واضحة
احيانا لما تحاول توصل لمعلومات لا تخصك يبقى حاجة وحشة لانك بتدخل فى شىء لا يعنيك
اما ان يبقى عندك فضول مثلا لمعرفة شىء علمى معين او التعرف على طريقة تفكير شخص كى تكتسب خبرة او تكون نظرة فأنا اعتقد ان دة مش غلط;)




2) هل فيه موقفالفضول نفعك؟؟ نقول مثلا قربك من صديقة كان نفسك تتعرفي عليها؟؟....طب هل مرة ضرك؟؟ازاي لو اه؟
فى مواقف نفع فيها و مواقف ضر
نفعنى فيها انه قرب منى اصدقاء فعلا بس مش انا اللى بدأت الحديث هم اللى بدأوا :blush:
ضرنى فيها لما مرة اتخبط فى عقلى و فتحت الموضوع بتاع ميسى دونا:Evil:
كان موضوع اسمه جمد قلبك فى الرياضى فاستغربت فتحته
كان فى كليبات كدة فعلى ما حملت بصيت على الردود لاقيت ليتموان رد بيقول انه فى الاول ضحك و بعدين قلبت غم
بقى الفضول هيقتلنى اعرف هو الموضوع جامد اوى كدة يعنى و لا فى ايه
اتفرجت على الفيديوهات و يا ريتنى ما اتفرجت:hit:
معرفتش اتعشى يومها من اللى شوفته:(



3) ايه رأيك فيانتشار التهييس...انتشاره كلفظة(انا بهيس)..وانتشاره كحالة(احنا مهييسين) وانتشارهكسلوك(انا بحب اهيس)؟؟

4)تفتكري ان دي حالة عارضة عادية يعني؟؟ ولا زاد عن حده وانتشر بشكلمرعب او يضايق؟؟

نجاوب السؤالين دول مع بعض
معتقدتش انها حالة عارضة عادية خالص
بالعكس " التهييس " بدأ يتحور و يتحول الى منهج ينتهجه الغالبية العظمى من الشباب و انتشاره اصبح فى تزايد مستمر و اصبح يشتمل على افكار تنذر بالخطر
عندى اقتناع ان كل " التقاليع " الجديدة بتاعت جيل الشباب الحالى نابعة من الفراغ اللى بيعانوا منه بجانب العولمة
لما بقى عندنا وقت فاضى كتير مش عارفين نعمل فيه حاجة و الغرب كمان بدأ يبث معتقداته و تقاليده عندنا:hey:
بدأنا نقلدهم و إن كنا مقدرناش نطلع من تقاليدنا كشرقيين و عرب مسلمين
فتحولنا لشىء اقرب الى المسخ;)
منا من تمسك بالتقاليد التى تربى عليها اهلنا تمسكا شديدا و هؤلاء ندرة
و منا من تخلى عنها تماما و هؤلاء ايضا ندرة
اما الغالبية العظمى فصاروا فى حيرة من امرهم فاخترعوا مسمى " التهييس "
و بمقتضاه يمكنك الانتقال بين النظامين
ان كنت لا تهيس فأنت فى هذه اللحظة تسير وفق العرف السائد فى بلدنا و ما تربت عليه الاجيال قديما
اما حين يشتدد بك الملل فترغب فى التحرر من تلك التقاليد عليك بالتهييس و حين تهيس " فليس على السفيه من حرج :whistling:" يمكنك ان تفعل ما يحلو لك و تقول ما يحلو لك و عذرك انك تهيس:whistling:;)







5)ايه رأيكفي الاختبارات النفسية المنتشرة بشكل زايد في اي حتة منتدي مجلة جرنان حتي الفيسبوك بكويزاته طبعا؟
الشباب هم اكتر فئة متمسكة بالاختبارات النفسية دى و كويزات الفيس بوك
عشان لا هم فاهمين نفسهم و لا لاقيين اللى يفهمهم و فى نفس الوقت محتاجين انهم يحسوا بذاتهم
فبيلجأوا للكويزات دى على امل انها لما يطلع نتيجة الكويز حلوة يخدعوا نفسهم بأنهم زى ما النتيجة بتقول:unsure::whistling:





6)تفتكري ان ابتعدنا عن الجانب التقييمي اللي بجد بيتم استخدامالاختبارات النفسية لتحديد قدرة الشخص علي الوظيفة او غيرها...تفتكري الاختبارات ديمفيدة وبنستخدمها صح؟؟
لاء احنا مش بنستخدمها صح
هى قد تكون مفيدة اذا استخدمت فعلا زى ما بتقول لتحديد قدرة الشخص على وظيفة او ما شابه و لكن اى حاجة مفيدة استخدمناها بطريقة غلط تبقى غلط



7)حطيتي تصور يا دكتور لحالتك خلال اسبوع مثلا من سماعك لخبر لاقدرالله ان الجيش الاسرائيلي بدأ في هدم الاقصي؟؟ايه رأيك في الموقف دهحاليا؟؟
سمعت الحدوتة دى و قريتها على المنتدى
بس مشغلتش بالى بيها كتير لانى اعتقد انها مستحيل تحصل
ازاى يعنى هيهدوا المسجد الاقصى ؟؟؟
ميقدروش :hit:
دة لو حصلت يبقى يوم القيامة جه
" و إذ تأذن ربك ليبعثن عليهم إلى يوم القيامة من يسومهم سوء العذاب إن ربك لسريع العقاب و إنه لغفور رحيم"
تبقى الحرب الموعودة بين المسلمين و اليهود:hey:
و انا اعتقد ان لسة الحرب دى مجاش اوانها
بس لو لا قدر الله افترضنا ان دة حصل
لو لزم الامر هاروح اهد بيوتهم على دماغهم بايدي و اللى يجرى يجرى:hit::hit::hit::hit::hit:






8)سؤال مهم اوي: ايه رأيك في حالة اختفاء واندثار المناهج اللي بناخدها من الدماغ بعد شهر عليالاكثر من الامتحانات؟؟ هو احنا مش المفروض في الكلية بناخد اللي هنشتغل بيه طولحياتنا ولا ايه رأيك؟؟؟؟؟ طبعا اعتبري الموضوع مجرد رأي عام اذا كانت الحالة دي مشموجودة عندك يا دكتور
المشكلة بمنتهى البساطة هى اعتبار الامتحانات غاية و ليست وسيلة
جرب تسأل كدة اى حد فى كليتنا :unsure:
" كليتنا دى اللى هى المفروض كلية صيدلة التى تعتبر احد كليات القمة و بالتالى فمن المفترض ان طلبة هذه الكلية هم طلبة متفوقون دراسيا من الاساس حصلوا على اعلى الدرجات بسبب قدراتهم العقلية المتميزة عن اقرانهم _ دة المفترض يعنى:whistling:;) "
المهم جرب تسأل حد كدة " انت بتذاكر ليه :thnk:؟؟؟"
الاجابة المتوقعة بنسبة تزيد عن 95% هى ان الدكتور هيبصلك باستغراب شديد جدا و يقولك " عشان انجح فى الامتحان طبعا"
و هنا مربط الفرس:blush:
انك لما تذاكر بالمبدأ دة.... المنطقى و البديهى ان مجرد ما الامتحان يخلص فالهدف اللى كنت بتذاكر عشانه خلص خلاص و بالتالى مفيش اى داعى للاحتفاظ بمعلوماتك العجيبة عن طريقة عمل الايملشن :Evil:مثلا
لكن لما تذاكر بمبدأ " انا عاوز اخترع دوا يساعد الناس.... مش هاكتفى بانى اخد البكالريوس لاء هاكمل دراسة و اخد الدكتوراة كمان و اعمل ابحاث كتير لعل و عسى احد ابحاثى دى يساعد على ابتكار دوا جديد يعمل ثورة فى مجال الصيدلة و يفيد البشرية كلها"
بالمبدأ دة الامتحان هيتحول لمجرد وسيلة و اسلوب تقييمى لمستواك ليس اكثر و لا اقل
و يبقى الهدف الاكبر موجود و طول ما فى هدف مستمر لمذاكرتك هتحتفظ بالمعلومات لانك لسة محتاجها
بس كدة

:blush:

9)سؤال اخير: توقيعك بقاله كتير علي حالته؟؟ الا تري انه يستدعيالتغيير ؟ ماهو يا حضرتك بدأتي فعليا في التوجه الجديد المذكور(the different view)....او انك اطلتي في زمن العودة وطلب الانتظار؟ ولا ايه رأيك



نجى لأجمل سؤال بجد:wub:
لا تتخيل السؤال دة فرحت بيه اد ايه
مكنتش مقتنعة بأن فى حد اخد باله من فترة غيابى عن المنتدى
لاء و مش كدة كمان عاوز يعرف ايه التوقيع الغريب اللى رجعت بيه:D
القصة كلها انى جيت فى فترة حسيت انى مش بأفيد المنتدى و ان وجودى ملوش اى لازمة بالعكس قد يسبب مشاكل:(
و شايفة ان محدش حاسس بوجودى عشان يفرق معاه عدم وجودى
فقررت انى ابعد عن المنتدى
و بعدت فعلا حوالى اكتر من شهر
ثم قررت العودة تانى برؤية مختلفة
الرؤية القديمة انى كنت بتابع المنتدى جدا لكن قليلا لما اشارك
كنت باعتبر ان مشاركاتى و ارائى ليست على القدر الكافى من الاهمية اللى يخلينى اكتبها رغم محاولات ناس كتير بأقناعى انى غلطانة و ان الكلام دة مش صح:unsure::confused:
الرؤية الجديدة انى هابقى جريئة اكتر و هاشارك و اقول رأيى حتى لو الناس شافوه مش مهم ;)
يكفى انه رأيى
و اعتقد ان نسبة مشاركاتى زادت بشكل ملحوظ الى حد ما
لكن مازال للرؤية الجديدة ابعاد اخرى لم يتم الكشف عنها حتى الان


لذا just wait:p:p









شكرا جزيلا ....... اتمني ماكنش سببت اي ازعاج او تخطيت اي خط اسود ولا اخضر ولا اي لون لانه طبعا لميقصد ذلك بتاتا


دة انا اللى عاوزة اقول شكرا جزيلا على الاسئلة دى


بجد اسئلة جميلة اوى اوى اوى:o:o



هابي ضحيةيا دكتور

Clever4Ever
03-22-2010, 11:57 AM
الدفعة التانية والاخيرة

.............

يا ترى عدد اخواتك كام , وتفصيلهم ايه ؟؟؟؟

انتى الكبيرة ولا لا ؟؟ وياترى لو اه كنتى تحبى تبقى صغيرة ؟؟؟؟؟

صحابك كيف احوالهم ؟؟؟ ممكن تسمى 5 منهم ؟؟؟؟

شغلك فى الاسرة راضية عنه ... طب ممكن تلخصيه فى سطرين

_______________________


شايفة المستقبل بتاعك ازاى ,,,,,, عايزة تشتغلى بعد الكلية ولا لا ؟؟؟؟؟؟؟؟

تقديراتك ايه فى السنين اللى فاتت ؟؟

ايه اكتر مادة حبيتيها فى الكلية ؟؟؟؟؟

اخر سؤال:hey:
::
::


اخبار الحب معاكى ايه .؟..؟؟؟؟؟
:o

The Princess
03-23-2010, 01:05 AM
الدفعة التانية والاخيرة

.............

يا ترى عدد اخواتك كام , وتفصيلهم ايه ؟؟؟؟

ولدين

محمد فى اولى ثانوى

حازم فى اولى اعدادى




انتى الكبيرة ولا لا ؟؟ وياترى لو اه كنتى تحبى تبقى صغيرة ؟؟؟؟؟

اه انا الكبيرة ;)

كان نفسى ابقى الصغيرة:(

و يبقى ليا اخ ولد اكبر منى:blush:

صحابك كيف احوالهم ؟؟؟ ممكن تسمى 5 منهم ؟؟؟؟

صحابى بخير الحمد لله:wub:

خمسة بدون اى ترتيب

رباب

رضوى

اروى

نور

هبة

شغلك فى الاسرة راضية عنه ... طب ممكن تلخصيه فى سطرين

لاء شغلى فى الاسرة مش واضح

هو المفروض انى فى اللجنة الدراسية:thnk:

الحمد لله الترم اللى فات كنت شغالة مع بتوع اولى كلينكال حلو

الترم دة مطنشة:whistling:

_______________________



شايفة المستقبل بتاعك ازاى ,,,,,, عايزة تشتغلى بعد الكلية ولا لا ؟؟؟؟؟؟؟؟

نفسى اتعين معيدة عقاقير:blush:

لو محصلش

فالمفروض انى هاقف فى الصيدلية

و امرى الى الله:hey:

تقديراتك ايه فى السنين اللى فاتت ؟؟

الترم الاول سنة اولى : خمسة امتياز و 2 جيد جدا

الترم التانى سنة اولى : 6 امتياز و و احدة جيد جدا

الترم الاول سنة تانية : 5 امتياز و واحدة جيد جدا و واحدة جيد

اللى يقرا يقول بسم االله ما شاء الله:hit:

و يصلى على النبى :blush:

ايه اكتر مادة حبيتيها فى الكلية ؟؟؟؟؟

Pharmacognsy:wub:

بس ربنا يستر و نشوف الفيتو دى عاملة ازاى

و لو ان اولها كدة معجبنيش

اخر سؤال
::
::



اخبار الحب معاكى ايه .؟..؟؟؟؟؟

لا اثق فيه:unsure:

The Princess
03-23-2010, 01:07 AM
ها يا شباب
خلاص كدة؟؟؟؟
اعلن عن الضحية الجديدة:wiink:؟؟؟؟

Dr Hazem
03-23-2010, 02:45 PM
لا مش تعلني أنا هاسأل
أنتي هتختاري مين مكانك الضحية ؟ولو كان أنا كنتي هتسأليني إيه ؟
وكام سؤال؟ وعن إيه ؟ و ليه ؟مش أنا غلس؟
و أدي أول دفعة مني:Evil:

The Princess
03-23-2010, 07:09 PM
لا مش تعلني أنا هاسأل
و انا هاقول للمستر انك كتبت الاسئلة و الحصة شغالة:hey:

أنتي هتختاري مين مكانك الضحية ؟
شخص تربطنى به معرفة قديمة:whistling: او جديدة:p

ولو كان أنا كنتي هتسأليني إيه ؟
هو انا قولتلك انى هاختارك:thnk:
هاختارك ليه؟؟؟؟ مش عارفاك مثلا فعاوزة اعرفك:p
وكام سؤال؟ وعن إيه ؟ و ليه ؟مش أنا غلس؟
مش هاختارك..... لما بابقى عاوزة اعرف حاجة منك باعرف اقررك من غير ما تحس:D:p
و أدي أول دفعة مني:Evil:
الدفعة الاولى و الاخيرة يا زيكا:wiink:
الضحية الجديدة هتنزل كمان دقايق:D

The Princess
03-23-2010, 07:44 PM
الضحية الجديدة
فى ناس كتيرة اوى اتهددوا انهم ينزلوا ;)


مش باحب اقعد ادوخ الناس
و ينزلوا كتير فى الصفحة
عشان يلاقوا الاسم
الضحية الجديد
شخص:whistling:
و ليس شخصاية:p




اكتسب شهرة واسعة فى المنتدى فى الفترة الماضية
اصبح له لقب مميز:thnk:
باحب التشويق انا اصلى:wiink:











سيدى الرئيس;)












اهلا بك






:DLe Roi



انتظر اسئلتى عن
احب الاماكن لقلبى:wub:
ذكريات مضت
اناس احببناهم
اصدقاء فرقتنا الايام عنهم
اشخاص تظل ذكراهم فى القلوب ابد الدهر:blush:



تحياتى لك :o

Le Roi
03-23-2010, 07:52 PM
أنا من يوم ما إنتي بقيتي ضحية و أنا حاسس إن يومي قرب مش عارف ليه :confused:
بس ظني مخيبش :(
ده اللي بناخده من الزملاء القدامى :hey:

RoOoLeTa
03-23-2010, 08:10 PM
يا هلا يا هلا بالناس المستجدة

أحمد وائل ....محرر قسم نافذه علي العالم الجديد....تالقت في بدايات ظهورك ....اظهرت جهدا و عملا متميزا

والآن انت ضحية

ضحية الأسئلة والاستفسارات

فأهلا بك

ورقة الأسئلة

الإجابة باللون الأزرق
أي تهرب مش هيحصل طيب:hit::Evil:
أسئلة تقليدية


-عرفنا بنفسك

-اشمعنه صيدلة

-أحب هواياتك

-لك أصدقاء؟

-هل انت اجتماعي؟ وبتحب الناس ولا تفضل الانطواء ؟

-أهم صفة لازم تتوفر في صديقك

-ميزة تعرفها عنك

-عيب تكرهه فيك

-ايه احساسك وانت نازل ضحية

-اين تري نفسك الان في الوسط العلمي والاجتماعي والعملي

-طموحاتك الي أين

-أكره أن اتعامل مع الشخص الذي يتصف بال......(اكمل)

- أول ما انتبه إليه فيمن أتحدث إليه هو ....(أكمل)

-سر حبك للسياسة؟

-كيف تري فمسي (ايه رايك فيه ...فكرة و هدف-منظومة -اشخاص قائمين عليه ..)

-سؤال المشرفين التقليدي اخترلنا 5 قول رايك فيهم باقسامهم )^_^


اكتر حاجه بتخاف منها ؟

ايه اللى شاغل فكر ك دلوقتى ؟

ياترى انت من النوع الى يحب المغامره ولا لازم تحسب كل حاجه فى الاول كويس اوى ؟

لو تتعصب اوى ممكن تعمل ايه ؟

ايه اكتر حاجه فرحتك وقولت انا عمرى ماهفرح زى اللحظه دى ؟

ياترى فى شىء عملته وندمت انك اتسرعت فيه ؟

شايف نفسك متردد ولا بتعرف تاخد القرار على طول ؟

ايه ممكن يأثر على قراراتك وتخليك تغيرها ؟

ياترى ايه رايك فى دفعتك وشايف ايه ناقصها ؟

بم تصف ردود افعالك؟
-ياترى لو قولتلك تغمض عينك وتفتحها نفسك تكون مع مين وفين ؟

اكتر بلد نفسك تسافر لها ؟

ياترى بتحس انك وحيد ؟

ياترى ظلمت حد قبل كده وكان ايه رد فعلك؟

احساسك ايه لما حد يظلمك ؟



لو قولنا لك الزمن هيرجع بيك عدد معين من السنين لورا تختار عمر اد ايه وليه ؟

احكلنا موقف محرج جدا؟


قول موقف احرجت حد فيه وكنت مضايق

وكذالك موقف احرجت حد فيه بس قولت يستاهل؟

اكتر دكتور بتحبه وتحترمه فى الجامعه ؟

لو قالولك اختار قسم تكون رئيسه هتختار ايه؟

لو قالولك اختار تكون رئيس بلد معين أي البلاد ستختار


*شخص اثر فيك وغير مجرى حياتك

*كلمة تتمنى تحذفها من قاموس حياة الناس وكلمة من قاموسك الخاص

*حلم اتكرر معاك

*ليك فى احلام اليقظة والتخيلات

*اول حاجة ممكن تفكر فيها لما تتضايق

*اول حد يجى فبالك لما تتضايق

*بتطلع اسرارك بسهوله ولا بتحتفظ بيها لنفسك

*الذكاء بالنسبة ليك ايه

*امتى تحس انك شخص غير مرغوب فيه ووقتها بتعمل ايه

*هل انت :
خجول

فضولى
طموح
نشيط
صبور
بتاثر فى اللى حواليك



*تتعامل بلغة العقل اكتر ولا القلب

*ازاى بتكون فكرتك الاولى عن الناس وهل ممكن تغيرها بسهوله


*اكتر شخص بيحسسك :
الفرح
الحزن
الرغبة فى البكاء
الاستغراب
الانطلاق

*ممكن اى حد يشوف دموعك ؟وايه اللى ممكن يبكيك ؟

*كلام الناس بيهمك ولا بتطنش ؟

*وقت فراغك بتقضيه فى ايه ؟

*شايف ان فى حد يستاهل انك تضحى عشانه ؟

*ممكن تتاثر براي اللى حواليك بسهوله ؟

*ايام المدرسه كنت طالب مجتهد ولا منفض

*كنت بتتضرب كتير ؟وكام مرة زرت اودة الناظر ؟

*ههههه عمرك حيت العلم ايام المدرسه ؟

*كنت بتشترك فى الاذاعة المدرسيه ؟

*اتقفشت قبل كده وانت بزوغ من المدرسه ؟

*اخدت كام استدعاء ولى امر ؟

*شهادة تقدير او جايزة عمرك ماتنساها ؟

*كلمة اتقالتك من حد بتفتخربيها


والي هنا تنتهي اول دفعة

نتمني لك الشفاء العاجل :blush:

The Princess
03-23-2010, 08:18 PM
هههههههههههه
دة انت متوصى عليك اوى :d
بص انا سايبة للناس الاسئلة التقليدية و العادية
انا هسألك فى 8 سنين زمالة;) بس

RoOoLeTa
03-23-2010, 08:36 PM
الدفعة التانية:


أحمد في الكلية

-ايه احساسك في أول يوم في الكلية وانت في اعدادي؟

-ليه مدخلتش كلينيكل ؟

-كان ليك صحاب تعرفهم لما دخلت ؟

-ايه اكتر ماده كنت بتحبها في اعدادي؟

-ايه اكتر حاجه عجبتك في حياة الجامعة ؟

-وايه اكتر حاجه محبتهاش؟

-شفت ناس انبهرت بيهم وبعد كده تبينت انك كنت مخطيء؟

-كنت بقضي الوقت الفاضي بين المحاضرات والسكاشن ازاي في الكلية؟

-حسيت بايه لما جيت من علوم لصيدله؟

-بتتمني ايه يتغير في نظام الكلية؟


كفاية كده دلوقتي

نواصل بعد الفاصل

nour elberry
03-23-2010, 08:36 PM
السلام عليكم ورحمة الله وبركاته
how r u my best friend
اسال براحتي ومن غير زعل لو موافقة ردي عليا:wiink:

الرسالة موجهة to the princess

The Princess
03-23-2010, 08:50 PM
انتى ايه اللى جابك هنا يا بت يا نور؟؟؟؟؟
منا قولتلك هانزل الضحية النهاردة خلاص
و بعدين هو مين البيست فريند دة
اى كاان صوحابى كلهم بخير و كويسين و بيسلموا عليكى ياختى:whistling:

The Princess
03-23-2010, 09:30 PM
*ايام المدرسه كنت طالب مجتهد ولا منفض

*كنت بتتضرب كتير ؟وكام مرة زرت اودة الناظر ؟

*ههههه عمرك حيت العلم ايام المدرسه ؟

*كنت بتشترك فى الاذاعة المدرسيه ؟

*اتقفشت قبل كده وانت بزوغ من المدرسه ؟

*اخدت كام استدعاء ولى امر ؟


روليتا ملكيش دعوة بأسئلة المدرسة دى خالص
انا بس اللى اسأل فيها:hey:
انا عاوزة هو اللى يجاوب
و لولا كدة كنت جاوبت عليكى انا:p

Heba Mahmoud
03-23-2010, 09:31 PM
هههههههههه
ربنا يعينك يارضوى
ومبروك الضحيه ياادكتور :whistling:

Le Roi
03-23-2010, 09:34 PM
يا هلا يا هلا بالناس المستجدة




أحمد وائل ....محرر قسم نافذه علي العالم الجديد....تالقت في بدايات ظهورك ....اظهرت جهدا و عملا متميزا


والآن انت ضحية


ضحية الأسئلة والاستفسارات


فأهلا بك


ورقة الأسئلة


الإجابة باللون الأزرق
أنا كده كده بحب اكتب بالازرق :(
أي تهرب مش هيحصل طيب:hit::Evil:
أسئلة تقليدية



-عرفنا بنفسك
احمد وائل علي
الفرقة الأولى


-اشمعنه صيدلة
نصيب , قدر الله و ما شاء فعل
-أحب هواياتك
القراءة , النت , الكورة
-لك أصدقاء؟
أكيد
-هل انت اجتماعي؟ وبتحب الناس ولا تفضل الانطواء ؟
اجتماعي بس مش دايما , في اوقات الواحد لما ينطوي يبقى أحسن
-أهم صفة لازم تتوفر في صديقك
الصدق
-ميزة تعرفها عنك
الوفاء
-عيب تكرهه فيه؟
سريع الغضب
-ايه احساسك وانت نازل ضحية
احساس جمييييييييييل جدا , بتبقى صعبة كده لما تيجي الحكاية من ناس تعرفيهم من زمان
-اين تري نفسك الان في الوسط العلمي والاجتماعي والعملي
الاجتماعي أكتر
-طموحاتك الي أين
هههههههههههههه إنتي بتستغلي كلامي
طموحي ملهوش حدود :p
-أكره أن اتعامل مع الشخص الذي يتصف بال......(اكمل)
الغباء
- أول ما انتبه إليه فيمن أتحدث إليه هو ....(أكمل)
طريقة الكلام
-سر حبك للسياسة؟
شكلك ناوية توديني مارينا , بس المسألة مش موضوع حب ولا بتاع
كل ما في الأمر إني شايف المسألة واجب بس احنا اللي مطنشينه
-كيف تري فمسي (ايه رايك فيه ...فكرة و هدف-منظومة -اشخاص قائمين عليه ..)
أول مرة اشوف منتدى الناس متعلقة بيه كده كان فمسي فعلا
الفكرة حاجة الناس الحقيقة بيحسدونا عليها
الهدف يختلف من قسم لاخر بس الهدف العام الحقيقة يشكر عليه محمد
الاشخاص القائمين عليه كلهم الحقيقة ناس كويسة اللي شوفته و اللي متشرفتش بمعرفته
-سؤال المشرفين التقليدي اخترلنا 5 قول رايك فيهم باقسامهم )^_^
نياهاهاهاهاها
ابدا بمين ؟؟؟
آية ماهر البركة بتاعت القسم عندنا , يكفي إن هي المشرفة بتاعت نافذة على العالم و كذلك القسم الدراسي بتاع الى برده
ميسيدونا ...من انشط المشرفين في الأقسام بتاعتهم بيتهيألي إن محدش بيعمل اللي بيعمله عمرو في القسم الرياضي
إيمان ...مجهود لا ينفذ شغل متواصل سواء في القسم بتاعها أو بقية الأقسام
snowwhite ... كذلك اشبه بالجندي المجهول اللي شغال في كل حاجة و بيبذل مجهود جبار في الاقسام اللي تحت ايده
راوية ... المشرف اللي يخش يشتغل في صمت كده , بيعجبني قسمها


اكتر حاجه بتخاف منها ؟
مفيش حاجة الحمد لله
ايه اللى شاغل فكر ك دلوقتى ؟
المذاكرة رغم إني مش بذاكر بس الحقيقة الحكاية عاملة وخز ضمير عندي على الاخر
ياترى انت من النوع الى يحب المغامره ولا لازم تحسب كل حاجه فى الاول كويس اوى ؟
لا أنا من النوع المغامر أوي ولا من النوع اللي يفضل يفكر في الحاجة مية سنة
عندي إيمان بالمغامرة المحسوبة
لو تتعصب اوى ممكن تعمل ايه ؟
ولا حاجة في العادة لو في ايدي حاجة بسيبها لأني عارف إيه اللي ممكن يحصل و أنا غضبان
ايه اكتر حاجه فرحتك وقولت انا عمرى ماهفرح زى اللحظه دى ؟
لما جاتلي نتيجة التنسيق رغم إن صيدلة مكنتش رغبتي الأولى بس الفرحة عندي ساعتها كانت هسيتيرية
ياترى فى شىء عملته وندمت انك اتسرعت فيه ؟
ممكن بس حاجات مش كبيرة مش مؤثرة على المدى الطويل يعني
لكن محصلش قبل كده في حاجة مهمة إني ندمت على قرار اتخذته
شايف نفسك متردد ولا بتعرف تاخد القرار على طول ؟
عن نفسي مش شايف حاجة :p
بس ممكن تقولي إني بعرف اخد القرار في معظم الوقت صح
ايه ممكن يأثر على قراراتك وتخليك تغيرها ؟
أكيد يعني الظروف المحيطة
ياترى ايه رايك فى دفعتك وشايف ايه ناقصها ؟
دفعتي الحلو فيها إن كله بيخدم كله
بس أكتر حاجة مش حلوة عندنا الناس اللي بتتكلم كتير على الفاضي و المليان , ساعات بحس إني قاعد مع خالاتي و عمامي اللتاتين
الحاجة الناقصة برده إن أي حاجة تتعمل في الدفعة يكون المعظم موافق عليها بس للأسف عندنا اللي عايز يعمل حاجة من دماغه بيعملها و الباقي يضرب دماغه في الحيط
أكتر حاجة ناقصة بجد شوية ولاد , اللي يشوفنا في المدرج يقول الولد قربوا ينقرضوا
بم تصف ردود افعالك؟
كويسة :p
-ياترى لو قولتلك تغمض عينك وتفتحها نفسك تكون مع مين وفين ؟
هههههههه إيه السؤال الغريب ده ,
اكون مع اللي في بالي
في المكان اللي في بالي برده
اكتر بلد نفسك تسافر لها ؟
بريطانيا
ياترى بتحس انك وحيد ؟
لا
ياترى ظلمت حد قبل كده وكان ايه رد فعلك؟
واحد صاحبي ظلمته في موضوع كده بس تبين في الاخر إن الموضوع مش مستاهل
رجعنا صحاب تاني بس بعد فترة
احساسك ايه لما حد يظلمك ؟


غضب و ضيق


لو قولنا لك الزمن هيرجع بيك عدد معين من السنين لورا تختار عمر اد ايه وليه ؟
و أنا في ابتدائي واعدادي كانت أحلى أيام


احكلنا موقف محرج جدا؟
و إذا بليتم فاستتروا


قول موقف احرجت حد فيه وكنت مضايق


وكذالك موقف احرجت حد فيه بس قولت يستاهل؟
احرجت حد و كنت متضايق بعد كده مفيش
لكن احرجت حد و قولت يستاهل كان في ناس كده معانا في الدفعة خنقة على اخري منهم كانوا قاعدين في المدرج فواحد صاحبي دخل اعد في بنش اللي قدامهم على طول - هو كان قاصد ساعتها لانه هو كمان كان على اخره :wiink:-
و حجزلي مكان
رحت أنا عشان اقعد لقيتهم ورايا قلتله إنت ملقتش حتة غير دي نعد فيها قدام الناس طبعا هما اتحرجوا و قاموا خالص
شرير نياهاهاهاهاهاهاه :Evil:
اكتر دكتور بتحبه وتحترمه فى الجامعه ؟
الحقيقة كتير بس في ناس عندي بحترمهم منهم اللي درسني منهم بس ممكن اقولك كذا اسم
دكتور عزت مهلل , و دكتور ممدوح غراب , دكتور هاشم , دكتور صفوت
لو قالولك اختار قسم تكون رئيسه هتختار ايه؟
السيوتكس عشان احط منهج سهل شوية
لو قالولك اختار تكون رئيس بلد معين أي البلاد ستختار
جزر فوكلاند :p


*شخص اثر فيك وغير مجرى حياتك
جدي الله يرحمه
*كلمة تتمنى تحذفها من قاموس حياة الناس وكلمة من قاموسك الخاص
من قاموس الناس " بخاف " و من قاموسي أنا اشيل كلمة "معرفش "
*حلم اتكرر معاك
مفيش للاسف
*ليك فى احلام اليقظة والتخيلات
يعني مش كتير لما الواحد بيسرح في أي محاضرة مملة
*اول حاجة ممكن تفكر فيها لما تتضايق
افكر أعمل إيه في اللي أنا فيه خصوصا التفكير تحت الماء , له مفعول معايا
*اول حد يجى فبالك لما تتضايق
لو الحاجة اللي تضايق دي تتحكي , في واحد صاحبي اسمه حسن مطلع همي عنده على طول الحقيقة ربنا يقدره و يقويه على اللي بيحصل :p
*بتطلع اسرارك بسهوله ولا بتحتفظ بيها لنفسك
السر لو اتعرف مبقاش سر
*الذكاء بالنسبة ليك ايه
في رايي أنا شيء اساسي
*امتى تحس انك شخص غير مرغوب فيه ووقتها بتعمل ايه
إحساس داخلي بنسحب بهدوء
*هل انت :
خجول مش أوي


فضولى برده مش أوي
طموح أوي
نشيط يعني
صبور في احيان و احيان
بتاثر فى اللى حواليك في حالات كتيرة آه




*تتعامل بلغة العقل اكتر ولا القلب
كله له وقته
*ازاى بتكون فكرتك الاولى عن الناس وهل ممكن تغيرها بسهوله


منظره العام , طريقة الكلام لو شخص يهمني و هتعامل معاه ممكن اختبره , اغيرها بسهولة صعب لازم يعمل العجب عشان اغير نظرتي
*اكتر شخص بيحسسك :
الفرح والدتي
الحزن في حاجات كده الواحد بيشوفها بتزعله
الرغبة فى البكاء ده صعب يبقى موجود
الاستغراب مفيش
الانطلاق طارق السحراوي


*ممكن اى حد يشوف دموعك ؟وايه اللى ممكن يبكيك ؟
لا صعب إني ابكي قدام الناس , الحركات دي بتاعت ابتدائي , المرة اللي بكيت فيها فعلا لما جدي اتوفى
*كلام الناس بيهمك ولا بتطنش ؟
يهمني و بكل اسف
*وقت فراغك بتقضيه فى ايه ؟
النت
*شايف ان فى حد يستاهل انك تضحى عشانه ؟
آه بس في قليل جدا جدا جدا
*ممكن تتاثر براي اللى حواليك بسهوله ؟
ممكن لو الحاجة اللي قلت فيها رايي اقل خبرة من رأي الناس
*ايام المدرسه كنت طالب مجتهد ولا منفض
لا كنت مجتهد حتى اسألي جيلان
*كنت بتتضرب كتير ؟وكام مرة زرت اودة الناظر ؟
كنت بتضرب بس مش كتير يعني , مكنتش الشخص المفضل للضرب بس برده كنت بتضرب
اوضة الناظر هههههههههههه ياه كنت فيها يوميا بس مش عشان مشاغب
اصله الناظر ده كان جدي :wiink: فضلت كده لحد ما سافرت برة , لما سافرت مزرتش اوضة الناظر خالص علاقتي بيها كان سلام سلام
*ههههه عمرك حيت العلم ايام المدرسه ؟
آه
*كنت بتشترك فى الاذاعة المدرسيه ؟
لا قليلا
*اتقفشت قبل كده وانت بزوغ من المدرسه ؟
ولا مرة
*اخدت كام استدعاء ولى امر ؟
ولا مرة
*شهادة تقدير او جايزة عمرك ماتنساها ؟
آه مرة أخدت جايزة رسم التاني في مسابقة رسم على مستوى سلطنة عمان في الفئة اللي أنا كنت فيها و كانت جايزة محترمة كده لسة عندي لحد دلوقتي
*كلمة اتقالتك من حد بتفتخربيها
دي بقى سر :whistling:
والي هنا تنتهي اول دفعة


نتمني لك الشفاء العاجل :blush:



الاسئلة حلوة يا رضوى متعمليهاش تاني :hit:
نورتي

Le Roi
03-23-2010, 09:43 PM
هههههههههههه
دة انت متوصى عليك اوى :d
بص انا سايبة للناس الاسئلة التقليدية و العادية
انا هسألك فى 8 سنين زمالة;) بس


مش عارف أقول إيه الصراحة مكنتش أعرف إن الناس بتعزني أوي كده :hit:





الدفعة التانية:




أحمد في الكلية


-ايه احساسك في أول يوم في الكلية وانت في اعدادي؟
تايه
-ليه مدخلتش كلينيكل ؟
اللي حصل بقى كنت ناوي الصراحة بس اللي حصل إني بعد كده غيرت رايي و الحقيقة مش ندمان على كده


-كان ليك صحاب تعرفهم لما دخلت ؟
آه واحد صاحبي بس هو دخل كلينكل
-ايه اكتر ماده كنت بتحبها في اعدادي؟
هههههههههههههه
اللغة :whistling::p
-ايه اكتر حاجه عجبتك في حياة الجامعة ؟
يا محلاها عيشة الحرية , المذاكرة عندي حاجة اضافية
-وايه اكتر حاجه محبتهاش؟
إني أول سنة قضيتها في علوم مش صيدلة
-شفت ناس انبهرت بيهم وبعد كده تبينت انك كنت مخطيء؟
لا مفيش
-كنت بقضي الوقت الفاضي بين المحاضرات والسكاشن ازاي في الكلية؟
كنت بتفسح
-حسيت بايه لما جيت من علوم لصيدله؟
حسيت باني كنت غرقااااااان و طلعت اخد نفسي
-بتتمني ايه يتغير في نظام الكلية؟


يلغوا اعدادي و ينجحوني على طول
كفاية كده دلوقتي


نواصل بعد الفاصل


نورتي يا رضوى , متعمليهاش تاني

Heba Mahmoud
03-23-2010, 09:48 PM
الانطلاق طارق السحراوي

صح اوى:whistling:

ايمان
03-23-2010, 10:03 PM
حوارك شيق يا احمد
شكرا على الكلام اللى انت قولته عنى:o
ليا كام تعليق كده,,,
هقولهم ......بس لما اجمعهم
تقبل مرورى
..

RoOoLeTa
03-23-2010, 11:25 PM
طيب هذا ينطبق عليه سرعة ومهارة و دقة في الانجاز

علي الرغم من بعض الاسئلة اللي اجابتها مكنتش تمام الا اني هتجاوز عنها في سبيل الدفعة الجاية:


ادي كل واحد من الناس دي صفه
- أنا (مشرفة الحوار :p)
-ايه برضو مشرفه الحوار
-دينا (ايضا مشرفة الحوار):whistling:

-عطية الادمن

-رباب حجر الاساس

-فتح الله

-ميسيدونا

-لو تيموان

-فمساوي علي طول

-هبه

-احمد وائل

-مارد وشوشني

-حسني مبارك رئيس الجمهورية

-السادات



-بتحب اقتناء الحيوانات (قطط -كلاب -عصافير -سلاحف ......)

-أي حقبة من التاريخ تفضل و أي حقبة قرات عنها اكثر

-هل تري اننا بعد 100 سنة من الان سوف نكون في كتب التاريخ

-قلت انك دخلت صيدله قضاء الله كنت عايز تدخل ايه؟

-ايهما تفضل الكيمياء ولا المواد الطبيه

-مجموعك كان كام في ثثانوية عامه

-سافرت برا مصر قبل كده؟ فين ؟ و تفضل ايه اكتر؟

-لو سافرت ايه اهم الاختلافات بين البلد اللي كنت فيها وبين مصر

-لما تكبر بتطمح تشتغل برا مصر ولا عايز تقعد فيها

-ايه رايك في الشباب اللي بيهاجروا هجرة غير شرعيه

-لو البرادعي رضح نفسه للرئاسة هترشحه؟

-ايه رايك في الار تي سي

-وفي قسم الحوار ^_^

-ايه اكتر اقسام المنتدي اللي مش بتدخله خالص

-اي الالوان تفضل

يلا سلي وقتك

فاصل و نواصل

بنت مصرية
03-23-2010, 11:40 PM
خير اللهم ما اجعله خير
اول ما فتحت الميل
و انا لسه برش مية قدام الميل كده
لقيت بحبه اووي كده
حد بيقولي كده
ان انت الضحية:Evil:
فرحت اووي
اه و الله
فرحت جداااا
و الله العظيم بجد فرحت جدا خالص

قولت بقى هوديك مارينا:Evil:
فالحد ده قالي ايه بقى
اوديك مشي و ارجعك جرري:Evil::Evil:
انا بقى شريرة اووي اصلا
جدااااااااااااااااااااااااااااااااااااااا
بجد بقى هوديك مارينا
تحب تروح مالاول و لا في الاخر
هحضرلك الاسئلة و ابعت لجارنا يقراها
اصله امن دوولة:Evil:
نياهاهاهاهاهاهاهاهاهاهاهاهاها:Evil:

The Princess
03-23-2010, 11:55 PM
احساس جمييييييييييل جدا
بتبقى صعبة كده لما تيجي الحكاية من ناس تعرفيهم من زمان
ههههههههههههههههههههههههههه
مصمم تحسسنى بالذنب
و مش هاحس بيه
و بعدين تستاهل اصلا ..... مش انت مكنتش عارفنى


و أنا في ابتدائي واعدادي كانت أحلى أيام
ثوانى ثوانى
افهمها دى ازاى
ابتدائى كانت معانا
و اعدادى مش معانا


جدي الله يرحمه
الله يرحمه



المرة اللي بكيت فيها فعلا لما جدي اتوفى
احمد.....هتخلينى اعيط كدة على فكرة
ربنا يرحمه



لا كنت مجتهد حتى اسألي جيلان
منا قولت اجاوب انا
كان شاطر و كان بيطلع من الاوائل
كانت المنافسة دوما شديدة





الا هو صحيح انت كنت سافرت عمان
اومال انا ليه كنت فاكرة انك فى السعودية؟؟؟؟؟؟؟


على فكرة انا الاسئلة اللى فكرت فيها لحد دلوقتى تعدى 100 سؤال
شكلى مش هاخرج الخميس
و اقعد استرجع فى الذكريات

Le Roi
03-24-2010, 12:03 AM
طيب هذا ينطبق عليه سرعة ومهارة و دقة في الانجاز



علي الرغم من بعض الاسئلة اللي اجابتها مكنتش تمام الا اني هتجاوز عنها في سبيل الدفعة الجاية:



ادي كل واحد من الناس دي صفه
- أنا (مشرفة الحوار :p)
الشخص الذي يعمل دون ملل , كان ممكن أقول طيبة بس قبل كمية الاسئلة اللي إنتي كتبتيها دي
-ايه برضو مشرفه الحوار
البركة بتاعة القسم , دائما ذات رأي صائب
-دينا (ايضا مشرفة الحوار):whistling:
الجندي المجهول


-عطية الادمن
الكبير دائما


-رباب حجر الاساس
إنتي جبتي الوصف حجر الاساس الذي لا يمكن الاستغناء عنه


-فتح الله
يمكن مكلمتوش قبل كده بس حاسس انه شخص صاحب أفكار لا تنضب عليه شوية كتابات لا يعلى عليها


-ميسيدونا
ههههههههههه راعي الرياضة في فمسي


-لو تيموان
على طول شغال لا يكل و لا يمل


-فمساوي علي طول
عزت ده اللي في الحتة الشمال زي ما بيقولوا , عليه ابتسامة انما إيه , على طول مبتسم ما شاء الله


-هبه
فعلا هي النحلة اللي في المنتدى
في كل وقت في أي مكان


-احمد وائل
:whistling::whistling::whistling:


-مارد وشوشني
لا اقول سوى انه شخصية كرتونية


-حسني مبارك رئيس الجمهورية
لو حد حاول يحط نفسه مكانه مش هيستحمل و اتحدى ؟
فعلا في حاجات بتحصل دلوقتي مش كويسة بس أنا بعتبره شخص مصر هتحس قيمته بعد عمر طويل


-السادات
مظنش إن في حد امتلك كاريزما زيه
أحد القادة اللي الناس انتقدتهم في حياته و دلوقتي الكل بيقول يا ريت اللي جرى ما كان




-بتحب اقتناء الحيوانات (قطط -كلاب -عصافير -سلاحف ......)
آه بحب القطط , عندنا واحدة على فكرة


-أي حقبة من التاريخ تفضل و أي حقبة قرات عنها اكثر
التاريخ الحديث خصوصا الاوروبي ده اللي بفضله و اللي قريت عنه أكتر


-هل تري اننا بعد 100 سنة من الان سوف نكون في كتب التاريخ


-قلت انك دخلت صيدله قضاء الله كنت عايز تدخل ايه؟
كنت عايز حاجة من اتنين يا طب اسنان يا اما اقتصاد و علوم السياسية على الترتيب
بس طبعا الضغوط البيتية و الزن و وجع الدماغ خلاني احط الفرق بين رغبتي الأولى و التانية الحقيقة عشرين رغبة في الكشف و في النهاية جاتلي صيدلة بس بعدين حسيت إنها فعلا الافضل ليا


-ايهما تفضل الكيمياء ولا المواد الطبيه
المواد الطبية


-مجموعك كان كام في ثثانوية عامه
إيه الاحراج ده
كان 94 % و محدش يستغرب


-سافرت برا مصر قبل كده؟ فين ؟ و تفضل ايه اكتر؟
أيوه , سلطنة عمان .
مصر طبعا


-لو سافرت ايه اهم الاختلافات بين البلد اللي كنت فيها وبين مصر
الشعب نفسه مختلف , الدنيا هناك غير الدنيا بس بمجرد إن الواحد بينزل هناك بيبقى عايز يركب على نفس الطيارة عشان يرجعوه


-لما تكبر بتطمح تشتغل برا مصر ولا عايز تقعد فيها
جوة مصر


-ايه رايك في الشباب اللي بيهاجروا هجرة غير شرعيه
ناس اتضحك عليها مش أكتر
مشافش برة عامل إزاي
و لو كان شافه كان قال اقعد جوة أحسن


-لو البرادعي رضح نفسه للرئاسة هترشحه؟
بكل صراحة لأ


-ايه رايك في الار تي سي
معلش احتفظ بالاجابة لنفسي


-وفي قسم الحوار ^_^
ههههههههههه أقول يعني ولا حد هيزعل
شر لا بد منه


-ايه اكتر اقسام المنتدي اللي مش بتدخله خالص
التدريب الصيدلي


-اي الالوان تفضل
الأحمر و الأسود


يلا سلي وقتك


فاصل و نواصل


إيه كل الأسئلة دي أنا حاسس إني بقدم في الكلية الحربية
رضوى المرة الجية خلي بالك من اللستة :hit::hey:

Le Roi
03-24-2010, 12:18 AM
خير اللهم ما اجعله خير



اول ما فتحت الميل
و انا لسه برش مية قدام الميل كده
لقيت بحبه اووي كده
حد بيقولي كده
ان انت الضحية:Evil:
فرحت اووي
اه و الله
فرحت جداااا
و الله العظيم بجد فرحت جدا خالص
ده بس من ذوقك والله يا راوية
قولت بقى هوديك مارينا:Evil:
فالحد ده قالي ايه بقى
اوديك مشي و ارجعك جرري:Evil::Evil:
انا بقى شريرة اووي اصلا
جدااااااااااااااااااااااااااااااااااااااا
نياهاهاهااهاها أنا مش بخاف على فكرة , أصل أنا ممكن اخليكي تفتكري إن أنا روحت مارينا و شوية كده و تلاقي مارينا كلها عندك و أنا اطلع زي العشرة من العجينة
بجد بقى هوديك مارينا
تحب تروح مالاول و لا في الاخر
هحضرلك الاسئلة و ابعت لجارنا يقراها
اصله امن دوولة:Evil:
يعني زميلي في الوطن :whistling:
نياهاهاهاهاهاهاهاهاهاهاهاهاها:Evil:
هع هع هع هع هع هع هع :hit:








و أنا في ابتدائي واعدادي كانت أحلى أيام
ثوانى ثوانى
افهمها دى ازاى
ابتدائى كانت معانا
و اعدادى مش معانا
يبقى اعدادي أحلى :p



الا هو صحيح انت كنت سافرت عمان
اومال انا ليه كنت فاكرة انك فى السعودية؟؟؟؟؟؟؟
كل الناس كده حتى أنا نفسي كنت فاكر كده :p


على فكرة انا الاسئلة اللى فكرت فيها لحد دلوقتى تعدى 100 سؤال
شكلى مش هاخرج الخميس
و اقعد استرجع فى الذكريات
على فكرة بلاش يوم الخميس الخروج بيبقى حلو أنا نفسي هخرج إن شاء الله
يعني إنتي اسألي ساعتها و دوري على حد غير يجاوب :p



منورين يا جماعة

RoOoLeTa
03-24-2010, 12:35 AM
=ايه الموقف اللي حصل السنه دي في الكليه و موش ممكن تنساه ابدا (موقف مضحك موقف غبي الخ الخ الخ)


-=ايه الحاجه اللي ممكن تشد انتباهك و تستفزك


تحب تقضي اجازتك فين




-=تخيل واحد صاحبك كان اعد بيتكلم معاك في سر خطير في التليفون وانت كان في حد جنبك و عمال تفهم فيه و هو مش عايز يفهم و مينفعش حد تاني يسمع السر دا هتعمل ايه

-=هل تري نفسك تؤتمن علي اسرار؟؟

-=حياتك منظمه؟؟


-=نزلت تتدرب قبل كده في صيدليه؟؟

لو نزلت احكلنا عن موقف علق معاك اوي

-لو انت فى موقف قيادى ومسئول عن حاجة وقبلتك مشكلة مش هتعرف تحلها وفى الوقت نفسه كل اعضاء الجماعة معتمدة عليك وانت خلاص مش قادر ممكن تتصرف ازاى...

-لو حصل وبقى فى حاجة تمكن الناس انهم يتبادلوا شخصياتهم تفضل تبدل شخصيتك مع مين...مع إبداء السبب...
وفى نفس الوقت هل من الممكن ان تبدل شخصيتك تحت أى ظرف ...

- نصيحه تحب تقولها لكل عضو ومشرف في فمسي واحد واحد ؟؟؟؟؟؟؟؟؟
هل تؤمن بمبدا ابق اصدقائك قريبين لكن ابق اعدائك اقرب؟؟؟؟؟؟؟؟؟؟؟
من هو الشخص الذي يعطيك الاحساس بالخوف عند رؤيته

Le Roi
03-24-2010, 12:51 AM
=ايه الموقف اللي حصل السنه دي في الكليه و موش ممكن تنساه ابدا (موقف مضحك موقف غبي الخ الخ الخ)
لا مفيش



-=ايه الحاجه اللي ممكن تشد انتباهك و تستفزك
بجد أكتر حاجة ممكن تستفزني لما اشوف واحد بيعاكس واحدة في الشارع بيبقى هاين عليَّ اديله بالقديمة على رأي عادل إمام

تحب تقضي اجازتك فين
على البحر و أنا بشوف القريدس تحمي بيضها من هجمات السلطعون المتكررة


-=تخيل واحد صاحبك كان اعد بيتكلم معاك في سر خطير في التليفون وانت كان في حد جنبك و عمال تفهم فيه و هو مش عايز يفهم و مينفعش حد تاني يسمع السر دا هتعمل ايه
ههههههههههههه بسيطة هقوله معلش لازم اخش الباث روم هكلمك بعدين مش هغلب يعني :p


-=هل تري نفسك تؤتمن علي اسرار؟؟
آه بتحصل كتير


-=حياتك منظمه؟؟
احيانا


-=نزلت تتدرب قبل كده في صيدليه؟؟
لا


-لو انت فى موقف قيادى ومسئول عن حاجة وقبلتك مشكلة مش هتعرف تحلها وفى الوقت نفسه كل اعضاء الجماعة معتمدة عليك وانت خلاص مش قادر ممكن تتصرف ازاى...
لو كنت في منصب قيادي صدقيني ساعتها هكون شلت كلمة معرفش من قاموسي نهائي


-لو حصل وبقى فى حاجة تمكن الناس انهم يتبادلوا شخصياتهم تفضل تبدل شخصيتك مع مين...مع إبداء السبب...
محدش احق بشخصية احمد وائل أكتر من احمد وائل ;)
وفى نفس الوقت هل من الممكن ان تبدل شخصيتك تحت أى ظرف ...
لا


- نصيحه تحب تقولها لكل عضو ومشرف في فمسي واحد واحد ؟؟؟؟؟؟؟؟؟
في بيت شعر قاله الامام الشافعي قال فيه نصيحةاخدها من معلمه اسمه وكيع
شكوت إلى وكيـع سـؤ حفظـي فأرشدني إلـى تـرك المعاصـي
وأخبرنـي بـأن العـلـم نــور ونـور الله لا يـهـدى لعـاصـي

هل تؤمن بمبدا ابق اصدقائك قريبين لكن ابق اعدائك اقرب؟؟؟؟؟؟؟؟؟؟؟
آه جدا و احطه تحت عيني كمان
عين تراقب ده وعين تراقب ده
من هو الشخص الذي يعطيك الاحساس بالخوف عند رؤيته
مش عايزة تقتنعي ليه إني مش بخاف




يا اهلا بيكي يا رضوى عموما كله بحسابه

The Princess
03-24-2010, 12:59 AM
على فكرة كل الايموشنات اللى بتطلع لسانها دة نرفزتنى
عارف فى مثل بيقول " دبور و زن على خراب عشه":Evil:
بقى ايام اعدادى احلى :hit:

Blizared
03-24-2010, 01:10 AM
لا لا وااااضح انك فعلا متوصي عليك جامد يا احمد هههه انت اتسألت في يوم اسئلة التلات ايام:Evil:

هو انا كنت عاوز اسأل عن :
1) سبب اختيار اسم le Roi....سبب الاختيار من حيث اللغة(ليه مش زا كينج يعني)؟؟ ومن حيث المسبب(ليه Le Roi)؟؟

2) شايف ال Career بتاعك ازاي؟؟ مخطط حاجة معينة ولا بتعتمد سياسة انتعهاز الفرص المناسبة اولا بأول وخلاص

3) شايف نفسك في المنتدي قياسا بفترة بقائك فيه: نشيط....كويس...لسه محتاج شغل اكتر ؟؟؟؟

4) اخبارك اجتماعيا ايه؟؟ قائد له العديد من الاصدقاء قادر علي تغيير الطريق؟؟؟؟ ام تسير مع القافلة معطيا بعض التوجيهات؟؟؟ ام تفضل الانطلاق خارج السرب تماما؟ ليه (مهمة اوي ليه دي)؟؟؟؟؟

5) انت ديموقراطي؟؟؟ احكيلنا عن موقف دارت فيه مناقشة ما اثبتت لنفسك كونك ديموقراطي ام لا؟؟؟

6) انت مؤمن برسائل التغيير؟؟ كون الانسان يبقي ماشي في طريق حياة معين وفجأة يغيره لطريق تاني خالص اعمالا بنقطة ضوء او موقف ما حصل؟؟مؤمن بوجود مثل هذه الرسائل والاشارات يعني؟؟وليه؟؟

7) الصداقة عندك: اتفاق في الطباع؟؟؟ اتفاق في الاراء؟؟؟ كلاهما معا؟؟؟ غير مشروطة بالاتفاق طبعا ورأيا وتحتاج عوامل اخري؟؟ اختر مع التعليل طبعا

8) le Roi بيحلم بإيه؟؟؟؟ ايه رأيك في مقولة لو بطلنا نحلم نموت؟؟؟ وليه؟؟؟

9) اخيرا....ايه رأيك في الانطباع الاول؟؟ مهم ومؤثر ولا لا يمثل شيئااااا؟؟؟؟ اضافة للسؤال ايه انطباعك الاول عني باعتبارنا تعرفنا علي بعض قريبا؟؟؟

شكرا يا دكتور ...... انا كده خلصت اتمني تاخد وقتك في الاجابة براحتك انا مش مستعجل خالص

وربنا معاك بقي في الوصاية السبشيااااااااال

بنت مصرية
03-24-2010, 01:34 AM
راوية ... المشرف اللي يخش يشتغل في صمت كده , بيعجبني قسمها
ميرسي ميرسي
مع اني حاسة اني بعمل دووشة في الاقسام التانية:whistling::whistling::D
لما القسم بيعجبك موش بتدخل ليه:Evil:
انا فالاول كده هجيب من الدفاتر القديمة:Evil:
موش بقولك شريرة


-سر حبك للسياسة؟
شكلك ناوية توديني مارينا , بس المسألة مش موضوع حب ولا بتاع
كل ما في الأمر إني شايف المسألة واجب بس احنا اللي مطنشينه

هي وجه الواجب فيها:unsure:
.. ازاي واجب يعني..
و هل يا ترى بتقضي كل واجباتك الاخرى زي الواجب ده:p
ليه انت موش شايفها ميوول مثلاا



-لو البرادعي رضح نفسه للرئاسة هترشحه؟


بكل صراحة لأ


لماذا؟؟
هترشح مين بقى
و نفسك مين يرشح نفسه
هتجتار جمال مبارك لو نزل ؟؟ و ليه
ممكن تختار حسني مبارك؟
اسبابك ايه

ايه رايك في حركة التغيير بتاعة البرادعي
شايف ايه مميزاتها لو اتنفذت
و ايه عيوبها
هتكوون واحد من اللي في الحركة دي؟؟ و لا انت واخد موقف مالبرادعي عموما

ممكن نشوفك منتمي لحزب ما مقدماا؟؟ايه هو بقى؟

عملت بطاقة انتخابية؟

نفسك مين ميعرفش انك ضحية؟؟:Evil:سؤال خبيث.. هههههههههههههههههههههههه
اجاابة سؤال المشرفين اللي فاتت معجبتنيش
روح هات المشرفين واحد واحد
و قوول انطباعاتك عنهم قبل و بعد ما عرفتهم:Evil:
و بالمرة هاات خمس ست اعضااء كده

بتعمل ايه لما تكون في محاضرة او سكشن مملين
حد مالدكاترة عملك عقدة من حاجة معينة قبل كده

اسمك عالمنتدى .. معناه ايه:wiink:
اشمعنى الاسم ده

حسيت بايه اول ما بقيت محرر
ايه الفرق بين قبل و بعد ما بقيت محرر


ادي كل لون لصديق واحد فقط مع ذكر السبب

اصفر
احمر
اخضر
ازرق
بنفسجي
نبيتي
بني
ابيض
اسود
لبني
بمبي
زيتي

- بتحب ايه اكتر حاجة في كل من:
- شهور السنة
- فصول السنة
-ايام الاسبوع
- الليل ولا النهار
- الأكلات
- المشروبات

لو هاتسافر مكان ومطلوب منك تاخد
شخصين بس معاك تختار مين؟؟؟و ليه
- املئي الفراغ بما يناسبه من شخصيات المنتدى
شخصية محبوبة..........
شخصية مشهورة...........
شخصية مميزة............
شخصية اود التعرف عليها اكثر............
شخصية تعجبني..........
شخصية مظلومة...........
شخصية ضحوكة...........
شخصية متزمته...........
شخصية عصبية............
شخصية ذكية.............
شخصية عاقلة...........
شخصية مبدعة............

ده مجرد تسخين كده
عشان اتفاجات بس
لسه بكرة بقى هاجي اكمللللللللللل
بيقولو رضوى اطيب مني:p

يتبع ..:Evil:

WhiTe ClouD
03-24-2010, 02:08 AM
للأسف هشارك

وربنا معاك ومعايا

أحمد ..اكتب بايجاز تعليقك الشخصى أو أول ما يأتى برأسك كتعقيب على الجمل التالية

-"تكلم حتى أراك"


- "نعيب زماننا والعيب فينا "

- "الفاشلون ينتظرون المستقبل أما الناجحون فيقومون بصناعته"



اكمل الآتى :

ضعفى يظهر فى ...
قوتى تتمثل فى ...
علاقتى بربى ......
...... هى صفة اتمنى التخلص منها عن قريب
.... صفة كنت اتمنى التحلى بها .
حلمى هو ......
..... هى فكرة مجنونة تقفز فى رأسى من حين لآخر.
...... لا يعنى لى شيئا.
الحب لا يمكن أن .............
سأتزوج من تتصف بـ ..........

على وسادة نومى عندما اغمض عينى غالبا ما تتردد صورة ... على ذهنى.

*************


متى أحدثت تغيير فعلى فى أحد صفاتك أو حياتك؟ وماذا كان؟


ما هو البديل الجدّى لكلمة (معرفش) التى تتمنى الغائها من القاموس؟ وما السبيل لذلك؟


رتب أولوياتك التى تسير عليها حاليا حتى وإن كانت خاطئة بنظرك من
(دراسة - انشطة بالكلية - علاقات اجتماعية كالصداقات والزمالات - اهتمامات أخرى بحياتك)

من له الأولوية بحياتك بعد والديك؟

dr.dora
03-24-2010, 05:24 PM
مبدئيا احب اسجل اعجابي بالاجابات
ومستنية اشوف الباقي
وهابي ضحية :whistling:

Clever4Ever
03-24-2010, 05:30 PM
شوية اسئلة لضحيتا http://www.phmcy.com/vb/images/green2/smilies/diablo2.gif

نوع موبايلك ايه ؟؟؟؟؟

تبع انهى شبكة موبايلات ؟؟؟؟؟؟

ممكن تقول مواصفات الكمبيوتر بتاعك ؟؟؟؟

ايه اكتر حاجة بتعملها ع الجهاز ؟؟؟؟

_______________________


فكرت تسوق قبل كده ولا مش بتحب ؟؟؟؟؟؟؟

بتحب صيدلة ولا ؟؟؟؟؟؟؟؟؟؟؟؟؟؟؟؟؟؟

لو مكنيش دخلت صيدلة ,,, كنت تحب تدخل ايه ؟؟؟؟,,وليه ؟؟؟

ايه رأيك فى اسمك ع المنتدى

هل انت راضى عن ادائك فى الموقع ؟؟

اخبار تقديراتك ايه الترم الاول ؟؟؟؟

كلنا لها يا ابو حميد
:wiink:

dr.dora
03-24-2010, 05:51 PM
علي فكرة انت فعلا متوصي عليك
والناس عمالة تحرضني ع الشر :Evil:
بس انا قلت اعمل حساب للزمالة (دراسة وقسم )
:D:D

ايمان
03-24-2010, 06:33 PM
هههههههههههه
بنت حلال والله
انا كمان عملت زيك
كنت عايزة اسأل
بس افلفكرة انه ربنا يديله العمر وزيلحق يجاوب اصلا(صعبت عليا والله)
........
كان الله ف العون يا احمد
منتظرين الاجابات

RoOoLeTa
03-24-2010, 06:38 PM
ايه يا نااااااااااااااااااس هو دا واجب الضيافه يقول علينا ايه؟؟؟ بخلا؟؟

ميصحش كده يا ايمان

اسلي انتي و هو اكيد هيلاقي وقت يجاوب:p

بنت مصرية
03-24-2010, 06:44 PM
هههههههههههههههههههههههههههههه
انا حسيت ان الاسئلة اللي فاتت موش كفاية عشان رحلة ماريناا:whistling:
عشان كده بحضر في شوية تانيين
هو ده الواجب و كرم الضيافة
ثم انت متوصي عليك مالغالية :p

Le Roi
03-24-2010, 06:46 PM
إيه كمية الأسئلة دي ؟!؟!؟!؟!؟!
ربنا على الظالم و المفتري و يجازي اللي كان السبب
يلا نبدأ نحل ...لما نشوف اخرتها إيه :Evil::hit:

لا لا وااااضح انك فعلا متوصي عليك جامد يا احمد هههه انت اتسألت في يوم اسئلة التلات ايام:Evil:

هو انا كنت عاوز اسأل عن :
1) سبب اختيار اسم le Roi....سبب الاختيار من حيث اللغة(ليه مش زا كينج يعني)؟؟ ومن حيث المسبب(ليه Le Roi)؟؟
تقول إيه بقى شاب و عايز يتفرد , تقدر تقول انه واحد و عايز لقب لم تمنحه إياه سلطة بس مظنش إن أنا لوحدي كده معظم اللي في سني كده بس هنا التفرد يا عزيزي , ليه مش زا كينج , مش ملاحظ إنها بقت قديمة كل واحد دلوقتي يسمي نفسه زا كينج لكن إيه رايك لما اخد اللقب الملوكي اللي أنا بمنحه لنفسي ده و بتفرد عن البقية , افضل طريقة هي تغيير بعض الاشياء البسيطة منها اللغة , دعني اقول لك إني من محبي اللغة الفرنسية , اللفظ باللغة الفرنسية في رايي في حد ذاته يجمع بين حاجات كتير و لذلك وقع اختياري عليه

2) شايف ال Career بتاعك ازاي؟؟ مخطط حاجة معينة ولا بتعتمد سياسة انتعهاز الفرص المناسبة اولا بأول وخلاص
مخطط لحاجة معينة حتى الان لأ , بس حاطط كذا اختيار في دماغي و ربنا يسهل بس في المقبل سياسة المقارنة عندي بعتمد عليها بمعنى إن لو قدامي فرصة هتقدم لي ناتج افضل هيبقى ليه لأ

3) شايف نفسك في المنتدي قياسا بفترة بقائك فيه: نشيط....كويس...لسه محتاج شغل اكتر ؟؟؟؟
لسة محتاج شغل أكتر

4) اخبارك اجتماعيا ايه؟؟ قائد له العديد من الاصدقاء قادر علي تغيير الطريق؟؟؟؟ ام تسير مع القافلة معطيا بعض التوجيهات؟؟؟ ام تفضل الانطلاق خارج السرب تماما؟ ليه (مهمة اوي ليه دي)؟؟؟؟؟
ممكن تجمع بين الاختيار الأول في المعظم الأحيان و التاني في بعض الاوقات بس استبعد التالت لانه نادرا مايحدث , أنا مؤمن بالديمقراطية طلاما أخذت من أصحاب الرأي و الثقة

5) انت ديموقراطي؟؟؟ احكيلنا عن موقف دارت فيه مناقشة ما اثبتت لنفسك كونك ديموقراطي ام لا؟؟؟
ديمقراطي , اذكر إن من فترة كانت حصلت مشكلة عندنا في الكلية و هي إن احنا نشوف مكان تصوير و حصلت مشكلة كده بين الاتنين اللي كانوا هيمسكوا الموضوع , أنا حاضر ساعتها و ارتضوا إني احكم في الموضوع أنا ابديت رايي و من ثم قلتلهم لا رأيي و لا رايكم يتنفذ , انتم تشوفوا اغلبية الدفعة عايزة إيه و تعملوه . لكن حصلت بعد كده ظروف اجبرتهم على انهم يتخذوا رأي معين و معملناش عملية الديمقراطية اللي كنا ناويين عليها

6) انت مؤمن برسائل التغيير؟؟ كون الانسان يبقي ماشي في طريق حياة معين وفجأة يغيره لطريق تاني خالص اعمالا بنقطة ضوء او موقف ما حصل؟؟مؤمن بوجود مثل هذه الرسائل والاشارات يعني؟؟وليه؟؟
ممكن إنت تسميها رسائل التغيير بس أنا اسميها ظروف محيطة , و مقتنع بكدة مقتنع إن الشخص لازم يبص حواليه و يتابع و يستنتج و على ضوء كده يحدد أي طريق يتخذ و لو حصل بعض التغيير . إيه المانع من انه يستنتج تاني و يحدد أي الطرق انسب

7) الصداقة عندك: اتفاق في الطباع؟؟؟ اتفاق في الاراء؟؟؟ كلاهما معا؟؟؟ غير مشروطة بالاتفاق طبعا ورأيا وتحتاج عوامل اخري؟؟ اختر مع التعليل طبعا
كلاهما معا بس كلاهما معا مش كافي بمعنى إن إنت برده محتاج حاجات تانية زي الثقة المتبادلة
بس تقدر تقول إن السببين دول هما الاساس اللي تقوم عليه الصداقة في رأيي و بالتالي لابد منهم
" المرء على دين خليله , فانظر الى من تخالل "

8) le Roi بيحلم بإيه؟؟؟؟ ايه رأيك في مقولة لو بطلنا نحلم نموت؟؟؟ وليه؟؟؟
ببكرة أحسن من النهارده , آه بس مش الموت اللي هو الجسدي تقدر تقول الموت العقلي , بمعنى إنك محتاج تحلم و تسعى لجديد لانك لو ملقتش الجديد أو الحاجة اللي إنت عايزه هتلاقي نفسك بلا هدف

9) اخيرا....ايه رأيك في الانطباع الاول؟؟ مهم ومؤثر ولا لا يمثل شيئااااا؟؟؟؟ اضافة للسؤال ايه انطباعك الاول عني باعتبارنا تعرفنا علي بعض قريبا؟؟؟
على حسب بمعنى إن لو كان اللقاء الأول لفترة طويلة فإنت اكيد هتسيب عندي انطباع بنسبة كبيرة صح لكن لو لقاء لمدة ربع ساعة في الغالب هيبقى مش كامل , لكن لو قصدك على الانطباع الاول من المظهر الخارجي ...لأ مش مؤيد لحاجة زي كده
انطباعي عنك في الاول إنك شخص الهادي و المجتهد دراسيا الدراسة ثم الدراسة ثم الدراسة بس مع ذلك إنت مش الشخص الليه هو بيذاكر وخنقة كده لا على العكس برده عايش سنك و أظن إني لم أخطئ في انطباعي ده

شكرا يا دكتور ...... انا كده خلصت اتمني تاخد وقتك في الاجابة براحتك انا مش مستعجل خالص

وربنا معاك بقي في الوصاية السبشيااااااااال



دعواتك حاسس إن أنا بيتحقق معايا :Evil:




ميرسي ميرسي
مع اني حاسة اني بعمل دووشة في الاقسام التانية:whistling::whistling::D
لما القسم بيعجبك موش بتدخل ليه:Evil:
انا فالاول كده هجيب من الدفاتر القديمة:Evil:
موش بقولك شريرة




هي وجه الواجب فيها:unsure:
.. ازاي واجب يعني..
و هل يا ترى بتقضي كل واجباتك الاخرى زي الواجب ده:p
ليه انت موش شايفها ميوول مثلاا


نظري للسياسة زي ما قلتلك واجب تجاه البلد مش ميول , أصل ده مش لعب كورة و لا شطرنج
ده المفروض واجب تجاه البلد و نفسك


لماذا؟؟
شفت له لقاء طويل في الأجازة مع منى الشاذلي , ترك من بعده انطباع بأنه ليس الشخص المناسب ليتحمل عبء 80 مليون فرد
هترشح مين بقى
و نفسك مين يرشح نفسه
هو أنا شفت برنامج حد عشان ارشح , الانتخابات لسة بدري عليها لسة حوالي سنة و نص و لسة عشان كل مرشح يعلن البرنامج الانتخابي بتاع سنة , السنة جيا لو اتسألت ممكن أجاوب لكن دلوقتي لأ
في الوقت الحالي أنا مؤيد للرئيس الحالي
هتجتار جمال مبارك لو نزل ؟؟ و ليه
برده مقدرش اقولك آه ولا لأ لأن الامور مش بتتاخد بالشكل
ممكن تختار حسني مبارك؟
اسبابك ايه
آه ليه لأ , لو واحد اداني برنامج انتخابي أحسن من الباقي هقوله لأ ليه


ايه رايك في حركة التغيير بتاعة البرادعي
شايف ايه مميزاتها لو اتنفذت
و ايه عيوبها
هتكوون واحد من اللي في الحركة دي؟؟ و لا انت واخد موقف مالبرادعي عموما
لا أنا مش مؤيد لها
مميزات حتى الان مفيش
عيوب برده لسة مفيش
اساسا أنا مشفتش منها حاجة عشان احكم اللهم ألا شوية ناس اتلموا على بعض
لا


ممكن نشوفك منتمي لحزب ما مقدماا؟؟ايه هو بقى؟
ربنا يسهل إن شاء الله . لما اخش هقولك :p


عملت بطاقة انتخابية؟
آه قدمت و هستلمها أول الشهر إن شاء الله


نفسك مين ميعرفش انك ضحية؟؟:Evil:سؤال خبيث.. هههههههههههههههههههههههه
لا عادي مش خايف من حد
اجاابة سؤال المشرفين اللي فاتت معجبتنيش
روح هات المشرفين واحد واحد
و قوول انطباعاتك عنهم قبل و بعد ما عرفتهم:Evil:
و بالمرة هاات خمس ست اعضااء كده
إيه الغلب اللي أنا فيه ده :hit::Evil:!!!!!!!!!
active_doctor (http://www.phmcy.com/vb/member.php?u=874) من الناس اللي اكن احترام لرأيها في الاسلامي سواء هي أو شروق
AMORA_17 (http://www.phmcy.com/vb/member.php?u=470) متعرفتش عليه الحقيقة
Clever4Ever (http://www.phmcy.com/vb/member.php?u=220) عزيزي خالد , بجد واحد اللي سعدت بمعرفتهم جدا , شغله فوق الرائع
dr.dora (http://www.phmcy.com/vb/member.php?u=3234) اسراء عندها شوية أفكار بجد فوق الوصف , بستمتع بمواضيع كتير لها
dr.lemoo (http://www.phmcy.com/vb/member.php?u=12) للاسف متعرفتش عليها
dr_dana (http://www.phmcy.com/vb/member.php?u=1731) من الناس اللي أحس إن مبدأها أنا افكر إذن أنا موجود
mai (http://www.phmcy.com/vb/member.php?u=1405) متعرفتش عليها أوي و لكن كان مرة شفت تعليق لها على موضوع ليّا عجبني جدا
maimona (http://www.phmcy.com/vb/member.php?u=313) منى بحب اشوف تعليقاتها , لما كنتي ضحية يا راوية بقيت هموت من نفسي على الضحك من الاسئلة اللي كانت منزلاها ليكي , يلا الحياة دول
manameno (http://www.phmcy.com/vb/member.php?u=421) متعرفتش عليها للاسف
meteoricdiamond (http://www.phmcy.com/vb/member.php?u=490) تحس إنها كده شخصية كبيرة مقاما خصوصا لما تخش تقفل اللعب في الضحك و التسلية و الإنطباع ده زاد عندي لما شفتها في اجتماع الاسرة بس لها مني كل التقدير الصراحة
nadosh (http://www.phmcy.com/vb/member.php?u=1239) لم اتعرف عليها للاسف
RoOoLeTa (http://www.phmcy.com/vb/member.php?u=318) أحد الناس المحرضة على المكيدة اللي أنا وقعت فيها :hit::Evil:
Shehata (http://www.phmcy.com/vb/member.php?u=36) لم اتعرف عليه للاسف
the prences of love (http://www.phmcy.com/vb/member.php?u=466) لم اتعرف عليها للاسف
ريتاج (http://www.phmcy.com/vb/member.php?u=1923) شخصية هادئة جدا من الناس اللي متحسش بيها بس مع ذلك متابعة و شغالة
بتعمل ايه لما تكون في محاضرة او سكشن مملين
بسرح و ممكن لو زهقان قوي اخش على النت من الموبايل كمان بس ده مش بيحصل ألا لو قاعد قدام واحد ممل أوووووووووووووووي
حد مالدكاترة عملك عقدة من حاجة معينة قبل كده

الحقيقة كل بتوع الفيزيا
اسمك عالمنتدى .. معناه ايه:wiink:
اشمعنى الاسم ده
معناه الملك و لكن بالفرنسية , غرور بقى :p


حسيت بايه اول ما بقيت محرر
فرحة أكيد
ايه الفرق بين قبل و بعد ما بقيت محرر


مسؤلية زادت عن قبل كده
ادي كل لون لصديق واحد فقط مع ذكر السبب
لازم صديق يعني ولا إيه أنا حر بقى


اصفر blizard لايق على الناس المجتهدة
احمر والدي عشان العصبية
اخضر جيمي , السبب مزآجي :p
ازرق حسن , زي البحر واسع يشيل كتيييييير
بنفسجي مش لايق على حد ده
نبيتي ولا ده كمان
بني :thnk:إيه الالوان الكتير دي برده ملهوش حد
ابيض والدتي
اسود طارق السحراوي , و استعينوا على قضاء اموركم بالكتمان
لبني عزت , طيب مهما كان
بمبي منى الطمني و راوية اللون ده على طول بيكتبوا بيه لحد ما ارتبط في ذهني انهم واخدين اللون احتكار
زيتي مفيش حد لايق عليه


- بتحب ايه اكتر حاجة في كل من:
- شهور السنة سبتمبر
- فصول السنةالشتاء
-ايام الاسبوع الجمعة
- الليل ولا النهار الجمعة
- الأكلات الفراخ
- المشروبات الليمون


لو هاتسافر مكان ومطلوب منك تاخد
شخصين بس معاك تختار مين؟؟؟و ليه
حسن و عزت و ممكن كمان في ناس تانية صحابي من برة الكلية و من جوه
بس دول من أكتر الناس اللي ممكن اعتمد عليها
- املئي الفراغ بما يناسبه من شخصيات المنتدى
الياء دي بتعمل إيه هنا
شخصية محبوبة.....منى الطمني .....
شخصية مشهورة......اسراء دكتور دورا .....
شخصية مميزة......رباب ......
شخصية اود التعرف عليها اكثر......ميسيدونا ......
شخصية تعجبني....محمود الشاهد ......
شخصية مظلومة.....مفيش عندنا هنا ظلم :hey:......
شخصية ضحوكة.....راوية ......
شخصية متزمته.....بلاش دي عشان الناس هتزعل ......
شخصية عصبية......لا كلهم كويسين ......
شخصية ذكية.......رضوى ......
شخصية عاقلة.....آية ماهر ......
شخصية مبدعة......احمد محمد فتح الله ......


ده مجرد تسخين كده
عشان اتفاجات بس
لسه بكرة بقى هاجي اكمللللللللللل
بيقولو رضوى اطيب مني:p


يتبع ..:Evil:




انتم الاتنين اطيب من بعض ما شاء الله

Le Roi
03-24-2010, 06:49 PM
ايه يا نااااااااااااااااااس هو دا واجب الضيافه يقول علينا ايه؟؟؟ بخلا؟؟
أقول إيه بس :Evil::Evil::Evil:
ميصحش كده يا ايمان


اسلي انتي و هو اكيد هيلاقي وقت يجاوب:p





هههههههههههههههههههههههههههههه

انا حسيت ان الاسئلة اللي فاتت موش كفاية عشان رحلة ماريناا:whistling:
عشان كده بحضر في شوية تانيين
هو ده الواجب و كرم الضيافة
ثم انت متوصي عليك مالغالية :p


انتم الاتنين بتخموا :hit::hit:
أنا عايز حكام اجانب :Evil:

ايمان
03-24-2010, 07:00 PM
هما اللى طلبوا يااحمد....
هااااااااااا
انز ل باسئلتى ولا بلااااااااااااش؟

Le Roi
03-24-2010, 07:09 PM
للأسف هشارك

حتى إنتي يا رباب ده أنا بأقول إنك بتعدي و خلاص يوم لما تسالي تبقى فيا



وربنا معاك ومعايا


أحمد ..اكتب بايجاز تعليقك الشخصى أو أول ما يأتى برأسك كتعقيب على الجمل التالية


-"تكلم حتى أراك"


إحساس إن واحد مخنوق من واحد فبيقوله قول كل اللي في نفسك لحد ما اشوفك عشان لما آجي متفتحش بقك بعد كده
- "نعيب زماننا والعيب فينا "
الوضع العربي الحالي


- "الفاشلون ينتظرون المستقبل أما الناجحون فيقومون بصناعته"
التمنى , أتمنى إن كلنا نحطها في دماغنا



اكمل الآتى :


ضعفى يظهر فى .قمة قوتي :thnk:..
قوتى تتمثل فى .رايي السديد
علاقتى بربى ..الحمد لله من حسن لاحسن إن شاء الله ....
....الغضب .. هى صفة اتمنى التخلص منها عن قريب
..الهدوء الشديد .. صفة كنت اتمنى التحلى بها .
حلمى هو ....بلاش عشان مقفلكوش المنتدى :p..
...السفر .. هى فكرة مجنونة تقفز فى رأسى من حين لآخر.
...الماضي المحزن ... لا يعنى لى شيئا.
الحب لا يمكن أن ...يصنع المعجزات ....
سأتزوج من تتصف بـ ...التحمل ...


على وسادة نومى عندما اغمض عينى غالبا ما تتردد صورة .ماحدث طول اليوم . على ذهنى.



*************



متى أحدثت تغيير فعلى فى أحد صفاتك أو حياتك؟ وماذا كان؟
لما دخلت الكلية بس هو لسة مكملش , العصبية في البيت قلت كتير عن الاول



ما هو البديل الجدّى لكلمة (معرفش) التى تتمنى الغائها من القاموس؟ وما السبيل لذلك؟
سأحاول , لحد دلوقتي يا رباب معرفش بس أتمنى إني أعرف لاني عايز اوصلها بجد
رتب أولوياتك التى تسير عليها حاليا حتى وإن كانت خاطئة بنظرك من
(دراسة - انشطة بالكلية - علاقات اجتماعية كالصداقات والزمالات - اهتمامات أخرى بحياتك)
دراسة
علاقات اجتماعية كالصداقات و الزمالات
أنشطة بالكلية
اهتمامات أخرى


من له الأولوية بحياتك بعد والديك؟
اخويا :p
نورتي يا رباب






شوية اسئلة لضحيتا http://www.phmcy.com/vb/images/green2/smilies/diablo2.gif

يلا مجتش عليك يا خالد ده إنت حتى غالي عليَّا

نوع موبايلك ايه ؟؟؟؟؟ NOKIA N97

تبع انهى شبكة موبايلات ؟؟؟؟؟؟ ETISALAT

ممكن تقول مواصفات الكمبيوتر بتاعك ؟؟؟؟
laptop , caira made in UK
14.1 screen
processor core 2 duo
HDD 160 GB
DVD , Wireless , Bluetooth
using Windows 7 Ultimate
ايه اكتر حاجة بتعملها ع الجهاز ؟؟؟؟
داخل على النت

_______________________


فكرت تسوق قبل كده ولا مش بتحب ؟؟؟؟؟؟؟
و اتعلمت السواقة فعلا و إن شاء الله هطلع الرخصة قريب

بتحب صيدلة ولا ؟؟؟؟؟؟؟؟؟؟؟؟؟؟؟؟؟؟
آه المجال اللي لقيت نفسي فيه

لو مكنيش دخلت صيدلة ,,, كنت تحب تدخل ايه ؟؟؟؟,,وليه ؟؟؟
طبيب اسنان , كنت معجب بالمهنة من و أنا صغير

ايه رأيك فى اسمك ع المنتدى
حلو عاجبني :D

هل انت راضى عن ادائك فى الموقع ؟؟
بنسبة كبيرة آه

اخبار تقديراتك ايه الترم الاول ؟؟؟؟
الحمد لله تمام , مقبول - جيد - جيد جدا

كلنا لها يا ابو حميد
:wiink:


نورت يا خالد :o

Le Roi
03-24-2010, 07:12 PM
هما اللى طلبوا يااحمد....
هااااااااااا
انز ل باسئلتى ولا بلااااااااااااش؟
:(بجد لا تعليق
مش هتيجي عليكي يا إيمان
يا غلبي ياني

ايمان
03-24-2010, 07:21 PM
خلاص.
وعد منى ليك اسئله ف ذمتى
ربنا يعينك بقى:whistling:
...

RoOoLeTa
03-24-2010, 07:47 PM
من أما شاشة الكمبيوتر بتاعي وانا اعده علي مكتبي

احب اقول قدام كل الفمساوية

لست اخشي اني انزل ضحية

واي محاولات لتهديدي احب اطمنهم انها ستبوء بالفشل الذريع

و احب اقول كمان من منبري هذا اني واخده مصل مضاد يعني

و مش هبطل أسأل

طريقك مسدود يا ولدي مسدود مسدود:wiink:


و شكرا

والسلام عليكم ورحمه الله

Le Roi
03-24-2010, 07:50 PM
من أما شاشة الكمبيوتر بتاعي وانا اعده علي مكتبي

احب اقول قدام كل الفمساوية

لست اخشي اني انزل ضحية

واي محاولات لتهديدي احب اطمنهم انها ستبوء بالفشل الذريع

و احب اقول كمان من منبري هذا اني واخده مصل مضاد يعني

و مش هبطل أسأل

طريقك مسدود يا ولدي مسدود مسدود:wiink:


و شكرا

والسلام عليكم ورحمه الله




أنا مش هقولك غير حاجة واحدة بس
أنا مش بحب المفاجآت سواء في إني أعملها في حد أو إني حد يعملها فيا :hit:
يعني متتوقعيش مفاجأة

بنت مصرية
03-24-2010, 08:22 PM
ههههههههههههههههه هو انت هددت كام واحد لغاية دلوقت
اقولك على فكرة
هدد الناس كلها
و نزل حد تاني خالص:whistling:
ههههههههههههههههههههههههههههه
خليك ضحية شريرة يعني:D

Heba Mahmoud
03-24-2010, 08:27 PM
كان نفسى اسال بس الظروف بقى مفيش وقت :(



-أكره أن اتعامل مع الشخص الذي يتصف بال......(اكمل)

الغباء




طب لو بتتكلم مع حد نفترض انه غبى وعمال تفهم فيه حاجه

وهو موش فاهم هتعمله ايه تفضل وراه لحد مايستوعب ولا تقوله خلاص موش مهم ولا ايه ؟


اكتر حاجه بتخاف منها ؟




مفيش حاجة الحمد لله



بما انك قولت طموحك مالوش حدود مابتخفش من الفشل ؟؟




شايف نفسك متردد ولا بتعرف تاخد القرار على طول ؟




عن نفسي مش شايف حاجة


بس ممكن تقولي إني بعرف اخد القرار في معظم الوقت صح



فى قرار معين كنت متخيل انه صح وقت مااخدته بعدها اكتشفت انك كنت غلطان ؟



ليك فى احلام اليقظة والتخيلات
يعني مش كتير لما الواحد بيسرح في أي محاضرةمملة

فى رايك ايه السبب ان طلبه كتير بتحضر المحاضره وماتركزش
مع الشرح او تنام بس المهم يحضرو ويبقو جوا المدرج؟


-قلت انك دخلت صيدله قضاء الله كنت عايز تدخل ايه؟
كنت عايز حاجة من اتنين يا طب اسنان يا اما اقتصاد و علوم السياسية على الترتيب

انا كنت برضو بقول ياسنان يااقتصاد وعلوم سياسيه ياصيدله
بس وقت الجد قولت اسنان احسن للولد ..هل توافق الراى ده وهل ممكن تروح لدكتوره اسنان فى يوم؟

محدش احق بشخصية احمد وائل أكتر من احمد وائل

طب احمد وائل مفيش شخصيه معينه هو احق بيها ؟

هل حصل وكان فلا حاجه معينه بتعملها موش عاجاك او عاده فكرت تتخلى عنها ونجحت فى كده ؟

Le Roi
03-24-2010, 08:37 PM
ههههههههههههههههه هو انت هددت كام واحد لغاية دلوقت



اقولك على فكرة
هدد الناس كلها
و نزل حد تاني خالص:whistling:
ههههههههههههههههههههههههههههه
خليك ضحية شريرة يعني:d


طب خلي بالك من نفسك بقى عشان إنتي على اللستة مع رضوى




كان نفسى اسال بس الظروف بقى مفيش وقت :(







طب لو بتتكلم مع حد نفترض انه غبى وعمال تفهم فيه حاجه


وهو موش فاهم هتعمله ايه تفضل وراه لحد مايستوعب ولا تقوله خلاص موش مهم ولا ايه ؟


للاسف هتعامل معاه و هفضل وراه بس من جوايا هبقى جبت اخري
بما انك قولت طموحك مالوش حدود مابتخفش من الفشل ؟؟


مش خوف منه و لكن بأعمل حسابه كويس بس في الاول الواحد لازم يكون حسبها كويس و يهيأ نفسه لأي ظرف كان


فى قرار معين كنت متخيل انه صح وقت مااخدته بعدها اكتشفت انك كنت غلطان ؟


آه كان في قرار و موضوع كنت متمسك بيه عشان شخص معين تبين إن الشخص لا يستحق


فى رايك ايه السبب ان طلبه كتير بتحضر المحاضره وماتركزش
مع الشرح او تنام بس المهم يحضرو ويبقو جوا المدرج؟
لا أنا مقصدتش كده بس اللي بيحصل معايا انا شخصيا إني ادخل و ناوي إني افهم بس ربنا يرزقني بحاجة مكلكعة تخليني افصل في النص


انا كنت برضو بقول ياسنان يااقتصاد وعلوم سياسيه ياصيدله
بس وقت الجد قولت اسنان احسن للولد ..هل توافق الراى ده وهل ممكن تروح لدكتوره اسنان فى يوم؟
مش فاهم إزاي بعد ما دخلت صيدلة اروح اسنان , ممكن السؤال بصورة اوضح شوية


طب احمد وائل مفيش شخصيه معينه هو احق بيها ؟
في , احمد وائل برده :p


هل حصل وكان فلا حاجه معينه بتعملها موش عاجاك او عاده فكرت تتخلى عنها ونجحت فى كده ؟
العصبية الزايدة جوه البيت , و تخليت عنها الحمد لله



نورتي يا هبة

بنت مصرية
03-24-2010, 08:40 PM
طب خلي بالك من نفسك بقى عشان إنتي على اللستة مع رضوى
انا نفسي انزل اصلا:whistling::p

Le Roi
03-24-2010, 08:41 PM
انا نفسي انزل اصلا:whistling::p


ههههههههههه و أنا من موقعي هذا بوعدك بالتفكير بتحقيق أمنيتك

Heba Mahmoud
03-24-2010, 09:00 PM
ههههههههههههه
معلش الاى سى دى ال بقى مفيش تركيز


انا كنت برضو بقول ياسنان يااقتصاد وعلوم سياسيه ياصيدله
بس وقت الجد قولت اسنان احسن للولد ..هل توافق الراى ده وهل ممكن تروح لدكتوره اسنان فى يوم؟
مش فاهم إزاي بعد ما دخلت صيدلة اروح اسنان , ممكن السؤال بصورة اوضح شوية

انت بتقول كنت عاوز تدخل ياسنان ياقتصاد وعلوم سياسيه
فقولت انا كمان كنت ايام ثانوى بقول ياسنان يااقتصاد وعلوم سياسيه ياصيدله
بس لما جه وقت التنسيق فكرت وقولت ان مستقبل اسنان للولد احسن
انت مع الراى ده ؟؟

Le Roi
03-24-2010, 09:21 PM
ههههههههههههه

معلش الاى سى دى ال بقى مفيش تركيز


انت بتقول كنت عاوز تدخل ياسنان ياقتصاد وعلوم سياسيه
فقولت انا كمان كنت ايام ثانوى بقول ياسنان يااقتصاد وعلوم سياسيه ياصيدله
بس لما جه وقت التنسيق فكرت وقولت ان مستقبل اسنان للولد احسن

انت مع الراى ده ؟؟


لا في رايي مستقبله للولد زي البنت , لا فرق

الدكتوره نغم
03-24-2010, 10:10 PM
لا في رايي مستقبله للولد زي البنت , لا فرق



هههههههههههههههه
لالالالالالالالالالالا
تفرق طبعا

انا عن نفسي اروح اخلع او اعالج سنانى عند دكتور افضل من دكتوره :hit:
ومعظم الناس كده :whistling:
الدكتور قلبه جامد

وفعلا اكتر دكاتره الاسنان (رجال ):wiink:

The Princess
03-24-2010, 10:31 PM
انا جيت يا زميل الفصل:o


مكنتش متخيلة ان الناس هتعمل معاك احلى واجب كدة


الغريب انهم يعرفوك من سنة و نص بالكتير اوى و عاملين معاك الواجب دة كله:D


اومال اللى يعرفوك من 15 سنة يعملوا ايه:p


نبدأ بقى


· حين يأتى اسم " مدرسة المنار:wub: " ما اول ما يجول بخاطرك؟؟؟؟


· متى كانت اخر مرة زرت بها المنار؟؟؟؟ رأيت من ؟ ماذا تذكرت؟؟


· حين علمت انك ستسافر مما يعنى انك ستترك المنار.....ماذا كان شعورك؟؟؟


· اول مرة زرت بها المنار بعد سفرك....ماذا حدث؟؟؟؟


· ما الفرق بين المنار و مدرستك بعمان " مميزات و عيوب "؟؟؟؟


· انا اعتبر المنار احب الاماكن لقلبى ......ماذا تمثل لك المنار؟؟؟؟


· و بالمرة ما احب الاماكن لقلبك و لماذا؟؟؟؟؟


· بماذا تدين للمنار؟؟؟؟




نخش جوا المنار شوية و نخلى الاسئلة اكثر تحديدا;)


هأقولك حاجات او اماكن فى المنار


تقولى اللى يجى على بالك سواء كان


موقف...ذكرى....شخص....اى حاجة:blush:


· مبنى الادارة


· المكان اللى كان بيتعلق فيه النتيجة


· مكتب ماما خديجة


· حوض السمك:whistling:


· الدادة اللى على طول هناك من يوم ما دخلنا المدرسة


· العيادة


· حمام السباحة


· الجيمينزيم


· الاوضة اللى كان بيبقى فيها الهدوم دى




· المراجيح




· جنينة الحيوانات




· مرة كنا عملنا مدرسة مرور و كنا بنتعلم السواقة;)




· كان فى حفلة عملناها بتاعت الليلة الكبيرة....كنت بتمثل ايه فيها




· مبنى كى جى




· اول فصل جنب السلم اللى على اليمين




· فاكر الفصول اللى درسنا فيها فى المبنى دة




· وقت الفطار:unsure:




· اللوحة المكتوبةعلى مبنى كى جى




· اكتر مكان تفتكره فى المبنى دة؟؟؟؟




· مبنى ابتدائى او ما يطلق عليه حاليا مبنى الامريكن :(




· 1_F




· 2-E




· 3-D




· 4-A




· 5-A




· الاية المكتوبة على المبنى دة




· الكانتين اللى هناك




· البريك




· الطابور




· الاذاعة




· Exercise ال




· مبنى اعدادى " احنا كنا اخدنا فيه خمسة ابتدائى"




· الكافيتريا





اكتر مكان بقى كنت بتحبه جوا المنار و ليه؟؟؟؟؟


كدة تقريبا خلصنا اول حاجة


لسة اربعة كمان تقريبا


دى الافتتاحية كدة عشان لاقيت محدش سأل


حاسة ان لسة فى اسئلة كتير عن المكان ناسياها


لو افتكرت هاجى اسألك ....بسيطة:wiink:

Le Roi
03-24-2010, 11:19 PM
انا جيت يا زميل الفصل:o

يا هلا يا هلا
مكنتش متخيلة ان الناس هتعمل معاك احلى واجب كدة
ربنا يجازي اللي كان السبب بقى
الغريب انهم يعرفوك من سنة و نص بالكتير اوى و عاملين معاك الواجب دة كله:D
أصل الموضوع موضوع معزة خاصة عندهم


اومال اللى يعرفوك من 15 سنة يعملوا ايه:p
نفس اللي إنتي هتعمليه دلوقتي , بس على فكرة الناس هتزهق لأن في حاجة كتير مش هيعرفوها
نبدأ بقى



· حين يأتى اسم " مدرسة المنار:wub: " ما اول ما يجول بخاطرك؟؟؟؟
أيام الصبا , أيام لما كان الواحد مدلع


· متى كانت اخر مرة زرت بها المنار؟؟؟؟ رأيت من ؟ ماذا تذكرت؟؟
في شهر 9 اللي فات , شفت الحاجة خديجة و الاستاذ عبد المطلب و الاستاذ سليم
افتكرت أيام الابتدائي و الاعدادي
· حين علمت انك ستسافر مما يعنى انك ستترك المنار.....ماذا كان شعورك؟؟؟
حاجة مختلطة كده نوع من الحزن إن الواحد هيمشي و يسيب صحابه و نوع من الفرح انه رايح حتى جديدة بقى و هيركب الطيارة بقى , شغل عيال يعني


· اول مرة زرت بها المنار بعد سفرك....ماذا حدث؟؟؟؟
الكل كان فاكرني الحمد لله و سلم عليّا و سأل عن والدتي



· ما الفرق بين المنار و مدرستك بعمان " مميزات و عيوب "؟؟؟؟
هههههههههههه أنا في عمان درست في 3 مدارس بس كلهم عندي ميساوش نكلة
بالنسبالي أنا اتربيت في المنار و أحسن أيام في المدرسة كانت في المنار
المميزات مفيش العيوب كتير أبرزها إن الواحد اعد فترة لحد ما عمل صداقة مع ناس كويسة


· انا اعتبر المنار احب الاماكن لقلبى ......ماذا تمثل لك المنار؟؟؟؟
بيتي التاني اللي قضية فيه اجمل أيامي


· و بالمرة ما احب الاماكن لقلبك و لماذا؟؟؟؟؟
البيت , أكتر مكان بحس فيه بالراحة
كمان البحر , بحب جدا إني اقعد قدام البحر


· بماذا تدين للمنار؟؟؟؟
ابسط ما يقال إن المنار هي اللي صنعت احمد وائل


نخش جوا المنار شوية و نخلى الاسئلة اكثر تحديدا;)
وماله



هأقولك حاجات او اماكن فى المنار



تقولى اللى يجى على بالك سواء كان



موقف...ذكرى....شخص....اى حاجة:blush:



· مبنى الادارة
مكتب جدو الله يرحمه , أنا فضلت فترة لما اروح المدرسة ابص على الصورة اللي اتعلقت له جنب المكتب و ابص على المكتب كده من بعيد من غير ما ادخله


· المكان اللى كان بيتعلق فيه النتيجة ده بقى عمري ما وقفت فيه لسبب بسيط جدا إني عمري ما جبت نتيجتي من المنار بنفسي , كانت على طول بتجيلي لحد عندي و في تاكسي :p
واسطة بقى



· مكتب ماما خديجة
بيفكرني دائما بمشكلة كده حصلت و أنا في تانية اعدادي و رحت هناك



· حوض السمك:whistling:
ههههههههههه ده أول ما اتحط كنت بفضل واقف , كان في سمكة سودا كده على طول لازقة على الازاز بتاع الحود كانت متعتي انه اخبط على الازاز عشان تبعد عنه :Evil:



· الدادة اللى على طول هناك من يوم ما دخلنا المدرسة
قصدك ام علي , ههههههههه
لسة بشوفها لما بروح مرتبطة معايا بذكريات أيام لما كان في نشاط صيفي كنت ببقى هناك على طول أنا في السباحة :whistling::whistling:



· العيادة
بالبرد مكنتش بروح هناك ألا بالغصب لما اكون تعبان و الحالة مستفحلة و طبعا جدي و والدتي كانوا بيرغموني على الكشف , كنت عيل مشاغب بجد :hit:



· حمام السباحة
هع هع هع هع , فين أيام السباحة ؟ كان الواحد زي السمكة بياخد حمام السباحة ده رايح جي



· الجيمينزيم
مكناش بنروح ألا في حصص الرياضة اللي نكون متعاقبين فيها



· الاوضة اللى كان بيبقى فيها الهدوم دى
:thnk: دي بقى مش فاكر عنها خالص أصل الهدوم برده كانت بتيجي في تاكسي




· المراجيح
أيام تمهيدي




· جنينة الحيوانات
على طول بفتكر النعامة اللي كانت هناك




· مرة كنا عملنا مدرسة مرور و كنا بنتعلم السواقة;)
ده و احنا في كي جي ساعتها




· كان فى حفلة عملناها بتاعت الليلة الكبيرة....كنت بتمثل ايه فيها
ههههههههههههه إنتي لسة فاكرة ؟!!؟
كنت طالع في دور الاسد
" اسد انما إيه متوحش "


· مبنى كى جى
مرتبط بايام لما كنا في تمهيدي و رسمنا رسمة على شكل سمكة كده بالالوان المية


· اول فصل جنب السلم اللى على اليمين
مش ده تمهيدي برده



· فاكر الفصول اللى درسنا فيها فى المبنى دة
آه أنا فاكر كان في واحد في الاول تحت جنب السلم و واحد في الناحية التانية تقريبا و واحد تالت فوق


· وقت الفطار:unsure:
لا ده صعب افتكره بقى


· اللوحة المكتوبةعلى مبنى كى جى
:thnk: برده ده مش فاكره ده كان زمان و بعدين اتغيرت دلوقتي


· اكتر مكان تفتكره فى المبنى دة؟؟؟؟
الفصل بتاع تمهيدي اللي تحت ده


· مبنى ابتدائى او ما يطلق عليه حاليا مبنى الامريكن :(




· 1_F
أول فصل على طول أول ما تدخلي المبنى , أنا فاكر كان بيدرسنا ساعتها مستر تامر و الحقيقة احنا سنتها طلعنا عينه لدرجة انه اشتكى الفصل كله لمستر توفيق


· 2-E
ده كان في الدور التاني و سنتها كنت رائد الفصل كنت بقف في أول الطابور كده و كنت بلبس وشاح اخضر لسة عندي لحد دلوقتي
· 3-D
أيام تالتة ابتدائي , بعتبرها أسوء سنة في المدرسة هي و سنة رابعة مش عارف ليه


· 4-A
سنتها غيرونا بعد ما كنا احنا آخر فصل بقينا أول فصل


· 5-A
السنة دي كانت في مبنى اعدادي أنا فاكر سنتها كان آخر يوم في الاسبوع يوم الخميس آخر حصة كانت رسم و أنا كنت برسم كويس فكانت مس سحر بتسبني أعمل اللي أنا عايزه , كنتي ساعتها بتجيبي مجلات بلبل و ماجد و ميكي و أنا استلفهم منك اقعد اقرا فيهم


· الاية المكتوبة على المبنى دة
إِنَّهُمْ فِتْيَةٌ آَمَنُوا بِرَبِّهِمْ وَزِدْنَاهُمْ هُدًى




· الكانتين اللى هناك
أي كانتين كان في اتنين واحد في ابتدائي الرصاصي ده و واحد كان في اعدادي في المبنى , كنت متعود اشتري ملبس بس مش فاكر إيه الغاية من كده يعني :whistling:


· البريك
بيفكرني لما كنا بنلعب كورة , كنا ممكن نلعب كورة باي حاجة إن شاء الله حتى لو لعبنا بواحد مننا
كنا مبتكرين الصراحة يعني حتى الزلط مسبناهوش في حاله


· الطابور
بيفكرني بمستر سليم لما كان كل يوم يوقف المدرسة كلها و نقول وراه الدعاء بتاع كل يوم



· الاذاعة
فاكر مرة أو اتنين شاركت و مرة شاركت و أنا في كي جي و أنا بقرا الفقرة بتاعتي كان في كلمة صعبة رحت سألت المس إيه دي و الميكروفون طبعا شغال و كل المدرسة سمعت و كله ضحك :whistling:


· Exercise ال
لما كان مستر حازم يعد يشخط فينا



· مبنى اعدادى " احنا كنا اخدنا فيه خمسة ابتدائى"
كان مبنى حلو و جديد كانت عجباني الصور اللي متلعقة على الحيط , كانت صور لعبد الناصر و السادات و الملك فاروق و سعد زغلول


· الكافيتريا
كان يوم الاتنين بيجيبوا لنا بيتزا هت و كان في طابور طوييييييييل بقف فيه عشان اجيب البيتزا
أيام الدلع بجد


اكتر مكان بقى كنت بتحبه جوا المنار و ليه؟؟؟؟؟
مكتب المدير , عشان جدي كنت على طول بروح له فيه



كدة تقريبا خلصنا اول حاجة



لسة اربعة كمان تقريبا



دى الافتتاحية كدة عشان لاقيت محدش سأل



حاسة ان لسة فى اسئلة كتير عن المكان ناسياها




لو افتكرت هاجى اسألك ....بسيطة:wiink:


هههههههههه رغم الفضايح اللي اتقالت بس أنا فعلا بشكرك على انك خلتيني استرجع الذكريات الحلوة دي :o

dr.dora
03-24-2010, 11:27 PM
جميل انك تكون فاكر كل التفاصيل دي
هههههههه انا امبارح حلمت بمدرسة الابتدائي وتاني مرة احلم بيها
:whistling::whistling:
الواحد نفسه يرجع طفل تاني بس يلا كل مرحلة ليها مميزاتها وعيوبها
دنيااااا :wiink:

The Princess
03-24-2010, 11:57 PM
احمد....بجد احييك
سعيدة جدا جدا انى لاقيت حد يرد نفس ردودى و يؤكد ان المنار كانت و مازالت و ستظل افضل الاماكن و احلى الذكريات و اكتر مكان اتربينا فيه بجد و ان عمرنا ما هننسى فضل المنار علينا
بقيت ردودك بجد فطست على نفسى من الضحك
افتكرت ايام جميلة اوى
و حسيت انى بافتح كتاب كدة متسجل فيه ذكرياتى كلها و احلى الايام
فعلا بعد الاجابات دى مش ندمانة خالص انى نزلتك ضحية :p:D
و مش عارفة ليه شايف الناس هتزهق:thnk:
بس مش مشكلة
انا اللى منزلاك ضحية عشان اسألك براحتى:wiink:
و لسة هسألك

ايمان
03-25-2010, 12:01 AM
اسألتى هتصحى الصبح هتلاقيها نزلت
ان شاء الله
+نظرا لسوءالظروف الصحيه...

Le Roi
03-25-2010, 12:06 AM
[quote=ايمان;249820]اسألتى هتصحى الصبح هتلاقيها نزلت
ان شاء الله
quote]

أوكيه أنا في انتظارها

ايمان
03-25-2010, 10:06 AM
السلام عليكم
...
صباح الخير


..زى ما وعدت,,لازم اوفى
وان شاء الله يارب الاسئله مايكونش دمها تقيل,,
*****
بدايه احب ان اعرف....
*ذكرت سيادتكم فى احدالاجابات ان سر دخولك للمنتدى ...هو انبهارك بحب الاعضاء وتعلقهم بهذا السرح الفمساوى...
*ماذا عن ما بعدانضمامك لنا...
هل بدأ هذا الاحساس ان يتولد لديك؟؟؟؟
--------------------
*ماذا عن رأيك فى اداء المشرفين والاعضاء بصفة عامة ف المنتدى؟؟؟
ومن وجهك نظرك ما الذى ينقص المنتدى...حتى نظل دائما فى الصعود به؟؟؟
--------------------
اود ان اعرف....تفصيلاااااااا
عن انطباعك عن كل قسم درست بيه
سواء فى الفرقة الاعدادى او الاولى...؟؟؟؟
-----------------------------
*هناك اقتراح...كان من المفترض العمل بيه وهو الغاء سنة اعدادى
وتصبح كليتنا من الفرقة الاولى للفرقة الخامسة..
ما رأيك فى الغاء سنة اعدادى؟؟؟
وما الذى استفدته _انت_ منها على المستوى الدراسى؟؟؟؟
-------------------------------
*(((محاضرات....معامل...طريقة تدريس....ميكروسكوبات...معدين ...دكاترة)))
..
هل لى برأيك _وبكل صراحة_عن كل ما سبقى بالاعلى؟؟؟
-------------------------------------------
دعنى اذكر شىء
اننا بشر..وكلنا معرضون لاخطاء...وخبراتنا ف الحياة قليله
*اذن ,,,ما سببكرهك الشديد لكلمة(معرفش)؟؟؟
!!!!!
اظنها عادية جدا فى كثير من الامور..ولكننى احس ان بينكما عداوة ؟؟؟لماذا
--------------------------------------
*سأسرد عليك بعض الكلمات والمواقف واود منك ابداء رأيك ولو حتى بكلمة:::
+شخص خانك وهو اعز الناس الى قلبك
+الكذبـــــ
+الانانيه
+حال وطننا العربى
+الجامعات المصرية بصفة عامة
+انتشار الفساد فى مصر
+الاتجار بالادويه المخدرة ف اغلب الصيدليات معدومة الضمير
+المستقبل لنا كصيادله
+البنات
+الشباب
+حقوق الانسان
+السينيما المصريه الان,,او الدراما المصرية ككل
+اللامبالاة
----------------------------------
كفايه فصحى لحد كده...
خلينا ف العامية
واظن انى بردو طولت


بس بما انى ايمان صحة وتمارين...
فلازماااااااا وحتما ولا بداااااااااااااا
تحود عندى ف القسم
اهلا بيك...:o
===========
*قولتلى قبل كده شغلك حلوة ف القسم
وف باقى الاقسام...واى ...ليه يعنى..ايه اللى لفت انتباهك؟؟؟


*ايه رأيك ف قسم الصحة العامة؟؟؟من حيث المواضيع فقط


*شايف ايه اللى ناقص فيه ولازم يكون موجود؟؟؟
وهل ده تقصير منى كمشرفة ولا ايه؟؟؟؟


*ايه اخبار الرياضة بقى معاااااااااااااااااااااااااك؟؟بتلعب اى نوع من الرياضة؟؟


*روحت الجيم قبل كده؟؟لو روحت قول انطباعك,,,


*ايه رأيك ف اللى يقولك انا عامل دايت؟؟معترف بالكلمة اصلا؟؟
ولا حاسسها تفاهه وناس فاضيه؟؟


*ايه نظام اكلك..


*بتاكل برة ؟؟؟


*بتحاول تاكل اكل صحى ولا مش ف دماغك واللى بيتقدملى باكله؟؟؟


*/دخلت المنطبخ تعمل حاجة قبل كده..ولا معتمد على الدليفيرى او حتى تنزل تجيب تيك اواى لما بتكون جعان؟؟؟


*انت عارف مضار الاكل وفوايده ايه؟؟؟ولا كله على الله؟؟؟
___________________


انا كده خلصت
اتمنى ماتكونش زهقت
وفى انتظار الاجابات
تقبل مرورى:o

Le Roi
03-25-2010, 01:15 PM
السلام عليكم
وعليكم السلام و رحمة الله و بركاته



...
صباح الخير
صباح النور


..زى ما وعدت,,لازم اوفى
وان شاء الله يارب الاسئله مايكونش دمها تقيل,,
*****
بدايه احب ان اعرف....
*ذكرت سيادتكم فى احدالاجابات ان سر دخولك للمنتدى ...هو انبهارك بحب الاعضاء وتعلقهم بهذا الصرح الفمساوى...
*ماذا عن ما بعدانضمامك لنا...
هل بدأ هذا الاحساس ان يتولد لديك؟؟؟؟
أكيد , لا اخفيكي سرا انه احساس رائع بانك تكوني وسط كل هؤلاء في ترابط يحسدنا الكثيرون عليه
--------------------
*ماذا عن رأيك فى اداء المشرفين والاعضاء بصفة عامة ف المنتدى؟؟؟
ممتاز , الكل يعمل و يقيم نفسه , كل اللي اعرفهم كده و أكيد اللي معرفهمش مش هيقلوا عن كده الكل منتج , الكل يساعد بعضه البعض
ومن وجهك نظرك ما الذى ينقص المنتدى...حتى نظل دائما فى الصعود به؟؟؟
مش كتير بس ناقص مشاركة الأعضاء و التفاعل بصورة اكبر
يعني ما شاء الله الضحك و التسلية هو القسم الأكثر متابعة لكن أظن إن احنا نحتاج إن الاعضاء يكونوا اكثر مشاركة في الحوار العام , في الاسلامي , في العلوم و التكنولوجيا مثلا
--------------------
اود ان اعرف....تفصيلاااااااا
عن انطباعك عن كل قسم درست بيه
سواء فى الفرقة الاعدادى او الاولى...؟؟؟؟
في الاعدادي مكنتش متابع أوي ألا عند الضرورة يعني
لكن في أولى الوضع اختلف , بدأت عضويتي فعليا , بدأت الشغل فعلا
و بدأت اتابع معاه قسم الفرقة الأولى , ترك عندي انطباع بالسعادة للتعاون الموجود في الدفعة على المنتدى
-----------------------------
*هناك اقتراح...كان من المفترض العمل بيه وهو الغاء سنة اعدادى
وتصبح كليتنا من الفرقة الاولى للفرقة الخامسة..
ما رأيك فى الغاء سنة اعدادى؟؟؟
وما الذى استفدته _انت_ منها على المستوى الدراسى؟؟؟؟
مشكلة اعدادي الأولى و الأخيرة حاجة واحدة إن احنا بندرسها في علوم
المعظم عارف ليه ؟ و عارف إيه الشعور اللي بيبقى في الغالب عند البعض هناك
أنا مؤيد لالغاءها و تعديل مناهجها
استفدت حاجات كتير زي حاجات درسناها في النبات لقينا حاجات منها في العقاقير و كذلك العضوية
بس في المقابل في حاجات مصيرها سلة المهملات , زي مثلا المغناطيسية في الفيزيا أو الكهربية
-------------------------------
*(((محاضرات....معامل...طريقة تدريس....ميكروسكوبات...معدين ...دكاترة)))
..
هل لى برأيك _وبكل صراحة_عن كل ما سبقى بالاعلى؟؟؟
المحاضرات ممكن نقول إنها ما بين المفيدة و المملة احيانا
المعامل دائما ما تذكرني بالمثل " على قد لحافك مد رجليك " مقارنة بان احنا دولة نامية و اقتصادنا مش اللي هو بس المعامل كويسة نوعا ما بالنسبة لكليتنا اللي اكبر دفعة فيها بها 280 طالب
طريقة التدريس تقليدية , بس مع ذلك عندنا برده ناس كتر خيرها بتحاول
ميكرسكوبات ممكن اقولك إنها محتاجة تحديث
معدين أغلبيتهم ناس كويسة مش زي بتوع علوم :evil:
دكاترة حتى الان الكل اكن له احترامي و تقديري
-------------------------------------------
دعنى اذكر شىء
اننا بشر..وكلنا معرضون لاخطاء...وخبراتنا ف الحياة قليله
*اذن ,,,ما سببكرهك الشديد لكلمة(معرفش)؟؟؟
!!!!!
اظنها عادية جدا فى كثير من الامور..ولكننى احس ان بينكما عداوة ؟؟؟لماذا
شخصيا أنا شخص اكره العجز , بيني و بين العجز عداوة , مش الشخص اللي يشوف الحاجة بتحصل قدامه و يحب يفضل ساكت , على العكس أنا احب دائما إني اسيب البصمة بتاعتي , اكره إن يحدث شيء أمامي و اقف عاجزا دون حراك , أكتر كلمة تشعرني بالعجز هي معرفش
--------------------------------------
*سأسرد عليك بعض الكلمات والمواقف واود منك ابداء رأيك ولو حتى بكلمة:::
+شخص خانك وهو اعز الناس الى قلبك
أنا اكره الخيانة , الشخص ده عليه يستحمل اللي هيحصل فيه
بس في رايي أنا الشخص ده يفتقر للذكاء , لأن احيانا بل غالبا في ناس ممكن تبدو طيبة و كويسة بس لو اذيتها هتشوف إن لها مخالب و انياب بتحمي نفسها بيها .
+الكذب
اللي يكذب و يعرف عنه الكذب اتوقع من وراه أي شيء تاني
+الانانيه
شر بس احيانا لازم نتحلى بيه :evil:
+حال وطننا العربى
محزن بس تغيره مش بالكلام
+الجامعات المصرية بصفة عامة
مش مرضي , بس مع ذلك عندي امل .
+انتشار الفساد فى مصر
وباء بس مخطئ من يظن إن تغيره سيأتي من الأعلى
افضل ما يقال عشان نتخلص من الفساد إن لن يغير الله ما بقوم حتى يغيروا ما بأنفسهم
+الاتجار بالادويه المخدرة ف اغلب الصيدليات معدومة الضمير
مثال آخر للفساد
+المستقبل لنا كصيادله
في رايي انه أحسن بكتير من مجالات تانية
+البنات
دعينا من الشكل و لكن في المضمون , البنات تقسميهم نصين
نص على رأي سعاد حسني " البنات أحلى الكائنات "
و نص تاني على النقيض تماما :evil:
+الشباب
قوة تحتاج لاستثمار
+حقوق الانسان
كلمة مش أكتر و أظن إن الاسلام وفر المضمون
+السينيما المصريه الان,,او الدراما المصرية ككل
ده اللي بيقوله عليه واخد بوز المركب و نازل بيه
+اللامبالاة
عندي أنا تنتمي لفصيلة الغباء
----------------------------------
كفايه فصحى لحد كده...
خلينا ف العامية
واظن انى بردو طولت


بس بما انى ايمان صحة وتمارين...
فلازماااااااا وحتما ولا بداااااااااااااا
تحود عندى ف القسم
اهلا بيك...:o
===========
*قولتلى قبل كده شغلك حلوة ف القسم
وف باقى الاقسام...واى ...ليه يعنى..ايه اللى لفت انتباهك؟؟؟
منطقيا أول ما الواحد يفتح المنتدى هيلاقي العضو الأكثر مشاركة هيلاقي اسمك ده واحد
لما الواحد يدخل شوية هيلاقي إن مشاركاتك مفيدة مش زي البعض تلاقيه عامل مشاركة و ليلة طويلة و عريضة عشان يكتب في النص شكرا من غير ما يقول رايه حتى ده اتنين
تلاتة و ده أنا ملاحظه عندي أنا في النافذة , من الناس اللي بتشوف و بتابع و ساعات كمان تجيب الأخبار
ضعي كل هذا مع بعضه البعض هيكون الرأي اللي ذكرته مسبقا


*ايه رأيك ف قسم الصحة العامة؟؟؟من حيث المواضيع فقط
اقل ما يقال مهم و مفيد


*شايف ايه اللى ناقص فيه ولازم يكون موجود؟؟؟
وهل ده تقصير منى كمشرفة ولا ايه؟؟؟؟
نقص ؟ مش شايف نقص و مش هأقول انه كامل لأن الكمال لله وحده
بس هقولك على إن في نقطة واحدة , هي الدعاية و ليس تقصيرا منك لانك بتقومي ده
بس الموضوع في رأيي إنك تحتاجي ناس في القسم عشان تساعدك على ده


*ايه اخبار الرياضة بقى معاااااااااااااااااااااااااك؟؟بتلعب اى نوع من الرياضة؟؟
كويسة الحمد لله , في الغالب الكرة و الجري


*روحت الجيم قبل كده؟؟لو روحت قول انطباعك,,,
آه رحت كذا مرة , شفت هناك كده شوية حاجات مبهرة الحقيقة
بس أنا عن نفسي كنت بروح البيت عايز أنام سبعين سنة قدام


*ايه رأيك ف اللى يقولك انا عامل دايت؟؟معترف بالكلمة اصلا؟؟
ولا حاسسها تفاهه وناس فاضيه؟؟
لا بالعكس رايي إن واحد شاف نفسه مشي في طريق مختص بصحته و اكتشف انه ليس الطريق الصحيح فحاول يحود على الطريق الصح , لكن في ناس بتفتكرها عياقة دول ربنا يشفيهم


*ايه نظام اكلك..
ههههههههه الحقيقة من ساعة ما دخلت الكلية مش ولا بد
لما كنت في ثانوي كنت مع والدتي و كانت عاملة نظام للبيت في الاكل
لكن مع الكلية كان لازم إني اقيم هنا مع جدتي لامي و جدتي لوالدي
و هنا مربط الفرس , كل واحدة منهم كتر خيرها بتعمل أكل يسيل له اللعاب و تزعل طبعا لو أنا مشرفتش و اكلت نص الصينية , شوية بشوية تكتشفي إن مفيش نظام


*بتاكل برة ؟؟؟
آه لو كنا شباب مع بعض و خارجين خروجة طويلة كده ممكن يحصل


*بتحاول تاكل اكل صحى ولا مش ف دماغك واللى بيتقدملى باكله؟؟؟
بحاول قدر الامكان بس زي ما قلت لك المسألة مش مساعدة
الجماعة الكبار دول كتر خيرهم ممكن يعملوا اكلة واحدة بنص كيلو سمنة :whistling:


*/دخلت المنطبخ تعمل حاجة قبل كده..ولا معتمد على الدليفيرى او حتى تنزل تجيب تيك اواى لما بتكون جعان؟؟؟
آه دخلت بس مشاركات على استحياء , أعمل سلطة اقلب حاجة على النار كده يعني
الديلفري و التيك اواي مش بميل ليهم و مش بفضلهم


*انت عارف مضار الاكل وفوايده ايه؟؟؟ولا كله على الله؟؟؟
نص نص , بس هو كده أو كده كله على الله
___________________


انا كده خلصت
اتمنى ماتكونش زهقت
وفى انتظار الاجابات


تقبل مرورى:o


نورتي يا إيمان , أتمنى تكون الاجابات على قدر التوقعات

dr.dora
03-25-2010, 08:13 PM
على رأي سعاد حسني " البنات أحلى الكائنات "


هي قالت البنات البنات ألطف الكائنات :blush::D

ليلى أحمد
03-26-2010, 02:09 AM
ربنا معاك يادكتور
كل دى أسئلة
فعلا ضحية

:wiink:

:wub:

:wiink:

The Princess
03-26-2010, 02:16 AM
ذكريات مضت





· يا ترى تفتكر ايه عن احمد وائل و هو فى كى جى؟؟؟

· طب لما دخل ابتدائى؟؟؟ ايه اللى اتعلمه فى مرحلة ابتدائى و فضل معاه و اثر فيه؟

· احمد اكيد اختلف فى تفكيره و اراءه لما بقى فى اعدادى.....كان عبارة عن ايه الاختلاف دة ؟؟ و هل هو للاسوء و لا للاحسن؟

· فى ثانوى كنت خارج مصر؟؟؟؟ هل اثر ذلك على احمد؟؟ بمعنى هل كونك درست فى عمان اثر على شخصيتك لاختلاف الحياة؟؟؟؟ و يا ترى اثر بالايجاب و لا بالسلب و لا حاجات و حاجات ؟؟؟

· ممكن توصفلنا حياة احمد بين الماضى و الحاضر و ما يراه من مستقبل ؟؟؟

· موقف يتمنى احمد لو يستطيع ان يعيشه مائة مرة اخرى؟؟؟

· موقف تتمنى لو كنت تستطيع ان تمحيه من حياتك؟؟؟؟

· موقف تتمنى ان تعود اليه لتغير رد فعلك؟؟

· سؤال اخير ...محدش سألك عن اخواتك خالص.....عدد اخواتك كام ؟ و اساميهم و سنهم؟؟

· رأيك بأفراد اسرتك؟؟؟؟



و بما اننا تحدثنا عن الماضى دعنا نتحدث عن المستقبل

· احمد حين يصبح أبا سيربى اولاده كما تربى هو ام انه يرى طريقة افضل يريد ان ينفذها؟

· ما الصفات التى يتمنى ان يشبه ابيه فيها و الصفات التى يود ان لا يشبه ابيه فيها؟

· كثيرا من الاولاد يتمنون ان تكون زوجتهم على مثل طباع والدتهم فماذا عن احمد؟؟؟

· هل اذا اضطرت الظروف احمد الاب ان يسافريوما خارج البلاد....هل سيأخذ معاه اسرته ام ان احمد لا يريد لاولاده ان يعيشوا تجربته ؟؟؟؟

· تخيل ان يوما احمد الاب يدخل غرفة ابنه فيجده يشرب سجاير:whistling:..... ماذا ستفعل؟؟؟؟

· دعنا نقول بعد خمسين عاما سيكون احمد جدا له احفاد;).....هل يتمنى احمد ان تكون علاقته بهم اشبه بعلاقته بجده - رحمة الله عليه- ام ماذا يتمنى ؟؟؟؟

· يوما ما يجلس احمد مع حفيده يتحدثان.... فيخبر احمد حفيده عن جده....ماذا سيخبره ؟؟؟؟

· يخبره عن اجمل يوم مر عليه و هو طفل.....عن اى يوم يخبره؟؟؟؟

· ثم يتطرق بهم الحديث الى ايام الكلية....فماذا سيخبره عن اول عامين له فى الكلية؟؟؟؟

· و حين يأتى سيرة كلية صيدلة.... ربما سيخبره احمد عن فمسى اسرة و منتدى .....فماذا سيقول؟؟؟؟

· " للخيانة اشكال اخرى "......قصة ابدعت فى كتابتها....و لكن هل تؤمن بها؟؟؟؟ هل تؤمن بأن الحب الاول هو الحب الحقيقى؟؟؟

· و اذا كان الحب الاول ليس حقيقيا......هل تعتقد ان يعيش الانسان يتذكره سنين حتى ان رزقه الله بمن يحبه حقا؟؟؟؟

· فلنعود لحفيد احمد و حديثهما و نقول اثناء الحديث عن الكلية .... تكلما بصراحة فتحدث الحفيد عن فتاة قلبه متعلق بها:wub:....بماذا سينصحه جده؟؟؟؟





كفاية كدة فى المشاركة دى

Le Roi
03-26-2010, 02:51 AM
ذكريات مضت





· يا ترى تفتكر ايه عن احمد وائل و هو فى كى جى؟؟؟
طفل بس لعبي شوية , شوية كتير يعني


· طب لما دخل ابتدائى؟؟؟ ايه اللى اتعلمه فى مرحلة ابتدائى و فضل معاه و اثر فيه؟
هو في حد بيتعلم حاجة في ابتدائي :whistling:
برده يعني بيبقى الواحد مش واعي بحاجة
بس ممكن اقولك أكتر حاجة استفدتها من ابتدائي إني أكتب بالقلم الازرق :p


· احمد اكيد اختلف فى تفكيره و اراءه لما بقى فى اعدادى.....كان عبارة عن ايه الاختلاف دة ؟؟ و هل هو للاسوء و لا للاحسن؟
في الاول مش مصدق كده إن الواحد كبر بس اختلاف بان الواحد بدا يفرق شوية مين كويس و مين لأ
مين ممكن صاحبه و مين لأ و ده اعتبره أنا للافضل


· فى ثانوى كنت خارج مصر؟؟؟؟ هل اثر ذلك على احمد؟؟ بمعنى هل كونك درست فى عمان اثر على شخصيتك لاختلاف الحياة؟؟؟؟ و يا ترى اثر بالايجاب و لا بالسلب و لا حاجات و حاجات ؟؟؟
آه اثر طبعا , آه الواحد هناك اتعلم إن الحياة مش على طول دلع و إنه لازم يبدأ يعتمد على نفسه لأن محدش هيفضل يخدمه على طول , ده برده اثر بالايجاب


· ممكن توصفلنا حياة احمد بين الماضى و الحاضر و ما يراه من مستقبل ؟؟؟
الماضي كان أحلى يمكن لأن الواحد كان عايش في دلع حقيقي
الحاضر مش وحش بس مش حلو أوي زي الماضي
المستقبل متفائل بيه , عندي إحساس دائما ان الجي أحسن إن شاء الله


· موقف يتمنى احمد لو يستطيع ان يعيشه مائة مرة اخرى؟؟؟
و أنا فرحان جدا لما جالي التنسيق


· موقف تتمنى لو كنت تستطيع ان تمحيه من حياتك؟؟؟؟
و أنا بعرف خبر وفاه جدي الله يرحمه


· موقف تتمنى ان تعود اليه لتغير رد فعلك؟؟
لما عرفت إني مسافر عمان , كان عندي فرحة إني هسافر بقى و اشوف مكان جديد
بس لما شفت برة إزاي عرفت إن هو هو برة أو جوه
رب هنا هو رب هناك


· سؤال اخير ...محدش سألك عن اخواتك خالص.....عدد اخواتك كام ؟ و اساميهم و سنهم؟؟
عندي أخ واحد اسمه محمد في تالتة اعدادي , عنده 15 سنة


· رأيك بأفراد اسرتك؟؟؟؟
في رايي ده العدد المثالي




و بما اننا تحدثنا عن الماضى دعنا نتحدث عن المستقبل


· احمد حين يصبح أبا سيربى اولاده كما تربى هو ام انه يرى طريقة افضل يريد ان ينفذها؟
هتبع نفس الطريقة مع بعض التحسينات


· ما الصفات التى يتمنى ان يشبه ابيه فيها و الصفات التى يود ان لا يشبه ابيه فيها؟
اتمني الكرم , و لا أتمنى العصبية


· كثيرا من الاولاد يتمنون ان تكون زوجتهم على مثل طباع والدتهم فماذا عن احمد؟؟؟
نفس الرأي


· هل اذا اضطرت الظروف احمد الاب ان يسافريوما خارج البلاد....هل سيأخذ معاه اسرته ام ان احمد لا يريد لاولاده ان يعيشوا تجربته ؟؟؟؟
اولا أنا ضد إني اسافر برة بس مع ذلك لو حصل لا قدر الله , فايوة هاخد اسرتي لأني احب إن اولادي يتربوا معايا مش يتعودوا على عدم وجودي


· تخيل ان يوما احمد الاب يدخل غرفة ابنه فيجده يشرب سجاير:whistling:..... ماذا ستفعل؟؟؟؟
قبل أي حاجة لو حصل أنا هتحمل جزء من الخطأ , بس أكيد ساعتها هغضب و هتضايق في الاول
و بعد كده احاول اقعد معاه و أعرف ليه بيعمل كده و عشان إيه و اقنعه بان ده غلط لو مقتنعش هستخدم الشدة


· دعنا نقول بعد خمسين عاما سيكون احمد جدا له احفاد;).....هل يتمنى احمد ان تكون علاقته بهم اشبه بعلاقته بجده - رحمة الله عليه- ام ماذا يتمنى ؟؟؟؟
أكيد طبعا لأن علاقتي بجدي كانت علاقة جد و معلم و أستاذ و مربي


· يوما ما يجلس احمد مع حفيده يتحدثان.... فيخبر احمد حفيده عن جده....ماذا سيخبره ؟؟؟؟
شخص طيب و حنون لم انعم بشخص كان بيعزني زيه , رباني و علمني و كان أستاذي كذلك
لم يقبل لي حتى الزعل , في حاجات كتير في حياتي مهمة هو اللي علمها لي
مفيش شخص في الدنيا حبيته زي ما حبيت جدي
الشخص اللي عندي أنا لا تصفه الكلمات
الله يرحمه ...


· يخبره عن اجمل يوم مر عليه و هو طفل.....عن اى يوم يخبره؟؟؟؟
فاكر كان في يوم و أنا صغير رحت البحر مع جدي من يومها و أنا بحب البحر


· ثم يتطرق بهم الحديث الى ايام الكلية....فماذا سيخبره عن اول عامين له فى الكلية؟؟؟؟
من أكتر الايام اللي الانسان طلع منها بخبرة , خلال العامين دول خرجت بحاجات مخرجتش بيها في 15 سنة


· و حين يأتى سيرة كلية صيدلة.... ربما سيخبره احمد عن فمسى اسرة و منتدى .....فماذا سيقول؟؟؟؟
سواء الاسرة و المنتدى فهنا أو هنا اكتشفت ناس كويسة جدا و محترمة جدا عاملوني زي اخوهم و أكتر مهم قلت فيهم لأن افي حقهم


· " للخيانة اشكال اخرى "......قصة ابدعت فى كتابتها....و لكن هل تؤمن بها؟؟؟؟ هل تؤمن بأن الحب الاول هو الحب الحقيقى؟؟؟
أنا مقلتش إن ده كان حبه الاول , مذكرتش كده نهائي :thnk:
أنا اؤمن بان الشجاعة بتوفر للانسان الراحة النفسية
الحب الأول مش شرط يبقى حب حقيقي , ساعات ممكن يكون آه و ساعات ممكن يكون لا
بس في الغالب لأ


· و اذا كان الحب الاول ليس حقيقيا......هل تعتقد ان يعيش الانسان يتذكره سنين حتى ان رزقه الله بمن يحبه حقا؟؟؟؟
لو حب حقيقي هيسيبه ليه ؟ ألا لو افتقد الشجاعة هنا بقى يستحق اللي يجراله


· فلنعود لحفيد احمد و حديثهما و نقول اثناء الحديث عن الكلية .... تكلما بصراحة فتحدث الحفيد عن فتاة قلبه متعلق بها:wub:....بماذا سينصحه جده؟؟؟؟
مش هحكم , بس هحاول أعرف ليه و اشوف البنت الاول , هل تستحق ولا لأ ؟
لو كانت تستحق يبقى هبذل جهدي إن الموضوع يتم على خير بينهم و ربنا يهني سعيد بسعيدة - قال يعني هكون أنا لسة عايش ده كله -
لو كانت لا تستحق هقوله بلاش دي و اقنعه بأسبابي و اساعده انه ينساها





كفاية كدة فى المشاركة دى



بما إن دي تاني مرة تسألي فيها احب أقولك إنك انضميتي للقائمة السوداء مع رضوى و راوية
فانتي مرشحة إنك تنزلي تاني عشان تبقي عاملة رقم قياسي في سرعة النزول مرتين :Evil::Evil::hit:

The Princess
03-26-2010, 03:38 AM
اسجل اعجابى بأجاباتك مرة تانية
انا لسة ناوية اسأل تانى
بس هى المشكلة فى النت العبقرى
لولاه كنت حطيت مشاركتين تلاتة كمان اسئلة
و معنديش مانع انزل تانى:p
اصلا محدش سألنى اولانى عشان يسألونى تانى:whistling:

Le Roi
03-26-2010, 10:53 PM
ازيكم يا جماعة
عاملين إيه
أنا بقى جي دلوقتي عشان اقدم لكم النيو ضحية :Evil:
طبعا كل الشكر والتقدير للناس اللي ورتني النجوم في عز الضهر من كتر الأسئلة :hit:
و دلوقتي حان وقت الوجوه الجديدة
أنا دلوقتي كنت حطيت 3 شخصيات على اللستة البرتقالي بتاعتي عشان اختارهم
و وقع اختياري على










RoOoLeTa
اهلا بكي في عالم الضحية مرة أخرى
مش هوصيكم بقى يا جماعة :Evil::Evil:
شوية هاخد لفة وراجع عشان اسال بقى :hit::hit::hit:

ايمان
03-26-2010, 11:35 PM
ههههههههههههههههههه
من اعمالكم ُسلط عليكم

RoOoLeTa
03-26-2010, 11:41 PM
هههههههههههههه ماشي يا ايمي وانا برضو بقول عليكي ..... بينا اتوبيس و كاميرا متنسيش بقي

ايمان
03-26-2010, 11:43 PM
هههههههههههههه ماشي يا ايمي وانا برضو بقول عليكي ..... بينا اتوبيس و كاميرا متنسيش بقي


هههههههههههههههههه
ههههههههههههههههههههههههههههههههههه
هو انا ليه كل لما انسى الاقيكى بتفكرينى يا رولى
هههههههههههههههههههههههه
بقولك ايه
ماترفعى الصور احسن
ولا اقولك اعمليلهم تاج ع الفيس
وخلى اللى مايشترى يتفرج
ههههههههههههههههههههههههههههه

RoOoLeTa
03-26-2010, 11:50 PM
انتي بتقولي فيها؟ عنيا يا حبي انتي عرفاني مجنونة و اعملها :whistling:

ايمان
03-26-2010, 11:56 PM
انتي بتقولي فيها؟ عنيا يا حبي انتي عرفاني مجنونة و اعملها :whistling:


لالالالالالالالالالالالالالالالالالالالالالالالالا لالالالالالا
رولى
انتى حبيبتى
\اللى ستره ربه اوعى تفضحيه
هههههههههههههههه

AMORA_17
03-27-2010, 12:07 AM
هوة مين الضحية ......:whistling:

بنت مصرية
03-27-2010, 12:12 AM
ازيك يا حبي:wub:
انتي كنت اول ضحية اسالها في حياتي
فاكرة؟؟:Evil:

RoOoLeTa
03-27-2010, 12:14 AM
هي كمان فيها عمرو ...يعني انت يا عمرو بذمتك بقالك قد ايه مش بتدخل هنا ...مين وصلك الخبر


راويتي ايوة يا حبي كبرتي علي ايدي و تمكنتي برضو علي الاسئله بتاعتي جا الوقت اللي تردي فيه الجميل يا قطه

Heba Mahmoud
03-27-2010, 12:15 AM
منورة يارضوى
:whistling:
كل الناس تتوصى كل واحد يسال سؤال ليه وسؤال ليا
لحد ماربنا يكرمنى واسال

RoOoLeTa
03-27-2010, 12:23 AM
هههههههههه انا بقول نقضي التلت ايام توصيات :whistling:

Le Roi
03-27-2010, 12:31 AM
لا لا لا توصيات إيه بس
أنا جايبلك الأسئلة أهِه
و لأن خير الكلام ما قل و دل
فانا عايزك تجاوبي على كل الاسئلة اللي إنتي سألتيها ليا مع استبدال كلمة احمد بـرضوى و اضافة و تغيير الضمائر عند الضرورة
حليهم و أنا اجبلك تاني

RoOoLeTa
03-27-2010, 12:33 AM
اعترض وبشدة

Le Roi
03-27-2010, 12:36 AM
هو من ومتى الضحية بتعترض ؟

بنت مصرية
03-27-2010, 12:38 AM
ههههههههههههههههه اللي انتي متعرفوش يا قطة اني نادلة جدا:Evil:
و هرجع تاني الذكريات
ههههههههههههههههههههههههه
و هجيب منى الطمني تسالك زي ما سالتني;)
هههههههههههههههههههههه
و هظبطك يعني:wub:
و ممكن نعمل دييل:whistling:

RoOoLeTa
03-27-2010, 12:40 AM
ههههههههههههه راويتي انا اموت في الديل يا فندم وبما ان الواجب وشرف المهنه يتحتم عليكي انك تسالي فهسامحك فيها بس هنعمل دييييييييييييييييييل يا جميييييييييييييل

Le Roi
03-27-2010, 12:50 AM
أنا قلت أسهلها شوية و اجيبلك اسئلتك لحد عندك :hit:
-عرفينا بنفسك


-اشمعنه صيدلة

-أحب هواياتك

-لك أصدقاء؟

-هل انت اجتماعية ؟ وبتحبي الناس ولا تفضلي الانطواء ؟

-أهم صفة لازم تتوفر في صديقتك

-ميزة تعرفيها عنك

-عيب تكرهيه فيكي

-ايه احساسك وانت نازلة ضحية

-اين ترين نفسك الان في الوسط العلمي والاجتماعي والعملي

-طموحاتك الي أين

-أكره أن اتعامل مع الشخص الذي يتصف بال......(اكملي)

- أول ما انتبه إليه فيمن أتحدث إليه هو ....(أكملي)

-هل تحبي السياسة؟

-كيف تري فمسي (ايه رايك فيه ...فكرة و هدف-منظومة -اشخاص قائمين عليه ..)

-سؤال المشرفين التقليدي اختاري لنا 5 قول رايك فيهم باقسامهم )^_^



اكتر حاجه بتخافي منها ؟

ايه اللى شاغل فكرك دلوقتى ؟

ياترى انتي من النوع الى يحب المغامره ولا لازم تحسب كل حاجه فى الاول كويس اوى ؟

لو تتعصبي اوى ممكن تعملي ايه ؟

ايه اكتر حاجه فرحتك وقولتي انا عمرى ماهفرح زى اللحظه دى ؟

ياترى فى شىء عملته وندمتي انك اتسرعت فيه ؟

شايفة نفسك متردد ولا بتعرف تاخد القرار على طول ؟

ايه ممكن يأثر على قراراتك وتخليكي تغيرها ؟

ياترى ايه رايك فى دفعتك وشايفة ايه ناقصها ؟

بم تصفين ردود افعالك؟
-ياترى لو قولتلك تغمض عينك وتفتحيها نفسك تكون مع مين وفين ؟

اكتر بلد نفسك تسافري لها ؟

ياترى بتحس انك وحيدة ؟

ياترى ظلمتي حد قبل كده وكان ايه رد فعلك؟

احساسك ايه لما حد يظلمك ؟



لو قولنا لك الزمن هيرجع بيك عدد معين من السنين لورا تختاري عمر اد ايه وليه ؟

احكلنا موقف محرج جدا؟


قول موقف احرجت حد فيه وكنتي مضايقة

وكذالك موقف احرجتي حد فيه بس قولت يستاهل؟

اكتر دكتور تحترميه فى الجامعه ؟

لو قالولك اختار قسم تكون رئيسته هتختاري ايه؟

لو قالولك اختار تكون رئيس بلد معين أي البلاد ستختارين



*شخص اثر فيكي وغير مجرى حياتك

*كلمة تتمنى تحذفها من قاموس حياة الناس وكلمة من قاموسك الخاص

*حلم اتكرر معاكي

*ليكي فى احلام اليقظة والتخيلات

*اول حاجة ممكن تفكر فيها لما تتضايقي

*اول حد يجى فبالك لما تتضايقي

*بتطلعي اسرارك بسهوله ولا بتحتفظي بيها لنفسك

*الذكاء بالنسبة ليك ايه

*امتى تحسي انك شخص غير مرغوب فيه ووقتها بتعمل ايه

*هل انت :
خجولة

فضولىة
طموحة
نشيطة
صبورة
بتاثري فى اللى حواليك



*تتعاملين بلغة العقل اكتر ولا القلب

*ازاى بتكوني فكرتك الاولى عن الناس وهل ممكن تغيريها بسهوله


*اكتر شخص بيحسسك :
الفرح
الحزن
الرغبة فى البكاء
الاستغراب
الانطلاق

*ممكن اى حد يشوف دموعك ؟وايه اللى ممكن يبكيك ؟

*كلام الناس بيهمك ولا بتطنشي ؟

*وقت فراغك بتقضيه فى ايه ؟

*شايفة ان فى حد يستاهل انك تضحى عشانه ؟

*ممكن تتاثري براي اللى حواليك بسهوله ؟

*ايام المدرسه كنتي طالبة مجتهدة ولا منفضة

*كنت بتتضربي كتير ؟وكام مرة زرتي اودة الناظر ؟

*ههههه عمرك حيتي العلم ايام المدرسه ؟ كام مرة ؟

*كنت بتشتركي فى الاذاعة المدرسيه ؟

*اتقفشت قبل كده وانتي بتزوغي من المدرسه ؟

*اخدتي كام استدعاء ولى امر ؟

*شهادة تقدير او جايزة عمرك ماتنسيها ؟

*كلمة اتقالتك من حد بتفتخري بيها



الدفعات الجيا هتيجي خلال الثلاث ايام المقبلة إن شاء الله

The Princess
03-27-2010, 01:38 AM
ههههههههههههه
كما تدين تدان
الحمد لله انى نزلت قبلك عشان منزلش بعدك
كان الله فى عونك يا رضوى
واضح ان احمد هيطلع التلات ايام اللى فاتوا عليكى:whistling:

RoOoLeTa
03-27-2010, 02:14 AM
أنا قلت أسهلها شوية و اجيبلك اسئلتك لحد عندك :hit:

تعديل :لو مكنتش جت مكنش هجاوبها:whistling:
-عرفينا بنفسك
رضوي
تالته كلينكل
روليتا علي فمسي ;)

-اشمعنه صيدلة
انا كلينيكل

جمع بين حاجتين بحبهم
-أحب هواياتك
لو حبيت ارخم هقلك دور في اجاباتي زمان هتلاقي اجابه السؤال دا:evil:

بس لان مليش مزاج
http://www.phmcy.com/vb/images/green2/smilies/wiink.gif
فاحب هواياتي

puzzle
reading any french topics stories news
بحب الون و اعمل حاجات يدوية
وبحب اعزف اورج
واكتب مقالات
and recently phmcy


-لك أصدقاء؟
الحمد لله

-هل انت اجتماعية ؟ وبتحبي الناس ولا تفضلي الانطواء ؟

الاول والتاني

-أهم صفة لازم تتوفر في صديقتك

بعد الأخلاق الأمانة و الصراحة

-ميزة تعرفيها عنك

اذا ماالذنب وافى باعتذار * فقابله بعفوٍ وابتسام
ولاتحقد وان ملئت غيظاً * فإن العفو من شيم الكرام

-عيب تكرهيه فيكي
افتقد
وإن بُليت بشخص لا خلاق له * فكن كأنك لم تسمع ولم يقلٍ
والحلم
و أنصاف الأعمال


-ايه احساسك وانت نازلة ضحية

زي احساسي وانا رايحه اشرب كباية نسكافيه ومعاها دارك تشوكلات

-اين ترين نفسك الان في الوسط العلمي والاجتماعي والعملي

في مكانة لم أكن أحلم بها ولكنها تحققت بفضل الله ثم الكثيرين

وأعلم أني أستطيع أن احسنها و أجعلها أفضل

-طموحاتك الي أين
إلي الفردوس الأعلي

-أكره أن اتعامل مع الشخص الذي يتصف بال......(اكملي)
النفاق

- أول ما انتبه إليه فيمن أتحدث إليه هو ....(أكملي)
اسلوبه في الحديث
-هل تحبي السياسة؟
هل تحب الماء؟
-كيف تري فمسي (ايه رايك فيه ...فكرة و هدف-منظومة -اشخاص قائمين عليه ..)

أراه كما يراني
فكرة آمنت بها
هدف سعيت لتحقيقه
منظومة أكملها مع أخوتي

-سؤال المشرفين التقليدي اختاري لنا 5 قول رايك فيهم باقسامهم )^_^

active doctor لن تكفيها أي كلمات ولكن أعتبرها من أجمل ما حدث في الكلية أن أصبحت صديقتي
she is an active doctor and her section is active ya doctor



heba2009 عندما يذكر وفاء الصديق تجد هبة و عندما يذكر النشاط والهمة والاصرار تجد هبة و عندما تبحث في قائمة المقربين الي تجد هبة
لم تكوني هبه لفمسي وحده ولكنك هبه لنا أيضا


snowwhite السفروت الدؤوب الشغوف علي عمله صاحبة الروح الجميلة التي تضفيها علينا أينما كنا
الحوار من غير ك كان سلطة

aya maher رفيق العمل شلتي عني كتير واستحملتيني كتير كنتي وش السعد علي النافذه :blush:

أيتها الايمان وصلتي بمجهودك و شغاله بمجهودك و بتعافري مع الناس و هتضربيني عشان مبدخلش بس ربنا يحميكي


اكتر حاجه بتخافي منها ؟
بعد ربنا شوية حاجات هبله
ايه اللى شاغل فكرك دلوقتى ؟
شوية حاجات بس مش هبلة

ياترى انتي من النوع الى يحب المغامره ولا لازم تحسب كل حاجه فى الاول كويس اوى ؟
مش بفضل المغامرة لو هتتعلق او ممكن تضر حد غيري

لو تتعصبي اوى ممكن تعملي ايه ؟
نصيحة بلاش:hey:

ايه اكتر حاجه فرحتك وقولتي انا عمرى ماهفرح زى اللحظه دى ؟

حاجات كتير فرحتني بس مقلتش عمري مهفرح زي اللحظة دي

من المرات اللي فرحت فيها أوي يوم نتيجة الثانوية العامة شفت في عيون أهلي رضا كبير أوي وفرحة أكبر
و يوم البروم بتاعي وانا بقول كلمتي وبشاور علي أمي بشكرها

ياترى فى شىء عملته وندمتي انك اتسرعت فيه ؟

أكيد

شايفة نفسك متردد ولا بتعرف تاخد القرار على طول ؟

بحب أحسب كل حاجه كويس
بس مش تردد

ايه ممكن يأثر على قراراتك وتخليكي تغيرها ؟

لو راجعت نفسي و اكتشفت انه مكنش صائئب

ياترى ايه رايك فى دفعتك وشايفة ايه ناقصها ؟

جميلة
ناقصها الترابط

بم تصفين ردود افعالك؟

آدمية
-ياترى لو قولتلك تغمض عينك وتفتحيها نفسك تكون مع مين وفين ؟

ياااه لو اكون مع النبي صلي الله عليه وسلم في الفردوس الأعلي

اكتر بلد نفسك تسافري لها ؟

venise& france

ياترى بتحس انك وحيدة ؟

وأنا معايا كل الناس دي؟

ياترى ظلمتي حد قبل كده وكان ايه رد فعلك؟
اه اعتذرت و ردتله حقه

احساسك ايه لما حد يظلمك ؟

خنقة

لو قولنا لك الزمن هيرجع بيك عدد معين من السنين لورا تختاري عمر اد ايه وليه ؟
4 سنين
من غير ليه
احكلنا موقف محرج جدا؟
و اتحرح تاني؟

عامه أي موقف بتتفهم فيه غلط بيبقي محرج

قول موقف احرجت حد فيه وكنتي مضايقة

موش هقول :whistling:

وكذالك موقف احرجتي حد فيه بس قولت يستاهل؟
هههه غالبا دا اللي بيحصل وان الله ستار حليم

اكتر دكتور تحترميه فى الجامعه ؟
كلهم احترمهم

لو قالولك اختار قسم تكون رئيسته هتختاري ايه؟

عقاقير او اناليتيكل
لو قالولك اختار تكون رئيس بلد معين أي البلاد ستختارين
مش هتفرق كتير
لاني عندما سأوكل هغير اللي مش عاجبني




*شخص اثر فيكي وغير مجرى حياتك

أشخاص كتير أثروا فيا
اهمهم والدي ووالدتي


*كلمة تتمنى تحذفها من قاموس حياة الناس وكلمة من قاموسك الخاص
النفاق

*حلم اتكرر معاكي
مش فاكرة

*ليكي فى احلام اليقظة والتخيلات
يس

*اول حاجة ممكن تفكر فيها لما تتضايقي
مواقف ضايقتني واثرت فيا قبل كده

*اول حد يجى فبالك لما تتضايقي
أعز الأصدقاء اللي بقالي كتير مشفتهمش

*بتطلعي اسرارك بسهوله ولا بتحتفظي بيها لنفسك

مش كل شيء يتقال ومش لاي حد

*الذكاء بالنسبة ليك ايه
سلاح ذو حدين
*امتى تحسي انك شخص غير مرغوب فيه ووقتها بتعمل ايه

لما تصرفات اللي قدامك توضح ذلك
لو ينفع انسحب من المكان بنسحب لو مينفعش بتاقلم مع الوضع

*هل انت :
خجولة نعم

فضولىة أحيانا بس بعمل كنترول
طموحة الحمد لله
نشيطة بفضل ربنا
صبورة مش أوي
بتاثري فى اللى حواليك أسال اللي حواليا



*تتعاملين بلغة العقل اكتر ولا القلب ميكستشر متغير النورماليتي

*ازاى بتكوني فكرتك الاولى عن الناس وهل ممكن تغيريها بسهوله
اسلوب كلام
مظهر


مع التعامل ممكن اغيرها

*اكتر شخص بيحسسك :
الفرح صديقة من صديقاتي واختي وبنوتة صغننه اسمها لوجي بمووووت فيها
الحزن بنت خالتو الله يرحمها
الرغبة فى البكاء بنت خالتو الله يرحمها
الاستغراب الناس اللي بتتغير
الانطلاق اللمه

*ممكن اى حد يشوف دموعك ؟وايه اللى ممكن يبكيك ؟
اللي يضايقني و مبقاش قادرة احله او اتصرف فيه
موضوع اي حد مش اي حد اي حد يعني

*كلام الناس بيهمك ولا بتطنشي ؟
مش كله

*وقت فراغك بتقضيه فى ايه ؟

في هواياتي

*شايفة ان فى حد يستاهل انك تضحى عشانه ؟
اكيد

*ممكن تتاثري براي اللى حواليك بسهوله ؟
لا مع بعض الاكسبشن

*ايام المدرسه كنتي طالبة مجتهدة ولا منفضة

كنت بطلع الاولي او التاني مرة كنت الرابعه في 5 ابتدائي في شهر من الشهور
كده يعني

*كنت بتتضربي كتير ؟وكام مرة زرتي اودة الناظر ؟
ههههههههه مكنش عندنا حاجه اسمها ضرب

ومكنش عندنا ناظر

*ههههه عمرك حيتي العلم ايام المدرسه ؟ كام مرة ؟

يااااه كتييييييييييير
و كنت بعزف الطابور كل يوم

*كنت بتشتركي فى الاذاعة المدرسيه ؟

طبعا و كنت بعمل احلي اذاعه انا وفصلي كل اسبوع نعمل سكتش او مسرحيه
مكانتش ابدا تقليديه

*اتقفشت قبل كده وانتي بتزوغي من المدرسه ؟

محصلتش اني فكرت اعملها

*اخدتي كام استدعاء ولى امر ؟

ولا واحد

*شهادة تقدير او جايزة عمرك ماتنسيها ؟

جايزة يوم نجاحي في تالته ثانوي
و خمسه ابتدائي

*كلمة اتقالتك من حد بتفتخري بيها

ههه لما جدو و بابا بيقولولي يا دكتورة ;) ليها طعم تاني



الدفعات الجيا هتيجي خلال الثلاث ايام المقبلة إن شاء الله



يو ولكم اني تايم

بنت مصرية
03-27-2010, 02:27 AM
موش جاية اسال
جاية اقول ان الاجابات رائعة
المتوقع يعني:D:wub:

Blizared
03-27-2010, 02:46 AM
حيث ان الضحية قد تناولت مصل تطعيم الضحية من قبل.....

يظهر واضحا في الاجابات ما يسمي النبرة الاعتيادية للاجابة في لعبة الضحية علي غرار: موش فاكر....يمكن بس حصل...موجود بس قليل وهكذا بمعني اختفاء الرغبة في الكلام واعطاء كل سؤال اكثر من حقه(سمة المصابون بالضحية لاول مرة)

ومن هنا نحن نقترح علي السادة السائلين التغيير في شكل الاسئلة ومضمونها حتي يتسني لنا رؤية اللعب باحترافية سؤالا واجابة

دي مجرد نصيحة بس حسيتها اثناء القراية..... كالعادة انا لا يمكن لاسباب شخصية الخروج من لعبة الضحية بمشاركة خالية الاسئلة

هسأل سؤالين خفاف كده بس:

1) ايه رأيك في المقدمة دي يا دكتور....هل فعلا الاعتيادية والعدم التغيير سبب من اسباب قتل المتعة او الحماسة ؟؟؟ وليه ؟؟؟؟؟وايه سبيل تغيير ده ان كان سيئا او تطويره ان كان جيدا مع العلم بأنه اكيد بتيجي لحظات من الملل من الروتين او من "العادية الحياتية"؟؟؟؟
انا لا اقصد اللعبة هنا ده سؤال عام يشمل كافة النشاطات الانسانية.......:wiink:


2)سؤال في بالي: ايمانا بأن التجديد يأتي دائما من ظهور جانب سئ ما يستدعي تغييره فإن ده يتعارض احيانا مع فكرة الرضا بالقدر او بالمكتوب وان السعي وراء التجديد وما سيصاحبه من تعب ومشقه يعتبر نوع من انواع السخط وان التعب ده هو مغبة هذا السخط....
ايه رأيك تفصيليا في القضية دي يا دكتور؟؟؟ ايه هو المعيار والفيصل بين السخط علي الموجود والرغبة في تغييره وبين الرضا المطلوب والسعي في تجديده.....لو محتاجة مثال حي ممكن اقوله لكن انتظر تعليقك العام اولا


3) السعي الي التميز والاختلاف هو طريق مشهور في دنيا الوصول الي الاحلام او تحقيقها....
ايه رأيك التفصيلي برده في الجملة دي يا دكتور؟؟؟ يعني هل ممكن فعلا اني ابقي دكتور ناجح جدا لان هدفي الوحيد هو ان اكون مميز ومختلف ويشار اليّ بالبنان؟؟ وهل لدخول الرغبة في الظهور وحب تمجيد النفس اثر علي عكس النتائج مثلا ولا دول اساسي موجودين في اي حد اختار الطريق ده عشان يوصل لاهدافه القصيرة منها او البعيدة؟؟؟؟؟؟؟

كده خلاص....انا لم اكن مخططا للسؤال خالص....لكن فرصة وجودك ضحية وانا بحترم رأيك جدا جدا دفعتني وانا بكتب النصيحة اللي فوق دي اني اشغلك باجابات لهذه الاسئلة اللي شاغلاني

شكرا جزيلا يا دكتور...اتمني الا نكون قد ازعجناكم لانه من المعلوم طبعا عدم قصد ذلك او حتي نية وجوده.....هابي ضحية روليتا:o

RoOoLeTa
03-27-2010, 03:17 AM
حيث ان الضحية قد تناولت مصل تطعيم الضحية من قبل.....
عندك حق جدا و مش اي مصل اعتقد انت كنت مشارك في اللي حصل :whistling::evil:عفا الله عما سلف

يظهر واضحا في الاجابات ما يسمي النبرة الاعتيادية للاجابة في لعبة الضحية علي غرار: موش فاكر....يمكن بس حصل...موجود بس قليل وهكذا بمعني اختفاء الرغبة في الكلام واعطاء كل سؤال اكثر من حقه(سمة المصابون بالضحية لاول مرة)
ههههههههههههه احنا ناس نحبو ندي كل سؤال حقه وبس

ومن هنا نحن نقترح علي السادة السائلين التغيير في شكل الاسئلة ومضمونها حتي يتسني لنا رؤية اللعب باحترافية سؤالا واجابة

دا لعب علي كبير طيب كنت خليها في سرك

عامة انا مطمنة ان مفيش حد هيتقن العمليه دي غير الناس القديمة فهنلعب سوا و من هنا تبدأ المتعة :wiink:

دي مجرد نصيحة بس حسيتها اثناء القراية..... كالعادة انا لا يمكن لاسباب شخصية الخروج من لعبة الضحية بمشاركة خالية الاسئلة

هسأل سؤالين خفاف كده بس:
من قبل مقراهم واضح انهم خفاف اوي من نوعية تتعشي ولا تنام خفيف

1) ايه رأيك في المقدمة دي يا دكتور....هل فعلا الاعتيادية والعدم التغيير سبب من اسباب قتل المتعة او الحماسة ؟؟؟ وليه ؟؟؟؟؟
المقدمة ما هي الا نوع من انعكاس قائلها شخص اقل ما يقال عنه انه بيفهم و انا احترم هذا الفهم جدا
اكيد الاعتيادية والروتين بيقتلوا المتعة والحماسه بس في رايي انه الظاهر لنا قتل الا انهم حقيقة بيخدروا المخ يعني الانسان لما بيعتاد حاجه بيلغي مخه و تفكيره و يبدا يعملها اليا فبيفقد الاحساس بيها وبالتالي بيفقد الاحساس بنتيجه عمله وبيعتبر الحاجه دي بتاخد منه وقت و مجهود علي الفاضي من غير اي مقابل ودا اللي بيقتل الحماسه فعليا

ليه دا عيب انسان

وايه سبيل تغيير ده ان كان سيئا او تطويره ان كان جيدا مع العلم بأنه اكيد بتيجي لحظات من الملل من الروتين او من "العادية الحياتية"؟؟؟؟
انا لا اقصد اللعبة هنا ده سؤال عام يشمل كافة النشاطات الانسانية.......:wiink:

بالطبع الروتين بيصبنا بالملل وفي احيان بيتغلب علينا
لكن البحث عن المتعه في كل لحظة والتفكير في الهدف اللي عيزين نوصله من عملنا او علاقتنا او حياتنا ككل هيساعدنا كتير اننا نتغلب علي الروتين دا
+ان بعض من الترفيه مش هيضر


2)سؤال في بالي: ايمانا بأن التجديد يأتي دائما من ظهور جانب سئ ما يستدعي تغييره فإن ده يتعارض احيانا مع فكرة الرضا بالقدر او بالمكتوب وان السعي وراء التجديد وما سيصاحبه من تعب ومشقه يعتبر نوع من انواع السخط وان التعب ده هو مغبة هذا السخط....
ايه رأيك تفصيليا في القضية دي يا دكتور؟؟؟ ايه هو المعيار والفيصل بين السخط علي الموجود والرغبة في تغييره وبين الرضا المطلوب والسعي في تجديده.....لو محتاجة مثال حي ممكن اقوله لكن انتظر تعليقك العام اولا



سؤال جميل يا محمد
الرضا بالقضاء والقدر والقناعة لا يمنعوا الاجتهاد والرغبه في التميز والنجاح لكن هما زي الصنبور اللي بيرشد العملية دي

مثلا شخص فقير رغبته في انه يكد و يبقي غني لا تتعارض من رضاه باللي قسمه ليه ربنا يعني انا هشتغل من باب السعي لكن لو اللي جالي قليل مش هسخط واقول اشمعنه


3) السعي الي التميز والاختلاف هو طريق مشهور في دنيا الوصول الي الاحلام او تحقيقها....
ايه رأيك التفصيلي برده في الجملة دي يا دكتور؟؟؟ يعني هل ممكن فعلا اني ابقي دكتور ناجح جدا لان هدفي الوحيد هو ان اكون مميز ومختلف ويشار اليّ بالبنان؟؟ وهل لدخول الرغبة في الظهور وحب تمجيد النفس اثر علي عكس النتائج مثلا ولا دول اساسي موجودين في اي حد اختار الطريق ده عشان يوصل لاهدافه القصيرة منها او البعيدة؟؟؟؟؟؟؟

أعلم تماما أن الأحلام المادية موجودة يعني كالشهرة والغني والنجاح والتميز ووو ولن يضر أبدا أن يكون شخص كذلك
ولكني لا أفضل هذه الغايات أفضلها وسيله لغايه اسمي

يعني طبيعي انا كطالبة عيزة اتفوق في دراستي وانجح واشتغل وارتقي لمناصب مرموقه واحقق ذاتي والتميز والاختلاف دا وسيله لتحقيق كل دا يعني عشان اخد منصب في شركة لازم يكون هناك ما يميزني عن كل المتقدمين من علم و ثقافه ومهارات حاجات تعبت عشان اخدها واكتسبها لكن دوما في جزء يشغلني انا بعمل كل دا ليه انا ليه عايزة انجح وابقي مشهورة واحقق ذاتي ليه عيزة ابقي غنيه و و و
هنا تظهر الاهداف الاسمي اللي تحول الانسان من عبد للمال والحياه لانسان راقي حر
الغرور وحب الذات شيء مرفوض حتي لو هيصحبه نجاح انما نهايته مش سعيده
لو استفدت اناهرده من اشارة حد عليا بالمتفوق بكرة مش هستفاد لو مكنش ليا هدف اسمي رسخته عن الناس يفتكروني بيه



كده خلاص....انا لم اكن مخططا للسؤال خالص....لكن فرصة وجودك ضحية وانا بحترم رأيك جدا جدا دفعتني وانا بكتب النصيحة اللي فوق دي اني اشغلك باجابات لهذه الاسئلة اللي شاغلاني

شكرا جزيلا يا دكتور...اتمني الا نكون قد ازعجناكم لانه من المعلوم طبعا عدم قصد ذلك او حتي نية وجوده.....هابي ضحية روليتا:o


وهي الضحية تعتبر ضحية من غير اسئلة مميزة زي دي لازملها تفكير وتاني ؟

اشكرك علي أسئلتك جدا يا دكتور

Le Roi
03-27-2010, 08:11 PM
لا انفي في الحقيقة اعجابي بالاجوبة اللي حضرتك قدمتيها
و يبدو فعلا إن ما قاله محمد كان صحيحا
و عليه ننتقل لمستوى آخر


روليتا أو رضوى مشرفة الحوار العام تعتبر من اقدم المشرفين في فمسي


- كيف ترين النافذة قبل و بعد انضمام هؤلاء لخانة المراقبين عليها ( كل على حدة )
Aya Maher
Snowwhite
dr.dora
Le Roi
- إيه رايك في المنتدى الأدبي في فمسي ؟
- هطلب من سعادتك التعليق على أي ثلاث قصص قصيرة في المنتدى الادبي مع ذكر القصص المختارة طبعا ؟
- في رايك من العضو الذي كان يستحق الاشراف و لكنه لم ينل ذلك ؟
- لو حصل في يوم من الايام إنك قررتي إنك تبتعدي عن فمسي سترشحين من ليكون مكانك في اشراف الحوار العام ؟
- من العضو الذي تواظبين على قراءة اراءه على المنتدى في معظم قضايا النقاش ؟
- في رايك من هو العضو الذي تواظبين على قراءة مواضيعه ؟
- في رايك من هو العضو الأكثر تشددا في الرأي ؟
في رايك من المشرف الذي يستحق مشرف هذا العام ؟
- اطلب من حضرتك إنك تجيبي قائمة المشرفين و المحررين و تقولي رايك في كل واحد , مع ذكر نصيحة لكل واحد على حدة و كذلك ذكر اكثر موضوع اعجبك لكل واحد و اكثر موضوع ترين انه يكن موفق فيه مع إضافة هؤلاء الأعضاء للقائمة سالفة الذكر
فمساوي على طول
بيلازرد
ذا مافيا بوص
تيتو زا شيلد
روميو
- إيه طموحك في العمل ؟


شبهتي في مشاركة سابقة السياسة بالماء و ده شيء رائع و بصفتك شخص مهتم و شخص مثقف و مشرفة في الحوار العام احب اشوف إجاباتك على الأسئلة الاتية
- لن اكرر نفس السؤال و اقول من سترشحين في الانتخابات المقبلة و لكن لمن تمنيتي الفوز في الانتخابات الرئاسية الماضية في مصر ؟
- ما رايك في :
محمد نجيب اول رئيس مصري
+ جمال عبد الناصر الرئيس الاسبق
+ محمد حسني مبارك الرئيس الحالي
+ الحزب الوطني الديمقراطي
+ الاخوان المسلمين بصفة خاصة و التيار الاسلامي بصفة عامة
+ حزب الغد
+ حزب التجمع
- إيه رايك في البرلمان المصري الحالي و شايفة إيه تقييمك لدورته الحالية منذ عام 2005
-إيه رايك في الجامعة العربية و الامم المتحدة
- إيه رايك في الملف النووي لايران
- كان إيه شعورك عند معرفتك بتولي باراك أوباما رئاسة أمريكا ؟ و إيه كانت امالك عند توليه الرئاسة ؟ و هل حدث شيء من تلك الامال ؟
- مين الرئيس الاجنبي اللي تتمنين لو انه يرحل عن الرئاسة
- في الفترة الاخيرة في مصر انتشر الفساد بصورة كبيرة , لو طلب منك وضع حل لتلك المشكلة هيكون إيه الحل اللي هتطرحيه ؟
- لو طلب منك إنك تكوني وزيرة في الحكومة المصرية أي الوزارات تفضلين ؟
- أي حزب من الاحزاب المصرية في الوقت الحالي ترين إنه الأقرب لافكارك ؟
- أي من الفترات التاريخية تفضلين ؟ و ليه ؟
أي من الشخصيات التاريخية تفضلين ؟ و ليه ؟
- ذكرتي سابقا إنك من المعجبين بالرئيس السادات و في توقيع سابق لك على المنتدى ذكرتي مقطع من فيلم ' أيام السادات ' , ما هو رايك في تصرف السادات في الاحداث التالية :
1- كامب ديفيد
2- احداث الزاوية الحمراء


بعيدا عن السياسة شوية
ليكي في كرة القدم ؟ و لو الاجابة بالايجاب بتفضلي أي فريق ؟
عدد اخواتك ؟ سنهم ؟
أي الفصول احب اليكي ؟
أي الشهور احب اليكي ؟
تفضلين الليل ام النهار ؟
دول شوية كده و الدفعات المقبلة في الطريق إن شاء الله

Heba Mahmoud
03-27-2010, 08:23 PM
heba2009 عندما يذكر وفاء الصديق تجد هبة و عندما يذكر النشاط والهمة والاصرار تجد هبة و عندما تبحث في قائمة المقربين الي تجد هبة
لم تكوني هبه لفمسي وحده ولكنك هبه لنا أيضا




موش عارفه ليه لما حد منكم بيتكلم عن هبه بحس بيتكلم عن واحده تانيه
ثانكس يارضوى عالكلام الكتير عليا اوى ده
اتمنى اكون نصه :blush:

ايمان
03-27-2010, 08:29 PM
العيار تقيل اوى المرادى يا احمد
خف شويه ....دى البيج بوص بتاعكو ف الحوار بردو
هههههههههههه

dr.dora
03-27-2010, 08:31 PM
عجبتني البيج بوص دي :D
(رئيس العصابة :p:whistling:
الله معك يا معلمي :p

RoOoLeTa
03-27-2010, 11:44 PM
لا انفي في الحقيقة اعجابي بالاجوبة اللي حضرتك قدمتيها
و يبدو فعلا إن ما قاله محمد كان صحيحا
و عليه ننتقل لمستوى آخر
ههه وماله



روليتا أو رضوى مشرفة الحوار العام تعتبر من اقدم المشرفين في فمسي
يعني حاليا منهم



- كيف ترين النافذة قبل و بعد انضمام هؤلاء لخانة المراقبين عليها ( كل على حدة )
aya maher
آية كانت بمثابة الشعلة بعد معرفت الطريق اللي رسمه طارق المشرف السابق مع بقية الفريق
snowwhite
دينا كان ليها متابعات حية و مهمة في النافذة و كانت من مفاتيح الثبات فيها
dr.dora
إسراء محررة واجهة حوار إلا أنها كانت بتشارك في العمل وليها مواضيع مميزة
le roi
أنت يا أحمد ميزتك أن عندك حماسة أول الطريق فبتعمل إضافات جيدة
اصبر علي نفسك لسه مفاتش شهر:whistling:
- إيه رايك في المنتدى الأدبي في فمسي ؟
إشرافه بيجتهد فيه صراحة علي الرغم من قلة متابعتي له إلا أن فيه بعض المواضيع اللي بتابعها و مؤخرا بدات اشارك فيه بحاجات بسيطه
- هطلب من سعادتك التعليق على أي ثلاث قصص قصيرة في المنتدى الادبي مع ذكر القصص المختارة طبعا ؟
كأن شيئا لم يكن(قصة قصيرة) (http://www.phmcy.com/vb/showthread.php?t=22493) ‏
مشاركة 1
خبر هام .. الصقر لم يعد طائر (http://www.phmcy.com/vb/showthread.php?t=474) ‏
مشاركة9
أعين حارسة (http://www.phmcy.com/vb/showthread.php?t=865)
مشاركة5







- في رايك من العضو الذي كان يستحق الاشراف و لكنه لم ينل ذلك ؟
forbidden ques
- لو حصل في يوم من الايام إنك قررتي إنك تبتعدي عن فمسي سترشحين من ليكون مكانك في اشراف الحوار العام ؟
بالفعل فيه ناس تسد مكاني وأفضل
- من العضو الذي تواظبين على قراءة اراءه على المنتدى في معظم قضايا النقاش ؟
blizared
- في رايك من هو العضو الذي تواظبين على قراءة مواضيعه ؟
لكل قسم حد بتابعه
- في رايك من هو العضو الأكثر تشددا في الرأي ؟
الذي لايستمع لغير رأيه
في رايك من المشرف الذي يستحق مشرف هذا العام ؟
heba2009
- اطلب من حضرتك إنك تجيبي قائمة المشرفين و المحررين و تقولي رايك في كل واحد , مع ذكر نصيحة لكل واحد على حدة و كذلك ذكر اكثر موضوع اعجبك لكل واحد و اكثر موضوع ترين انه يكن موفق فيه مع إضافة هؤلاء الأعضاء للقائمة سالفة الذكر

طبيعي انا مش متابعه مواضيع المشرفين كلهم فحوار الموضوع كنسلد الا لو عايز فبركة برضو كنسلد

active_doctor (http://www.phmcy.com/vb/member.php?u=874) قلت رأيي في أروي قبل كدة نصيحتي ليها كنترول وقت الغضب

amora_17 (http://www.phmcy.com/vb/member.php?u=470) عمرو ياااه الكابتن اللي مبقاش يدخل فمسي وبقي مشغول عمرو انسان ابيض من جوا نصيحتي ليه بعض التفاهم لن يضر

aya maher (http://www.phmcy.com/vb/member.php?u=1730) قلت رأيي في آية نصيحتي ليها أيوي أوعي تفكري تروحي مارينا من غيرنا:wiink:

clever4ever (http://www.phmcy.com/vb/member.php?u=220) خالد من الناس النشيطة اللي مهتم بقسمه وواضح أوي..تقريبا عايش في عالم غير عالمنا ما شاء الله عنده هدوء غير طبيعي بس أحيانا التفاعل مطلوب يا خالد

dr.dora (http://www.phmcy.com/vb/member.php?u=3234) المحررة الصغيرة التي لم تعد صغيرة اسراء عندها همة عجيبة وفضول أعجب بس يا دوراتي بحس انك بتزعلي بسرعه ادي فرصه للي قدامك


dr.lemoo (http://www.phmcy.com/vb/member.php?u=12) ليموووووووو المشرف العام القديم الاجتماعية صاحبة البسمة الجميلة ليمو بطلي تلفي الميدان

dr_dana (http://www.phmcy.com/vb/member.php?u=1731) دانا عسولة شفتها في رحلة فمسي لذيذة خالص بس موش تعاملت معاها كتير

heba2009 (http://www.phmcy.com/vb/member.php?u=2678) قلت رأيي فيها برضو هبة أحيانا اللي قدامك بينتظر فيدباك

le roi (http://www.phmcy.com/vb/member.php?u=1984) مش هيصة هي :whistling:

letemoin (http://www.phmcy.com/vb/member.php?u=263) أيها الهيتر الtwenty fory محمود شخص مبدع هادي او بارد بمعني اصح وبروده دا بيساعده انه يفكر بس ساعات بيستفز اللي قدامك :hit:بس عن جد من الناس اللي فمسي يشهد لهم بالعمل الدؤوب (في وقت من الاوقات):p

maimona (http://www.phmcy.com/vb/member.php?u=313) مني الطمني ميمونتي حوبي هقلك الوصف بيني وبينك يا قمر والنصيحة "اسمعي اغنية ابو الليف الجديدة جامدة موووووت موووووووت موووووووت":wub:

manameno (http://www.phmcy.com/vb/member.php?u=421) المشرفة الخضراء في القسم الأخضر السلام الدنيا بيس معاها في المريخ عايشه بس من الشخصيات اللي اعتز بمعرفتها نصيحتي "شرب النعناع مع الكركديه مضر بالطحال"العشب فيه سم طعمه حلو :wiink:

messidona (http://www.phmcy.com/vb/member.php?u=290) العمرو الجديد الرياضي العالمي احييك علي اجتهادك في القسم

meteoricdiamond (http://www.phmcy.com/vb/member.php?u=490) الدجاجة شوشو حبيبة قلبي وحشتيني اوي

nadosh (http://www.phmcy.com/vb/member.php?u=1239) سرعة التميز والتالق في القسم

roooleta (http://www.phmcy.com/vb/member.php?u=318) دا انا :wiink:

shehata (http://www.phmcy.com/vb/member.php?u=36) اضافة رائعة للاقسام الدراسيه العمل بلا مقابل

snowwhite (http://www.phmcy.com/vb/member.php?u=591) دينا ديتول سفروته دينا من الناس اللي كانوا مكسب ليا معرفتهم في فمسي
دينا نفسي نعمل أرشفه :confused:

the prences of love (http://www.phmcy.com/vb/member.php?u=466) عبييييييييييييييير انها رفيقتي في ركوب كل الالعاب الدريم باركية شخصية جميله و لذيذة

white cloud (http://www.phmcy.com/vb/member.php?u=13) رباب اتكلم عنها في فمسي ولا عندي بلا أدني شك هي من قواعد الاساس في فمسي ويكفيني القول بانها صديقتي الصدوقة :wub:استمتعي

احمد محمد فتح الله (http://www.phmcy.com/vb/member.php?u=117) أطول عضو في فمسي أحمد شخص مختلف علي المستوي المعنوي أكثر من المادي مشكلتك يا أحمد انك عنيد ادي بعض الflexibility

ايمان (http://www.phmcy.com/vb/member.php?u=822) العضوة صاحبة الصورة :p ايمان حبيبه قلبي من الناس اللي بحبها كده لله في لله بس بحسك بتزعلي علي حاجات يعني ممكن تعدي بس بجد لاف يو يا تشوكلاتي

بنت مصرية (http://www.phmcy.com/vb/member.php?u=1014) رفيقة الاتوبيس انها راويتي هي ثالث ثالوث الشر وثاني الآز دماغها حلوة حتي في التهييس بتدووووووووووووس راوية هاف فان

ريتاج (http://www.phmcy.com/vb/member.php?u=1923) يا ربي علي البنوتة العسولة دي طيبه اوي و قلبها ابيييييييييض يا جميلة بعض الحزم لازم

midoxpoem (http://www.phmcy.com/vb/member.php?u=1) المدير

فمساوي على طول
متعاملتش معاه كتير بس واضح انه بيعرف يشتغل كويس :whistling:
بليزارد
من الناس اللي ما شاء الله دماغها حلوة و ليها آراء رائعة
ورؤية كمان

الحوار ينادي :hey:

تيتو زا شيلد

مين طارق؟ زميل الكفاح القديم
روميو

رامي كان من المشرفين المجتهدين في قسمهم اوي

رامي العصبيه والعصبيه والعصبيه احذرها
:evil:

- إيه طموحك في العمل ؟
الأفضل



شبهتي في مشاركة سابقة السياسة بالماء و ده شيء رائع و بصفتك شخص مهتم و شخص مثقف و مشرفة في الحوار العام احب اشوف إجاباتك على الأسئلة الاتية
- لن اكرر نفس السؤال و اقول من سترشحين في الانتخابات المقبلة و لكن لمن تمنيتي الفوز في الانتخابات الرئاسية الماضية في مصر ؟
متمنيتش لحد مكنتش مهتمه
- ما رايك في :
محمد نجيب اول رئيس مصري
رئيس علي ورق
+ جمال عبد الناصر الرئيس الاسبق
لو مكنش فيه جمال مكنش هيبقي اسمي رضوي جمال:whistling:

كاريزما +قدرة+بعض الأخطاء القاتلة

واشمعنه مفيش السادات؟
+ محمد حسني مبارك الرئيس الحالي

ربنا يديله الصحة


+ الحزب الوطني الديمقراطي
بلاش وجع دماغ
+ الاخوان المسلمين بصفة خاصة و التيار الاسلامي بصفة عامة
يعني ايه يعني؟
هيطبقوا الاسلام صح؟ ماشي
مش هيطبقوا
بلاش وجع دماغ برضو
+ حزب الغد
+ حزب التجمع

نفس الكومنت
- إيه رايك في البرلمان المصري الحالي و شايفة إيه تقييمك لدورته الحالية منذ عام 2005

مش دا بتاع الأحذية
-إيه رايك في الجامعة العربية و الامم المتحدة
يبني سيبهم يعملوا لجان تنبثق منها لجان أخري عشان يحددوا موعد الاجتماع اللي هيقرروا فيه انهم يتفقوا علي الا يتفقوا

- إيه رايك في الملف النووي لايران
لو علي مية بيضا اعتبره مصائب قوم عند قوم فوائد
- كان إيه شعورك عند معرفتك بتولي باراك أوباما رئاسة أمريكا ؟ و إيه كانت امالك عند توليه الرئاسة ؟ و هل حدث شيء من تلك الامال ؟

كونه من أصل مسلم هون علينا الكثير مما ارتكبه بوش
لم تكن لي آمال فالولايات المتحدة لن تغير سياستها بالنحو الذي يرضينا
كل ما كنت اتمناه ....بعض الهدنة نفوق فيها
- مين الرئيس الاجنبي اللي تتمنين لو انه يرحل عن الرئاسة

ساركوزي
- في الفترة الاخيرة في مصر انتشر الفساد بصورة كبيرة , لو طلب منك وضع حل لتلك المشكلة هيكون إيه الحل اللي هتطرحيه ؟

تطبيق الأسلام + تعديل في البنية التحتية للبلد
- لو طلب منك إنك تكوني وزيرة في الحكومة المصرية أي الوزارات تفضلين ؟
البيئة
- أي حزب من الاحزاب المصرية في الوقت الحالي ترين إنه الأقرب لافكارك ؟
_
- أي من الفترات التاريخية تفضلين ؟ و ليه ؟
مش فترة بعينها لكن أي فترة فيها نضال لانها بتكسر الحواجز بين أفراد الامة
أي من الشخصيات التاريخية تفضلين ؟ و ليه ؟
سيدنا عمر بن الخطاب - مش محتاجة ليه
- ذكرتي سابقا إنك من المعجبين بالرئيس السادات و في توقيع سابق لك على المنتدى ذكرتي مقطع من فيلم ' أيام السادات ' , ما هو رايك في تصرف السادات في الاحداث التالية :
1- كامب ديفيد
قائد
2- احداث الزاوية الحمراء
مقرتش عنها صراحة ما اعرفه مجرد رتوش



بعيدا عن السياسة شوية
ليكي في كرة القدم ؟ و لو الاجابة بالايجاب بتفضلي أي فريق ؟
يعني
اسماعيلي محليا وبعده الزمالك
برشلونة
عدد اخواتك ؟ سنهم ؟
اخت 17
أي الفصول احب اليكي ؟
الشتا
أي الشهور احب اليكي ؟
شهور الشتا
تفضلين الليل ام النهار ؟
لكل مقام مقال
دول شوية كده و الدفعات المقبلة في الطريق إن شاء الله




;)يو ولكم اني تايم

RoOoLeTa
03-28-2010, 01:24 AM
هو فيه ناس ولاد حلال قالولي اني بشوية الردود دي هروح في عالم ما وراء الشمس

ففلو اختفيت اعلموا انها مكيده مدبره من احمد عشان يخلص مني وابقوا افتكروني بقي

بنت مصرية
03-28-2010, 02:01 AM
نزليه تاني و خدي بتارك:whistling:

dr.dora
03-28-2010, 07:27 AM
دينا نفسي نعمل أرشفه http://www.phmcy.com/vb/images/green2/smilies/dntknw.gif
ههههههههه
ناو ؟نوووووووو :whistling:
..........
ثانكس رولي علي رأيك :Dاخجلتي تواضعنا :blush:
ونصيحتك والله بحاول بس ساعات غصب عني ;)

Heba Mahmoud
03-28-2010, 08:26 AM
هههههههههههههههههه
الفيدباك ده عاملك ازمه
نبقى نفكر فيه زى ايه عشان اعرف :whistling:

ايمان
03-28-2010, 12:51 PM
ايمان (http://www.phmcy.com/vb/member.php?u=822) العضوة صاحبة الصورة http://www.phmcy.com/vb/images/green2/smilies/tonguee.gif ايمان حبيبه قلبي من الناس اللي بحبها كده لله في لله بس بحسك بتزعلي علي حاجات يعني ممكن تعدي بس بجد لاف يو يا تشوكلاتي
...................
اعرف عنك يا رضوى انك حد متأنى جداااااااااا
وبيفكر اكتر من مرة..قبل اتخاذ القرارات او اصدار الاحكام,,,
حكمك عليا خانك المرادى...لانى من نوعية البشر _وافتخر بذلك_اللى مابيعرفوش يزعلوا اصلا
ومش من موقف عبيييييييييييط واحد يتيم هتحكمى عليا انى بزعل ف هيافات على حد تعبيرك
___________

على فكرة ,,,انا كمان بحبك جداااااااااااااااااااااا وبعنز بيكى على المستوى الشخصى
ومن الناس اللى معرفتهم..مكسب حقيقى
(احبك الله الذى احببتنى فيه:wub:)
++عجبتنى حته وصلتى بمجهودك..thanks

RoOoLeTa
03-28-2010, 05:51 PM
يا جميل طبعا ممكن يكون راي غلط بس انا اتكلمت من واقع كذا موقف مش موقف واحد شفته عامه هذا لا يفسد للود قضية يا قمر

winter sonata
03-28-2010, 08:12 PM
بما اني معنتش في طاقم الاشراف و مش في القائمة:p
قولي رايك فيا بكل حاجة و عايزة توجهي نصيحة ايه كده يعني
اكتبي عريضة من الاخر..عيشي حياتك:whistling:

The Princess
03-28-2010, 08:15 PM
و انا كمان
و لا مليش نفس يعنى
يلا قولى رأيك فيا انا كمان:whistling:

dr.dora
03-28-2010, 08:53 PM
وقولي رأيك في عمي عبده البقال (جت عليه يعني :p:whistling:
:whistling::whistling:

RoOoLeTa
03-29-2010, 12:18 AM
الرد وصل لمني خلاص جيلان انتظريني كمان شوية

RoOoLeTa
03-29-2010, 08:37 PM
جيلان البنوتة الصغيرة
تقريبا أول حد عرفتيه في الكليه كنت انا
لسه طفلة بحسك موش كبرتي يمكن عشان قابلتك وانتي طفله
اعتقد اني عرفتك علي اغلب الفمساوية صح :)

جيلان طيبه بريئة تفكيرك حلو لما بتفكري بعقلانيه
مبحبش فيكي نقطه انتي عارفاها

دونا عن ذلك انتي اختي الصغننه اللي بحبها



انتظروا مني الضحية الجديدة

قريبا

frawla
03-29-2010, 09:35 PM
يعنى اشمعنى انا معرفتش رايك فيا :thnk:

اكتبى فيما لا يقل عن 7 صفح :whistling:

كل ما تشعرى به وتريه فيا :blush:

RoOoLeTa
03-30-2010, 10:08 PM
أعدت أفكر كتير مين ينزل ضحية لقيت اغلب الناس نزلت قبل كده

فعشان مزعلش حد اخترت ضحية جميله اوي

تقريبا الكل هيعجب بيها



انتظروها :wiink:

dr.dora
03-31-2010, 07:25 AM
كده مش هينفع علي فكرة
انا داخلة علي اساس الاقي الضحية
:hey::hey:

بنت مصرية
03-31-2010, 08:28 PM
waiting
:Evil:

RoOoLeTa
04-01-2010, 01:40 AM
المرة دي و بمناسبة عيد ميلاد فمسي قررنا نحن الضحية القديمه بعد موافقه الادارة

باختيار



كل عضو ضحية

المرة دي ولمده 3 أيام

كل واحد فيكم يدخل يجاوب علي الاسئلة

واول عضو هيجاوب هو اللي هيختار الضحية الجديده



كل سنة وانتم طيبين

- ماذا تشعر يوم ميلاد فمسي وماذا يمثل لك المنتدي

-ماذا تري من انجازات خلال الثلاث سنوات (عمر فمسي) قد تحققت

-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي

-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده


وكل سنة وانتم بالف خير

Blizared
04-01-2010, 02:12 AM
[quote=RoOoLeTa;251015]


كل سنة وانتم طيبين
وانتي طيبة وفمسي طيب



- ماذا تشعر يوم ميلاد فمسي وماذا يمثل لك المنتدي
سؤالين سهلين الحمدلله......يوم ميلاد فمسي يوم بيفكرني بأني بجد بعز المنتدي ده كفاية اني بخش عليه بجد لفترة توصل ل 3 سنوات وان شاء الله اكتر
بيفكرني بأول يوم دخلت وكنت حكيت انا عن اليوم ده في موضوع سابق.....بيفكرني بكذا حاجة حصلت ع المنتدي هنا ليها علاقة بعيد ميلاد زي اني ماحضرتش الحفلة اللي كانت معمولة لما كنت في اعدادي..ليه مش فاكر؟؟؟؟
ويوم ميلاد فمسي بيأكدلي ان زي مانا يعني بعز المنتدي هنا فيه ناس بتعزه اكتر مني بكتير بحب اوي اني اهنيهم بيه اليوم ده واهني المنتدي بيهم

ماذا يمثل المنتدي: المنتدي عندي مكان بفهم فيه كويس وبالتالي بدخل عليه بكل ثقة عكس مواقع تانية كتير مش بدخلها لاني مش فاهمها....بعد كوني بفهم فيه هو مكان بيني وبينه ذكريات جامدة جدا جدا انا فاكر للمنتدي هنا قد ايه خلصلي مواضيع انا اعلم عن نفسي تمام العجز علي حلها وجها لوجه مع اصحابها...خلصتها هنا (مش مشاكل....حوارات ومعرفة و فهم تفكير لناس هم اعز اعز اعز ما املك في الكلية من علاقات اصدقاء او اخوات)
بعد كده المنتدي عندي مكان الناس فيه عارفني كويس...عارفني عندي بتساوي انهم حاطنلي في دماغهم مسار معين من الادب والاخلاق وكيفية التعامل والمصداقية اللي لازم لازم لازم اسعي واحافظ علي تواجدهم واستمرارهم مهما حصل
اخيرا المنتدي هو حاجة بتعرفني اني الحمدلله فيه حاجات معينة انا افهم فيها واستطيع ان اكون بطلها وحاجات اخري اري نفسي فيها قزما وسط عمااالقة فلابد من التعامل بيني وبين الناس اكتسابا واعطاءا للخبرات والمعلومات(لاني من الشخصيات اللي بتحتاج مثل هذا الدافع وغيره للتعامل مع الناس عامة)



-ماذا تري من انجازات خلال الثلاث سنوات (عمر فمسي) قد تحققت
انجازات تحققت ع المنتدي كتيرة الحمدلله.....تقنيا المنتيد بقي تقيل وقاعدته كبيرة وتستحمل كم هائل من البيانات والمعلومات(يارب مايقعش قريب عشان انا والله موش بحسد هههههه)
في الكلية المنتدي هو اكتر موقع مشهور يماثل احيانا الفيس بوك .....اي محاضرة معادها بيتغير وللاسف ناس ماتبقاش عارفة بسمع كلمة اكيد نزلت ع المنتدي فانتوا عرفتم؟؟نوع من السؤال الاستنكاري لكن مش للمنتدي للوضع لكن للمنتدي ده معناه مكانة محفوظة ومهمة
اخيرا المنتدي شغال كويس والتعامل فيه بين الادارة والمشرفين بقي اهدي واحسن وبين المشرفين والاعضاء بقي ارقي الا نادرا....والحمد لله ندرت المشاكل علي المستويين
اخيرا.....لما اسمع من قريب اني دكتور ممكن يكون ليه اكونت عندنا....ده شئ يدعو للفرح


-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي
انجازات اكتر ممكن اقول ان شاااااء الله اشوف المنتدي بيزيد كماهي عادته خلال السنة الجاية دي ...وتبدأ ظاهرة الاشراف من فرقة اعدادي تظهر لان ده الطبيعي
ويلاقي المنتدي الناس اللي تخدمه بجد وترتقي بيه ويكون بينهم وبين الناس اللي شغالة دلوقتي او حتي السابقون كل معزة وخير

عيوب اتجاوزها مع اسرة فمسي كأسرة؟؟؟ ليس بيننا عيوب ان كان هذا قصد السؤال

عيوب اتجاوزها مع المنتدي....انا من فترة اصبت بحالة من الحزن الشديد اوي لاسباب متعددة كان علي رأسها بعض المشاعر اللي حسيتها من كوني مش شغال اوي في المنتدي.....اتمني المشاعر دي تنتهي ولكن دون المساس بأي ثوابت بيني وبين المنتدي لانه بإذن الله هذه الثوابت لن تتغير(لن يقوم الجلفانوميتير بالشكوي من حساسيته الزائدة ابدا بعد الان)


-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده
انا بدأت في المنتدي منبهر

ثم ولفترة ما.....غير مكترث

ثم اتت فترة اصبحت.....ظاهر ونشيط

تلتها فترة من الثبات ثم فترة من الخمول ثم فترة من...التطلع

اتضح انه كان تطلعا زائفا...فتحولت الحالة الي مهمش

واخيرا انا في مرحلة...الاعتيادية التامة

ان صح اطلاق كافة هذه الصفات الغريبة علي فترات حياتية ولكن ده تلخيصي لبقائي هنا




وكل سنة وانتم بالف خير

وانتي وفمسي وكل القائمين عليه بألف صحة وسلامة وخير

انا لا اعتقد اني اول واحد اجاوب لاني طولت اوي في الاجابة:wiink:

Blizared
04-01-2010, 02:15 AM
ايش هاذا.....انا اول واحد اجاوب يعني انا اختار الضحية؟؟؟:hey::hey:

طب ان شاء الله بعد ال 3 ايام المفتوحين للاعضاء جميعا دول نبقي نقعد قعدة شر ونختاااااااار

فهمت انا كده صح ولا ايه؟؟؟؟

Heba Mahmoud
04-01-2010, 02:32 AM
هههههههههههههه
بدل 3 ممكن نقول 30
_محدش فاهم حاجه طبعا _
يالا كله يجاوب بقى
عشان انا مكسلة :whistling:
وبليزارد اختارلنا ضحية حلوة بقى :Evil:

The Princess
04-01-2010, 02:53 AM
اذا كان انا كنت متفقة مع رضوى تختارك:whistling:
تقوم انت اللى هتختار
مينفعش كدة:Evil:

The Princess
04-01-2010, 03:01 AM
كل سنة وانتم طيبين
و انتى طيبة
- ماذا تشعر يوم ميلاد فمسي وماذا يمثل لك المنتدي
بابقى مبسوطة اوى اوى
باحس نفس احساس ليلة العيد كدة
و باحس ان كل الدنيا مبسوطة و انا كمان
المنتدى يمثلى كتير
جزء لا يتجزأ من حياتى
المنتدى هو اصحابى اللى باحبهم و ليا معاهم ذكريات كتيرة جميلة اوى


ماذا تري من انجازات خلال الثلاث سنوات (عمر فمسي) قد تحققت
كتييييييييييير
انا شوفت اول المواضيع اللى اتعملت على المنتدى
فرق شاسع بين زمان و دلوقتى
فرق فى تفكير الاعضاء
حماستهم....شغلهم....اهتمامتهم.....
يكفى برنامج التطوير اللى اتعمل دة
نقل المنتدى اوى

-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي
انجازات ....ان مشروع التطوير يكمل للاخر
و ان نحاول نخلى الدكاترة تتفاعل معانا على المنتدى
اسرة المنتدى عبيها انها بتشتغل ساعات اوى و ساعات بيناموا بالذات الترم الاول
باحس ان نشاطنا بيزيد الترم التانى
عاوزين يبقى لينا مستوى ثابت من النشاط بيزيد كل فترة

-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده
يوم ما سجلت : عدم الاهتمام خالص
بعد 48 ساعة: الانبهار
اول ترم : مشاركة على استحياء و محاولة للاندماج
تانى ترم : حالة متفاوتة من القرب و البعد من و عن فمسى
فى الاجازة مرحلة المراقبة اكثر من التواجد
الترم التانى تجميد و ابتعاد
حاليا التفاعل

وكل سنة وانتم بالف خير

و انتى طيبة و كل الفمساوية طيبين
و عاوزين بلزيرد ضحية

dr.dora
04-01-2010, 12:30 PM
[quote=RoOoLeTa;251015]


كل واحد فيكم يدخل يجاوب علي الاسئلة
واولعضو هيجاوب هو اللي هيختار الضحية الجديده
هههههههه
قريتها اول عضو هيجاوب هيبقي ضحية :unsure::whistling:

كل سنة وانتم طيبين
وانتي طيبة :o

- ماذا تشعر يوم ميلاد فمسي وماذا يمثل لك المنتدي
انا لسة داخلة فدخلت ع الموضوع علي طوووووووول
حسيت ان العيد جه :D

-ماذا تري من انجازات خلال الثلاث سنوات (عمر فمسي) قد تحققت
انا لسة مكملة سنة :D8/3
يعني بعد تسجيلي بشهر احتفلت معاكم بميلاده الثاني :Dبس مكنتش لسة استوعبت كتير
يعني النهاردة تقدري تقول ان ده اول ميلاد بجد اشهده معاكم :blush:
بس في انجازات كتيييييرة اتحققت وكل فترة بننبهر بحاجة جديدة
مشروع التطوير حاجة كويسة جدا وان شاء الله يشتغل علي طول
وموضوع الفرق المساعدة للاقسام برضو فكرة كويسة
بصي بصراحة موضوع ان اسرد انجازات فدي صعبة عليا الصراحة :wiink:

-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي
لا هم بعملوا حاجات غير متوقعة :D:hey:وحلوة طبعا
كل اللي بتمناه ان كل يوم المستوي يزيد
انا لما بسمع نفسي بتكلم عن حد عن المنتدي وخصوصا لو جديد بلاقي نفسي بتكلم بحماسة وحب وكأني بتكلم عن واحد شخص حقيقي
فعلا المنتدي محبوب من ناس كتيرة جدا
بس اتمني ايموشنات جديدة والحملة اللي شنناها تتنفذ وحكاية رسايل الزوار :hit::hey:
العيوب انا حاليا مش عيوب كتيرة بس زي ما قال بليزارد نقطة مشاكل الاعضاء مع الادارة قلت واتمني انها تقل اكتر واكتر ويسود بينا الاحترام

-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده
اول ما دخلت طبعا انبهار
وبعد فترة قصيرة خدت ع الجو وفهمت الاجواء المحيطة
وكنت نشيطة في اغلب الاقسام ومن بدايتي الحمد لله
دلوقتي مقتصرة ع الحوار
خمول في الباقي ;)
وكل سنة وانتم بالف خير
[quote]
وانتم كلكم طيبين :o

Dante
04-01-2010, 12:31 PM
- ماذا تشعر يوم ميلاد فمسي وماذا يمثل لك المنتدي
بصراحة المنتدى يمثل ليا مكان أصبحت مؤخرا أقضي فيه أغلب وقت فراغي في كل حاجة ضحك و لعب و جد و .....

-ماذا تري من انجازات خلال الثلاث سنوات (عمر فمسي) قد تحققت
بصراحة الانجاز الي قام فمسي بتحقيقه هو انجاز رائع لم أرى مثله في أي منتدى أشتركت فيه حتى منتديات الألعاب يعني في 3 سينين بس (وقت قياسي جدا) يصل المنتدى لمثل هذا العدد من الأعضاء و الشعبية ده أنجاز تاريخي بجد و إنشاء الله نحتفل بعيد الميلاد القادم

-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي
بالنسبة للانجازات أنا شايف أن أهم إنجاز هو الحفاظ على ما وصلوا إليه و لا أرى عيوب

-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده
انا لسه بئالي كام شهر بس في المنتدى بس انا شايف ان لو فيه كلمة حتكون هيا تقدم

وكل سنة وانتم بالف خير








و كل سنة و فمسي طيب

without name
04-01-2010, 10:36 PM
كل سنة وانتم طيبين


- ماذا تشعر يوم ميلاد فمسي وماذا يمثل لك المنتدي
هو اضافلي حاجات جميله اشكرو عليها
وعلمني ووراني حاجات مكنتش شايفاها


-ماذا تري من انجازات خلال الثلاث سنوات (عمر فمسي) قد تحققت
النهوض بحالنا للافضل في جميع المستويات



-ماذا تتوقع من انجازات تريدها ان تحدث خلال العام القادم وما هي العيوب التي تريد ان تتجاوزها مع اسرة المنتدي


احتفظ بالاجابه لنفسي


-علي مدار التلت سنوات الماضيه اوصف مراحل وجودك في فمسي كل مرحلة بكلمه واحده


انبهار ,تعود ,ملل ,انسحاب ,توهان ,اعتياديه




وكل سنة وانتم بالف خير
وانتم بخير







شكرا ليكي عالموضوع

dr.dora
04-05-2010, 09:02 PM
فيييييييييييييين الضحـية
:Evil::Evil::Evil:

بنت مصرية
04-05-2010, 09:09 PM
اانا بقترح ميموونة:Evil:
بعد اذن اللي هينزل يعني;)

The Princess
04-05-2010, 09:58 PM
بليزرد
بليزرد
نزل نفسك :Evil:

Dr.mona
04-05-2010, 10:38 PM
بليزرد
بليزرد
نزل نفسك :evil:

هههههههههههه
طاب والله ياريت:d
بليزارد لما نزل ضحية آخر مرة استمتعت بردوده جدااااا
عايزين الضحية الجديدة يا دكتور

بنت مصرية
04-05-2010, 10:40 PM
بليزارد هو اللي هينزل الضحية الجديدة
نزل طارق:Evil:
هههههههههههههههههههههههه

Blizared
04-05-2010, 11:44 PM
انا جيت....سوري ع التأخير انا بس كنت مستني كل اللي نفسه يجاوب ع الكام سؤال بتوع عيد الميلاد دول

كفاااااااااااااية بقي

حان وقت الضحية الجديدة

ضحيتنا الجديدة ...مش هتبقي انا بعد اذنكم يعني هههههههههههههههه

ضحيتنا هي :












Dr.mona:wiink:

اتفضلي يا دكتور ضحية موفقة وان شاء الله ممتعة اكيد.....لا تعتبريها مقلبا.انها فقط تدبيسا:whistling:

علي فكرة لو مش موافقة من حقك لانك موش سألتي ولا جاوبتي حتي علي اسئلة روليتا.......لكن اتمني انك توافقي

شووووووووووووووووكرا جدا علي رأيك فيا كضحية سابقة (لا تكرريها بعدك خاااااااااالس هههههههه)

dr.dora
04-05-2010, 11:54 PM
ههههههههههههههههه
مبروك يا مني طبعا انتي عارفة انا فرحانالك قد ايه :p
يااااااااااه متخيلاكي شكلك ايه دلوقت :p:whistling:
مذبهلة صح (مش اسمها كده برضو ) :whistling:
ضحية غير متوقعة بصراحة
انتظري الطوب اللي هتتحدفي بيه :p
ده الكل بعزك خااااااااااااالص :Evil::p

Dr.mona
04-05-2010, 11:59 PM
هههههههههههه
ليه كده بس يا دكتور . ليييييييييه
أنا بجد بقالى خمس دقايق مش مستوعبة:unsure:
واللى طالع عليا انى عمالة أضحك
أنا داخلة أشوف مين اللى نزل ألاقينى أنا:confused:
ههههههههههه يا شماتة اللى فبالى فيا:hit:
مع انى متصورتش أبدا أتحط فى الموقف ده
بس معتقدش فيه رجعة:(
موافقة يا دكتور وأمرى لله
الرحمة يا عباد الرحمن وخللوا التلات أيام دول يعدوا على خيير :Evil:

dr.dora
04-06-2010, 01:16 AM
ايه ده مني بقالها ساعتين ضحية ومحدش سألها
ينفع كده
يلا يا مني معلش تلاقيهم لسة هيجهزوا نفسهم
علشان يستقبلوكي استقبال يليق بيكي
يلا يا سكيننة جاوبي علي دول ههههههه
طبعا انتي عارفة اني بموت في تهدئة النفوس زي عنيا
-قوليلي بتسمحي لاخوكي الصغير يقعد علي الكمبيوتر بتاعك (اياكي :p:hey:)
-قوليلي ايه الحاجات اللي عندك فوبيا منها ؟
-بتصحي بدري ولا متأخر (المعتاد يعني :unsure:)
-بتنامي بدري ولا بتسهري :hey:
-اكتر نوع شيبسي بتاكليه (متقوليش دوريتوس :hey:
-ايه رأيك في بكار :p:whistling:الكاراتيه ده امال انتي فاكرة ايه :p
-طيب ايه رأيك في بكار تاني برضو :p:p
-بتتفرجي ع التليفزيون ؟
-شفتي ايه النهاردة؟
-في برنامج معين متابعاه ؟
ليكي في المسلسلات التركية ؟ايه اخر مسلسل سمعتيه ؟

dr.dora
04-06-2010, 01:26 AM
علي فكرة انا كتبت اسئلة كتيرة ومرضاش يعتمدها معرفش حصل ايه
هعيط دلوقت
عامة يلا جاوبي علي دول وانا هبقي احفظ الاسئلة وبعدين اجيبها هنا
علشان لو معتتمدتش اعملها كوبي
:Evil::Evil::Evil:

dr\rere
04-06-2010, 01:35 AM
هههههههههههههه ههههههههههههه
مونى هى الضحية انا دخلت بقى فى الوقت المناسب

منورة يا منى وعايزة اسالك حبة اسئلة كدة يارب تكون خفيفة عليكى

1-ايه البلد اللى نفسك تروحيها وليه؟؟
2-لما بتبقى متضايقة بتعملى ايه يروقك شوية؟
3-ايه اجمل هدية اتقدمتلك ومن مين؟ وامتى؟
4-ايه الحلم اللى حلمتيه وخفتى منه؟
5-راضية عن نفسك ولو اجابتك اه ليه ولو لا اكيد برده ليه؟:wiink:
6-ايه الذكرى اللى فى حياتك اللى كل لما تفتكريها بتفرحى اووى وتتمنى ترجع؟
وايه اصعب يوم مر عليكى؟


ممممممممممممم:thnk:
اسال تانى ولا اقولك كفاية كدة النهاردة
بس راجعالك تانى طبعا:p
هههههههههههههه

Dr.mona
04-06-2010, 10:13 AM
ههههههههههههههههه
مبروك يا مني طبعا انتي عارفة انا فرحانالك قد ايه :p
هههه مبروك على ايه يا اسراء
طاب الله يبارك فيكى ,,,,وعقبالك:whistling:

يااااااااااه متخيلاكي شكلك ايه دلوقت :p:whistling:
مذبهلة صح (مش اسمها كده برضو ) :whistling:
هههههههه
مذبهلة اذبهلالا هههههه
أنا تقريبا أول واحدة تدخل تشوف الضحية
لقيت اسمى مكتوب
:unsure::thnk::confused:
بسسسسس
ههههههههه
ضحية غير متوقعة بصراحة
انتظري الطوب اللي هتتحدفي بيه :p
هههههههه
طوب ,,,,,,ماشى
هنشوف مين هيحدفه فى الآخر
ده الكل بعزك خااااااااااااالص :Evil::p
وااااااااااااضح
وانتى بالذات مبتتوصيش;)
ربنا يهديكى يا اسراء
عشان أجيبلك مصاصة:wiink:








علي فكرة انا كتبت اسئلة كتيرة ومرضاش يعتمدها معرفش حصل ايه
هعيط دلوقت
هههههههههه
لا متعيطيش هبقى أجبلك أسألة غيرهم :p
الأعمال بالنيات
وانتى نيتك سوووووودة:Evil:

عامة يلا جاوبي علي دول وانا هبقي احفظ الاسئلة وبعدين اجيبها هنا
علشان لو معتتمدتش اعملها كوبي
:Evil::Evil::Evil:
اللهم اعطيها على أد نيتها كمان وكمان:wiink:




واضح انى عملتلك حاجة وأنا مش واخدة بالى
ربنا يهديكى عليا يا اسراء يا حبيبتى:o ( ورداية أهى والحدق يفهم:hit:)

dr.dora
04-06-2010, 10:17 AM
ههههههههههه
لا انا مش حدق انا حدقة :p

Dr.mona
04-06-2010, 01:15 PM
ايه ده مني بقالها ساعتين ضحية ومحدش سألها
ينفع كده
ينفع جدااااا اطلعى منها انتى بس وهى هتنفع
يلا يا مني معلش تلاقيهم لسة هيجهزوا نفسهم
علشان يستقبلوكي استقبال يليق بيكي
يجهزوا على أقل من مهلهم
أنا مش مستعجلة خااااالص:wiink:
يلا يا سكيننة جاوبي علي دول ههههههه
:whistling::whistling::whistling:
طبعا انتي عارفة اني بموت في تهدئة النفوس زي عنيا
انتى هتقوليلى:whistling:
-قوليلي بتسمحي لاخوكي الصغير يقعد علي الكمبيوتر بتاعك (اياكي :p:hey:)
ههههههه والله يا اسراء انتى واخدة عنى فكرة شريرة خالص
آه بسمحله مع ان كل مرة بيعد فيها
برجع بلاقى بلاوى فى الجهاز
لما كنت مسافرة فى نص السنة عملتله يوزر خاص بيه
ولغاية دلوقتى مشلتهوش
هشيله قرب عيد ميلادى عشان متحصلش كارثة السنة اللى فاتت
-قوليلي ايه الحاجات اللي عندك فوبيا منها ؟
الحشرات عامة والصراصير خاصة
بخاف من الأماكن المرتفعة أوى أوى بس مش فوبيا يعنى
-بتصحي بدري ولا متأخر (المعتاد يعني :unsure:)
لو ورايا حاجة بحب أصحى بدرى ليها
لكن لو مش ورايا بصحى براحتى
ولو ورايا حاجة المفروض أعملها وصحيت متأخر
بضايق جداااا واعرفى ان الحاجة دى مش هتتعمل
معرفش بس بحب أعمل كل اللى عليا الصبح بدرى
-بتنامي بدري ولا بتسهري :hey:
فى الدراسة مبحبش أسهر بعد 12 ماعدا يوم الخميس طبعا
بس من ساعة ما دخلت جامعة اتعودت على نوم الظهر
لأنى برجع مقتولة من الكلية اللى اسمها صيدلة:(
فبقت أسهر بعد 12 للأسف
-اكتر نوع شيبسي بتاكليه (متقوليش دوريتوس :hey:
لما باكل شيبسى بيكون بس للتغيير
فأنا مباكلش شيبسى كتير
ومبلاقيش غير دوريتوس وبيك رولز
وأنا مبحبش البيكرولز
بما أن الحاجات اللى فوق دى
اذن باكل دوريتوس:p
-ايه رأيك في بكار :p:whistling:الكاراتيه ده امال انتي فاكرة ايه :p
شوفته بس مكلتوش الصراحة
مش أى كاراتيه ناكله كده يا اسراء:hey:
كبرنا على الحاجات دى يا طعمة:p
-طيب ايه رأيك في بكار تاني برضو :p:p
قصدك بكار الكارتون
ياريت يرجع تانى زى زمان
بيفكرنى برمضان زمان
كنت بفطر عليه أنا وأخويا
لغاية ما ماما اجبرت انها تنقل التليفزيون فى المطبخ عشان نفطر معاهم
يااااااااااه كانت أيام
-بتتفرجي ع التليفزيون ؟
كنت دخلت فى سنة تقريبا مبتفرجش على حاجة معينة
وده طبعا بسبب فمسى
وبعدين من مدة بدأت أرجع أشوف اه الجديد فيه
-شفتي ايه النهاردة؟
ههههههه أميرة حبى أنا
متعودة أشوف الفيلم ده كل يوم شم النسيم
(ده بفرض ان السؤال اتسأل امبارح)
-في برنامج معين متابعاه ؟
مصر النهاردة
ليكي في المسلسلات التركية ؟ايه اخر مسلسل سمعتيه ؟
لأ الحمد لله بطلنا الصنف ده
اسمها آخر مسلسل شوفتيه:p
كان نور وقلت توووووووبة
وبعدين أصلا كلها حكايات مكررة






هههههههههههههه ههههههههههههه
مونى هى الضحية انا دخلت بقى فى الوقت المناسب
ههههههههههههه
سبحان الله انتى مش متابعة أصلا اللعبة دى

منورة يا منى وعايزة اسالك حبة اسئلة كدة يارب تكون خفيفة عليكى
منورة بيكى انتى ....مش أول مرة تشرفينا
اتفضلى طالما الأسئلة خفيفة

1-ايه البلد اللى نفسك تروحيها وليه؟؟
ألمانيا؛؛؛؛؛عشان نفسى أشوف البلد اللى اتولدت فيها

2-لما بتبقى متضايقة بتعملى ايه يروقك شوية؟
لو زهقانة بعمل أى حاجة جديدة تخطر على بالى عشان أطلع من المود ده
آخر مرة كنت زهقانة عملت فشار
لو متضايقة أوى بقى ممكن أصلى ركعتين وأقرا قرآن وأغمض عينى ومفكرش فى أى حاجة
الطريقة دى بتجيب مفعولها معايا
3-ايه اجمل هدية اتقدمتلك ومن مين؟ وامتى؟
هديتين فرحت بيهم جدااا ومرتبطين معايا بذكريات جميلة
الأولى كانت سلسلة فضة ......من بابا .....أول يوم دخلت الجامعة
التانية هدية التحدى....من رباب....لما كسبت أول تحدى

4-ايه الحلم اللى حلمتيه وخفتى منه؟
كنت مرة حلمت حلم وحش يخص بابا وصحيت عرفت انه مسافر
فخفت الحلم يتحقق
5-راضية عن نفسك ولو اجابتك اه ليه ولو لا اكيد برده ليه؟:wiink:
أكيد لأ ........لأنى المفروض أكون أحسن من كده بمراحل
6-ايه الذكرى اللى فى حياتك اللى كل لما تفتكريها بتفرحى اووى وتتمنى ترجع؟
يوم لما خالو جبلى نتيجة التنسيق وحلم دخولى الصيدلة اتحقق
يوميها قعدت أعيط أنا وخالو من كتر الفرحة:D
وايه اصعب يوم مر عليكى؟
يوم ظهور نتيجة تالتة ثانوى ويوم ما روحت القاهرة أكشف عن ورقى


ممممممممممممم:thnk:
اسال تانى ولا اقولك كفاية كدة النهاردة
بس راجعالك تانى طبعا:p
هههههههههههههه
تنورى لو أسألتك هتفضل فى اللذيذ كده





أنا قلت أجاوب قبل ما أنزل أهو
ربنا يسامحكوا هتأخرونى:Evil:

Le Roi
04-06-2010, 06:09 PM
إزيك يا دكتورة
أنا الحقيقة مكنتش بشارك في إني اسال الضحية بس الحقيقة بعد ما نزلت قررت إن محدش يعدي من تحتي تاني عشان لما أنزل بعد كده , أنزل و أنا مرتاح البال :Evil:
و بما إنك اصبحتي الضحية النهارده فاحب اوجه لك بعض الأسئلة على السريع
- إيه رايك في فمسي سواء اسرة أو منتدى ؟
- إيه رايك في مجال الصيدلة و إيه طموحاتك بعد التخرج إن شاء الله ؟
إيه أكتر مادة عجبتك حتى الان ؟
- إيه رايك في قسم نافذة على العالم ؟
- إيه السبب إن حضرتك مش بلاقي ليكي مشاركات في النافذة ؟
- إيه رايك في طاقم الادارة في المنتدى كل على حدة ؟
- إيه رايك في السياسة ؟
- إيه رايك في الشخصيات دي :
جمال عبد الناصر
محمد انور السادات
محمد حسني مبارك
- إيه رايك في موضوع الاضرابات الكتير اللي في البلد اليومين دول ؟
إيه رايك في الدكتور البرادعي ؟ و هل إنتي شايفة انه فعلا على قد الطموحات اللي وضعها البعض عليه ؟
- سمعتي عن موضوع البيان اللي بيطالب بالتغيير ؟ إيه رايك فيه ؟
- لو في يوم من الايام اترشحتي لمنصب في وزارة أي وزارة تفضلي ؟
- لو كنتي في يوم من الأيام رئيسة الجمهورية إيه اول قرار تاخديه ؟
- ليكي في الكورة ؟ بتشجعي مين في الدوري المصري ؟
إيه كان رايك في الازمة اللي كانت بين مصر و الجزائر ؟
هتشجعي الجزائر في كاس العالم الجي ولا لأ ؟

اظن كده كفاية , هابي ضحية يا دكتورة

ليلى أحمد
04-06-2010, 07:54 PM
إزيك يا دكتورة
أنا الحقيقة مكنتش بشارك في إني اسال الضحية بس الحقيقة بعد ما نزلت قررت إن محدش يعدي من تحتي تاني عشان لما أنزل بعد كده , أنزل و أنا مرتاح البال :Evil:
و بما إنك اصبحتي الضحية النهارده فاحب اوجه لك بعض الأسئلة على السريع
- إيه رايك في فمسي سواء اسرة أو منتدى ؟
- إيه رايك في مجال الصيدلة و إيه طموحاتك بعد التخرج إن شاء الله ؟
إيه أكتر مادة عجبتك حتى الان ؟
- إيه رايك في قسم نافذة على العالم ؟
- إيه السبب إن حضرتك مش بلاقي ليكي مشاركات في النافذة ؟
- إيه رايك في طاقم الادارة في المنتدى كل على حدة ؟
- إيه رايك في السياسة ؟
- إيه رايك في الشخصيات دي :
جمال عبد الناصر
محمد انور السادات
محمد حسني مبارك
- إيه رايك في موضوع الاضرابات الكتير اللي في البلد اليومين دول ؟
إيه رايك في الدكتور البرادعي ؟ و هل إنتي شايفة انه فعلا على قد الطموحات اللي وضعها البعض عليه ؟
- سمعتي عن موضوع البيان اللي بيطالب بالتغيير ؟ إيه رايك فيه ؟
- لو في يوم من الايام اترشحتي لمنصب في وزارة أي وزارة تفضلي ؟
- لو كنتي في يوم من الأيام رئيسة الجمهورية إيه اول قرار تاخديه ؟
- ليكي في الكورة ؟ بتشجعي مين في الدوري المصري ؟
إيه كان رايك في الازمة اللي كانت بين مصر و الجزائر ؟
هتشجعي الجزائر في كاس العالم الجي ولا لأ ؟

اظن كده كفاية , هابي ضحية يا دكتورة




ياة يانهار بمبى عليكى يا منى

كل دى أسئلة
؟؟

لأ ومش أى أسئلة ومش من أى حد.

ههههههههههه


ربنا معاكى فعلا

طبعا أنا طيبة ومش بسأل .

:wub::wub:

:wub::wub:

هجبلك عيش وحلاوة بكرة
وكمان هستناكى من بدرى

هابى ضحية

:wiink:

:wiink:

dr.dora
04-06-2010, 07:57 PM
انا مش قصدي علي كرتون بكار انا قصدي علي بكار تاني خالص (عمو بكار :whistling:
قوليلي بقي بتحبي تلبسي البالطو
شعورك ايه لما لبستيه اول مرة
اكتر مادة بتحبيه الترم ده (لو فيه :whistling:)
بتحبي البنج الاول ولا التاني والتالت :whistling:
مش بتخليني اقعد علي الحرف ليه يا وحشة :p
مين بقولك دكتورة مني :p
اكتر حاجة بضايقك في الشخص اللي قدامك
انتي اتولدتي في المانيا ؟قوليلي قعدتي هناك قد ايه (كام شهر او كام سنة )؟
شخصية سياسية مصرية بتحبيها؟
كنتي بتلعبي رياضة وانتي صغيرة؟
مني عاوزة اسألك بأي طريقة بس مفيش اسئلة علي بالي
(عمالة اجيب اسئلة بالعافية مش هسيبك برضو :p
يلا هروح اجبلك اعضاء المنتدي والمشرفين وكله وتقوليلي رأيك فيهم
اهو تتسلي بدل ما انتي قاعدة فاضية كده
:p:p

ايمان
04-06-2010, 11:05 PM
ايه الافترى ده؟؟!!!!!!
ده مروقينك يا منى
ههههههههه
ربنا معاكى
اناهتفرج من بعيد
.....

Dr.mona
04-06-2010, 11:08 PM
إزيك يا دكتورة
أنا الحقيقة مكنتش بشارك في إني اسال الضحية بس الحقيقة بعد ما نزلت قررت إن محدش يعدي من تحتي تاني عشان لما أنزل بعد كده , أنزل و أنا مرتاح البال :Evil:
و بما إنك اصبحتي الضحية النهارده فاحب اوجه لك بعض الأسئلة على السريع
- إيه رايك في فمسي سواء اسرة أو منتدى ؟
- إيه رايك في مجال الصيدلة و إيه طموحاتك بعد التخرج إن شاء الله ؟
إيه أكتر مادة عجبتك حتى الان ؟
- إيه رايك في قسم نافذة على العالم ؟
- إيه السبب إن حضرتك مش بلاقي ليكي مشاركات في النافذة ؟
- إيه رايك في طاقم الادارة في المنتدى كل على حدة ؟
- إيه رايك في السياسة ؟
- إيه رايك في الشخصيات دي :
جمال عبد الناصر
محمد انور السادات
محمد حسني مبارك
- إيه رايك في موضوع الاضرابات الكتير اللي في البلد اليومين دول ؟
إيه رايك في الدكتور البرادعي ؟ و هل إنتي شايفة انه فعلا على قد الطموحات اللي وضعها البعض عليه ؟
- سمعتي عن موضوع البيان اللي بيطالب بالتغيير ؟ إيه رايك فيه ؟
- لو في يوم من الايام اترشحتي لمنصب في وزارة أي وزارة تفضلي ؟
- لو كنتي في يوم من الأيام رئيسة الجمهورية إيه اول قرار تاخديه ؟
- ليكي في الكورة ؟ بتشجعي مين في الدوري المصري ؟
إيه كان رايك في الازمة اللي كانت بين مصر و الجزائر ؟
هتشجعي الجزائر في كاس العالم الجي ولا لأ ؟

اظن كده كفاية , هابي ضحية يا دكتورة




واضح انى عملت حاجة فى حد وبتتردلى فى أسئلتك دى يا دكتور
قوللى بس مين كان مضايقك وانت بتكتبهم
الأسئلة دى متجيش من فراغ أبدا:unsure:
أنا مسألتكش لما نزلت ضحية وقلت كفاية عليك أسئلة الناس التانية
بتنتقم منى ليه بقى :confused:
والله أنا غلبااااااااااانة :(
ههههههههههههههههه





مني عاوزة اسألك بأي طريقة بس مفيش اسئلة علي بالي
(عمالة اجيب اسئلة بالعافية مش هسيبك برضو :p
يلا هروح اجبلك اعضاء المنتدي والمشرفين وكله وتقوليلي رأيك فيهم
اهو تتسلي بدل ما انتي قاعدة فاضية كده
:p:p



والله يا اسراء لو كنتى قدامى دلوقتى
ما عارفة كنت هعمل ايه:Evil:
مش لاقية أسئلة ....طيب ايه المشكلة
تتعبى أعصابك ليه وتجيبى بالعافية
هو أنا طلبت:hey:
الأسئلة المستفزة بتاعة الصبح على الله تيجى هنا:hit:

dr\rere
04-07-2010, 01:46 AM
ههههههههههههههههههههه هههههههههههههههههههه
لا بجد متوصيين بيكى جامد يا منى:p

انا كنت ناوية اسالك تانى:wiink:

بس خلاص بقى
كفاية عليكى دووول :thnk:
وربنا يقويكى

dr.dora
04-07-2010, 09:18 AM
خلي بالك يا مني
مش علشان مبتجاوبيش مش هنسألك
لالالالا الاسئلة هتتسألي يعني هتتسألي
:hey::hey:
لا تؤجلي اسئلة اليوم الي بعد شوية :p

dr\rere
04-07-2010, 11:39 PM
منى
ازيك عاملة ايه
انا حاولت انى مش اسألك واعمل طيبة :confused:
بس الشر غلب بقى :Evil::Evil::Evil:

يلا حبه اسئلة كدة على الماشى:whistling:

مين اقرب حد ليكى فى عيلتك ؟وليه؟

مين مثلك الاعلى وقدوتك فى حياتك؟

ايه اكتر حاجة بتحبى تعمليها؟

هل انتى شخصية غامضة ؟

ايه اكتر مكان بتحبى تروحيه فى اسماعيلية ؟وليه؟

ايه اكتر موقف محرج اتعرضتيله وياريت يكون بيضحك؟

كفاية كدة حاليا

بس فاصل ونواصل:p:p:p
ههههههههههههههههه

ღDAnA
04-08-2010, 12:23 AM
ايه اكتر موقف محرج اتعرضتيله وياريت يكون بيضحك؟




اه اه اعترفي يا مني يلا علشان عاوزه اضحك دلوقتي http://www.phmcy.com/vb/images/green2/smilies/tonguee.gifhttp://www.phmcy.com/vb/images/green2/smilies/hey.gif

يلا قولي http://www.phmcy.com/vb/images/green2/smilies/diablo2.gif

dr\rere
04-08-2010, 12:25 AM
منى شكلها نامت :hit:
هههههههههههههههههههه

dr_rony
04-08-2010, 12:58 AM
هههههههههههه
ربنا يكون في عونك يا منى
والله صعبانه عليا ده كفايه الاسئله بتاعت السياسه دي لوحدها
انا لو منك امتنع عن الاجابه لان الاجابه هيبقي فيها ضياع مستقبل
ههههههههههههههههههه
انا مش هسئلك يا منى عشان انا طيبه ومتهونيش عليا كفايه الي اتعمل فيكي

Heba Mahmoud
04-08-2010, 01:29 AM
منى هنا وانا كنت نايمه :D
منى ادينى الامان عشان اعرف اسال :unsure:

Dr.mona
04-08-2010, 02:13 PM
هجبلك عيش وحلاوة بكرة
وكمان هستناكى من بدرى

هابى ضحية

:wiink:

:wiink:





بتشمتى فيا أنا يا ليلى
مااااااااااشى يا ليلى
أخبار دراعك ايه دلوقتى
ههههههههههه
طاب حاسبى على دراعك التانى عشان منمرة عليه:Evil:





خلي بالك يا مني
مش علشان مبتجاوبيش مش هنسألك
لالالالا هتتسألي يعني هتتسألي
:hey::hey:
لا تؤجلي اسئلة اليوم الي بعد شوية :p



:whistling::whistling::whistling:
يجى بكرة بس وأخلص من البتاعة دى
وأفضالك يا حبى
مش ملاحظة حاجة يا اسراء
انى الى الآن معملتش ليكى حاجة وسايباكى تعملى اللى انتى عايزاه
اسألى براحتك خاااااالص
عايزة أشوف ييجى 100 سؤال كمان
بس خلى بالك نفسك بقى:whistling:




منى شكلها نامت :hit:
هههههههههههههههههههه


لا والله مانايمة
بس ساكتة وصابرة على اللى بيحصل
ان غدا لناظره قريب
والأيام دول
وانتقامى هيكون بايدى
هجاوب حالا أهو




منى هنا وانا كنت نايمه :D
منى ادينى الامان عشان اعرف اسال :unsure:




أهو أنا أحب كده
هههههههه
بتسأل قبل ما تسأل
هبة
حد قالك انى بعمل حاجة فى اللى بيسألوا
أنا لسة معملتش
انتى بالذات لو عاوزة تسألى اسألى
مدياكى الأمان يا حبى:wub:

Heba Mahmoud
04-08-2010, 03:03 PM
طيب يامنى موش هرخم عليكى باسئله كتير
انا عاوزاكى تمسكى الشله المصونة اللى انت عارفاها طبعا :whistling:
وماتنسيش حد كترى على اد ماتقدرى
تقوليلى ميزة وعيب فى كل واحده
تقوليى حاجه بتحبيها وحاجه بتضايقك فى كل واحده
اختارى اسم جديد لايق على كل واحده اكتر من اسمها الحقيقى
انسبى لكل واحده مهنه مختلفه غير صيدله طبعا انت شايفاها لايقه عليها
وسؤال اهبل بس جه فى بالى :
تخيلى عندك3اخوات ولاد اختارى 3 من الشله دى تكونى اخت جوزهم :wiink::whistling:

قدام كده قريبا يعنى ان شاء الله يامنى:D
تحبى يبقى عندك اطفال بنات اكتر ولا ولاد
وبتحبى اسامى ايه

وقدام اكتر بقى ان شاء الله برضو
تتخيلى نفسك حمى طيبه كده ولا شريره :Evil:

منى دموعها قريبه ..صح؟؟
شايفه ان دى حاجه كويسه ولا وحشه

لو جاتلك فرصه للسفر والاستقرار فى المانيا
المكان اللى اتولدتى فيه هتسافرى تكملى حياتك هناك؟؟؟

شايفه اللى كنتى بتحلمى بيه قبل دخولك صيدله لقيتيه فى الكليه حاليا بعد سنه ونص تقريبا ؟؟
ادينى 3 فروق بين التيرم الاول والتيرم تانى فى سنه اولى
و3 فروق بين اعدادى واولى

كفايه عليكى كده دلوقتى :whistling:

Dr.mona
04-08-2010, 03:14 PM
انا مش قصدي علي كرتون بكار انا قصدي علي بكار تاني خالص (عمو بكار :whistling:)
آآآآآآآآآآآآه
ههههههههه
عمو بكار:D......كان نفسى مووووووت أتصور معاه:whistling:
كل ما أفتكره ييجى فى بالى
جملته المستفزة اللى كانت بتصحينى من أحلى نومة
على الشباب المشاركن فى المؤتمر سرعة التوجه للمطعم لتناول وجبة الافطار
أسمع الجملة دى من هنا ببقى عايزة أعيط
والله أنا مبفطرش يا نااااااااس
ههههههههه.......أيام;)

قوليلي بقي بتحبي تلبسي البالطو
فى أول السنة بس
بيكون لسة جديد متخرمش ولا وقع عليه بلاوى الدنيا كلها:D
شعورك ايه لما لبستيه اول مرة
أنا اشتريته قبل ما أدخل الجامعة ييجى بشهر كده
وقعدت أتصور بيه
ووديته عند الترزى يظبطهولى
بفصل طقم أنا:whistling:
هههههههه فرحانة بالبالطو الأبيض بقى

اكتر مادة بتحبيه الترم ده (لو فيه :whistling:)
علم النفس:whistling:
بتحبي البنج الاول ولا التاني والتالت :whistling:
التانى المفضل ليا:wub:
بس مفيش مشكلة خاااالص من التالت
الأول ده بقى بفكر فيه لو لقيت التانى أو التالت محجوزين

مش بتخليني اقعد علي الحرف ليه يا وحشة :p
وانتى ايه خلاكى متعديش من الأول قبل ماجى:p
مين بقولك دكتورة مني :p
قرايبى بيقولولى يا دكتورة من وأنا صغيرة
أى حد بيعاملنى لأول مرة
دفعة اعدادى ومعظم ولاد دفعتنا:blush:
وطارق السحراوى لما ييجى يعلن عن حاجة أنا مشتركة فيها:whistling:
اكتر حاجة بضايقك في الشخص اللي قدامك
لو فيه طبع الكلام على نفسه كتييير
عندى اعتقاد ان اللى فيه الطبع ده نص كلامه بيكون تأليف
وبيسرح بينا:unsure:
انتي اتولدتي في المانيا ؟قوليلي قعدتي هناك قد ايه (كام شهر او كام سنة )؟
نزلت مصر وأنا عندى سنتين ونص
شخصية سياسية مصرية بتحبيها؟
الراحل محمد أنور السادات

كنتي بتلعبي رياضة وانتي صغيرة؟
أهاااا كنت بتدرب تنس أرضى

يلا هروح اجبلك اعضاء المنتدي والمشرفين وكله وتقوليلي رأيك فيهم
اهو تتسلي بدل ما انتي قاعدة فاضية كده
:p:p
براحتك خاااااااااالص
على بكرة بقى وعليكى خير





منى
ازيك عاملة ايه
تمام الحمد لله;)
انا حاولت انى مش اسألك واعمل طيبة :confused:
بس الشر غلب بقى :Evil::Evil::Evil:
مش هتيجى عليكى يا ريرى

يلا حبه اسئلة كدة على الماشى:whistling:
ماشى رايح فين:p

مين اقرب حد ليكى فى عيلتك ؟وليه؟
جدتى ربنا يديها الصحة.....مبعدش معاها فى مرة الا لازم أتعلم حاجة جديدة
وأحلى حاجة فى جدتى انها فاهمة ان زماننا غير زمانهم ومقدرة ده
كمان عليها شوية أمثال.......أمثال معرفش بتجيبها منين
بتاعة زمان دى:D
وحشتنى جدا خصوصا بعد زيارة امبارح لدار المسنين

مين مثلك الاعلى وقدوتك فى حياتك؟
بابا
ايه اكتر حاجة بتحبى تعمليها؟
امممممممم أعد فى المخبأ بتاعى(على رأى مامتى) على جهازى وأعيييش بقى:whistling:

هل انتى شخصية غامضة ؟
لااااا خالص
وكمان مبكونش مرتاحة لما أقابل شخصية كده:confused:

ايه اكتر مكان بتحبى تروحيه فى اسماعيلية ؟وليه؟
مشتل الجامعة القديمة(مكان كده فيه أشجار عالية ووورد من جميع الألوان وبيطل على ملعب فى الجامعة القديمة)
عشان أعد طول اليوم أمشى فى وسط الخضرة وآكل توت براحتى:wiink:

ايه اكتر موقف محرج اتعرضتيله وياريت يكون بيضحك؟
اممممممم مفيش فى دماغى غير موقف كده حصل واحنا فى المؤتمر
كان أول يوم مؤتمر ولسة فيه انضباط وتنظيم ولازم الحضور والالتزام بالمواعيد وكده
كان كل يوم بيكون فيه جلسة عامة ويليها وورك شوب نناقش اللى اتقال فى الجلسة
ففى الوورك شوب الأول لقيت الكلام تكرار اللى اتقال الصبح وده يقول رأى والتانى يعترض وهكذا لغاية ما مليت
فحطيت سماعة الموبايل وبدأت أسمع وعليت الصوت على آخره عشان كان صوتهم عالى
ونسيت تماما انى لبساها
ومعرفش ليه طلعت مرة واحدة وبصوت عالى قلت للى معايا أنا زهقت أنا عاوزة أطلع اوضتىىىىىىىى:(
طبعا الصف اللى قدامى واللى ورايا لقيتهم بيضحكوا
واللى معايا ولا أكنهم يعرفونى:D
بس كان شكلى وحش أوى أوى أوى:blush:


كفاية كدة حاليا

بس فاصل ونواصل:p:p:p
ههههههههههههههههه

ههههه هانت كلها بكرة
أحب أنا الأسئلة اللى بتخلص بسرعة دى:wiink:


هاااااااااااااانت
فات الكتير مبقاش غير القليل:unsure:

Dr.mona
04-08-2010, 03:28 PM
طيب يامنى موش هرخم عليكى باسئله كتير
انا عاوزاكى تمسكى الشله المصونة اللى انت عارفاها طبعا :whistling:
وماتنسيش حد كترى على اد ماتقدرى
تقوليلى ميزة وعيب فى كل واحده
تقوليى حاجه بتحبيها وحاجه بتضايقك فى كل واحده
اختارى اسم جديد لايق على كل واحده اكتر من اسمها الحقيقى
انسبى لكل واحده مهنه مختلفه غير صيدله طبعا انت شايفاها لايقه عليها
وسؤال اهبل بس جه فى بالى :
تخيلى عندك3اخوات ولاد اختارى 3 من الشله دى تكونى اخت جوزهم :wiink::whistling:

قدام كده قريبا يعنى ان شاء الله يامنى:D
تحبى يبقى عندك اطفال بنات اكتر ولا ولاد
وبتحبى اسامى ايه

وقدام اكتر بقى ان شاء الله برضو
تتخيلى نفسك حمى طيبه كده ولا شريره :Evil:

منى دموعها قريبه ..صح؟؟
شايفه ان دى حاجه كويسه ولا وحشه

لو جاتلك فرصه للسفر والاستقرار فى المانيا
المكان اللى اتولدتى فيه هتسافرى تكملى حياتك هناك؟؟؟

شايفه اللى كنتى بتحلمى بيه قبل دخولك صيدله لقيتيه فى الكليه حاليا بعد سنه ونص تقريبا ؟؟
ادينى 3 فروق بين التيرم الاول والتيرم تانى فى سنه اولى
و3 فروق بين اعدادى واولى

كفايه عليكى كده دلوقتى :whistling:





هههههههههههههه
هو معنى انى اديتك الأمان تاخدى راحتك أوى كده
ده السؤال فيه ييجى 5 أسألة كمان:thnk:
علبال ما اعتمدت الاجابة اللى فوق لحقتى تكتبيهم
شلة ايه اللى قصدك عليها
أنا عندى 3 شلل مصونة وكلهم اصحابى
مش عارفة تقصدى أنهى واحدة فيهم الصراحة
هاتيلى الأسماء اللى قصداها أحسن أجاوب على حاجة انتى مش عايزاها
منتظرة الأسماء

أسئلة Le Roi اجابتها بعد الفاصل
على الله بس نفضل قاعدين فى بيوتنا سالمين غانمين:unsure:

Heba Mahmoud
04-08-2010, 03:36 PM
ههههههههههه منا محددتش عشان عارفه انهم اكتر من واحده
فقولتلك متنيسش حد انا عاوزة كله كله ;)

nada
04-08-2010, 06:51 PM
مش ها اسال دلوقتي خالص
الاخير ربه كريم
وربنا يقومك بالسلامة
لاحول ولا قوة الا بالله

الدكتوره نغم
04-08-2010, 07:29 PM
هههههههههههههههه
ياعينى عليكى يا منى:wub:
ناس وحشه مفتريين
بس اسئله هبه جامده جدا
ههههه
تقعدى تجاوبى عليها في سنه
هو حد ميعرفش منى يعنى
يلا بقا جاوبي على كل واحده من صحابك
واوعى تنسينى هههههههه

وان لحقت اسالك ان شاء الله هسال
بس انا مراعيه اننا علينا امتحااااااااااناااااااااااااااات
ال يعنى بنذاكر
وال يعنى لو بنذاكر هنفهم
وال ال يعنى لو فهمنا هنعرف ونلحق نحفظ
وال ال يعنى لو حفظنا مش هننسا
هههههههه

هابي ضحيه يا مونى:o

dr.dora
04-08-2010, 07:30 PM
منييييييييييي
عاوزاكي تجاوبي علي اسئلة هبة حالا
نفسي اقري الاجابات هههههههههه
اصل الاسئلة عاجباني :p

Dr.mona
04-09-2010, 01:35 AM
مش ها اسال دلوقتي خالص
الاخير ربه كريم
وربنا يقومك بالسلامة
لاحول ولا قوة الا بالله

بسيطة بسيطة يا ندى
شدة وتزول;)
منجلكيش فى ضحية:wiink:




هو حد ميعرفش منى يعنى
خاصمتهم كلهم :(
هقتلهم وأموت نفسى ونخلص كلنا
يلا بقا جاوبي على كل واحده من صحابك
واوعى تنسينى هههههههه
أنا أقدر برضه يا دودى:wub:
هدير وهدير التوأم الاسمعلاوى المتعصب
متقلقوش داخلين فى الحسبة:wub:

وان لحقت اسالك ان شاء الله هسال
بس انا مراعيه اننا علينا امتحااااااااااناااااااااااااااات

أهو ده سر حبى ليكى
طيبة قلبك وحنيتك
الزيادة
اوعى حد من اللى بالى بالك يأثر عليكى:unsure:
ده انتى حبيبتى:wiink:

ال يعنى بنذاكر
وال يعنى لو بنذاكر هنفهم
وال ال يعنى لو فهمنا هنعرف ونلحق نحفظ
وال ال يعنى لو حفظنا مش هننسا
هههههههه


هههههههههه
آل يعنى







منييييييييييي
عاوزاكي تجاوبي علي اسئلة هبة حالا
نفسي اقري الاجابات هههههههههه
اصل الاسئلة عاجباني :p



أسئلة هبة بالذات مش هجاوبها غير لما تجاوب سؤالى
أنا عندى 3 شلل على بعضهم ده غير المفردين
لو قلت حد ونسيت حد الحد التنى ده هيزعل
هضطر أقول كله
كده السؤال عايم واجابته هتكون فى صفحتين
جبيلى أسماء اللى عايزاهم بالظبط:hey:

Dr.mona
04-09-2010, 01:39 AM
منييييييييييي
عاوزاكي تجاوبي علي اسئلة هبة حالا
نفسي اقري الاجابات هههههههههه
اصل الاسئلة عاجباني :p



اتخضيت لما شوفتك آخر واحدة مشاركة
قلت الكلام مجابش نتيجة :hit:
كنت هركب تاكسى آجى أضربك وأرجع تانى
أيوة كده ناس مبتجيش غير بالعين الحمرا:Evil:

Heba Mahmoud
04-09-2010, 01:47 AM
امرى الى الله ;)

فاطمة
اية ماهر
ايه عمار
ايمان
بسنت
رانيا
منه
الاء
اسماء
هدير
دينا هشام
دينا زغلول
رنا
زينب
رحاب
نغم
دودى
دورا
ندى
روزاموند
هبه :whistling:
والله عارفه انى ناسيه اسماء وانى ام النسيان كله :unsure:
بس لو افتكرتى حد زوديه يامنى وتخميش :Evil:
موش مهم الشله التالته :whistling:

nada
04-09-2010, 01:47 AM
ماتجاوبي وتبطلي دلع:hey:
االناس عمالة تسال واسئلة عادية وبثيطة:hit:وانتي بتتدلعي
ايه دلع البنات دة
وفين اجوبة هبة
,le roi
انجزي شوية:Evil:
اي يللا:p

Dr.mona
04-09-2010, 10:00 AM
طيب يامنى موش هرخم عليكى باسئله كتير
انا عاوزاكى تمسكى الشله المصونة اللى انت عارفاها طبعا
وماتنسيش حد كترى على اد ماتقدرى
1-تقوليلى ميزة وعيب فى كل واحده
2-تقوليى حاجه بتحبيها وحاجه بتضايقك فى كل واحده
3-اختارى اسم جديد لايق على كل واحده اكتر من اسمها الحقيقى
4-انسبى لكل واحده مهنه مختلفه غير صيدله طبعا انت شايفاها لايقه عليها
وسؤال اهبل بس جه فى بالى :
5-تخيلى عندك3اخوات ولاد اختارى 3 من الشله دى تكونى اخت جوزهم









امرى الى الله
ههههههه
كان ناقص أنا كمان اللى أجيب الأسماء وأرد عليها
فاضية أنا مش ورايا غير أسئلتك

فاطمة.......قدرى:d
1-ميزتها
ان قلبها أبيض ومتبحبش تزعل حد
بحسها طفلة صغيرة بريئة حطتيها فى جو مش بتاعها
جو مينفعش فيه الطيبة دى كلها
وانها واخدة الحياة بكل بساطة
وبتقول الكلمة وبتضحك عليها لوحدها:d
عيبها
فاطمة ماشية بمقولة
أنا أعترض اذن أنا موجود
بتعترض من أجل الاعتراض
هههههههه
وساعات بتخاف من التغيير حتى لو ممكن يكون للأحسن
2-
طيب مهو الميزة الللى هشوفها فى واحدة هى الحاجة اللى هحبها
والعيب اللى شايفاه هو اللى هيضايقنى منه
اجابة 2 هتكون نفس اجابة 1 فى كله
3-
اسم اختها....... سارة
فاطمة بتفكرنى بمسلسل سارة
4-دكتورة أطفال



اية ماهر
1-
ميزتها
هدووووووووءها الغير طبيعى
بحسها بتعمل اللى عليها فى صمت
لما بتضحك الدنيا بتنور
عيبها
عنييييييييدة جداااااااا
ساعات بتبقى عايزة تتضرب:evil:
يا سلام بقى لو معاها حد عنيد كمان
تخيلى انتى بقى
3-
مش متخيلة يويو باسم تانى
4-
مدرسة أطفال
ونجيبلها بقى الأطفال العنديين
وكلهم ولاد
ونقفل عليهم بالقفل
عيشى بقى
ههههههه
ورينا شطارتك


ايه عمار
wherever you find me , you find aya
ميزتها
على طول شايفة الدنيا بمبى
عشان كده دايما مبتسمة
وأنا على طول مبتسمة
بيبقى منظرنا تحفة على بعض
آية الصديق اللى تلاقيه جنبك وقت الشدة
يخاف عليك ويقف جنبك
فاكرة يا يويو امتحان الميديكال
عيبها
المفروض انها عارفة ان نص كلامى هزار
بقت الفترة دى بتزعل على حاجات مش مستاهلة
وكمان أزعة ....مش ممكن فيه ناس قصار كده
2-حاجة بحبها وحاجة بكرهها
مش مكفيكى الدش اللى فوق
3-
هههههههه فتكات
4
-ممرضة عشان تضرب حقن
نحطها فى أوضه كلها سرنجات وقطن
عارفاكى بتعزى الضرب زى عنيكى

ايمان
1-ميزتها
مكان ما تحطيها هتديكى شغل
شخصية على أد المسؤولية بجد
شالت الهم بدرى بدرى
ساعات بخاف عليها من كتر المسؤوليات اللى عليها
ومع كل ده تلاقيها دايما مبتسمة ومعندهاش مشاكل
فاكرة يا ايمى
عيبها
بتتنرفز بسرعة على حاجات ممكن تتحل بكل هدوء وبساطة
لازم تكونى هادية أكتر من كده ومتاخديش كل حاجة على أعصابك
:d
3-
حنان
4-
أما أخلص مدتى -بعد عمر طويل-تمسك مكانى
استغلى بقى الوقت واستفيدى من خبراتى
احم احم حد فاهم حاجة

بسنت
بسبوسة
1-ميزتها
بحسها أم الدفعة كلها
على طول شايلة هم الدفعة على دماغها
بنحاول نساعدها بس هى عليها الكم الأكبر
وأما بتهيس مبيبقاش ليها حل
عيبها
على طول بتسلفنى القلم وتنسى تاخده
أخبار القلم البنفسج والبينك ايه
اوعى تكونى بتدورى عليهم
3-
خليها زى ما هى بسنت وهى بسنت الدفعة
4-
هى بدل الصيدلية تفتح مكتب تصوير
لتصوير وتغليف محاضرات كلية صيدلة
طاب والله مشروع مربح ومش بطال

رانيا
ههههههههه رانيا
1-ميزتها
رانيا فاكهة الشلة كلها
بموت فى الافيهات اللى بتطلعها
مبعرفش أعدى يوم غير لما أسلم عليها وأغلس شوية
عيبها
لما بتتضايق الدنيا بتبقى وحشة أوى
3-
رانيا لو درست التعليم هيبوظ
هههههههه
تنفع أوى مكان أحمد آدم فى برنامج بنى آدم شووو
تعملنا برنامج خاص بدفعتنا الموقرة;)
4-
اسم يليق على رانيا
اممممممم
هههههههه علاء (بكسر العين:d:p)
يااااااااااه فاضلى كتييير
عايزة أشوفك دلوقتى يا هبة:evil:

منه
1-
ميزتها
الجدعنة والأصالة
بنت بلد بصحيح

عيبها
بحسها على طول مستعجلة بتاخد كل حاجة بجدية أوى
قوليلى بس مين بيجرى وراكى وأنا هتصرف معاه:whistling:
لما بتتنرفز مبعرفش أكلمها
بخاف على نفسى .....أمال صحتى بالدنيا

3-
ههههههه ليلى:whistling:

4-
مرشد سياحى
هترزع الكلمتين وتخلص عشان الشمس
تنفعى أوى فى الكرنك ومعبد الأقصر
هتخلصى 200 فدان فى دقيقتين:wiink:

الاء
ميزتها
الطيبة

عيبها
بتطلع نفسها من الحاجات الصعبة وتدبس حد تانى مكانها
مش عيب كده يا لوءة:whistling:

3-
أسماء.....أول ما عرفتها كنت على طول بناديها أسماء
مش عارفة ليه

4-
آلاء متنفعش غير دكتورة صيدلانية:wiink:




اسماء :wub:
1-ميزتها
الطيبة والهدوء
بحسها كده فى حالها ومركزة هى بتعمل ايه

عيبها
هههههههه ان اسمها بحرف الألف
فاكرة أيام اعدادى
كانت يا عينى لازم تتسأل فى كل محاضرة لدكتورة وفاء
أنا علبال ما وصلت لحرف الميم كان التيرم خلص:p

3-اسم تانى يناسبها أكتر
ياسمين.......كفاية بهدلة لغاية كده يا بنتى;)

4-
معيدة بالكلية
بتفكرنى بمعيدة فى قسم النبات كانت شبهها جدا
حتى فى هدوءها وطريقة كلامها

هدير
ههههههه......دماغى التانية اللى بفكر فيها
ميزتها
أكتر حاجة بحبها فى هدير طريقة تفكيرها وتخطيطها لتغيير المواعيد:d
نفسى مرة أشوفك بتحضرى فى ميعاد مجموعتك يا هدير:hit:
نفس طريقة تفكيرى ويمكن أنا أكتر شوية

عيبها
مش هتعرف تضحك عليا أبدا
هبقى قارية كل أفكارها
مبروم على مبروم ....ميرولش:d
كمان بيكون عندنا سكشن حاسب ومتأخرين
ودى ماشية آخر روقان ولا على بالها
متبقيش تلبسى كعب عالى يومها:whistling:

3- هديل
طول السنة اللى فاتت وأنا متلغبطة هى هدير ولا هديل:thnk:

4-
مهندسة عشان تعرف تخطط براحتها
وكمان هى بتحب الرياضة


دينا هشام
دندووووووووووشة:wub:
1-ميزتها
قبل كده حد قال عنها انها صاحبة صاحبتها
أهى بالظبط كده
حد كده طيب وجدع جدا مع أصحابه
مبتنساش حد وعمرها ما تتأخر عن الواجب

عيبها
حساسة جدااا عشان كده بتزعل ساعات على حاجات بسيطة جدا

3-
توييييييييتى بعد كده هغيظها وأناديها بالاسم ده:whistling:
ههههههه

4-
ههههههههه
بعد كده هتبقى زى عبلة كامل فى فيلم خالتى فرنسا
وأنا بقى منى زكى:d
ونروح نتخانق على موبايلى اللى الصيانة دهورت حالته خالص ده:confused:
جهزى نفسك بقى من دلوقتى عشان هنخربوها سوا:evil:

دينا زغلول
دانا:wiink:

ميزتها
طيبة وشايفة شغلها تمام
ما شاء الله يعنى يا دندون
كمان لما بتهيس بتبقى حاجة تانية خاااااالص
بيتهيألى اسكت أحسن :whistling:

عيبها
التوتر التووترر التوووتررر
وهز رجليها الكتير
مليون مرة أقولها اركزى كده عشان أعرف أركز
تبطل حبة وترجع تانى
فى مرة هحبسك تحت البنج ومش هطلعك غير آخر المحاضرة:hey:

3-
زغلولة
ههههههه

4-
معيدة بقسم الكيميا العضوية
عشان بعد كده تمشى تكلم نفسها:d

رنا
رونى ......:wub:

1-ميزتها
بجد بجد جدعنة ملهاش حدود
بحس ان شخصيتها قوية تتصرف فى أى موقف هيقابلها
ميتخافش عليها
وكمان مبنحبش تامر حسنى زيى:wiink:

عيبها
بتذاكر أسرع منى
أسرع منى مش كتير أوى يعنى
ذاكرى بذمة شوية يا رنا:whistling:

3-اسم تانى
لأ هو رنا:confused:

4-
دكتورة جراحة وتجميل
الحكاية دى عايزة قلب جامد ومتين زى رنا:whistling:

زينب
هههههههه
زييييزى........:hey::wub:

ميزتها
الطفل اللى عايش جواها علطول
بجد بجد متصورش الشلة من غيرها
مين يفضل يعاند فينا ويرفع ضغطنا بعديها:p
قلبها ابيض مبتعرفش تزعل من حد
حتى لو هو اللى غلط فيها

عيبها
من كتر هزارها ساعات مبعرفش أحدد بتتكلم بجد ولا هزار:hey:

3-
رشيدة ...عشان كانت دايما مغلبة بكار

4-
ههههههه دادة فى مدرسة أطفال
لالالالالا
مش للدرجة دى
خليها مدرسة رسم
رسمها تحفة وبالمرة تفضل تجرى ورا العيال وهما يجروا وراها

رحاب
روووووبى......:wub:

ميزتها
شخصية طيبة عاقلة رزينة شقية لذيذة ومحترمة
بجد مزيج خطييير جدا أول مرة ألاقيه فى حد كده

عيبها
اممممم مش عارفة
بس لا ينكن لازمن ولابد أطلع عيب
عيبك انك مصاحبة الشلة دى
هههههه

3-
عبييييييير حساه يليق عليكى أكتر:unsure:

4-
مذيعة
بتعرف تقول ايه ازاى وامتى وفين
بتعقل الكلام قبل ما تقوله

نغم
هدورة.....:hit:

ميزتها
طيبة أو بمعنى أصح غلبانة
بحسها فى حالها كده

عيبها
اسماعلاوية متعصبة:hey:
اهدى شوية يا هدير
صحتك بالدنيا
والكلام ده موجه لدودى برضه

3-اسم تانى
ههههههه بكيزة

4-شغلانة تانية
فى شركة تأمين
هترفع شعار الزبون دايما على حق
وهتخرب بيت الشركة
هههههههه

دودى
هدورة 2 .......طلعتى أطيب من هدورة 1
خلى بالك لتتعدى منها ....أصلها ملهاش أمان:(

ميزتها
طيبة ...هادية ...شخصية لذيذة

عيبها
نفس عيب نغم

3-اسم تانى
طالما نغم بكيزة
يبقى انتى أكيد زغلول:p:wiink:

4-شغلانة تانية
فى المكتب اللى جنب مكتب هدير

دورا
أهلا:hey:

ميزتها
بالرغم من كل اللى عملته فيا
برضه طيبة وجدعة جدااااا
شخصية محبوبة محترمة ومتدينة
لما بنهيس مع بعضينا بتبقى الليلة مش فايتة:d:whistling:
بحبها لما بتضحك أوى

عيبها
دماغها ناشفة بس وحياة كل غالى هلينها
بس أروقلها بس
وكمان أسئلتها مستفزة :evil:

3-اسم تانى لاسراء
دورا....أنا أصلا خلاص نادرا لما أقولها اسراء

4-
هههههه
مربية أطفال..... مهنة من الآخر أهى
اسراء هتكون أم لذيذة جدااا على فكرة

ندى
:o

ميزتها
طيبة ولما بتحب حد بتحبه بجد وبتحترمه جدااااا

عيبها
ساعات بتزعل بسرعة
دمعتها قريبة زيى

3-
مش عارفة .......هو ندى:confused:

4-
دكتورة صيدلانية



روزاموند
:wub:

الميزة
أول واحدة أقابلها من بورسعيد
حببتنى فى البورسعيدية كلهم
روزاموند هى مزيج من الأصالة ورقى فى التعامل والذوق العالى والرقة
والجمال والتدين وووووالخ بجد

عيبها
مرة قالتلى ان زعلاها وحش أوى
ربنا يستر:unsure:
لو مثلا لمستنى بالخطأ فى المعمل بتتأسف ليا فى اليوم مليون مرة
والله يا بنتى عادى ومفيش مشكلة
اخبطى براحتك خالص أنا مبزعلش من حد:wiink:

3-اسم تانى لروزاموند
هى القمة فى كل شئ جميل
اسمها أكتر حاجة يليق عليها

شوفتى الكلام الجامد ده
عايزة حاجة حلوة بقى:wiink:

هبه
ههههههههه
:whistling:

ميزتها
ههههههه مفيش:p

































































































متهونيش عليا
هقول وأمرى لله;)
هبة شخصية طيبة جدا ولذيذة خالص
بتخاف على شعور غيرها ودى مناسبة جدا للمراقب العام
بتحب شغلها وبتتفانى فيه
ده طبعا على المنتدى
أما فى المذاكرة حطى( لا )قبل الكلام اللى فوق ده:whistling:

عيبها
أسئلتها طويييييييييلة بغباء
تصورى بقالى أكتر من ساعة فى جزئية واحدة من أسئلتك
ربنا يسامحك يا مفترية:(


والله عارفه انى ناسيه اسماء وانى ام النسيان كله
الحمد لله ;)
مجالكيش من زمان ليه ده
بس لو افتكرتى حد زوديه يامنى وتخميش :evil:

موش مهم الشله التالته
لااااااااا ازاى هانوا عليكى
كده تزعليهم منك
جت عليهم هما يعنى
-بهدى النفوس:whistling:-



أنا كده جاوبت سؤال الشلة كله على بعضه
والله خايفة آجى أعتمد المشاركة ألاقى أسئلة جديدة
هروح فيها بجد
ربنا يستر

ريتاج
04-09-2010, 11:19 AM
فاطمة.......قدرى:dhttp://www.phmcy.com/vb/images/green2/smilies/wub.gif
1-ميزتها
ان قلبها أبيض ومتبحبش تزعل حد
بحسها طفلة صغيرة بريئة حطتيها فى جو مش بتاعها
جو مينفعش فيه الطيبة دى كلها
وانها واخدة الحياة بكل بساطة
وبتقول الكلمة وبتضحك عليها لوحدها:d
:thnk: مش فاهمه دي ؟؟


عيبها
فاطمة ماشية بمقولة
أنا أعترض اذن أنا موجود
بتعترض من أجل الاعتراض
هههههههه
لا مش ماشيه كده خااالص إنت حكمت من موقف واحد
وكان اعتراض على تغيير :wiink:
وساعات بتخاف من التغيير حتى لو ممكن يكون للأحسن
على فكرة بقى أنا بحب التغييير جدا
لما فعلا يبقى للأحسن :whistling:
والتغيير ده بالذات بالنسبة لي عمره ماكان هيبقى للأحسن

2-
طيب مهو الميزة الللى هشوفها فى واحدة هى الحاجة اللى هحبها
والعيب اللى شايفاه هو اللى هيضايقنى منه
اجابة 2 هتكون نفس اجابة 1 فى كلهhttp://www.phmcy.com/vb/images/green2/smilies/tonguee.gif

3-
اسم اختها....... سارة
ويبقى اتنين سارة في بيت واحد :unsure:
فاطمة بتفكرنى بمسلسل سارةhttp://www.phmcy.com/vb/images/green2/smilies/wub.gif
:thnk: إشمعنى برضه ؟؟
4-دكتورة أطفال

:wub::wub:
عرفتي دي منيييين ؟؟
ذكية يا موني
:wiink:

بنت مصرية
04-09-2010, 05:12 PM
محدش ظبطك خالص يا منى
يللا سؤال المشرفيين
ايه رايك فيهم مميزات و عيووب و اللذي منه

و الاسئلة دي بردوو



لو خيروكى تخرجى مع واحدة قريبتك و لا واحدة صاحبتك اوى تختارى مين ؟

بتعملى ايه لو حد ناداكى يا بت قدام الناس؟؟http://www.phmcy.com/vb/images/green2/smilies/whistling.gif

هل بتتميز فى حاجه معينه ؟ايه هى ؟
ياترى فرحانة بكده ولا؟؟؟

بتحاسبى نفسك قبل ماتنامى ولا لأ ؟
بتذاكرى بجدول وخطط معينة ولا حسب ميولك؟؟؟

اخر حد بيجى فى بالك قبل ماتنامى ؟
أول واحد بييجى فى بالك أما بتتضايقى؟؟؟
كلام الناس سواء ضدك او لصالحك بياثر فيكى ؟

فيه تجربه معينه نفسك تعيشيها ؟


عمرك حسيتى انك عايزة تعيطى بدون سبب واضح؟؟؟
بتعملى ايه فى الحاله دى؟

انتى مشتركة فى كام موقع غير فمسى ؟

أكتررقم بتحبه .؟وأكتر رقم بتكرهه؟
هل فيه حاجة بتتفائلى بيها ؟؟؟ وحاجة بتتشائمة منها؟؟؟
مؤمنة بحاجات زى كده؟؟؟
أكتر لون بتحبيه؟؟؟ وأكتر لون بتكرهيه
الألوان دى بالنسبة ليكي دلالتها ايه؟؟؟
الأسود
البنى
الأحمر
البمبى
البرتقانى
الأخضر
الزيتى
الأصفر
البنفسج
التركواز
الأزرق
وأخيرا الأبيض
جايبالك الألوان لغاية عندك
أى خدعةhttp://www.phmcy.com/vb/images/green2/smilies/wiink.gif










انتى نزلتى الضحيه كام مرة ؟
قولى احساسك ايه فى كل مرة
لو الأسئلة اتكررت ايه الاجابات اللى ممكن تغيريها دلوقتى



لو طلبتى من حد حاجه انتى محتاجاها اوى ورفض هتعملى ايه ؟
بتطلبى اللى عايزاه من الناس على طول ولا بتترددى؟؟؟
لو كلمتى حد على الميل وهو اون لاين ومردش عليكى:Evil:
بيكون شعورك ايه؟؟؟http://www.phmcy.com/vb/images/green2/smilies/tonguee.gifوبتعملى ايه ساعتها؟؟؟http://www.phmcy.com/vb/images/green2/smilies/unsure.gif

طبعا انتى من اسماعيلية
ايه اكتر حاجه بتحبيها فيها ؟
اكتر حاجه بتكرهيها ؟
كنتى بتتفرجى على كارتون معين؟؟؟ايه هو؟؟؟
وهل بتتفرجى عليه لدلوقتى ولا لأ
كسبتى فى مسابقات قبل كده ؟
أخبار مستواكى ايه أيام المدرسة ابتدائى واعدادى
عمرك طلعتى الأولى؟؟؟
عمرك جبتى درجة وحشة أوى؟؟؟ عملتى ايه ساعتها؟؟؟
بتحبى الأفلام العربى ولا الهندى ولا الأجنبى
نوعيه الافلام اللى بتشدك ايه؟
أكتر ممثل وممثلة بتحبيهم
السؤال العكسى طبعاhttp://www.phmcy.com/vb/images/green2/smilies/whistling.gif؟؟؟

وانتى بتتعاملى مع الناس هل بتتعاملى بتلقائية ولا بتاخدى بالك من حاجات معينة؟
لو بتاخدى بالك قوليلنا من ايه؟؟؟

الانطباع الأول يدوم ...ايه رأيك فى الرأى ده
وايه انطباعك الأول عنى ؟؟؟وهل دام؟؟؟

غمضى عينك معايا ثوانى(متخافيش مش هعملك حاجةhttp://www.phmcy.com/vb/images/green2/smilies/whistling.gif)
كان نفسك تكونى فين دلوقتى وبتعملى ايه؟؟؟

حاجة نفسك تعمليها بس موش (واخدة بالك من موش دىhttp://www.phmcy.com/vb/images/green2/smilies/wiink.gifhttp://www.phmcy.com/vb/images/green2/smilies/whistling.gif)عارفة؟

رحله تتمنى تطلعيها لفين؟ومع مين؟
(قوليلى عشر أشخاص وأكون أنا واحدة منهم:Evil:)

عمرك نظمتى رحله بنفسك قبل كده ؟

اخر رحله طلعتيها كانت حلوة ولا وحشه ؟ وكانت لفين ومع مين؟؟؟
بتعرفى تسوقى ؟؟؟
لو آه مين اللى شجعك على كده
لو لأ ...طاب ليه؟؟؟

عندك مبدا معين فى الحياة؟ ايه هو؟؟؟
بتحبى تتحملى المسئوليه ولا لأ ؟

لما بيجيلك هدايا بتحبى يجيلك ايه؟؟؟
أفضل هدية جاتلك





قوليلى اللى فى بالك فى اللحظة دى؟؟؟

ايه تانى ايه تانى
















































































































آه افتكرت
بتعرفي تطبخي يا شاابة
بمناسبة الأكل والفضايح وكده
ايه رأيك فى الأكلات الغريبة دى
شاورمة سمكhttp://www.phmcy.com/vb/images/green2/smilies/closedeyes.gif
بطاطس بالعسلhttp://www.phmcy.com/vb/images/green2/smilies/happy.gif
فول بالزبادىhttp://www.phmcy.com/vb/images/green2/smilies/unsure.gif

يلا زى بعضه نختم الأسئلة(غصب عنى والله)
بالسؤال التقليدى
تحب تسمع أغنية ايه http://www.phmcy.com/vb/images/green2/smilies/wiink.gif؟؟؟ وتهديها لمين؟؟؟http://www.phmcy.com/vb/images/green2/smilies/whistling.gif

موش فاضية و الله
لو كنت فاضية كنت جيبت تاني:Evil:

بنت مصرية
04-09-2010, 05:18 PM
-أولا كده ازيك دلوقتى؟؟؟ شوفتى البداية حلوة ازاىhttp://www.phmcy.com/vb/images/green2/smilies/wiink.gif
6- ايه هى مميزاتها وعيوبها من وجهة نظرك؟؟

7- ايه موضوع التوتر الزيادة عن اللزوم؟؟؟ هل ده حقيقى زى ما سمعت؟؟؟ وهل كان له تأثر عليكى يوما ما؟؟؟

8-احكيلى موقف مضحك فى حياتك؟؟ ومحرج؟؟ وحزين؟؟سؤال اجبارى

9-ايه أخبار الشفوى معاكى؟؟؟ احكيلنا أكتر موقف مضحك حصل معاكى فيه

13--ايه طموحات منىفى الحياة؟؟ واحلامها حتى لو صغيرة؟؟وهل قدرت تحقق حاجة منها؟؟

14-ناوية على ايه بعد التخرج؟؟؟

15-هل فى رأيك البنت ينفع تشتغل فى الدعاية؟؟؟

16-بعد ما دخلتى صيدلة ...هل لقيتيها فعلا الكلية المناسبة ليكى ولا اتمنيتى كلية تانية؟؟؟

17-يا ترى بتفكرى كتير قبل ما تاخدى قرار ولا لأ؟؟ ندمتى على قرارات اخدتيها قبل كده؟؟

18-لو محتاجة مشورة عشان تاخدى قرار بتلجأى لمين من عيلتك ومن صحابك؟؟؟



19-مين ليه الفضل فى تكوين شخصية منى؟؟ وهل انتى راضية عن شخصيتك كده؟؟

20- يا ترى انتى منظمة ولا لأ؟؟

21- بتعرفى تطبخ؟؟http://www.phmcy.com/vb/images/green2/smilies/wiink.gif ايه الاكلات اللى بتعمليها؟؟ واللى أكلها كان قال ايه فيهاhttp://www.phmcy.com/vb/images/green2/smilies/whistling.gif؟؟؟ وياترى صحته عاملة ايهhttp://www.phmcy.com/vb/images/green2/smilies/unsure.gif؟؟


23-ايه اكتر حاجة ممكن تعصب منى
وايه أكتر حاجة ممكن تعصبهاhttp://www.phmcy.com/vb/images/green2/smilies/tonguee.gif؟؟؟

24-وايه اكتر حاجة ممكن تفرحها؟؟

25- يا ترى بتتعاملى مع الناس حسب طبيعتهم هما ولا طبيعة شخصيتك

فاكرة دوول كمان

الدكتوره نغم
04-09-2010, 05:48 PM
حراااااااااااام عليكو
اله
ايه ده كله :confused:
ورانا امتحان بكررررره :hit:
معلش يا منى عاذراكى يا حبيبتى :wub:
الالول بس ذاكرى كويس وراجعى مرتين تلاته كده للتاكيد ومره كمان ليا عشان انا راجعت اربع مرات بس :(
وبعدين تعالى جاوبي عالاسئله
اودامك الوقت كبير
ومتخافيش احنا مستنينيك لحد ما تجاوبي كله :o
المهم الاسئله متاثرش على دراستك ومستقبلك وحياتك ههههههههههههه
ايه اللى انا بقوله ده :whistling:
ما علينا

انا قولتلك قبل كده انى مش هسال :confused:
بس قلبي مطاوعنيش
يلا حبه صغنتين كده :whistling:
اشمعنا يعنى كل سال الا انا
منفعشى ولا منفعش :unsure:
انا عرفه انى مش ههون عليكى وهتجاوبي :wub:


ايه اخبارك انهرده اوعى تقولى زى الااهرام :Evil:
لو الجمهوريه بتاع يوم الخميس ماشي :(
طب امبارح ايه كانت اخبارك
طب انا زهقانه دلوقتى قوليلي اعمل ايه :whistling:
طب لو مكنتش زهقانه اعمل ايه بردو
طب طب لو كنت زهقانه نص نص معلمش ايه
طب اوعى تزهقى منى عشان مزهقكيش

ايه رءيك في الفيس حلو ولا لا
بتقعدى عالكمبيوتر كام يوم في الساعه
لالا قصدى كام ساعه في اليوم :whistling:
المهم بتكتفي باد ايه اودام الكمبيوتر

ليكى في الكوره
بتشجعى مييين

ايه رءيك في اسماعليه
ايه اكتر مكان بتحبي تخرجى فيه في اسماعليه
بتخرجى فين في العيد عشان مش نتقابل سوا

فاكره يا منى ايامنا مع بعض .. متفهمنيش صح انا قصدى فاكره درس الاحياء وبعديه مستر سيد العربي
يااا كانت ايام حلوة والله

عملتى ايه يوم امتحان الفيزيا ثانويه عامه
موقفك كان ايه في اللجنه

كان نفسك تتدخلى كليه ايه

كفايا دول
وموعدكيش انى مش هاجى تانى :hit:

ملحوظه 1 جاوبي بكل امانه وصدق وصراحه ووضوح وشفافيه :Evil:
ملحوظه 2 نعتذر لو في اسئله مكرره :unsure:

Dr.mona
04-09-2010, 11:40 PM
لا اله الا الله
ولا حول ولا قوة الا بالله
والله كنت حاسة ان اللى حصل ده هيحصل
بجد بجد مصدووووومة ومش عارفة أرد
حسبى ربى
No comment
:hey::hey::hey:

Heba Mahmoud
04-09-2010, 11:42 PM
ايه يامنى مالك بس :unsure:
معلش كلنا لها خلصى الاسئله وانتقمى منهم :Evil:
ازاى يعملو فيكى كده :whistling:

بنت مصرية
04-09-2010, 11:43 PM
من اعمالكم يا حلووة:Evil:

ريتاج
04-09-2010, 11:46 PM
:hit::hit:
إييييييه يا منى ؟؟
كلو أسئلة أسئلة مفيش إجااابااات ؟؟
ورينا همتك :Evil:

dr.dora
04-09-2010, 11:55 PM
مني حبيبتي :p
شوفتي الناس بتعزك ازاي
بس هم مش احسن مني هه مش احسن مني
انا كمان بعزك علشان اأكدلك جبتلك كام سؤال ع السريع
:p:p
-اتق شر الحليم اذا غضب
المقولة دي في توقيعك ليها علاقة بالضحية ؟:whistling:)
-لو ليها هو انتي حليمة :p
-صورتك الرمزية اختارتيها علي اساس ايه؟
-انتي مع انه رأي من دول
-تغيير الصورة الرمزية
-تثبيتها علي طول
هههههههه سؤالين جامدين اوي :p
-هههههههه سؤال جه في بالي دلوقت وهسأله طبعا
لو في حد اتقدملك في وقتنا الحالي ممكن
-توافقي علي الخطوبة والجواز بعد التخرج ان شاء الله؟
-نوووو خطوبة في فترة الدراسة؟
-ممكن يتم الجواز خلال الدراسة ؟
................
لو اتقدملك حد اطول منك بكتير هتقبليه؟
طيب بيشرب سجاير ممكن تقبليه؟
شايفة موضوع السجاير عادي يعني وممكن تخليه يبطلها (هتقدري يعني :whistling::p)
.................
ايه رأيك في اللي بتجوزوا وهم في الكلية طبعا مش كلهم بوازنوا بين الدراسة والبيت
لدرجة ان في ناس بتسيب الكلية واهي اتجوزت (هتعوز ايه تاني :whistling:)
................
-ايه اكتر حاجة بضايقك في الشخص اللي قدامك؟
-رأيك ايه في علاقة البنات والولاد في الجامعة؟
................


-لو مسمكيش مني تحبي يبقي اسمك ايه؟
-ايه رأيك في اسم اسراء؟
-لو هتختاري اسم ليا غير اسراء هتختاري ايه ؟
شايفة دورا احلي ولا اسراء (من حيث الاسم وكله كله :whistling:)
احكيلنا موقف محرج وكذلك مضحك اتعرضيله؟


-رسيتي ع الضحية الجديدة ولا لسة بتختاري؟
..............
مع السلامة يا مني (صعبانة عليا )لو عاوزة اي مساعدة





















































































الرقم الذي طلبته غير موجود بالخدمة (ومش هيكون موجود )
:p:p:p

Heba Mahmoud
04-10-2010, 12:07 AM
لا فعلا كده كتير :Evil:
عندنا امتحانت برضو
فين باقى الاسئله اللى مسالووش :whistling:

dr.dora
04-10-2010, 12:20 AM
بصي بجد والله صعبتي عليا
انا هعمل بأصلي ومش سألاكي تاني
بس يلا كملي اجابتك علي رأيك في الشلة
عاوزة اعرف رأيك فيا :wub:
وملكيش دعوة بالضحية دي حاجة بتساعدني اطلع الشر اللي جوايا :whistling:
وانتي مترضيش اني اكبت الشر ده ده ممكن يجرالي حاجة (صحتي بالدنيا )
شكلك مذبهلة :unsure:ومصدومة ما انا عارفاكي

يا لهوي بسلم عليكي :Dهههههههههه


اضحكي بقي :D

الدكتوره نغم
04-10-2010, 01:21 AM
لا فعلا كده كتير :Evil:
عندنا امتحانت برضو
فين باقى الاسئله اللى مسالووش :whistling:


عثل:wub::whistling:
ههههههههههههه
اوعى متعتبريهاش معاكسه
انا صريحه وبعاكس :blush:
هههههههه

دودي
04-10-2010, 06:08 PM
:unsure:ايه ده كله
براحه ياجماعه على البنيه
قلبى عندك ياحبى
انا جايه اسلم بس
شو اخبارك ياجميل :p

dr.dora
04-10-2010, 07:34 PM
مش قادرة اوصفلكم شعور واحساس مني ايه
ياااااااااه البنت من الصدمة
عمالة تتحايل عليا ان مخليش في نفسي سؤال ومسألهوش :whistling:
كنت كل اللي بعمله اني اضحك :D:whistling:
.........
يلا يا مني مستنين نشوف الاجابات
والا هخلي الادمن يوقفك :p

nada
04-10-2010, 10:13 PM
حلي بقي:hit::hey::Evil::(:p;)

Heba Mahmoud
04-10-2010, 10:41 PM
هى منى هربت ولا ايه:unsure:

dr\rere
04-10-2010, 11:54 PM
ياهبة انتى اسالتك صدمتها

نعمل ايه بقى دلوقتى
هههههههههههههههههههههههههههه

ايمان
04-11-2010, 12:17 AM
هى منى فين يا بنات؟؟؟
حد ينادى عليها
هههههههههههه

dr_rony
04-11-2010, 12:25 AM
شكل منى تاهت وهي جايه
بس بصراحه عندها حق كل دي اسئله يا جماعه انتو مصدقتو ولا ايه
والله صعبت عليا انا لو منها استعبط واعمل النت فصل ومجاوبش على حد
هههههههههههه

Dr.mona
04-11-2010, 03:07 AM
http://www.phmcy.com/vb/showpost.php?p=252618&postcount=3441

عشان بس متفتكروش انى مش بجاوب ولا بكروت أسألة
أنا كملت على المشاركة اللى فاتت عشام كل الأسماء تكون فى مشاركة واحدة
فاضل بقية أسألة هبة
الهمنى الصبر يارب:hey:

Dr.mona
04-11-2010, 03:51 AM
وسؤال اهبل بس جه فى بالى :
تخيلى عندك3اخوات ولاد اختارى 3 من الشله دى تكونى اخت جوزهم :wiink::whistling:

هههههههه سؤال أهبل أهبل يعنى:blush:
بصى أولا كده أنا حاجزة زينب لمحمود أخويا الصغير
هو اللى هيعقلها:p:whistling:
دينا هشام لأخويا الكبير:wiink:
لو عندى أخ تالت متغاظة منه حلال عليه آية ماهر
مش هتنطق معاه بكلمة وهتفضل تعانده لغاية ما هتشله:D
هو مينفعش أربعة لكل واحد
أهو برضه نعمل خدمة للبنات وللبلد:whistling:




قدام كده قريبا يعنى ان شاء الله يامنى:D
تحبى يبقى عندك اطفال بنات اكتر ولا ولاد

هههههه يختى نخلص احنا بس من الكلية اللى هتطلع روحنا دى وبعدين ربنا يسهل
كل اللى يجيبه ربنا كويس
بس البنات أحن على باباهم ومامتهم أكتر من الولاد:whistling:


وبتحبى اسامى ايه
للولاد محمد...أحمد ...مصطفى ...عبدالرحمن
للبنات فاطمة ....نور.....رحمة:wub:

وقدام اكتر بقى ان شاء الله برضو
تتخيلى نفسك حمى طيبه كده ولا شريره :Evil:
ههههههههه عمرى ما تخيلت حد يسألنى السؤال ده:blush:
وعمرى ما فكرت فيه
غالبا هكون طيبة حسب الظروف يعنى:unsure:

منى دموعها قريبه ..صح؟؟
صح يا فضيحة:hey:
بس على فكرة بيكون حسب الحالة النفسية
فيه مواقف صعبى بكون متماسكة فيها جدا واللى يعرفنى بيكون مستغرب من موقفى ده:confused:

شايفه ان دى حاجه كويسه ولا وحشه
لأ طبعا حاجة وحشة لأنى غالبا بعيط على حاجات مش مستاهة ده كله


لو جاتلك فرصه للسفر والاستقرار فى المانيا
المكان اللى اتولدتى فيه هتسافرى تكملى حياتك هناك؟؟؟
أنا قلت نفسى أسافر أشوف المكان والبلد والناس اللى اتولدت وسطيهم
لكن أعيش وأستقر هناك فلاااا


شايفه اللى كنتى بتحلمى بيه قبل دخولك صيدله لقيتيه فى الكليه حاليا بعد سنه ونص تقريبا ؟؟
لأ للأسف;)
ادينى 3 فروق بين التيرم الاول والتيرم تانى فى سنه اولى

الترم الأول
-كنت مهتمية بمذاكرتى الى حد ما
-كانت مواده لذيذة وكنت بحب أفهمها:D
-العملى بتاعه كان لذيذ جدا وكمان كان الجدول منظم عن كده

التيرم التانى
-اهمال غير مسبوق فى المذاكرة وربنا يستر:unsure:
-المواد حساها مش لذيذة خاالص ومعتمدة على الحفظ ومش فاهمين حاجة:whistling:
-العملى مش مستهوينى بصراحة
حتى لو عملى السيوتكس متعب بس ألذ بكتير من عملى العقاقير
بحس انى فى الآخر طلعت بحاجة
وعملى العضوية مش لذيذ وسهل زى الأناليتكال;)

و3 فروق بين اعدادى واولى
اعدادى
كانت المواد غلسة بس سهلة وبتتلم فى الآخر
معاملة الدكاترة والمعيدين وحتى أمين المعمل مكانتش أد كده;)
مكنتش لسة مستوعبة الفرق بين جامعة وثانوية عامة ومكنتش كونت صداقات بالشكل ده

اولى
المواد عشان ليها علاقة بمجالنا حساها لذيذة بس تقيلة حبتين تلاتة كده
معاملة الدكاترة والمعيدين وأمين المعمل وحتى معاملتى مع زمايلى اختلفت للأحسن طبعا:wiink:
عرفت نظام الجامعة وتقريبا حددت أنا عايزة ايه بالظبط

كفايه عليكى كده دلوقتى :whistling:





أسألتك متعبة جدا يا هبة
نورتى ومشوفكيش داخلة هنا تانى
فاهمة ولا ايه:hit:

Dr.mona
04-11-2010, 04:17 AM
عيبها
فاطمة ماشية بمقولة
أنا أعترض اذن أنا موجود
بتعترض من أجل الاعتراض
هههههههه
لا مش ماشيه كده خااالص إنت حكمت من موقف واحد
وكان اعتراض على تغيير :wiink:

لأ أنا محكمتش من موقف واحد
ده أنا ماشية معاكى صبح وليل
ده حتى بركب معاكى تاكسى واحد وبرضه بحكم من موقف واحد:hit:
ده الاعتراض وصل لماركة التاكسى اللى هنركبه:confused::whistling:
متخلنيش أتكلم:Evil:
نفسى مرة أقولك نعمل حاجة وتقوليلى مرة أيوة:(
صبرنى يارب وعوضنى خييير ويهديكى ليا يا طومة يا حبى:wiink:


وساعات بتخاف من التغيير حتى لو ممكن يكون للأحسن
على فكرة بقى أنا بحب التغييير جدا
لما فعلا يبقى للأحسن :whistling:
والتغيير ده بالذات بالنسبة لي عمره ماكان هيبقى للأحسن

وأنا سبتك براحتك طالما شايفة ان ده أفضل ليكى


3-
اسم اختها....... سارة
ويبقى اتنين سارة في بيت واحد :unsure:
لا ما انتوا بدلوا مع بعضيكوا بقى
فاطمة بتفكرنى بمسلسل سارةhttp://www.phmcy.com/vb/images/green2/smilies/wub.gif
http://www.phmcy.com/vb/images/green2/smilies/thnk0001.gif إشمعنى برضه ؟؟

حكايتك أقرب لقصة المسلسل
قلبك طيب جدا فى جو مينفعش فيه الطيبة بالشكل ده يا فاطمة
وانك شافة كل الناس طيبة زيك مع ان صوابعك مش زى بعضها زى ما بيقولوا
يمكن دلوقتى فهمتى ان الوضع مختلف أكتر:o



يارب تكون الصورة وصلت:unsure:

Dr.mona
04-11-2010, 04:47 AM
مش قادرة اوصفلكم شعور واحساس مني ايه
ياااااااااه البنت من الصدمة
عمالة تتحايل عليا ان مخليش في نفسي سؤال ومسألهوش :whistling:
كنت كل اللي بعمله اني اضحك :D:whistling:
.........
يلا يا مني مستنين نشوف الاجابات
والا هخلي الادمن يوقفك :p


ههههههههههه
هو انتى لسة نفسك تسألى تانى يا اسراء
اسألى :hit:
متخليش فى نفسيتك حاجة أبدا منى
ليحصلك حاجة وأشيل ذنبك:p
قلتلك لو سؤال محشور هنا ولا هنا
سؤال عيناه هنا ولا هنا
سؤال هتمووووووووتى وتسأليه اسأليه
شوفتى أوفر أكتر من كده
بس اعملى حسابك
كله هيتأيد فى اللستة:hit:

ياااااااريت أرجع تانى خارج نطاق الخدمة:whistling::D
ياااااااه كانت أيام
ايه رأيك أنا اللى هطلب منه كده

Heba Mahmoud
04-11-2010, 08:21 AM
بت يامنى
اختارتيش وظيفه واسم جديد ليا ليه :hey:
يالا انا بحب اخد حقى كامل لو سمحتى اذكرى
عيب حقيقى
وظيفه
واسم جديد
وبالمره اكتر مره ضايقتك فيها كان امتى :whistling:

snowwhite
04-11-2010, 06:26 PM
كنت معدية كده جنب الموضوع
قلت اجى اسلم
واقولكم اسئلتكم حلوة يا بنات
بس مش قليلة كده :whistling::whistling:
وانتى يا منى جاوبى قبل ان تنتهى الطيبة اللى نازلة عليا ومخليانى مبطلة اسأل حد
بس سؤال واحد على الماشى
ايه رايك فى snowwhite على ارض الواقع وفى المنتدى
وربنا معاكى

Dr.mona
04-11-2010, 09:06 PM
محدش ظبطك خالص يا منى
يللا سؤال المشرفيين
ايه رايك فيهم مميزات و عيووب و اللذي منه
أنا عضوة يبقى مالى أنا بفريق المشرفين
مبحبش أتكلم عن حد فى غيابه:p


و الاسئلة دي بردوو
هههههههه أنا شوفت الأسئلة دى فين قبل كده
مش دى برضه أسألتى ليكى أصلى بشبه عليهم
عارفة قالولى أعمل ايه
أعمل كوبى لاجاباتك عادى خالص
بس عشان أنا طيبة هجاوبلك عليهم يا شريرة:(



لو خيروكى تخرجى مع واحدة قريبتك و لا واحدة صاحبتك اوى تختارى مين ؟
أخرج معاهم هما الاتنين
عملتها كتيير قبل كده
كان بيجيلنا قرايبنا وأنا نازلة مع صحباتى
باخد قريبتى معايا وأروحلهم

بتعملى ايه لو حد ناداكى يا بت قدام الناس؟؟:whistling:
حسب مين اللى نادانى بكده وحسب هو نادانى قدام مين
بس أكيد هتضايق لأنى مبحبش كلمة بت دى أصلا

هل بتتميز فى حاجه معينه ؟ايه هى ؟
ياترى فرحانة بكده ولا؟؟؟
هى مين اللى بتتميز ومين اللى فرحانة دى:whistling:

بتحاسبى نفسك قبل ماتنامى ولا لأ ؟
غالبا آه
لازم أدور كل اليوم فى دماغى تانى وأشوف أنا ليه عملت كده
وليه معملتش ده
وهل أنا صح ولا غلط
الحكاية دى أصلا تعبانى
لأنى دايما بطلع نفسى غلطانة أو مبرضاش باللى عملته الرضا الكافى
فبحس بالذنب:unsure:
بتذاكرى بجدول وخطط معينة ولا حسب ميولك؟؟؟
لأ عمرى ما عرفت أمشى على جدول لأنى بطيئة ومش هعرف أنفذه
وبرضه مش حسب ميولى
حسب ايه اللى مطلوب منى أعمله

اخر حد بيجى فى بالك قبل ماتنامى ؟
مش حد معين بس بيكون مثلا حد عمل معايا أى موقف فى اليوم ده
حد المفروض هقوله أو أديله حاجة اليوم اللى بعده
فبييجى فى بالى عشان أفتكر أديله الحاجة دى

أول واحد بييجى فى بالك أما بتتضايقى؟؟؟
أصحابى وبالذات آية عمار
كلام الناس سواء ضدك او لصالحك بياثر فيكى ؟
أكييييييد

فيه تجربه معينه نفسك تعيشيها ؟
ههههههههه
أقولك ومتضحكيش عليا
نفسى موووووووت يغمى عليا:whistling:
ههههههههه
والله بجد نفسى أعرف بيحسوا بايه ساعتها قبل ما يقعوا
حتى أنا كتبت وصيتى لما يغمى عليا مين يقف جنبى ومين هيعمل ايه:D
الدفعة كل فترة بنت تتعب ويغمى عليها
الدور قرب.....ربنا يستر:unsure:

وكمان نفسى الصيف يجى وأنزل أتدرب فى صيدلية
حاسة ان الموضوع ان شاء الله هيكون لذيذ


عمرك حسيتى انك عايزة تعيطى بدون سبب واضح؟؟؟
يااااااااااربى أنا تخصص فى الموضوع ده
بتعملى ايه فى الحاله دى؟
ممكن أعيط شوية بس بحاول بقدر الامكان أخرج من المود ده بسرعة

انتى مشتركة فى كام موقع غير فمسى ؟
مؤخرا اشتركت فى الفيس توك
كفاية عليا أوى كده
بس أنا أتابع دول;)

أكتررقم بتحبه .؟وأكتر رقم بتكرهه؟
أكتر رقم بحبه .......7
أكتر رقم بكرهه....مش رقم معين
بس مبحبش معظم الأرقام الزوجية

هل فيه حاجة بتتفائلى بيها ؟؟؟ وحاجة بتتشائمة منها؟؟؟
بتفائل لو حاجة حلوة حصلت الصبح قبل مأنزل
وبتشائم لو صحيت على خبر وحش لا قدر الله

مؤمنة بحاجات زى كده؟؟؟
لأ كل الموضوع ان بحس اليوم هيكون جميل لو بدأ بحاجة كويسة
وبضايق لو اليوم بدأ بخناقة مثلا وببقى عايزة اليوم يعدى على خير
سمعت فيه ناس بتتشائم لما تشوف غراب أو ناس معينة
دول أنا مش منهم;)

أكتر لون بتحبيه؟؟؟ وأكتر لون بتكرهيه
الأزرق
وأكتر لون بكرهه الأصفر

الألوان دى بالنسبة ليكي دلالتها ايه؟؟؟
الأسود
كآبة وحزن وفى نفس الوقت شياكة
البنى
فيه درجات منه بحبها زى البيج الفاتح

الأحمر
لون الحب
بحبه جدا مع الأبيض

البمبى
عينه بترتاح للون ده
بحب جداااا الورد البمبى الفاتح

البرتقانى
النشاط والحيوية

الأخضر
التفاؤل والراحة النفسية

الزيتى
مش عارفة لما بشوفه بحس بايه
عادى يعنى
الأصفر
بحبه درجاته الهادية على الأسود
بيعبر عن ثقة الشخص اللى لابسه بنفسه

البنفسج
بمووووووووت فيه وفى كل درجاته
برتاحله نفسيا مش عارفة ليه
التركواز
بحبه برضه على الأبيض
من الألوان اللى بتشد العين ليها

الأزرق
لونى المفضل
وأخيرا الأبيض
النقاء والصفاء والأمل
جايبالك الألوان لغاية عندك
أى خدعة:wiink:
انتى برضه اللى جايباهم:hit:










انتى نزلتى الضحيه كام مرة ؟
الناس متصورة انى نزلت قبل كده
لأ دى أول مرة وآخر مرة باذن الله:unsure:

قولى احساسك ايه فى كل مرة
احساس انى ضحية ومش عارفة ليه
طول مأنا هنا مرعوبة من أى مشاركة جديدة
حاسة بالغدر فى أى لحظة
تعرفى وأنا فى كورس ال RTC كنت عارفة انى هرجع ألاقى بلاوى;)
ربنا يهون وأخلص بقى

لو الأسئلة اتكررت ايه الاجابات اللى ممكن تغيريها دلوقتى
ياااااااااه طاب ياريت
هكتب مكرر والسلامو عليكم
سؤال واحد مكرر لله يا خلق:unsure:




لو طلبتى من حد حاجه انتى محتاجاها اوى ورفض هتعملى ايه ؟
مش هكدب عليكى هزعل شوية
ومش هحاول أطلب منه أى حاجة تانى

بتطلبى اللى عايزاه من الناس على طول ولا بتترددى؟؟؟
لأ بتردد وببقى مجهزة الكلام قبل مأقوله
معرفش مبحبش أطلب حاجة من حد حتى لو صاحبى:unsure:

لو كلمتى حد على الميل وهو اون لاين ومردش عليكى:Evil:
بيكون شعورك ايه؟؟؟:pوبتعملى ايه ساعتها؟؟؟:unsure:
بتضايق طبعا بس بحاول ألتمسله أى عذر
يمكن مكانش على الجهاز ساعتها
بس لو اتكررت أكتر من مرة مش هكلمه تانى
بس الحمد لله نادرا لما بيحصل معايا كده

طبعا انتى من اسماعيلية
ايه اكتر حاجه بتحبيها فيها ؟
الهدوء والخضرة اللى فى كل مكان
والجامعة :whistling:

اكتر حاجه بتكرهيها ؟
مفيش مولات عدلة

كنتى بتتفرجى على كارتون معين؟؟؟ايه هو؟؟؟
أنا كنت بحب الكارتون عامة
بس كنت بحب توم وجيرى أكتر

وهل بتتفرجى عليه لدلوقتى ولا لأ
ساعات لما يكون مزاجى رايق بتفرج

كسبتى فى مسابقات قبل كده ؟
آه كتير فى مسابقة أوائل الطلبة
وفى مسابقات المعلومات العامة

أخبار مستواكى ايه أيام المدرسة ابتدائى واعدادى
الحمد لله كنت متفوقة

عمرك طلعتى الأولى؟؟؟
كتيييييييير

عمرك جبتى درجة وحشة أوى؟؟؟ عملتى ايه ساعتها؟؟؟
آه أوحش درجة جبتها فى حياتى كانت فى الفيزيا فى الثانوية العامة
عمرى ماعملتها ولما أجيب درجة وحشة أجيب فى الثانوية العامة:(
متفكرنيش ربنا يخليكى ;)

بتحبى الأفلام العربى ولا الهندى ولا الأجنبى
الأجنبى ثم العربى ومبتفرجش على الهندى
مع انى أسمع انها حلوة

نوعيه الافلام اللى بتشدك ايه؟
الرومانسية والتاريخية والدينية

أكتر ممثل وممثلة بتحبيهم
ممثل ....أحمد حلمى وكريم عبدالعزيز
ممثلة.....منى ذكى بس مش أوى يعنى
بعشق فاتن حمامة
مليش فى الجداد دول أوى

السؤال العكسى طبعا:whistling:؟؟؟
أكتر ممثل بكرهه .....محمد سعد واللى شبهه
أكتر ممثلة بكرهها .....سمية الخشاب وغادة عبدالرازق بحتقرهم بصراحة


وانتى بتتعاملى مع الناس هل بتتعاملى بتلقائية ولا بتاخدى بالك من حاجات معينة؟
بحب أتعامل على طبيعتى زى ما أنا
بس طبعا باخد بالى من حاجات معينة

لو بتاخدى بالك قوليلنا من ايه؟؟؟
باخد بالى أولا بتكلم مع مين وبتكلم معاه فى ايه
باخد بالى الكلام رايح لفين
وايه اللى مفروض أقوله وايه لأ

الانطباع الأول يدوم ...ايه رأيك فى الرأى ده
لأ غلط خااالص على فكرة
كتير جدا خدت انطباع معين ورجعت غيرته تماما
سواء للأحسن أو للأسوء

وايه انطباعك الأول عنى ؟؟؟وهل دام؟؟؟
أقول الصراحة
أول مرة شوفتك كان ساعة لما نزلنا نستقبل دفعة اعدادى الجديدة
وانتى جيتى وشوفتك
أولا كده لقيتك شخص تانى تماما غير اللى على المنتدى
هدوء وطيبة غير عادية
وقولت ان صعب ان أنا وانتى نكون أصحاب
لأ تغير تماما:Evil:
ده انتى أس الشر فى المنتدى ده
وصحوبيتنا هعيد التفكير فيها تانى:hit:

غمضى عينك معايا ثوانى(متخافيش مش هعملك حاجة:whistling:)
كان نفسك تكونى فين دلوقتى وبتعملى ايه؟؟؟
نفسى أكون فى سريرى
تعبانة جداااااا بس عايزة أخلص من البتاعة دى بقى
هستحمل وأمرى لله;)

حاجة نفسك تعمليها بس موش (واخدة بالك من موش دى:wiink::whistling:)عارفة؟
نفسى أقفل اللعبة الشريرة دى بعد ما جربتها


رحله تتمنى تطلعيها لفين؟ومع مين؟
رحلة الأقصر وأسوان الترفيهية
مع أصحابى ومع نفس اللى طلعت معاهم المؤتمر اللى فات

(قوليلى عشر أشخاص وأكون أنا واحدة منهم:Evil:)
روحى العبى بعيد يا شاطرة
لو انتى طالعة أنا مش هطلع:p


عمرك نظمتى رحله بنفسك قبل كده ؟
اشتركت فى تنظيم رحلة فمسى الأخيرة
كنت اقترحت برنامجها و لمت الفلوس من دفعتى
وفى الآخر مقدرتش أطلع;)
بس الحمد لله ربنا عوضنى برحلة زيها فى نص السنة

اخر رحله طلعتيها كانت حلوة ولا وحشه ؟ وكانت لفين ومع مين؟؟؟
هى مكانتش رحلة
كانت مؤتمر فى الأقصر
لغاية ما ركبت الأتوبيس كنت فكراها رحلة ترفيهية و القطر درجة أولى وهننزل فى فندق
والأكل هيكون حاجة تانية
ههههههههه
ده أنا كان مضحوك عليا بشكل
اكتشفت فى الآخر انها مؤتمر والبرنامج من 8صباحا ل8 مساء:confused:
والقطر كان درجة مميزة وكان هيولع:whistling:
ونزلنا فى مدينة شبابية بس الحقيقة كانت نظيفة جدا والأكل كان جميل ويتاكل يعنى
ربنا يسامحه بقى اللى ضحك عليا وخلانى أطلعها:whistling:
بس الحمد لله استمتعت جداااااا
كانت مع الطالب المثالى على مستوى الجامعة:whistling::wiink:
وطلبة من الاتحاد ومن كليات مختلفة

بتعرفى تسوقى ؟؟؟
نوووووووو
لو آه مين اللى شجعك على كده
لو لأ ...طاب ليه؟؟؟
مرة كنت راكبة جنب بابا وشفت قطة بتجرى تعدى الشارع
خفت ندوسها وبتلقائة جدا مسكت الدركسيون وخليت العربية تدخل فى الرصيف;)
بتجيلى حالة عصبية لما بشوف قطة أو كلب فى الطريق
تفتكرى هعرف أتعلم سواقة بعد كده
أتمنى:unsure:

عندك مبدا معين فى الحياة؟ ايه هو؟؟؟
ان الله لايضيع أجر من أحسن عملا

بتحبى تتحملى المسئوليه ولا لأ ؟
بحب لو حسيت انى قدها وهقوم بيها بالشكل المطلوب

لما بيجيلك هدايا بتحبى يجيلك ايه؟؟؟
مش مهم هيجيلى ايه
أهم حاجة ان فيه حد قدرك وجبلك هدية
دى فى حد ذاتها هدية

أفضل هدية جاتلك
هييييييييييه
مكرر:D





قوليلى اللى فى بالك فى اللحظة دى؟؟؟
عايزة أشوفك دلوقتى يا راوية:hit:


ايه تانى ايه تانى
















































































































آه افتكرت
بتعرفي تطبخي يا شاابة
زيادة عن الفطار والعشا مبعرفش

بمناسبة الأكل والفضايح وكده
ايه رأيك فى الأكلات الغريبة دى
شاورمة سمك;)
بطاطس بالعسل:D
فول بالزبادى:unsure:
ولا أعرفها
كان مرة حد سألنى عليهم
قولتله مجربتهمش قبل كده
قعد يقوللى ازاااااااااااى:confused:وحسسنى انى عملت حاجة غلط
قولت أسألك عشان أعرف هو أنا لوحدى اللى كده ولا حد معايا

يلا زى بعضه نختم الأسئلة(غصب عنى والله)
بالسؤال التقليدى
تحب تسمع أغنية ايه ؟؟؟ وتهديها لمين؟؟؟
أغنية حرام عليك
لكل اللى ظلمنى وافترى عليا;)


موش فاضية و الله
لو كنت فاضية كنت جيبت تاني:Evil:







أنا كنت سألتك كل الأسئلة دى:unsure:
طاب أنا افتريت
تقومى تفترى وتجبهوملى:(
طاب اعملى حسابك مش يمكن تجاوبيهم تانى
انتى عارفة أد ايه بفرح لما بتنزلى
وأنا عايزة أفرح:hit:

بنت مصرية
04-11-2010, 09:18 PM
منى من منى
سؤال المشرفين بدل ما اعقابك
نياهاهاهاهاهاهاهاها:Evil:


- املئي الفراغ بما يناسبه من شخصيات المنتدى

شخصية محبوبة..
شخصية مشهورة...
شخصية مميزة..
شخصية اود التعرف عليها اكثر...
شخصية تعجبني..
شخصية مظلومة...
شخصية ضحوكة..
شخصية متزمته...
شخصية عصبية...
شخصية ذكية..
شخصية عاقلة.
شخصية مبدعة...


هاجي تاني علفكرة:Evil:

RoOoLeTa
04-11-2010, 09:23 PM
مني مني مني مني مني مني جاوبي علي اسئلة راوية كلها بدل مدخل اسألك انا كمان وانا عندي اندستريال يعني مش هرحمك :hey:

Dr.mona
04-11-2010, 09:26 PM
منى من منى
سؤال المشرفين بدل ما اعقابك
نياهاهاهاهاهاهاهاها:Evil:


- املئي الفراغ بما يناسبه من شخصيات المنتدى

شخصية محبوبة..
شخصية مشهورة...
شخصية مميزة..
شخصية اود التعرف عليها اكثر...
شخصية تعجبني..
شخصية مظلومة...
شخصية ضحوكة..
شخصية متزمته...
شخصية عصبية...
شخصية ذكية..
شخصية عاقلة.
شخصية مبدعة...


هاجي تاني علفكرة:Evil:



أعااااااااااااااااااااااااااا
امنعوا دخول البنت دى من هنااااا:hey:
عايزة أرتكب جريمة دلوقتى ومحدش يحوشنى:Evil:
قلتلك أنا ولله الحمد عضوة أجاوب ليه سؤال المشرفين
مش هجاوب سؤال المشرفين
طاب ايه رايك أجاوب على سؤالك انتى بس:wiink:
ومتدخلش هنا تانى
عاوزة أطلع من هنا بقى يا ناااااااااس:confused:

بنت مصرية
04-11-2010, 09:33 PM
طوول ما انتي موش بتجاوبي على اسئلتي هسال تاني
و رضوى هتسال
يعني موش هتخرجي من هنا اساسا اصلا:Evil:



*اكتر شخص بيحسسك :
الفرح
الحزن
الرغبة فى البكاء
الاستغراب
الانطلاق

*ممكن اى حد يشوف دموعك ؟وايه اللى ممكن يبكيك ؟

*كلام الناس بيهمك ولا بتطنشي ؟

*وقت فراغك بتقضيه فى ايه ؟

*شايفة ان فى حد يستاهل انك تضحى عشانه ؟

*ممكن تتاثري براي اللى حواليك بسهوله ؟

*ايام المدرسه كنتي طالبة مجتهدة ولا منفضة

*كنت بتتضربي كتير ؟وكام مرة زرتي اودة الناظر ؟

*ههههه عمرك حيتي العلم ايام المدرسه ؟ كام مرة ؟

*كنت بتشتركي فى الاذاعة المدرسيه ؟

*اتقفشت قبل كده وانتي بتزوغي من المدرسه ؟

*اخدتي كام استدعاء ولى امر ؟

*شهادة تقدير او جايزة عمرك ماتنسيها ؟

*كلمة اتقالتك من حد بتفتخري بيها

Dr.mona
04-11-2010, 09:37 PM
مني مني مني مني مني مني جاوبي علي اسئلة راوية كلها بدل مدخل اسألك انا كمان وانا عندي اندستريال يعني مش هرحمك :hey:

حتى انتى يا رولى;)
اش حال حكيالك مأساتى يوم الجمعة
يا عباد الرحمن
عندى بكرة أى سى دى ال
والأسبوع اللى جاى رياضة وعقاقييييييير
ده غير ال الRTC:confused:
الرحمة شوية وحسنة قليلة تمنع بلاوى كتيرة
يااااااااه ده انتوا بتعزونى أوى كده ليه:unsure:
هعيط أنا بجد

RoOoLeTa
04-11-2010, 09:43 PM
يا مني انتي عارفه قد ايه انا بحبك وبعزك حتي ادخلي ديركت اول شمال في شمال هتلاقي نفسك هناك "او يمكن تكون صورتك" ^_^

بصي يا حبي انا هديكي نصيحه غاليه اوي وانتي عارفه النصايح اليومين غاليه قد ايه بس عشان خاطرك انتي ببلاش

انتي كده تروحي تظبطي حالك ونفسيتك وتيجي تعدي عليهم للفجر تخلصيهم وتختاري حد

بس موش تعدي تتكلمي كتير عشان موش تضيعي وقت و تندبي حالك انتي كده كده فيها فخلصيها وحطي بعدك اكتر واحد عايزة تنتقمي منه

وتطلعي غلك فيه وتعدي تساليه للفجر

ماشي يا جميله

يلا جاوبي بقي بدل مدخل اسال انا كمان:whistling:

dr.dora
04-11-2010, 09:49 PM
الناس دي شر يا مني :Evil:
انا لو مكانك مجاوبش دلوقت :whistling:
واختار منهم الضحية
بالعربي اختاري بنت مصرية :whistling::whistling:

بنت مصرية
04-11-2010, 11:40 PM
دا انتي عصوولة اووي يا اسرااء:Evil::Evil::Evil::hit::o

dr.dora
04-12-2010, 07:04 AM
دا انتي عصوولة اووي يا اسرااء:Evil::Evil::Evil::hit::o


شكرا شكرا ع الوردة اللي في الآخر دي :p

ღDAnA
04-12-2010, 06:36 PM
عيبها
التوتر التووترر التوووتررر
وهز رجليها الكتير
مليون مرة أقولها اركزى كده عشان أعرف أركز
تبطل حبة وترجع تانى
فى مرة هحبسك تحت البنج ومش هطلعك غير آخر المحاضرةhttp://www.phmcy.com/vb/images/green2/smilies/hey.gif
اه علي اساس انك هاديه اوي
ما انا هابعت ل اريد حلا ههههههههه

3-
زغلولة
ههههههه
هههههه ملقتيش غير الاسم ده؟؟
عارفه انتي بقي المفروض يبقي اسمك ايه
فتكات او بكيزه ها اقول كمان ولا كفايه ؟http://www.phmcy.com/vb/images/green2/smilies/tonguee.gif

Dr.mona
04-12-2010, 07:39 PM
-أولا كده ازيك دلوقتى؟؟؟ شوفتى البداية حلوة ازاىhttp://www.phmcy.com/vb/images/green2/smilies/wiink.gif
راجعة من سكشن عقاقير غبى الساعة 5 ونص
ونازلة كمان ساعة للدكتور
وعايزة أخلص أسئلتك دى النهاردة
تفتكرى هكون عاملة ايه

6- ايه هى مميزاتها وعيوبها من وجهة نظرك؟؟
هى مين دى؟؟؟:whistling:

7- ايه موضوع التوتر الزيادة عن اللزوم؟؟؟ هل ده حقيقى زى ما سمعت؟؟؟ وهل كان له تأثر عليكى يوما ما؟؟؟
السؤال ده كان مخصوص ليكى
بس للأسف بينطبق عليا:whistling:
هو مش توتر زيادة عن اللزوم ولا حاجة
هو بس بيكون أيام الامتحانات حقيقى اصحابى بيحسوا انى خلاص هيجرالى حاجة
غير كده فأنا من ساعة ما دخلت جامعة واتعلمت البرود
آه اتوترت قبل ما أدخل الامتحان يوم الفيزيا فى الثانوية العامة
كان عندى احساس ان الامتحان هييجى صعب
والحمد لله جه فوازير
أعتقد لو كنت هديت نفسى كان فيه حاجات كتير ممكن أجيبها
لأنى حليتها بعد ما روحت البيت وهدونى


8-احكيلى موقف مضحك فى حياتك؟؟ ومحرج؟؟ وحزين؟؟سؤال اجبارى
مكرر:whistling:

9-ايه أخبار الشفوى معاكى؟؟؟ احكيلنا أكتر موقف مضحك حصل معاكى فيه
شفوى السيوتكس مكانش شفوى
الدكتور سأل كل المجموعة نفس السؤال
وكان سؤال عبيط
لدرجة انى شكيت اننا جاوبنا غلط وهو بيدور على اجابة معينة محدش قالها
بس الواضح انه كان عامله هدية وادى كله درجات واحدة
شفوى الأناليتكال
كنت آخر واحدة فى الدفعة داخلة امتحن شفوى
وكل واحد طالع أسأله اتسأل فى ايه
والحمد لله دخلت اتعصرت جوه وكلها أسألة جديدة:evil:
بس الحمد لله عدى على خير

13--ايه طموحات منى فى الحياة؟؟ واحلامها حتى لو صغيرة؟؟وهل قدرت تحقق حاجة منها؟؟
طموحاتى هى أحلامى
ان ربنا يكرمنى وأتخرج بتقدير كويس
وأكون ناجحة فى حياتى العملية
وأعيش حياة مستقرة وسعيدة
وان ربنا ينعم عليا بالصحة ونعمة الرضا

آه كنت بحلم أدخل صيدلة والحمد لله دخلتها
حاجات كتير كنت بتمناها وربنا حققهالى
الحمد لله على كل شئ


14-ناوية على ايه بعد التخرج؟؟؟
تكون ليا صيدليتى الخاصة بيا
وأشتغل فى شركة أدوية
خاصة فى ال
quality control
بالذات

15-هل فى رأيك البنت ينفع تشتغل فى الدعاية؟؟؟
لأ الميديكال ريب بتطلب ولاد أكتر من البنات
وبعدين شغلانة مرهقة جدا وعايزة تفضلى طول اليوم فى الشارع ولمواعيد متأخرة
معتقدش ده هيناسب أى بنت

16-بعد ما دخلتى صيدلة ...هل لقيتيها فعلا الكلية المناسبة ليكى ولا اتمنيتى كلية تانية؟؟؟
صيدلة هى الكلية المناسبة ليا
الحكاية بس انى كنت متصوراها حاجة وطلعت حاجة تانية خالص

17-يا ترى بتفكرى كتير قبل ما تاخدى قرار ولا لأ؟؟ ندمتى على قرارات اخدتيها قبل كده؟؟
يووووووه ده أنا بشل اللى قدامى لغاية مآخد قرار
بحب أدرس كل حاجة بعملها كويس أوى

أكيد ندمت .....مش كل قرار هاخده هطلع صح يعنى


18-لو محتاجة مشورة عشان تاخدى قرار بتلجأى لمين من عيلتك ومن صحابك؟؟؟
من عيلتى ماما وابن خالتى
وأى حد هحس انه يقدر يفيدنى صح
من صحابى
كلهم تقريبا
لازم آخد رأى كل الناس وأشوف الرأى والرأى الآخر
وبعدين أقرر




19-مين ليه الفضل فى تكوين شخصية منى؟؟ وهل انتى راضية عن شخصيتك كده؟؟
بابا
كتير راضيين عنى كده وبيحبونى كده
أنا عن نفسى الى حد ما

20- يا ترى انتى منظمة ولا لأ؟؟
لأ للأسف
مع انى بحب كل حاجة تكون مظبوطة جدا
مش راكبين على بعض ...صح؟؟؟

21- بتعرفى تطبخ؟؟http://www.phmcy.com/vb/images/green2/smilies/wiink.gif ايه الاكلات اللى بتعمليها؟؟ واللى أكلها كان قال ايه فيها:whistling:؟؟؟ وياترى صحته عاملة ايهhttp://www.phmcy.com/vb/images/green2/smilies/unsure.gif؟؟
زيادة عن وجبات الفطار والعشا والحلويات لأ
البيتزا......كان حاسس ان فيها حاجة مش مظبوطة
عاش والحمد لله
هههههههه جت سليمة


23-ايه اكتر حاجة ممكن تعصب منى
عدم اهتمام الشخص اللى بكلمه بكلامى
لأن ده معناه عدم احترامه ليا

وايه أكتر حاجة ممكن تعصبها:p؟؟؟
يااااااااااه يا راوية
ناقلالى الأسألى حتى بغلطاتها:p

24-وايه اكتر حاجة ممكن تفرحها؟؟
أما أحس انى تميزت عن غيرى فى حاجة
وان حاجة كان نفسى فيها واتحققت

25- يا ترى بتتعاملى مع الناس حسب طبيعتهم هما ولا طبيعة شخصيتك
بعرف أأقلم نفسى مع الشخص اللى بتعامل معاه
يعنى مثلا ده بييستخدم افهات معينة
بتلاقينى بكلمه بنفس أسلوبه وتفكيره
لكن طبيعة شخصيتى هى هى مع الكل

فاكرة دوول كمان





فكراهم طبعا
ده أنا قعدت يوم أكتبلك فيهم وانتى جيتى بكل سهولة وعملتيلهم كوبى
ربنا يسامحك يا مفترية;):(

Dr.mona
04-12-2010, 07:48 PM
كده فاضل أسئلة Le Roi وبنت مفترية ونغم ودورا
يارب مكونش نسيت حد;)
كان نفسى أكروتهم دلوقتى وأخلص
بس نازلة للأسف
مش عاوزة أرجع ألاقى أسألة تانى:unsure:
أصلى أنا عرفاكوا الكرم عندكوا زيادة حبتين
بجد مرجعش ألاقى حاجة اتحطت
ساعتها هروح فيها بجد:confused:

بنت مصرية
04-12-2010, 07:57 PM
اجيبلك كوبي و بست تاني :p
ههههههههههههههههههههه

خلاص خلاص
مش هسال تاني
سلامتك يا منى

Heba Mahmoud
04-12-2010, 08:11 PM
ممكن استندل واسال تانى ;)
بس كفايه عليكى يامنى تعبتلك سلف يابطيييييييييئة :p

Dr.mona
04-12-2010, 11:09 PM
ممكن استندل واسال تانى ;)
بس كفايه عليكى يامنى تعبتلك سلف يابطيييييييييئة :p



بقى راوية الشريرة ادتنى الأمان ومش هتسأل تانى
وانتى عايزة تستندلى
طاب أنا عاوزاكى تستندلى
متستندلى:hit:
هتروحى منى فين هشوفك بكرة
حكاية البطء دى لأنى مبحبش أفضل أكتب على الكيبورد فترة طويلة
فبحل شوية وألعب شوية وأقوم شوية وكده
هااااااااانت فات الكتير ما باقى الا القليل:unsure:

Heba Mahmoud
04-12-2010, 11:17 PM
والله مابهرج
انت ابطء واحده فى كل حاجه
ياشيخه ده معيد الرياضه حفظك كل شويه يقول ماخرانا عشان الكتابه
ولا نسيتى سكشن السيوتكس كنتى بتخلصى امتى:hey:
اسكتتتتتتتتتتتتتتتتتتتتتتى وحلى وخلصى :confused:

بنت مصرية
04-12-2010, 11:23 PM
كتري من ده يا هبة
ههههههههههههههههههههههههه

Dr.mona
04-12-2010, 11:58 PM
حراااااااااااام عليكو
الله
ايه ده كله :confused:
ورانا امتحان بكررررره :hit:
آه والله قوليلهم
معلش يا منى عاذراكى يا حبيبتى :wub:
الاول بس ذاكرى كويس وراجعى مرتين تلاته كده للتاكيد ومره كمان ليا عشان انا راجعت اربع مرات بس :(
وبعدين تعالى جاوبي عالاسئله
اودامك الوقت كبير
ومتخافيش احنا مستنينيك لحد ما تجاوبي كله :o
المهم الاسئله متاثرش على دراستك ومستقبلك وحياتك ههههههههههههه
ايه اللى انا بقوله ده :whistling:
ههههههههه مش عارفة
شكلك فعلا راجعتى علم النفس 4 مرات
ممكن يكون هو السبب فى كده:p
ما علينا

انا قولتلك قبل كده انى مش هسال :confused:
بس قلبي مطاوعنيش
يلا حبه صغنتين كده :whistling:
اشمعنا يعنى كل سال الا انا
منفعشى ولا منفعش :unsure:
لأ ازاى ودى تيجى
هههههههه أنا اللى مش هنفع بعد كده;)
انا عرفه انى مش ههون عليكى وهتجاوبي :wub:
لا طبعا مش هتهونى
انتى تؤمرنى يا هدورة:o


ايه اخبارك انهرده اوعى تقولى زى الااهرام :Evil:
لأ زى الجمهورية:p
لو الجمهوريه بتاع يوم الخميس ماشي :(
ههههههه طاب والله جاوبت قبل مأشوفها
عمرى أطول من عمرك:p

طب امبارح ايه كانت اخبارك
زى النهاردة;)
طب انا زهقانه دلوقتى قوليلي اعمل ايه :whistling:

ادخلى ارزعيلك كام سؤال كده
والزهق هيروح
اليومين دول كل اللى بيزهق بيطلع زهقه هنا
مش ورايا غيركوا أنا



طب لو مكنتش زهقانه اعمل ايه بردو
ههههه ما انتى فاضية بقى هقولك ايه:hit:
استعيذى بالله من الشيطان الرجيم
وسمى الرحمن كده
وروحى شوفيلك مسألة نهايات تحليها
ولا فلاور تحفظيها
بذمتك دول مش أحسن من اللعبة المملة دى:hey:

طب طب لو كنت زهقانه نص نص معلمش ايه
طب اوعى تزهقى منى عشان مزهقكيش
لااااااااا روحى العبى بعيد يا شابة
شكلك دخلتى هنا غلط:hit:

ايه رءيك في الفيس حلو ولا لا
شغااااااال
ميزته الوحيدة انى لقيت أصحابى أيام المدرسة عليه وقرايبى
وأصحابى اللى مش على فمسى
بس مش عارفة ليه بحس انى بضيع الوقت لما بعد عليه:unsure:

بتقعدى عالكمبيوتر كام يوم في الساعه
لالا قصدى كام ساعه في اليوم :whistling:
المهم بتكتفي باد ايه اودام الكمبيوتر
متعديش لأن تقريبا الكمبيوتر مفتوح طول اليوم
أ‘مل عليه أى حاجة المهم قاعدة وخلاص
جهازى أصبح حاجة أساسية وأولية فى حياتى

ليكى في الكوره
يعنى على قدى
بتشجعى مييين
آل يعنى مش عارفة :hit:
الأهلى:wiink:

ايه رءيك في اسماعليه
مدينة جميلة وهادية ومليانة خضرة
مدينتى اللى اتربيت فيها ويارب أفضل فيها علطول

ايه اكتر مكان بتحبي تخرجى فيه في اسماعليه
مكرر:whistling:
بتخرجى فين في العيد عشان مش نتقابل سوا
ههههههه لا متخافيش احنا عمرنا ما هنتقابل:p
لأنى بقضى الأعياد مع أهلى فى بنها

فاكره يا منى ايامنا مع بعض .. متفهمنيش صح انا قصدى فاكره درس الاحياء وبعديه مستر سيد العربي
ياااه كانت ايام حلوة والله
عمرى ما هنسى مستر راجح ...فاكرة كان بيعزنى موووووووت
ومستر سيد العربى والدى التانى...ربنا يشفيه يارب
فاكرة لما كنا بنقول امتى نخلص من غلب الثانوية دى
طاب والله ياريتها ترجع تانى;)


عملتى ايه يوم امتحان الفيزيا ثانويه عامه
ههههههه عملى أسود ومهبب
ليه بتفكرينى بالسيرة دى دلوقتى;)

موقفك كان ايه في اللجنه
ههههههه اليوم ده فاكراه كأنه حصل امبارح
كان يوم 18 يونيو2008
لأول مرة أدخل مادة وأكون حاسة انى هغلط ومش هعرف أحل
كنت داخلة وأنا بعيط مستنتش أشوف الامتحان
لما استلمت الأسئلة عينى جت على جدول الرسم البيانى
لقيت أرقام صغية مع أرقام كبيييييييرة مينفعش ليها مقياس أصلا
قولت مش مهم هسيب السؤال السادس وأجاوب على الخمسة التانيين
والموقف اتكرر فى الأول والتانى والتالت
جيت على الرابع وقفلت الورقة وقعدت أقرا قرآن
وبدأت أحل وزى ما تيجى تيجى بقى هى بايظة أصلا
والوقت خلص وشدوا منى ورقة الاجابة
وأنا مروحة ماما عمالة تعيط جنبى وأنا مبلمة مبنطقش بكلمة واحدة
فضلت ساكتة لغاية بليييل خالص
وروحت منهارة وأقطع فى الورق والكتب وأعيييييييط
لدرجة انهم خافوا عليا وجابولى مدرسينى البيت تانى يوم يهدونى
من ساعتها وأ،ا متعقدة من حاجة اسمها فيزيا


كان نفسك تتدخلى كليه ايه
صيدلة

كفايا دول
وموعدكيش انى مش هاجى تانى :hit:
لا ان شاء الله مش هتلحقى


ملحوظه 1 جاوبي بكل امانه وصدق وصراحه ووضوح وشفافيه :Evil:
ملحوظه 2 نعتذر لو في اسئله مكرره :unsure:
مأظنش فيه صراحة أكتر من كده
عادى مفيش مشكلة




نورتى يا هدير:o

Dr.mona
04-13-2010, 12:15 AM
والله مابهرج
انت ابطء واحده فى كل حاجه
هههههههه يا فضيييييييحة:blush:
ياشيخه ده معيد الرياضه حفظك كل شويه يقول ماخرانا عشان الكتابه
هو بيتكلم بسرعة جدا
ويا اما أنقل يا اما أفهم هو بيقول ايه
وبعدين السكشن مبيزيدش عن 10 مسائل فيها ايه لما نفهم وبعدين نكتب يعنى:hey:
ولا نسيتى سكشن السيوتكس كنتى بتخلصى امتى:hey:
وانتى زعلانة ليه
مش كنت بطلعه صح ولا لأ
أطلعه فى ساعة فى ساعتين المهم يطلع صح وخلاص
وآخر السنة طلعته وقبل الوقت كمان

اسكتتتتتتتتتتتتتتتتتتتتتتى وحلى وخلصى :confused:
:Evil::Evil::Evil:






كتري من ده يا هبة
ههههههههههههههههههههههههه



ههههههههه تموتى انتى فى الفضايح
أنا شايفة كلام من ورايا فى البروفايلات
انتى مش عقلتى وبطلتى شر خلاص
انتى خلاص وعدتى بكده
هيبقى شكلك وحششششش لو رجعتى فى كلامك
يا خوفى منك يا راوية:unsure:
ربنا يهديكى يا حبى;)

snowwhite
04-13-2010, 12:19 AM
انا سألت سؤال :(:(

Dr.mona
04-13-2010, 01:00 AM
مني حبيبتي :p
شوفتي الناس بتعزك ازاي
انتى هتقوليلى
شفت بعينى محدش قاللى:(
بس هم مش احسن مني هه مش احسن مني
انا كمان بعزك علشان اأكدلك جبتلك كام سؤال ع السريع
:p:p
:hey::hey:
-اتق شر الحليم اذا غضب
المقولة دي في توقيعك ليها علاقة بالضحية ؟:whistling:)
ههههههه تقريبا كده آه
أنا صابرة بس لغاية ما أطلع منها
وهنتقم بمزاج ومحدش هيحوشنى

-لو ليها هو انتي حليمة :p
كل ده ومش حليمة
حرام عليكى
-صورتك الرمزية اختارتيها علي اساس ايه؟
كان التحدى التانى بدأ فقولت أغير الصورة بتاعة المتحدى الخامس دى
عجبتنى الصورة دى فحطيتها

-انتي مع انه رأي من دول
-تغيير الصورة الرمزية
-تثبيتها علي طول
هههههههه سؤالين جامدين اوي :p
لأ مع تثبيتها بس مش على طول يعنى
عشان بعلم الشخص ده بالصورة دى
فمبكونش محتاجة أشوف الاسم
بس مفيش مانع نغيرها كل شوية
التغيير مطلوب برضه

-هههههههه سؤال جه في بالي دلوقت وهسأله طبعا
لو في حد اتقدملك في وقتنا الحالي ممكن
-توافقي علي الخطوبة والجواز بعد التخرج ان شاء الله؟
-نوووو خطوبة في فترة الدراسة؟
-ممكن يتم الجواز خلال الدراسة ؟
حسب ظروفه ساعتها يا حبى
بس أنا من مؤيدى ان مينفعش كلام من ده أثناء الدراسة
كل شئ بميعاد

لو اتقدملك حد اطول منك بكتير هتقبليه؟
هههههههههههههه
ايه السؤال التحفة ده
ههههههههه


طيب بيشرب سجاير ممكن تقبليه؟
أبداااااااا أنا بتخنق لما بشوف منظرها أصلا
بلاش أحسن بدل ما أخنقه هو شخصيا :Evil:
شايفة موضوع السجاير عادي يعني وممكن تخليه يبطلها (هتقدري يعني :whistling::p)
وبعدين معاكى يا اسراء:hit:
بصى مفيش حد خالى من العيوب
ومفش حد مبيغلطش و مينفعش يرجع عن غلطه
لو أبدى استعداده التام انه يبطلها
ووعد انه ميرجعلهاش تانى ساعتها ممكن أساعده
و أعتقد هقدر لأنه ساعتها هيكون شرط هل هنكمل ولا لأ
وبرضه هيعتمد على درجة ارتباطنا ببعض:blush:

.................
ايه رأيك في اللي بتجوزوا وهم في الكلية طبعا مش كلهم بوازنوا بين الدراسة والبيت
لدرجة ان في ناس بتسيب الكلية واهي اتجوزت (هتعوز ايه تاني :whistling:)
غلط فى غلط طبعاااا
مفيش حد بيتظلم وبيتهضم حقه فى الموضوع ده غير البنت
الشهادة مهما كانت حصن ليها من أى ظروف
لأن لو لا قدر الله حصل حاجة متكونش خسرت الشهادة والزواج
المفروض أمور زى دى تتم بهدوء وفى الميعاد المناسب

................
-ايه اكتر حاجة بضايقك في الشخص اللي قدامك؟
مكرر
-رأيك ايه في علاقة البنات والولاد في الجامعة؟
بصى احنا فى جامعة
يعنى لا مفر من التعامل والتعاون بين الطرفين
المفروض التعامل يكون له حدود معينة
يعنى مينفعش ميكونش فيه تعامل
ومينفعش الحاجات التانية اللى بنشوفها دى
الاعتدال فى كل شئ مطلوب طالما فى حدود الاحترام والدين
................


-لو مسمكيش مني تحبي يبقي اسمك ايه؟
لأ أنا حابة اسمى كده:hey:
-ايه رأيك في اسم اسراء؟
جميييل
-لو هتختاري اسم ليا غير اسراء هتختاري ايه ؟
وماله اسراء
مهو شغال أهو
متعبة انتى يا اسراء:Evil:

شايفة دورا احلي ولا اسراء (من حيث الاسم وكله كله :whistling:)
الاتنين عندى واحد
أنا ساعات بنسى وبناديكى اسراء
وساعات تانية دورا

احكيلنا موقف محرج وكذلك مضحك اتعرضيله؟
مكرر:whistling:



-رسيتي ع الضحية الجديدة ولا لسة بتختاري؟
رسيت
اما خليتكوا تنتقموا من بعض فى بعض
مبقاش أنا
..............
مع السلامة يا مني (صعبانة عليا )لو عاوزة اي مساعدة





















































































الرقم الذي طلبته غير موجود بالخدمة (ومش هيكون موجود )
:p:p:p
لااااااا ميصعبش عليكى غالى
ساعدينى انتى بس ومشوفكيش هنا تانى:hit:




مع السلامة
السكة اللى تودى:(
لو كان جنبى زير دلوقتى كنت دشدشته:hey:

RoOoLeTa
04-13-2010, 01:25 AM
ههههههههههههههههههههههههه مش عارفه ليه بفتكر نفسي لما نزلت اول مرة ضحية

والله يا بنتي حصل فيا اكتر من ذلك عامه احب اطمنك ان دا من مراحل التجنيد هتطلعي من سلاله روليتا وبنت مصرية نيهاهاههاهاهاه

NoonaSweetY
04-13-2010, 10:47 AM
ايه عمار
wherever you find me , you find aya
ميزتها
على طول شايفة الدنيا بمبى
عشان كده دايما مبتسمة
وأنا على طول مبتسمة
بيبقى منظرنا تحفة على بعض
آية الصديق اللى تلاقيه جنبك وقت الشدة
يخاف عليك ويقف جنبك
فاكرة يا يويو امتحان الميديكال
عيبها
المفروض انها عارفة ان نص كلامى هزار
بقت الفترة دى بتزعل على حاجات مش مستاهلة
وكمان أزعة ....مش ممكن فيه ناس قصار كده
2-حاجة بحبها وحاجة بكرهها
مش مكفيكى الدش اللى فوق
3-
هههههههه فتكات
4
-ممرضة عشان تضرب حقن
نحطها فى أوضه كلها سرنجات وقطن
عارفاكى بتعزى الضرب زى عنيكى


شكرا يا منى على الكلام الحلو اللى قلتيه فى حقى
لكن يا استاذة انتى احيانا بتعملى حاجات بتضيقنى
عشان كده بزعل لانى بحس انك بتقصدى كده لكن انتى
عارفة انى بروق بسرعة
كمان انا مش على طول شايفة الحياة على طول بمبى
احيانا بتمر على ايام ببقى متضايقة و زعلانة وطبعا انتى عارفة
لكن لا انكر انى متفائلة عنك يا رئيسة قسم التشاؤم:p:p
كمان يا استاذة انا ازعة ده يعنى على اساس انك
بتكسرى النجف فى البيت:p
واصلا كمان ايه الاسم اللى انتى مختاراه
اولا انا بحب اسمى جدا لان جدتى الله يرحمها هى اللى سمتنى
وكمان ايه الوظيفة اللى مختاراه وانتى عارفة انى بخاف
من شكل الحقنة من بعيد
كمان لا انكر بعد كل ده انك قلتى فى حقى كلام حلو:o

Dr.mona
04-13-2010, 11:07 AM
ايه عمار
wherever you find me , you find aya
ميزتها
على طول شايفة الدنيا بمبى
عشان كده دايما مبتسمة
وأنا على طول مبتسمة
بيبقى منظرنا تحفة على بعض
آية الصديق اللى تلاقيه جنبك وقت الشدة
يخاف عليك ويقف جنبك
فاكرة يا يويو امتحان الميديكال
عيبها
المفروض انها عارفة ان نص كلامى هزار
بقت الفترة دى بتزعل على حاجات مش مستاهلة
وكمان أزعة ....مش ممكن فيه ناس قصار كده
2-حاجة بحبها وحاجة بكرهها
مش مكفيكى الدش اللى فوق
3-
هههههههه فتكات
4
-ممرضة عشان تضرب حقن
نحطها فى أوضه كلها سرنجات وقطن
عارفاكى بتعزى الضرب زى عنيكى

شكرا يا منى على الكلام الحلو اللى قلتيه فى حقى
لكن يا استاذة انتى احيانا بتعملى حاجات بتضيقنى
عشان كده بزعل لانى بحس انك بتصدقى كده
كمان انا مش على طول شايفة الحياة على طول بمبى
احيانا بتمر على ايام ببقى متضايقة و زعلانة وطبعا انتى عارفة
لكن لا انكر انى متفائلة عنك يا رئيسة قسم التشاؤم:p:p
ههههههه فيه فرق بين انى بخاف من بكرة وايه اللى هيحصل فيه
وانى متشائمة وشايفة الدنيا سودة

كمان يا استاذة انا ازعة ده يعنى على اساس انك
بتكسرى النجف فى البيت:p
ههههههههه ده أ،ا من كتر الخساير اللى سببتهالهم
شالوا كل نجف البيت
كفاية أنا منوراهم:p:D
واصلا كمان ايه الاسم اللى انتى مختاراه
اولا انا بحب اسمى جدا لان جدتى الله يرحمها هى اللى سمتنى

شفتينى روحت غيرت شهادة ميلادك
وأنا عاجبنى اسم فتكات
لو مش عاجبك خليه سونة:whistling:
هههههههههه
هااااااا يعجبك الاسم ده
احم احم ...أظن فتكات أحلى وأظرف بكتير:whistling:

وكمان ايه الوظيفة اللى مختاراه وانتى عارفة انى بخاف
من شكل الحقنة من بعيد

هههههههه عشان كده حطالك الشغلانة دى مخصوص
كل الوظايف اللى حطتها دى كانت بناء على شخصية كل واحدة
عارفة ان دى بتحب كذا فحطتلها كذا
وعارفة ان دى بتخاف من كذا فحطتلها كذا
وهكذا

كمان لا انكر بعد كل ده انك قلتى فى حقى كلام حلو:o



ميرسى يا يويو:wub:
انتى تستاهلى أكتر من كده أكيد
ملاحظة: أحسن فيه ناس خدت كلامى على محمل الجد
أنا تلات أربع كلامى هزار وكنت بكتبه وأنا بضحك:D
وكاتبة أسماء ووظايف غالبا مش هيفم قصدى ايه منها غير صاحبتها:wiink:
وبعدين أنا مليش دعوة السؤال اللى كان طالب كده
اتحاسبوا مع هبة بقى هى اللى قاصدة تورطنى فى الأسئلة دى

Dr.mona
04-13-2010, 12:31 PM
منى منى منى
سؤال المشرفين بدل ما اعقابك
نياهاهاهاهاهاهاهاها:Evil:
كلهم حلوين وبيسلموا عليكى:whistling:


- املئي الفراغ بما يناسبه من شخصيات المنتدى

شخصية محبوبة..وايت كلاود
شخصية مشهورة...الأدمن
شخصية مميزة.....Le roi قدر فى وقت قصير جدا يكون عضو مميز بالفعل ؛ Clever4Ever
شخصية اود التعرف عليها اكثر...منامينو
شخصية تعجبني..روليتا
شخصية مظلومة...أنا:(
شخصية ضحوكة..دورا وميتيورك دياموند وميمونة:D
شخصية متزمته...مفيش:confused:
شخصية عصبية...رامى الأنور فى الرياضى
شخصية ذكية..Le Temoin
شخصية عاقلة....Messidona كفاية انه مشرف على الرياضى
شخصية مبدعة...هبة 2009 وايمان



هاجي تاني علفكرة:Evil:






كنت معدية كده جنب الموضوع
قلت اجى اسلم
واقولكم اسئلتكم حلوة يا بنات
بس مش قليلة كده :whistling::whistling:
خلينى ساكتة أحسن.....الصبر طيب
;););)
وانتى يا منى جاوبى قبل ان تنتهى الطيبة اللى نازلة عليا ومخليانى مبطلة اسأل حد
بس سؤال واحد على الماشى
ايه رايك فى snowwhite على ارض الواقع وفى المنتدى
وربنا معاكى





يلا مجاتش على سؤالك يا دينا;)
سنوايت على أرض الواقع هى هى على المنتدى
شخصية لذيذة وجدعة وطيبة
على طول مصدعاها بأسئلتى ومشاكلى
وعلى طول متابعانا بنصايحها وبالورق:wiink:
جد جدا وقت الشغل بتحب شغلها أوى وبتدى بدون مقابل:o
أما بتهيس ياربى بتبقى واحدة تانية خاااااالص:D





طوول ما انتي موش بتجاوبي على اسئلتي هسال تاني
و رضوى هتسال
يعني موش هتخرجي من هنا اساسا اصلا:Evil:
هو انتى مديانى فرصة أجاوب
كل ما أعتمد مشاركة الأقى أسألة اتحطلى معرفش منين
خلاص النهاردة هطلع وهنتقم من الكل
ومنك انتى بالذات
اصبرى على رزقك





*اكتر شخص بيحسسك :


الفرح اللى يجيبلى خبر كويس


الحزن ماما لما بلاقيها تعبانة


الرغبة فى البكاء أى شخص بيكون فى مشكلة أو أسمع عنه خبر وحش


الاستغراب اللى بيعمل حاجة غريبة مش متوقعة


الانطلاق :confused:





*ممكن اى حد يشوف دموعك ؟وايه اللى ممكن يبكيك ؟


مع انى تخصص فى العياط


بس صعب جدااا أعيط قدام حد حتى لو عيلتى


مبيشوفش دموغى غير المقربين ليا أوى من قرايبى أو اصحابى


اللى ممكن يبكينى حاجات كتيير أوى


لو شفت حد عنده عيب فى حاجة


ممكن أزعل عليه وأعيط


زيارة المسنين اللى فاتت مع انى عارفة انى هشوف مدرسى فيها


شوفته مقدرتش برضه أمسك نفسى;)


فيه كارتون معين كل أما آجى أتفرج عليه أعيط:(


فيلم اتفرجت عليه مليون مرة فيل كده وأقول لنفسى مش هعط


وبرضه بعيط:(


تعرفى لو شربت نسكافيه


بيوترنى وبلاقى نفسى عايزة أعيط


هههههههه


أنا حساسة زيادة عن اللزوم


متفتحنيش بقى أحسن أعيط منك دلوقتى:D






*كلام الناس بيهمك ولا بتطنشي ؟


أكيد بيهمنى وبيأثر فيا


بس مش كل الناس أكيد





*وقت فراغك بتقضيه فى ايه ؟


فى أى حاجة مسلية


وغالبا بيكون على النت





*شايفة ان فى حد يستاهل انك تضحى عشانه ؟


أمى.....لو هضحى بعمرى عشانها مش هعرف أوفيها حقها:o





*ممكن تتاثري براي اللى حواليك بسهوله ؟


غالبا آه


فيه أشخاص معينة بقتنع بآرائها على طول


بس مش أى حد أتأثر بآرائه برضه:unsure:





*ايام المدرسه كنتي طالبة مجتهدة ولا منفضة


مكنتش بذاكر أوى حتى فى الثانوية العامة


ومع ذلك كنت شاطرة





*كنت بتتضربي كتير ؟وكام مرة زرتي اودة الناظر ؟


لأ خااااالص وأما كنت بتضرب بفضل طول اليوم أعيط


وكل الفصل يفضل يلوم المستر لأنى كنت أشطر واحدة فى الفصل


زورته كتييييير بس عشان أسلم عليه وبسس:p


أو عشان أشتكى من حاجة





*ههههه عمرك حيتي العلم ايام المدرسه ؟ كام مرة ؟


ههههههه آه ياااااااربى على اللى كنت بهبله:blush:


لأ مهو أنا بعد اللى كنت بهبله ده بطلت أطلب أحيي العلم:whistling:





*كنت بتشتركي فى الاذاعة المدرسيه ؟


اذاعة يوم الحد


كانت بالانجليش





*اتقفشت قبل كده وانتي بتزوغي من المدرسه ؟


لأ كنت طول عمرى ملتزمة


مكنتش بحب أغيب حتى أيام المراجعة لغاية ما هما يقولوا


فنيتو متجوش هنا تانى:hit:





*اخدتي كام استدعاء ولى امر ؟


لا اله الا الله


بتنكشى ورايا ليه يا راوية


ولا مرة يا حبى


بالعكس كانوا بيبعتوا لبابا جوابات شكر :p


ايه رأيك بقى:hit:





*شهادة تقدير او جايزة عمرك ماتنسيها ؟


كلهم مش هنساهم و محتفظة بيهم


كل حاجة منهم مرتبطة معايا بذكرى أو مناسبة جميلة






*كلمة اتقالتك من حد بتفتخري بيها


أى كلمة كانت بتتقالى عشان تشجعنى انى أكمل وانى أنا ماشية صح


أكيد كانت بتفرحنى وبفتخر بيها






عيبها
التوتر التووترر التوووتررر
وهز رجليها الكتير
مليون مرة أقولها اركزى كده عشان أعرف أركز
تبطل حبة وترجع تانى
فى مرة هحبسك تحت البنج ومش هطلعك غير آخر المحاضرةhttp://www.phmcy.com/vb/images/green2/smilies/hey.gif
اه علي اساس انك هاديه اوي
ما انا هابعت ل اريد حلا ههههههههه

على الأقل أهدى منك ومش بجيب للى جنبى العصبى
وطول الوقت شغالة فيبريشن
لازم تبعتيلهم بسرعة يا دينا قبل ما الحالة تتطور:p

3-
زغلولة
ههههههه
هههههه ملقتيش غير الاسم ده؟؟
عارفه انتي بقي المفروض يبقي اسمك ايه
فتكات او بكيزه ها اقول كمان ولا كفايه ؟:p
أصل عارفة انك عندك حساسية من الاسم ده
فلقيته أنسب اسم ليكى
فتكات وبكزة خلاص اتجزوا لناس تانية
جاية متأخر يا شاطرة:hit:


آآآآآآآآآآه يانى
فاضل أسألة Le Roi وأكون أنا خلاص فنيتو

معلش يا أحمد أنا آسفة
المفروض أسألتك تتجاوب فى الأول
بس علبال موضبت شنطة هدومى عشان هروح بنفسى هناك
مش هستناهم يبعتولى:whistling:


خلاص يا شباب
الموسم انتهى يعنى مفيش أسألة تنزل تانى:hit:
حل الأسألة بعد ما أرجع من الكلية وعلى بليل هختار هنضحى بمين المرادى
الى الانتقاااااااااام
:Evil::Evil::Evil:
:Evil::Evil:
:Evil:

dr.dora
04-13-2010, 05:30 PM
هههههههههههههه
علي فكرة احمد طلع طيب يا مني وصبور اوي
انا لو منه اعاقبك انك مجاوبتيش علي اسئلتي واسألك تاني
:p:p:p:p
وضيفي ع الاسئلة كم عدد الاحزاب في مصر :p:whistling:
(ايموشن بيضحك وهيموووووووت من الضحك :p

http://www.lakii.com/vb/smile/2_125.gifhttp://www.lakii.com/vb/smile/2_125.gifhttp://www.lakii.com/vb/smile/2_125.gifhttp://www.lakii.com/vb/smile/2_125.gif
http://www.lakii.com/vb/smile/2_125.gifhttp://www.lakii.com/vb/smile/2_125.gifhttp://www.lakii.com/vb/smile/2_125.gif
http://www.lakii.com/vb/smile/2_125.gifhttp://www.lakii.com/vb/smile/2_125.gif
http://www.lakii.com/vb/smile/2_125.gif
انتي عارفة ده اكتر ايموشن بحبه وبموت فيه:blush::blush:
شوفي حلو ازاي ولذيذ :whistling::p
اوعي تكوني متغاظة ولا حاجة:whistling::p

dr.beauty
04-14-2010, 01:29 AM
سيبك يا منى من الاسئلة والافلام دى وخليكى فى البحث بتاعنا بدل ما نسلمه فى اخر لحظة
هو حد فاضيلك اصلا ناس وراها البحث وناس تانية وراها icdl

Dr.mona
04-14-2010, 02:46 AM
علي فكرة احمد طلع طيب يا مني وصبور اوي
انا لو منه اعاقبك انك مجاوبتيش علي اسئلتي واسألك تاني
:p:p:p:p




ههههههههه جاية تهدى النفوس انتى
هو طيب وصبور .....زعلانة انتى ليه:hit:
اطلعى منها بس عشان تعمر:hey:


وضيفي ع الاسئلة كم عدد الاحزاب في مصر:p:whistling:


ولا أكنى شفت حاجة
روحى يا شاطرة العبي بعيد عن هنا :Evil:




شوفي حلو ازاي ولذيذ:p:whistling:


ياتى كميييييييييلة
ده طالع شبهك:p


اوعي تكوني متغاظة ولا حاجة


لأ خاااااااالص على فكرة
اتعودت على كده خلاص:(




]quote=Le Roi;252085]

إزيك يا دكتورة
تمام الحمد لله

أنا الحقيقة مكنتش بشارك في إني اسال الضحية بس الحقيقة بعد ما نزلت قررتإن محدش يعدي من تحتي تاني عشان لما أنزل بعد كده , أنزل و أنا مرتاح البال:Evil:
دلوقتى بس بعد ما جربت عذراك يا دكتور;)
وشكلنا هننتقم بعد كده سوا:Evil:

و بما إنك اصبحتي الضحية النهارده فاحب اوجه لك بعض الأسئلة على السريع
هههههه دى كلها أسئلة على السريع
أمال البطئ كان هيبقى شكله ازاى:D
اتفضل:o

- إيه رايك في فمسي سواء اسرة أو منتدى ؟
فمسى كمنتدى له فضل كبييييير علينا كلنا الكبير مننا قبل الصغير
أول مكان جمعنا كلنا على حاجة واحدة
نتحاور ونلعب ونساعد بعض فى الدراسة
مرة تخيلت لو مكانش فيه فمسى
بجد عمرى ما كنت هتعرف على الكم الرهيب ده من الشخصيات المحترمة
وكانت الحياة هتكون صعبة ومملة
ساعات بتضايق من تعديل وحذف المشاركات وكده
بس لما دخلت على منتديات تانية -وللعلم منتديات لكليات قمة- وشفت أسلوب الحوار كان ازاى عذرت المشرفين وعرفت أد ايه احنا منتدى محترم

أقدر أقول ان فمسى هدف وغاية نبيلة بتكبر مع الوقت وبتحقق بنجاح والحمد لله
فمسى كأسرة
تقريبا احنا أكتر أسرة شغالة وقدرت تستمر لغاية دلوقتى
لأن هدفنا مش بس نعمل الأنشطة اللى بتتعمل كل سنة وبس


لأ احنا بندور ايه الجديد اللى نعمله


وطبعا محمد ورباب لهم الفضل الأكبر فى ترابط الأسرة والمحافظة عليها وانها تكبر بالشكل ده


يعيبها بس عدم الاتصال الكافى ما بيننا لأن مش كله بيدخل على النت


واننا مش عارفين كل الأعضاء المشتركة معانا فى الأسرة



- إيه رايك في مجال الصيدلة و إيه طموحاتك بعد التخرج إن شاء الله ؟

- مجال الصيدلة من أجمل وأهم مجالات الطب وأقربها الى قلبى

ومستقبله كبييييرخاصة فى الفترة الجاية مع الزيادة المستمرة فى فواتير الدكاترة والأمراض الكتير اللى عمالة تظهر كل شوية دى

ينقصه ان الدكتور الصيدلى يرجع الدكتور بتاع زمان ميكونش كل هدفه المكسب المادى وانه يعلى الشيفت وبسسسس

الموضوع أكبر من كده بكتيييييير الموضوع متعلق بحياة وصحة انسان مريض-صاحب معاناة- بنقدمله دوا عشان نعالجه ونخفف عنه مش شخص بقى كل هدفى أناوله الدوا –ويا سلام لو دوا غالى-وآخد منه فلوسه ودمتم

احنا المفروض أكبر من كده بكتييييير والمفروض نبدأ بنفسنا لأن لو ادهور الحال أكتر من كده هنستحق فعلا يتقال علينا بقالين;)



إيه أكتر مادة عجبتك حتى الان ؟
السيوتكس
- إيه رايك في قسم نافذة على العالم ؟

شغااااااااال:whistling:
- إيه السبب إن حضرتك مش بلاقي ليكي مشاركات في النافذة ؟

الحقيقة هما سببين

الأول انى مليش فى السياسة وقراية الأخبار أوى

كل علاقتى بيها ان فيه شخصيات سياسية معينة بحب أقرا عنها

ولو خبر معين شدنى وببقى عايزة أعرف تفاصيل عنه أكتر بدخل أقراه وبعمل ثانكس وبسس

فيه مواضيع عملالها بوك مارك وناوية ان شاء الله أشوفها زى السيرة الحية لأنور السادات وزى موضوع العظماء المائة

الموضوعين رائعين ...بحييك عليهم

السبب التانى ان مش أى خبر هيضاف والسلام وعشان تضيف خبر لازم موافقة المشرف وشغلانة كده فببعد نفسى تماما عنها


- إيه رايك في طاقم الادارة في المنتدى كل على حدة ؟

سؤال المشرفين هما اللى بيجاوبوا عليه وأنا والحمد لله عضوة

بس أقدر أقلك ان كلهم فعلا مميزين عن غيرهم وبحسهم بيتسابقوا فيما بينهم فى تطوير وتجديد أقسامهم


- إيه رايك في السياسة ؟

الكلام فيها اليومين دول لازم يكون بحذر لأنه بيودى أبعد من مارينا كمان:whistling:
وده بجد مش هزار

- إيه رايك في الشخصيات دي :
جمال عبد الناصر

أول وآخر زعيم وطنى يجتمع عليه الوطن العربى كله
كان يعيبه بس اللى حواليه

محمد انور السادات

أنا من محبيه ومؤيده والسبب فى كده بابا
التاريخ بيثبت كل يوم انه هو كان الصح

محمد حسني مبارك

سلامة مرارتك يا ريس:D ....ان شالله احنا:whistling:
لا أنكر فضله فى تحسين علاقتنا بدول كتييييرة

- إيه رايك في موضوع الاضرابات الكتير اللي في البلد اليومين دول ؟
بقى موضة اليومين دول
ده حتى الاسماعيلى عمل اضراب;)


إيه رايك في الدكتور البرادعي ؟ و هل إنتي شايفة انه فعلا على قد الطموحاتاللي وضعها البعض عليه ؟


الدكتور البرادعى كل يوم بيكسب ناس جديدة فى صفه لأن الناس فعلا فى حاجة للتغيير


التغيير مطلوب بسأهم شئ يكون للأحسن

مينفعش أحكم دلوقتى على مجرد تصريحات ولقاء تلفزيونى

منتظرة أشوف الأيام الجاية هيحصل فيها ايه:unsure:

- سمعتي عن موضوع البيان اللي بيطالب بالتغيير ؟ إيه رايك فيه ؟

قريت عنه بالصدفة قبلها بيوم على الفيس

كل اللى طلعنا بيه الاشتباك بين قوات الأمن والشباب اللى كان مشارك

واصابات واعتقالات والله أعلم فيه ايه تانى

هو ده حال البلد واذا كان عاجب
يافرحتى;)



-لو في يوم من الايام اترشحتي لمنصب في وزارة أي وزارة تفضلي ؟
التربية والتعليم

- لو كنتي في يوم من الأيام رئيسة الجمهورية إيه اول قرار تاخديه ؟

هههههه هسجن اللىطلع قرار فى حكاية الأى سى دى ال دى
احم احم قرار زى الفل:unsure::unsure::unsure:
- ليكي في الكورة ؟ بتشجعي مين في الدوري المصري ؟
يعنى على أدى......الأهلى

إيه كان رايك في الازمة اللي كانت بين مصر و الجزائر ؟
أزمة كان المتسبب الأول فيها وسائل الاعلام سواء هنا أو هناك

غباؤهم صورلهم انهم بكده بيحمسوا الجماهير على التشجيع وانهم بكده بيأدوا خدمة وطنية

وتسببوا فى قطع علاقات بين البلدين وفى الآخر اللى ااتضرر كان الناس الغلابة اللى بتشتغل هناك وبتسعى ورا رزقها
كان ليه ده كله من الأول وعشان ايه يعنى سواء احنا ولا هما كنا هنروح ناخد كاس العالم يعنى;)

هتشجعي الجزائر في كاس العالم الجي ولا لأ ؟
بعد كل اللى حصل ده لأ:(

اظن كده كفاية , هابي ضحية يا دكتورة



[/quote]

نورت يا دكتور وآسفة جدا على التأخير
النت كان بطئئئئ جدا وفين وفين لما عرفت أعتمد المشاركة
ميرسى جدا على طول صبرك رغم تحريضات دورا الشريرة:hey:
بس فعلا الفترة اللى فات كنت كل يوم بنزل فكنت بجاوب الأسئلة السهلة الأول
عشان أخف حاجة من اللى عليا
تقبل تحياتى:o

dr.dora
04-14-2010, 09:28 AM
دورا الشريرة :Evil:ده انا نسمة :p:whistling:
وبعدين بتقولي ان شاء الله احنا يجيلنا المرارة بدل مبارك :hey:
الشعب عنده اكتر من المرارة يا مني
استفزتيني بالجملة دي :hey::Evil:
وبعدين وزارة التعليم العالي هي اللي فرضت الاي سي دي ال
روحي احبسيهم بقي :p


يلا زهقنا منك :p:hey: اختاريلنا ضحية حلوة كده
رغم اني مش ناوية اسألها/اسأله هكتفي بالفرجة والشماتة :whistling:

بنت مصرية
04-14-2010, 03:16 PM
منى كده خلصت
اسال بقى

السؤال الاول
ايه رايك فالشخصيات الاتية (http://www.phmcy.com/vb/showgroups.php)

نيااهاهاهاهاهاها:Evil:

RoOoLeTa
04-14-2010, 03:37 PM
انا اطالب وبشده انك تجاوبي علي سؤال المشرفين دا بقي سؤال رسمي في الضحية مينفعش تاخدي المصل من غيره :wiink:

Heba Mahmoud
04-14-2010, 03:45 PM
فين الضحيه الجديده
عشان لما اقول بطيئه متقوليش لا :p

frawla
04-14-2010, 04:12 PM
بصى يا منى انا طيبة خالص :D
ومش هسألك غير هم سؤالين اتنين

أولهم ايه رأيك فى frawla
وثانيهم من كلامك قولتى ان فمسى الاسرة اكتر اسرة شغالة فى الكلية
وبرغم كده كان فى ورقة متعلقة عن ترتيب الاسر لهذا الاسبوع
وكانت فمسى اخدة المركز التانى
ايه تعليقك على الموضوع ؟؟

شوفتينى خلصت بسرعة ازاى :wiink: