النتائج 1 إلى 8 من 8

الموضوع: معلومات هامة عن اتحاد الطلاب

السلام عليكم ورحمة الله وبركاته ازيكم يا اعضاء فمسي ؟؟ عاملين ايه؟؟ يا رب تكونوا بخير طبعا كلنا عارفين ان فتح باب الترشيح لانتخابات اتحاد الطلاب بدأ من النهاردة

  1. #1
    صيدلي رهيب الصورة الرمزية M.Abd El-Maugod
    تاريخ التسجيل
    Nov 2007
    الدولة
    بورسعيد
    العمر
    24
    المشاركات
    702
    شكراً
    0
    شكر 0 مرات في 0 مشاركات
    معدل تقييم المستوى
    10

    افتراضي معلومات هامة عن اتحاد الطلاب

    السلام عليكم ورحمة الله وبركاته

    ازيكم يا اعضاء فمسي ؟؟

    عاملين ايه؟؟

    يا رب تكونوا بخير

    طبعا كلنا عارفين ان فتح باب الترشيح لانتخابات اتحاد الطلاب بدأ من النهاردة ومستمر لغاية يوم التلات ان شاء الله

    ودي أول سنه يكون الميعاد معروف من قبلها بفترة كويسة

    وصدقوني قبل ما نتكلم في اي حاجه بخصوص الاتحاد اقسم بالله الميعاد ده مكانش فيه اي طالب بيعرفه ولا رعاية شباب ولا وكيل كلية ولا عميد كلية وكان الجدول الزمني الخاص بعملية الانتخابات بيترمي تحت باب رعاية الشباب قبلها بيوم واحد وبعد ما بيتأكدوا ان كل موظفين الرعاية مضوا انصراف وزمانهم في بيوتهم من اكتر من ساعتين او 3 ساعات وكنا علشان ننزل انتخابات الاتحاد كنا كل يوم لازم نكون موجودين في الكلية وننزل نسأل في رعاية الشباب باب الترشيح هيفتح النهاردة ولا لسه ولما كان بيجي اليوم ده للأسف كان بيبقى يوم واحد بس من الساعه 9 صباحا للساعه 3 مساء وفيه ناس كتير كانت بتبقى عايزة تنزل ومش بيعرفوا

    الموضوع ده انا عملته بعد اقتراح من
    dr.dora علشان نتكلم فيه عن كل شئ يخص اتحاد الطلاب ويا ريت ناخد الكلام اللي هقوله في الموضوع ثقة لاني الحمد لله من ساعة ما دخلت الكلية من اعدادي وانا بنزل انتخابات الاتحاد ومفوتش ولا مرة لغاية دلوقتي يعني المرة الجاية لو نزلتها هتبقى خامس مرة انزل فيها انتخابات اتحاد الطلاب

    ودلوقتي نبدأ ان شاء الله بشروط الترشح لعضوية اتحاد الطلاب

    لغاية الترم اللي فات شروط المادة 319 في اللائحة التنفيذية لاتحاد الطلاب كانت واضحة

    1- متمتعًا بجنسية جمهورية مصر العربية .

    2- متصفًا بالخلق القويم والسمعة الحسنة .

    اول شرطين واضحين طبعا

    3- طالبًا مستجدًا في فرقته .

    الشرط ده يعني ناجح حتى لو كان بمادة او اتنين اهم حاجه ميكونش مدبلر

    4- مسددًا الرسوم الدراسية .

    وده واضح برضو

    5- له نشاط مؤكد ومستمر في مجال عمل اللجنة التي يرشح نفسه فيها .

    وده معناه ان لازم اللي هيرشح نفسه في لجنة معينة يكون ليه اكتر من نشاط سابق في اللجنة اللي هيترشح ليها

    6- لم يسبق أن وقعت عليه أي من الجزاءات المنصوص عليها في المادة 183 من لائحة القانون رقم 49 لسنة 1972 بشأن تنظيم الجامعات ، أو تقرر إسقاط أو وقف عضويته بأحد الاتحادات الطلابية أو لجانها .

    عقوبات القانون 49 محدش اتعرضلها قبل كده من كليتنا بصراحة وعلشان كده احنا مش عارفينها اوي بس عموما هي زي عقوبات الغش ومجالس التأديب والكلام ده والجزء التاني الخاص باسقاط او وقف العضوية وده اللي المادة 333 اتكلمت عنها والعقوبات دي بتكون ناتجة عن الاخلال بسمعة الاتحاد او الاضرار بمصالحه

    طب انتخابات الترم ده شروط الترشح لعضوية اتحاد الطلاب هتكون ايه

    الشروط كلها واضحة واهم حاجه واضحة فيها ان شرط النشاط اتلغى الترم ده وكذلك شرط سداد الرسوم الدراسية بس مش عارفين بقى ينفع طالب راسب يترشح ولا لا لأن الاعلان متكلمش عنه والكلام اللي مكتوب في الاعلان اللي اعتمده دكتور محمد الزغبي

    1-السماح لجميع الطلاب بالترشيح والتصويت بدون الالتزام بشرط سداد الرسوم الدراسية

    2-اسقاط العقوبات للترشيح باستثناء عقوبة حالات الغش

    طيب دلوقتي انا عايز ارشح نفسي بس مش عارف ايه اللجنه المناسبة ليا

    فيه 7 لجان ممكن ترشح نفسك فيهم وهقولهملكوا بترتيبهم

    1-اللجنة الاجتماعية والرحلات ودي في رأيي انها اتقل لجنة من ناحية الشغل والمجهود في ال 7 لجان

    واهم اهدافها هي تنظيم معسكرات اعداد القادة واشهرها معسكر حلوان ومعسكر الفيوم وتنظيم الرحلات زي رحلة الاقصر واسوان واقامة بطولات الشطرنج والقيام بالاعمال الخيرية والقوافل الطبية وغيرها انشطة تانية كتير

    2-لجنة النشاط الثقافي والاعلامي

    ودي اللي بتهتم باقامة الندوات الثقافية واصدار المجلات المطبوعة والاشتراك في مسابقة دوري المعلومات ومسابقات القصة القصيرة والابحاث والكلام ده كله

    3- اللجنة الفنية

    ودي اهدافها الاشتراك في مهرجان المسرح الجامعي لابراز مواهب الطلاب وتنظيم مسابقات المعارض الفنية واصدار مجلات الحائط وغيره

    4-اللجنه الرياضية

    وطبعا دي اهدافها واضحة من اسمها وهي تنظيم المسابقات الرياضية بين طلاب الكلية وطلاب الجامعه كرة قدم ويد وطايرة وسلة وسباحة واحيانا بيكون ليها زي معسكرات بتتعمل وبيكون فيها نشاط رياضي شامل اكتر من رياضة وبتكون في السويس او في بورسعيد

    5-لجنة الجوالة والخدمة العامة

    واهدافها تكوين عشيرة جوالة لكل كلية والمشاركة في الدورات الكشفية للجامعة وتنظيم مشروعات الخدمة العامة زي حملات النظافة مثلا

    ودي اقل لجنة فيها نشاط في كليتنا علشان احنا كلية عملي والمعسكر مثلا بياخد حوالي 10 ايام ده غير التدريب وده كله بيعطل وقت الكلية


    6-لجنة الأسر الطلابية وفي الحقيقة دي تاني اصعب لجنة في الشغل بعد اللجنه الاجتماعية

    واهدافها دعم تكوين الاسر الطلابية والاشتراك في كرنفال الاسر الطلابية وانا قلت انها تاني اصعب لجنة لان الاسر هي عصب النشاط في الحياة الجامعية دي اول نقطة وتاني نقطة انها ملهاش اهداف واضحة في اللايحة والنشاط فيها كله بيعتمد على الابداع

    7-لجنة النشاط العلمي والتكنولوجي ودي اللجنة الجديدة اللي اتضافت في العام الدراسي 2008/2009

    واهدافها اقامة الندوات العملية واقامة المسابقات بين طلاب الجامعه زي مسابقة الابحاث العلمية ومسابقة افضل موقع على مستوى الجامعه ومسابقات افضل مشروعات و تنظيم دورات الحاسب الالي المختلفة

    كده خلصنا مرحلة فتح باب الترشيح نتكلم عن الجزء اللي بعد كده في الجدول وهو اعلان الكشوف المبدئية للمرشحين وبتكون متقسمة بالعرض مكتوب فيها ال 7 لجان وبالطول الفرق الدراسية وادام كل فرقة بيبقى مكتوب اسماء الطلاب اللي اترشحوا في كل لجنة

    بعد ما الناس شافوا الكشوف المبدئية بيدخلوا على المرحلة اللي بعد كده وهي الطعون والطعون كانت بتتعمل قبل كده على اساس النشاط يعني الطالب اللي مكانش ليه نشاط كان المفروض انه لا تنطبق عليه شروط الترشيح وبالتالي كان بيتقدم فيه طعن وفي الغالب الطعن كان بيتقبل دلوقتي بند النشاط اتلغى من الشروط اعتقد ان الطعون مش هيكون ليها اهمية في انتخابات الترم ده

    بعد فحص الطعون ولما يشوفو اذا كانت الطعون دي تستحق انها تتقبل ولا لأ بعدها بيوم بتنزل الكشوف النهائية وهي نفس فكرة الكشوف المبدئية بالظبط بس الفرق بينهم ان بعد ما الكشوف النهائية بتنزل مش بيكون فيه فرصة لطلبات الطعون

    والكشوف النهائية هي اللي هتتعمل على اساسها انتخابات المستوى الاول والثاني والثالث

    1-انتخابات المستوى الأول اللي هي انتخابات الدفعة او انتخابات اعضاء اللجان وبيكون فيه انتخابات دفعة بطريقة الانتخاب السري المباشر وسري لان مش من حق اي حد يشوف انت اخترت انهو مرشحين ومباشر لانك بتختار المرشحين اللي انت عايزهم مباشرة لما بيكون اكتر من طالبين مترشحين لعضوية اللجنة يعني لو فيه لجان فيها 3 طلاب مثلا هتتعمل بينهم انتخابات على مستوى الدفعه واللي هينجح منهم 2 بس وبالنسبة للجان اللي فيها عضوين فقط مش بيكون فيها انتخابات دفعة ويعتبر العضوين ناجحين بالتزكية ويدخلوا على المستوى التاني مباشرة

    2-انتخابات المستوى الثاني وهي انتخابات امناء وامناء مساعدين اللجان بطريقة الانتخاب السري غير المباشر لانك المفروض خلاص فوضت عضوين بنيابة عنك ينتخبوا امين وامين مساعد للجنة على مستوى الكلية وعلشان كده هو غير مباشر واعضاء كل لجنة بينتخبوا من بينهم أمين وأمين مساعد للجنة

    3-انتخابات المستوى الثالث برضه بتكون انتخاب سري غير مباشر لاننا بعد ما بقى عندنا خلاص امين وامين مساعد كل لجنة على مستوى 7 لجان يعني 14 عضو مجلس اتحاد بينتخبوا من بينهم أمين وأمين مساعد للمجلس

    كده احنا تقريبا وضحنا كل حاجه عن الانتخابات

    نيجي بقى لموضوع اذا كان الاتحاد بيعطل الوقت ولا لأ وانا مش هتكلم عن الترم ده تحديدا لان الله اعلم ممكن ميكونش فيه انشطة الترم ده بس هكلمكوا عن الموضوع ده عموما

    لو احنا هنتكلم دلوقتي عن اتحاد اد المسئولية وهيقوم بكل المهام اللي عليه

    بصراحة الاتحاد مش هيعطل الوقت اوي في حالة ان الاجتماع يكون فيه ميعاد متفق عليه من بداية انتخاب الاتحاد وتكون كل الفرق معندهاش اي محاضرات او سكاشن فيه وينعقد فيه المجلس كل اسبوع وفكرة النشاط مش هتعطل اوي ان شاء الله وقت في حالة انك هتشترك في انشطة معينة مش هتشارك في كل الانشطة وبرضو في حالة ان يكون كل اعضاء الاتحاد متعاونين وميبقاش 3 ولا 4 بس اللي شايلين الاتحاد

    بس مكدبش عليكم الاتحاد لو هيقوم بدوره المطلوب منه وهيكون اد المسئولية لازم يكون فيه تعطيل وقت شوية واقوللكم الدليل على كده مثلا النشاط المسرحي البروفة الواحدة بتاخد حوالي 3 ساعات وبيكون فيه حوالي 3 بروفات في الأسبوع لمدة شهر مثلا و معسكرات اعداد القادة بتكون مدتها 5 أيام مثلا اكيد مش هتحضر فيهم ولا محاضرات ولا سكاشن وكرنفال الاسر الطلابية برضو بيكون ليه بروفات ولو الكلية فازت بمركز بيطلعوا معسكر 3 أيام مثلا وبرضو لو فيه ندوة على مستوى الجامعه ميعادها بيبقى محدد مينفعش يتغير دي برضو اكيد بتعطل

    بس اكيد لو فيه حد ناوي يترشح للاتحاد او يشارك في انشطته مش هيشارك في كل الحاجات دي

    كده الحمد لله انا قلت تقريبا كل اللي فاكره عن الاتحاد دلوقتي ولو فيه حد عنده اي استفسار او فيه حاجه مش واضحة بالنسبة ليه يا ريت يقول وان شاء الله هجاوبه



    lug,lhj ihlm uk hjph] hg'ghf


  2. #2
    مشرف الصورة الرمزية dr.dora
    تاريخ التسجيل
    Mar 2009
    الدولة
    مدينة الأخلاااااق وبـس
    العمر
    23
    المشاركات
    7,064
    شكراً
    0
    شكر 0 مرات في 0 مشاركات
    معدل تقييم المستوى
    21

    افتراضي

    معلومات فادتني جدا والله
    مكونتش عارفة حاجة خالص غير اسامي وبس
    والكلام حسيت منه ان الاتحاد ده كيان كده وحاجة كبيرة وليها مكانتها
    -المفروض طبعا-
    وان شاء الله اللي حصل مبدئيا والاعلان عن معاد الترشح يكون بداية لاتحاد طلبة بمعناه
    وشكرا ليك ع الاستجابة بجد الف شكر

  3. #3
    فمساوي في العضل الصورة الرمزية nada
    تاريخ التسجيل
    Nov 2008
    الدولة
    my world
    العمر
    22
    المشاركات
    1,502
    شكراً
    0
    شكر 1 مرة في 1 مشاركة
    معدل تقييم المستوى
    20

    افتراضي

    ثانكس جزيلا
    وربنا يوفق الجميع للخير

  4. #4
    صيدلي فلته الصورة الرمزية dr\rere
    تاريخ التسجيل
    Jul 2009
    الدولة
    الاسماعيلية
    المشاركات
    1,231
    شكراً
    0
    شكر 0 مرات في 0 مشاركات
    معدل تقييم المستوى
    16

    افتراضي

    جزاك الله خير
    والله انا مكنتش فاهمة اى حاجة فى الاتحاد ده خالص

  5. #5
    صيدلي فلته الصورة الرمزية ليلى أحمد
    تاريخ التسجيل
    Nov 2008
    الدولة
    .............
    المشاركات
    1,307
    شكراً
    0
    شكر 0 مرات في 0 مشاركات
    معدل تقييم المستوى
    16

    افتراضي

    عرفت النهاردة إن باب الرشيح إمتد ليوم الأحد القادم
    إنتخابات نزيهه إن شاء الله

  6. #6
    صيدلي رهيب الصورة الرمزية M.Abd El-Maugod
    تاريخ التسجيل
    Nov 2007
    الدولة
    بورسعيد
    العمر
    24
    المشاركات
    702
    شكراً
    0
    شكر 0 مرات في 0 مشاركات
    معدل تقييم المستوى
    10

    افتراضي

    فيه نقطة مهمة نسيت اتكلم فيها في الموضوع وهي التحويلات

    التحويلات مفيش لايحة اتكلمت عنها قبل كده ولا كانت موجودة ضمن الجدول الزمني للانتخابات في اي سنة من السنين اللي فاتت ولا في جدول انتخابات الترم ده

    بس وديا كان بيبقى فيه تحويلات قبل كده بس كانت نسبة قليلة جدا

    وعموما التحويلات مسموح بيها في الانتخابات دي بالذات

    طب المفروض ان التحويلات بتبقى امتى في جدول الانتخابات ؟؟

    المفروض ان التحويلات والتنازلات بتكون في الفترة من اعلان الكشوف المبدئية الى اعلان الكشوف النهائية

    طب ايه الهدف الاساسي من التحويلات ؟؟

    المفروض ان احنا بيبقى قدامنا حرية اختيار اللجنة اللي هنرشح نفسنا فيها قبل غلق باب الترشيح يعني اللجنة اللي انا هختارها هتكون على اساس ان هي دي اللجنة اللي انا حاببها وناوي اعمل شغل كويس فيها طيب فرضا انا بعد ما قدمت ورق ترشيحي في لجنة الاسر مثلا بعد كده عدت التفكير تاني ولقيت ان اللجنة العلمية هتكون مناسبة ليا اكتر يبقى على اساس كده هقدم طلب تحويل للجنة التانية وعلى اساس كده بيتوافق عليه

    وكل الكلام ده كويس جدا بس احنا عارفين ان اللي بيزيد عن حده بيتقلب لضده

    بمعنى ان التحويلات بيتوافق عليها ودي حاجه كويسة في حالة ان الهدف منها بيكون المصلحة العامة بس لما تزيد عن حدها او بيكون الغرض منها غرض شخصي للأسف بتبقى مش كويسة

    من الاخر التحويلات ممكن تكون فايدة كبيرة ليك ولزمايلك لو انت رحت تقدم في لجنة واكتشفت بعدها ان فيه لجنة ممكن تشتغل فيها احسن وعلشان كده غيرت رأيك وطلبت التحويل

    طيب فيه ناس بتحول من لجنة للجنة تانية لهدف تاني ؟؟

    طبعا دي بتبقى اسمها الانتخابات القذرة لما طالب يشوف نفسه في لجنة مستحيل ينجح فيها باي حال من الاحوال لانه على علم كبير جدا بمدى قوة المرشحين اللي نازلين قصاده علشان كده بيحول للجنة ضعيفة يكون عنده امل انه يكسب فيها

    مثال على كده طالبة نازلة في لجنة فيها 7 طالبات مثلا وشايفة لجنة تانية فيها طالبين وطالبة في الغالب اللي هيفوز في اللجنة دي طالب من الاتنين والطالبة اللي في اللجنة طيب لما واحدة تانية تيجي تحوللها اصبحت المنافسة دلوقتي بينها وبين واحدة تانية بس بعد ما كانت بينها وبين 6 هيبقى احتمال فوزها اكبر ويبقى عندها احتمال من اتنين اما انها تعمل تحالف قوي مع زميلتها اللي نازلة معاها في نفس اللجنه لو شايفة ان شعبية زميلتها دي قوية وساعتها هيكسبوا هما الاتنين ولو شايفة ان شعبية زميلتها دي ضعيفة يبقى هتعمل تحالف مع طالب من الاتنين اللي معاها في اللجنة وفي كلا الحالتين هي اللي بتكون كسبانة

    مثال تاني لجنة مفهاش الا 3 او 4 طلاب ولاد وفيه طالبة في لجنة تانية وشايفة ان شعبيتها ضعيفة ومستحيل تعدي مرحلة انتخابات الدفعه بالمنظر ده يبقى اسهل لجنة تحول ليها طبعا هي اللجنة اللي فيها ولاد بس لان المنافسة هتكون شبه محسومة ليها وكده تبقى ضمنت عضوية لجنة وطبعا هيطلع ولد من ال 3 معاها

    طبعا المثالين اللي انا وضحتهم دول وغيرهم قمة القذارة اللي في الانتخابات وبيبقوا دليل على انتخابات غير نزيهة وضعف ثقة في النفس من الطالب اللي بيعمل كده وساعتها مش هنقول ده بسبب الكلية ولا بسبب أمن الدولة ولا لأي سبب من الاسباب لان دي انتخابات طلبة و مفيش اي جهة كان ليها دخل في الانتخابات ومش هنقدر نقول غير ان الطلبة هما اللي فرطوا في حقهم وسمحوا بالموضوع ده انه يحصل وعلشان كده اصبحت انتخابات غير نزيهة

    طيب ازاى لو الموقف ده حصل نوقفه عند حده؟؟

    الحل الاول اننا لما نشوف التصرف ده من اي طالب هنطلب من احد الزملاء المعروف عنهم شعبيتهم الكبيرة ونشاطهم الملحوظ في الدفعه بشرط انه يكون مرشح نفسه في انتخابات الاتحاد انه يجي على نفسه ويحول اللجنة دي هو كمان علشان يكون فيه منافسة شريفة في الانتخابات ونمنع اي تحالفات او منافسات شبه محسومة من الاول

    الحل التاني للمشكلة دي هو اننا نختار الشخص اللي هننتخبه على اساس فكره وبرنامجه الانتخابي ونفصل تماما بين الصحوبية والانتخابات يعني مش علشان الشخص ده صاحبي يبقى انا هنتخبه حتى لو كان غير كفء و علشان منافسه مش صاحبي يبقى مش هنتخبه حتى لو كان كفء


  7. #7
    مشرف الصورة الرمزية dr.dora
    تاريخ التسجيل
    Mar 2009
    الدولة
    مدينة الأخلاااااق وبـس
    العمر
    23
    المشاركات
    7,064
    شكراً
    0
    شكر 0 مرات في 0 مشاركات
    معدل تقييم المستوى
    21

    افتراضي

    والمفروض اعرف ازاي برنامجه الانتخابي؟
    كمان عندي سؤال
    هو ينفع ان حد وهو بقدم ورقه يقول انا عاوز اكون عضو في اللجنة دي مش مقرر؟

  8. #8
    صيدلي رهيب الصورة الرمزية M.Abd El-Maugod
    تاريخ التسجيل
    Nov 2007
    الدولة
    بورسعيد
    العمر
    24
    المشاركات
    702
    شكراً
    0
    شكر 0 مرات في 0 مشاركات
    معدل تقييم المستوى
    10

    افتراضي

    اقتباس المشاركة الأصلية كتبت بواسطة dr.dora مشاهدة المشاركة
    والمفروض اعرف ازاي برنامجه الانتخابي؟

    اعرف برنامجه الانتخابي بناء على الكلمة اللي هيقولها قدام الدفعه كلها قبل الانتخابات والمفروض يكون ليه حرية الاختيار لو عايز يقول كلمة بيقوم يقولها ادام الدفعه كلها ولو مش عايز دي حاجه ترجعله بس هو كده بيفرط في حقه لان ممكن يكون عنده فكر كويس وبرنامج انتخابي كويس بس الناس مش عارفاه يبقى هيختاروه على أي أساس ؟؟؟

    كمان عندي سؤال
    هو ينفع ان حد وهو بقدم ورقه يقول انا عاوز اكون عضو في اللجنة دي مش مقرر؟
    يا دكتورة حضرتك لما بتقدمي الورق مش بتقولي عضوة ولا مقرر ولا اي كلام من ده كل اللي بتعمليه انك بتملي بياناتك في الاستمارة وتكتبي اللجنة اللي ناوية تترشحي فيها لما نبدأ بعد كده في المستوى الاول لو معاكي طالب او طالبة غيرك بس في اللجنة بتنجحي بالتزكية ولو معاكي اكتر من كده بيبقى فيه انتخابات على مستوى الدفعه لو نجحتي في الانتخابات دي بتبقي عضو لجنة بعد كده تدخلي على المستوى التاني اللي هو امناء وامناء مساعدين اللجان ولكي حرية الاختيار لو عايزة تبقي امين او امين مساعد اللجنة بتتكلمي مع اعضاء اللجنة من الفرق التانية وبتعرفيهم ببرنامج الانتخابي وبتعرفي مين اللي نازل قصادك ولو مش عايزة تبقي امين او امين مساعد لجنة بتشوفي المرشحين اللي نازلين امناء وامناء مساعدين وتختاري الافضل منهم

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •